靖 (已結業)

環境4分：高級日本壽司店格局，一排吧檯望住壽司師傅表演，另外有兩張二人枱，感覺上唔會太嘈同埋焗促，可以畀四分。衛生5分：衛生情況當然非常好非常乾淨，有即製濕紙巾同獨立包裝牙籤，畀佢5分。服務5分：夥記有禮貌同耐性，每上一道菜都解釋邊款打邊款，同埋食嘅次序，所以畀五分。味道5分：1)   開頭碟沙律，包括左幾種新鮮蔬菜，食落極之開胃。2)   前菜三點，每款都非常別緻，最鍾意就係隻蜆仔，細細隻但係極鮮味。3)   跟住有刺身六款，每款大致上有兩片至四片。最吸引當然係拖羅，顏色鮮粉，新鮮肥美。最驚奇就係秋刀，估唔到生食都可以咁肥。然後個深海池魚都非常之唔錯。總括嚟講新鮮肥美。4)   然後到一品料理，即係熱食，竟然係鹽燒吞拿魚魚鮫，呢個真係估你唔到。外面吞拿魚皮煎到脆卜卜，但係入面啲魚肉又好淋，非常有魚味。不用點佢提供嘅燒汁都已經有足夠味道，非常之原汁原味，直頭滿分。5)   再跟住就到壽司六件，每件壽司師傅都調好曬醬油味，不用自己再點豉油醬。見到海膽壽司D海膽射曬出嚟，絕無欺場。拖羅輕輕燒一燒表皮，魚油香特別豐富。最驚奇就係隻牡丹蝦壽司，真係鮮甜到無法形容。6)  熱辣辣嘅麵豉湯入面有三

「百里嘉」逼近香港，尋日天文台懸掛三號強風信號，XO仔傍晚開完會後遇上滂沱大雨，所以就即興地約會尖沙咀舞友去食壽司。喺OpenRice上見到附近有間新餐廳「靖」未有人寫喎，二人就決定大膽一試。為安全起見，去前先打咗個電話訂位，點知接線生話壽司吧早已俾人訂哂，只剩一張二人枱，嘻嘻，見新店咁爆就當然更加想盡快去試啦！兩口子為晚市首兩位食客，乘機可襯未有人時四周拍攝。壽司屋面積不大，只有八個高櫈吧位。及兩張二人散枱。據悉，壽司店仍在試業階段，晚市暫只有三款廚師發辦套餐可選，左起分別為「壽司」（$780/位）、「梅」（$1,000/位）、「竹」（$1,200/位）。細佬就揀咗中間價位嗰款「梅」。每人一雙竹筷子已夠享用晚餐。靚女姐姐友善之餘，仲好細心地呈上濕紙巾，服務真係周到。點好菜，哥哥仔先每人送咗客清新醒胃o既牛油果沙律。接著，即由師傅砌到成朵花咁靚o既「前菜三點」接棒。應建議先由高野豆腐食起。高野豆腐質感鬆爽，微甜多汁。小花碟入面嗰啲原來係切成粒粒o既日本林柿。柿粒軟腍清甜，只係配以豆腐醬調味就有少少怪怪地。最後件麵豉醬燒蜆則潤甜中帶少少辣勁，最為惹味。清完前菜隻大圓碟後，即換上長形排列o