影片
泰式海南鸡饭（$44）鸡肉尚算滑，鸡胸位有些少嚡，鸡味就冇乜嘞。黄姜饭得色，同样冇咩味。胜在大大盒，够饱肚。泰式猪肉串烧（$9）唔掂，肉质干噌噌，唔香口，唔热，又细旧，沙嗲酱得丁丁。
继续阅读
凤爪好好味😋 同喺餐厅食既水准一样不过价钱就平好多分量超多 饭量好多 鸡都好多肉质够滑 好味又抵食呢个就普通啲 味道有啲偏甜个人觉得麻麻地 猪扒份量都几多 不过肉质有啲鞋不过都抵食嘅
继续阅读
寻日损友约我开枱，仲话明要争取时间，要买外卖饭盒1路食1路打！ 我入到商场，有很多食店，有茶餐厅、车仔面舖，有外卖饱点和盅头饭，最后我择左1间新开的泰国舖 － 青辣椒。我要帮损友买埋，所以叫左泰式海南鸡饭、青咖喱鸡饭、黄咖喱牛腩饭和猪颈肉米线要冬荫功汤底，另外再加个冬荫功汤。 泰式海南鸡饭 － 我食过好几间，尼间D鸡油饭我最钟意，饭有淡淡的椰香味，好香又不油腻，海南鸡又嫩又滑。 青咖喱鸡饭 － 咖哩有小小辣，里面除左鸡之外还有青豆角和茄子做配菜，好味。 黄咖喱牛腩饭 － 咖喱唔辣，有椰香味，薯仔牛腩两样都炆得好够淋好入味。 猪颈肉米线配冬荫功汤 － 猪颈肉好香好爽口，配冬荫功汤好好食。 泰式冬荫功汤 － 个汤真系好香好香，汤底浓，味道好正宗，材料好多，香茅、南𦍑、柠檬叶⋯等一般冬荫功料外，还有草菇和4只新鲜大虾！好抵食。 损友赞完我买的外卖饭盒好食后，就即时闹我大作战变左大食会。
继续阅读
由于交通关系，经常会去到青衣长发果头，甘就讲下长发街市入面两间泰国小店啦，依家写埋青辣椒（后写呢间小店只代表甘岩系openrice search到另一间先）青辣椒呢间小店主要由泰国人主理，中午时段都好多街坊去帮衬，可堂食或外卖，佢嘅饭类系最受欢迎嘅👍🏻但唔知点解有时店内唔可以安排座位，搞到无得食海南鸡饭（单拼$40；汽水加$5）我上次叫左个海南鸡饭，海南鸡肉十分嫩滑，一点也不粗糙，鸡味颇浓而且份量仲几大份；至于个海南鸡酱，能食得出不同配料的香味，不过，不建议吃太多这个酱汁，因为上次食后要不停饮水，希望佢之后唔会落甘多味精啦；同时，海南鸡饭亦配有姜蓉，食法和酱汁配搭都几贴近泰国粉红色果间海南鸡饭（相信大家都知我讲边间）至于香油饭，每粒都带油光，而且份量多到我食唔晒。不过，价格比另一间贵少少，又唔系成日有得坐，所以并非学生哥嘅首选至于服务态度，等我列举一例，等大家自己分析下佢嘅态度啦：上次堂食，我坐左OK耐去思考下食乜，而侍应姐姐又好好笑容甘问左几次想食乜；甘话明系小店，service一定无去餐厅食甘好，客人要自己食完后将垃圾掉去垃圾筒，但上次食后之后，姐姐都有帮我掉垃圾
继续阅读