青辣椒 (已結業)

尋日損友約我開枱，仲話明要爭取時間，要買外賣飯盒1路食1路打！ 我入到商場，有很多食店，有茶餐廳、車仔麵舖，有外賣飽點和盅頭飯，最後我擇左1間新開的泰國舖 － 青辣椒。我要幫損友買埋，所以叫左泰式海南雞飯、青咖喱雞飯、黃咖喱牛腩飯和豬頸肉米線要冬蔭功湯底，另外再加個冬蔭功湯。 泰式海南雞飯 － 我食過好幾間，尼間D雞油飯我最鍾意，飯有淡淡的椰香味，好香又不油膩，海南雞又嫩又滑。 青咖喱雞飯 － 咖哩有小小辣，裏面除左雞之外還有青豆角和茄子做配菜，好味。 黃咖喱牛腩飯 － 咖喱唔辣，有椰香味，薯仔牛腩兩樣都炆得好夠淋好入味。 豬頸肉米線配冬蔭功湯 － 豬頸肉好香好爽口，配冬蔭功湯好好食。 泰式冬蔭功湯 － 個湯真係好香好香，湯底濃，味道好正宗，材料好多，香茅、南𦍑、檸檬葉⋯等一般冬蔭功料外，還有草菇和4隻新鮮大蝦！好抵食。 損友讚完我買的外賣飯盒好食後，就即時鬧我大作戰變左大食會。