青森二丁目 (已結業)

臨近小弟生日，屋企人要同我慶祝一下於是係生日前求求其其搵左一間我一直好鐘意嘅日本餐廳食個晚飯平時我都只會係到食lunch. 未試過晚餐係點咁都好，我可以來食下睇下晚餐質素有冇唔同黎到青森二丁目，當然要至少叫一客長長嘅三文魚壽司!長長三文魚壽司只需$30真係有成隻手咁長而且算係肥美，入口融化!如果佢厚身啲實仲好食啦因為屋企人唔食魚生，所以就冇再見魚生啦今次叫左天婦羅呢個有驚喜估唔到炸得岩岩好，又唔過火最重要蝦好爽口，好鮮甜配埋酸酸地嘅醬汁覺得好好味另外再叫左一個拉面同鐵鍋飯拉面不過不失啦，同平時個啲都冇咩大分別不過有樣失望就係鐵鍋滑蛋吉列雞排飯炸雞排其實好好食，炸物做得幾好但個飯底真係太乾身滑蛋唔夠多 ，又冇醬汁配合好似乾吞白飯不過我仍然會再黎青森食野因為佢仍然係其他野食幾出色最多唔再叫鐵鍋飯

大大話話食過青森都好多次，今次唯一有點失望，覺得無以前甘好食了日式燒茄子上面好多木魚絲，唔知係味太多醬油，甜到不得了🤦🏻‍♀️本身茄子已有甜味，佢過份甜，所以麻麻地雞軟骨串加左黑胡椒，辣辣地，但個人覺得有點咸，都係鐘意食乜都無加既雞軟骨多d日式芝士豆腐嘩，呢個太邪惡了，好重芝士同忌廉味，炸完再淋芝士上去，外脆內軟，但可惜無乜味饅魚炒飯以前好食d，而家太甜唔岩食，無甘甜的話就好食了玉子壽司睇食評d人話好食先叫，同出面食開既完全唔同味，但🤦🏻‍♀️同甜蛋糕味道一模一樣，即係食緊馬拉糕味既蛋加壽司，係特別，但太甜，成件事覺得奇怪肥牛野菜鍋無以前好食，今次好肥，粉絲亦都少左海鮮拉麵終於都有個係咸味的了，但味道太普通，無咩好講😂最鐘意食呢度三文魚壽司、海饅壽司、蟹子沙律，今次有點失望而回了

星期六一行6人7點去到青森（二丁目），可能時候尚早，等左1分鐘就有位了……服務員安排我們坐梳化位置，本來很高興，但一坐下，便發覺梳化很硬，其實坐得唔太舒服……叫左好幾樣有蟹籽既餸菜，但實在太多蟹籽……食飽仲有芒果雪米糯做甜品，但如果可以有其他口味會更好

讀書時期有同學仔住新界以北嘅上水 個陣時去佢屋企前一定會去「青森」食個high tea估唔到今日重遊舊地 「青森」已經搬遷 成為而家嘅「青森二丁目」「青森二丁目」環境寬敞左 裝潢時尚左 但地理位置卻比以前難找得多了以前係大馬路邊 而家係內街 如果唔係地頭蟲朋友仔帶路 我一定要搵好耐路睇下餐牌有咩食先 一望令人懷念！同以前一樣用雙面印刷order紙長又長嘅特長三文魚壽司必點是常識吧 另外點左兩件鰻魚壽司三文魚壽司$10一件咁抵食 不過用嘅卻唔係cheap貨三文魚雖然用嘅係較瘦嘅位置 但魚嘅紋理和油脂分佈平均 食上去有滿口嘅新鮮而且賣點係超級長！ 豬小姐嘅食法係將三文魚一分為二 咁就同時有壽司同刺身嘅配撘出現啦為何不一口吃下去呢？豈不是更滿足嗎？但豬小姐就是這麼的古靈精怪 呵呵！鰻魚壽司則屬正常貨色 但鰻魚都算大塊鮮美火龍卷亦係我兒時經常order嘅！其實佢姐係蟹籽炸蝦卷 一連八舊熱辣辣炸蝦配上米飯 新鮮爽脆 配上量多爆發嘅蟹籽 真的不錯啊炸軟殼蟹天婦羅size適中 炸至金黃 炸粉薄脆嘅佢地 一啲都唔油膩配上酸酸的醬汁 係個好可口嘅小吃芝士焗蠔飯係朋友仔介紹嘅！ 品嚐後亦覺得ok喎焗至微焦

其實一直都好鐘意食青森, 一黎覺得佢平, 二黎覺得要支持小店我就淨係食左蟹子軍艦,蟹子份量相當多,而且飯GE酸度岩岩好, 正, 一客蟹子軍艦都只係唔知$30定$32, 唔記得實價,抵食另外,媽媽熱愛食軟殼蟹, 所以每次黎都一定會叫牛油果軟殼蟹卷, 炸GE軟殼蟹脆口, 炸粉唔厚, 加上有蟹同蟹子GE味道, 相當好食而另一樣每次都一定會叫GE就係三文魚壽司, $30一客, 星期一至五都係一客3件, 所以我地叫3客就有9件三文魚又厚又長, 鍾意食三文魚GE我簡直係超鐘意, 加上有部份係近魚肚, 勁多脂肪, 好食最後都仲叫左個滑蛋雞扒飯, D蛋的確好滑

😋😋估唔到上水都有，好味道既日式料理餐廳，款式都算多，刺身、壽司，禍物，串燒、拉面同反乜都有，味道重吾錯添，招呼又好，價錢合理，真係無揀錯呀👍🏻👍🏻

表弟妹都系8月生日，一次過食飯@小朋友鍾意食sushi😁日本餐廳周圍都係，表弟推介去青森。而且餐廳開了櫻花係Pokemon Go😂😂就一於去會一會。我地叫左個$468 四人前套餐，唔記得影餐牌添xd，總共有一份沙律前菜，刺身，炸物，炒飯，小食。套餐裡面可以揀六件壽司，不過吾包括鰻魚，三文魚子壽司全部都大大件，特別帶子同玉子，抵食表妹揀曬玉子黎食三文魚刺身係指定既，夠曬長同新鮮未來得切影相，已經被KO了兩件。第三樣就系軟殼蟹天婦羅，唔記得另外兩個選項呢個就普通炸物味道。跟住我地揀左焗蠔醬料剛好，不會太膩。傳說中的火龍卷，表妹最愛真係幾神似@@她KO左半條龍。第一次食到無腥味的三文魚炒飯，燒茄子，賣相吸引，不過我覺得d 汁太濃味，要減一半汁先食到。總括來說，呢餐飯比我感覺幾好。食物好味之餘，服務都唔錯。員工態度好，又勤力fill 茶。連十歲小朋友都開口讚話：哥哥周不時過來加水，都幾好

中學時代經常食青森！今日有機會去上水一家要回味一下！超鐘意依個超長長長既三文魚咁多年都保持到水準三文魚唔只係長，質素都唔差！三文魚肉質厚身，魚肉肥美而且好新鮮頭台部分先享受食三文魚壽司既快樂後半部享受肥美三文魚刺身真係好回味！

青森二丁目今晚到了上水吃晚飯，看了openrice，見此店蠻不錯，所以試一試，結果無令我失望~今晚點了一個燒三文魚頭: 賣相及味道唔錯，很好味，魚頭開邊燒，皮脆肉滑，很讚既燒物。劍魚腩壽司拼盤: 新鮮同厚切，魚生好味，但飯就有D散。吉列滑蛋豬排飯:這個一般，豬排有D鞋，成個飯好似冇咩味咁~日式海鮮燒餅:大量木魚絲，咬落味道似墨魚餅，吃不出其他海鮮味，不過外層燒得脆脆的，還可以。雖然服務一般，但亦不算差，價錢大眾化，沒什麼好挑剔。

係附近打完波, 女朋友又鐘意食日本野~ 見青森唔洗等位, 就去試一試~ 終於見識到6吋長的三文魚壽司, 真係食佢底過食刺身, 啖啖肉 蟹子沙律真係鋪滿蟹子~ 蟹籽夠新鮮，每粒都好有咬口~ 只係沙律醬太多, 會出水~牛油抄雜菌~ 有D 失望, 冇牛油味~ 好在雜菌都算新鮮!原條海鰻~ 好長而且真係抵食~ 熱熱地~ 仲有好多鰻魚汁~ 的確唔錯!!最后食個火龍卷~ 呢個卷物好好食, 用充料, 而且有8件, 食完即刻飽晒~ 好滿足!

生日正日食返最鍾意食嘅日本料理青森呢間野勝在係細舖仔，我特別喜歡光顧細舖食品款式都算多青森最出名係長尾三文魚，亦係吸引我嘅地方第1次叫左3客，星期一至四每一客有3件，星期五六日就一客兩件第一轉叫嘅三文魚比較爽口，橙色嘅地方比較透而下面舊飯握得夠實，唔易散第2次叫嘅三文魚脂肪較多，變得唔爽口，但口感好厚肉呢個亦係我嘅至愛軟殼蟹配上薄薄嘅牛油果片，兩種味道相當夾

三文魚頭煲 ⭐️⭐️⭐️⭐️ 將三文魚頭煎左之後 擺入煲中同蔬菜一齊熬煮 帶出左魚同青菜架鮮甜 味道都唔錯❤️蝦蝦卷物⭐️⭐️⭐️⭐️ 炸蝦上有一層厚厚架魚籽 將卷物擺入口 炸蝦脆脆架口感同魚子融合一齊 味道真係唔錯芝士🐷扒石鍋飯⭐️⭐️⭐️⭐️ 先將D豬扒夾起 再加D豉油入飯到撈勻 確保啖啖都有醬汁 再同吉列豬扒送飯 ❤️

繼續同朋友搵上水好食處。 蟹籽芒果沙律好足蟹籽都好新鮮，咬落去卜卜聲正正子。芒果熟到有少少爛，不過夠甜。但係沙律菜同沙律醬比例唔平均，太多沙律醬破壞晒整體，淨係食到沙律醬味 三文魚刺身唔夠新鮮，口感有D霉霉地，都無晒三文魚鮮味⋯ 帶子刺身同樣唔夠新鮮，不過比起三文魚刺身要鮮甜少少。 黃金魷魚軍艦，好咸。咸到咬一啖之後唔想呑落肚，但魷魚本身夠新鮮既，有嚼勁。海膽軍艦，幾新鮮都唔會太乾身，而且份量足，算唔錯。 牛肉粒⋯好咸好難咬。我同朋友各食左一粒之後就無再食過⋯⋯整體黎講係可一不可再⋯

中學同學聚舊，簡左上水嘅青森二丁目，水準同一年前保持到。今次叫左成10樣野都有，同大家介紹下比較抵食同特別嘅野啦。三文魚壽司係最令人深刻。每一件嘅三文魚都唔會孤寒，長到可以卷住黎食，而且都非常新鮮，厚度適中，絕對係不二之選。另外，牛油帶子都好食。用鐵板燒送上熱騰騰嘅帶子，一碟都有成6粒，而且粒粒都幾大，唔係你係放題食果啲的骰帶子。帶子非常入味，但你就預左唔會食到鮮味。燒汁魷魚都要比個like，魷魚煮得唔韌唔老係最重要要素。而且魷魚size都唔細，我地5個人每人都分到幾舊。燒汁好入味，唔會過咸拿捏得好好。炸年糕都可取，唔會濟，令到人仲想食下一舊嘅意慾，唔係間間都可以做到。炸粉唔多，幾香口，略嫌一碟分量較少。其他黎講蟹子沙律好大碗，雖然味道同出面分別唔大，但蟹子數量都頗多，食到成嘴都係。芝士焗蠔飯，芝士扇貝同炸多春魚就稍為遜色，平平庸庸。整體黎講青森真係聚餐嘅一個好選擇，呢個價錢黎講算係中上嘅食物素質。

由於星期日中午又落雨,諗試下青森啦,因為佢搬鋪後都冇食過啦,點知就中伏我地叫左吉列雞扒丼,同地獄拉麵首先吉列雞扒丼極鹹,D雞扒唔脆都唔緊要啦,但都唔好咁鹹啦,肯定係落咗勁多豉油,所以咁鹹然後我叫果碗地獄拉麵來啦嘩,一上檯我就有唔好嘅預感點解碗拉面會有半條小棠菜,而且個賣相都唔掂我食咗一啖小棠菜,同埋小小拉麵,果然中伏D麵同個湯勁大鹼水味,又唔好飲,好X難食成碗拉麵得塊叉燒係味道正常D結果我食左1/4真係頂唔順,而老公吉列雞扒丼食咗3/4太鹹頂唔順我地都唔鍾意浪費食物,但真係太難食啦,可以永久black list簡直係貼錢買難受,慘過食M記同味X拉麵,以後食拉麵都係去返山X拉麵都唔知點解而家上水好多間鋪愈來愈難食