青森二丁目 (已結業)

放工同老公食飯, 好好彩7:40pm去到都唔駛排隊就有位。三文魚同帶子壽司都好好味大大件又無雪味, 每檯必叫。另外三文魚海膽卷都ok, 只係海膽味唔夠突出同鮮甜, 壽司飯有d糊左感覺冬菇串一般, 燒得乾身又無乜菇香味另外個薄燒牛肉一D都唔好食, 一初以為係薄薄一件攤開燒好, 估唔到係卷埋一舊, 仲要裡面有好多炸蒜, 超重口味同極鹹牛肉鍋不過不失, 比街外牛肉鍋淡味, 亦無雞蛋喺面有d失望囉！原先打算叫芒果蟹籽沙律, 但佢無芒果, 唯有淨叫蟹籽沙律超大碗, 2個人食都食唔晒, 味道ok軟殼蟹天婦羅麻麻好食, 不食也罷, 首先炸得唔夠香口, 其次個天婦羅汁好鹹餃子烏冬 : 基本上得碗烏冬好食同正常果3隻餃子超難食, 皮厚餡鹹, 早知叫淨烏冬好過最後免費送左2粒綠茶雪米糍, 難食, 好似食緊粉團咁, 無綠茶味2人埋單總共$467

上水日本嘢嘅選擇唔算多就同埋開來開去都係喺舊墟，咁呢間都算係平價又高質嘅選擇 ！呢度有得嗌set有得散嗌，其實set嘅價錢都平嘅，但係唔係樣樣野都符合大家口味，所以今次就決定咗散嗌。ordered芝士焗蠔清酒煮蜆特長三文魚壽司三文魚炸蝦卷火龍卷芒果孩子沙律芝士焗好焗飯吉列豬扒拉麵全部都好好味，可能蠔會失色少少，因為蠔既鮮味唔夠突出，但係有三文魚嘅食物都好出色，因為魚香油香到好豐富！總括依然的性價比都高嘅，各位如果有咩節日或者想食好啲都推薦佢嘅。

青森都唔錯啦，勝在夠抵食，店員都好忙但都好有禮貌既，同行既爸爸想飲酒，可惜青森冇酒賣，所以只能去隔離買枝清酒，店員仲主動比清酒杯我地。呢間街坊價，抵食又大份個種。必點既蟹子沙律，蟹子放得都幾多下。食落覺得個調味唔同其他鋪頭調出嚟個味，所以自己係好推薦呢個蟹子沙律嘅。另外，三文魚刺身都好肥美同新鮮啦粉唔算厚 不過不失的炸蝦天婦羅鰻魚壽司勁長，飯係手握既所以唔會散收收

Lunch想食返餐日本野，見青森既餐牌有定食又有拉面，價錢都合理，就一於入去食返餐，睇下好唔好味～～定食我就order左一個刺身定食，跟餐有個中華沙律，開胃菜，另有九款食物：包括三文魚、甘蝦、立魚、北寄貝、劍腩、玉子、墨魚、蟹柳同蟹子！跟白飯就唔使另加錢～其實刺身既新鮮程度都真係一般般，但又無咩大伏既～另外一個套餐就揀左芝士豬扒拉面，呢個芝士豬扒炸得唔錯，外皮酥脆，內有流心芝士，套餐跟蟹籽沙律同兩片三文魚刺身～

上水得幾間日本壽司店好食，而青森就是其中一間。因為青森就在樓下附近，所以星期六日，有空的時間都會邀請家人一起去吃。我們最喜歡點三文魚壽司，因為一碟會有三件長長的三文魚很抵食。

製作時間太長，等得太耐， 而且三文魚壽司上面的三文魚太薄（30元2件不值），這個技術實在太超乎常人刀功，薄到見到碟既顏色，白飯一夾就散，失望。 三文魚炒飯味道完全沒有味道，好似冇加過調味料 ，完成失望！！海鮮拉麵勉強食得入口， 想像中失望但太少材料比想像中失望 。環境太擠迫了，要同人答台，旁邊的人還超大聲說話，也許是我不幸運。火焰芝士鰻魚壽司十三元一件， 比想像中細件很多。下次不會再來了。唯一優點是午市不用加一。

製作時間太長，等得太耐， 而且三文魚壽司上面的三文魚太薄（30元2件不值），這個技術實在太超乎常人刀功，薄到見到碟既顏色，白飯一夾就散，失望。 三文魚炒飯味道完全沒有味道，好似冇加過調味料 ，完成失望！！海鮮拉麵勉強食得入口， 想像中失望但太少材料比想像中失望 。環境太擠迫了，要同人答台，旁邊的人還超大聲說話，也許是我不幸運。火焰芝士鰻魚壽司十三元一件， 比想像中細件很多。下次不會再來了。唯一優點是午市不用加一。

—天婦羅炸蝦飯($40)寫明有2隻蝦 3款蔬菜可以跟麵豉湯 或者提子汁/蜜桃汁粉漿都薄嘅 隔咗陣食都仲係好熱好脆蕃薯片 茄子 紅蘿蔔片本身以為係南瓜 第一次食係炸紅蘿蔔蘸個汁 唔係加蘿蔔蓉 而係生薑絲白飯並唔係粒粒分明個種 腍咗d可以畀d飯素 或者汁去撈飯 而家有d寡麵豉湯有用木魚片?!去煲40蚊冇加一 有咁嘅質素已經滿意><><><><><><><><><><><><><><青森二丁目 Aomori Ryouri上水新祥街6號地下

今次呢間餐廳~~~在上水，做街坊生意既日本餐廳~~~🎄本來阿魚對佢既期望唔高，不過估唔到係咁...🎄阿魚同朋友叫左3個菜式！🐟💬：(1)三文魚軟殼蟹卷物($60/4件) 三文魚軟殼蟹卷物($60/4件) 🎅🏻軟殼蟹係暖的...唔係即刻整...有d失望....🎅🏻三文魚都有點厚，整體還可以🎅🏻(2)西京燒銀雪魚飯 ($98) 西京燒銀雪魚飯 ($98) 🎅🏻呢個要讚!!西京燒銀雪魚，入口即溶，好味!!!但太少了 - -🎅🏻呢個價錢，竟然咁細碟，真係sosad...不過真係好味既!!🎅🏻(3)燒鯖魚($58) 燒鯖魚($58) 🎅🏻驚喜!!!因為係即整的!!!魚肉好嫩滑!!皮好脆!!!不過要快D食，因為一凍左就唔好食了...🎅🏻🐟📝：6/10😡💢🗯：食物唔係差...但侍應態度真係麻麻地...不停想我地賣單...但我地係有叫野食...亦都只係坐左一個鐘多D...在場重有2枱客....點解要咁？同場重要好多烏蠅飛來飛去....真係有待改善....🎅🏻🍽🐟📝📌青森二丁目📍地址:上水新祥街6號地下(港鐵上水站 A4 出口, 步行約6分鐘)📞電話:26711686⏳營業時間⏱:星期一至五 11

出第一份糧就係要請屋企食飯近日屋企人鍾意食日本野口味成日變就決定落街搵野食當然係上水青森已經好悠久！叫左個4人餐好多選項㗎蟹子沙拉好多蟹子好好味燒厚切玉子簡直係完美仲有蟹子壽司都佈滿 滿滿嘅蟹子另外三文魚大大舊唔吝嗇，仲要又滑肥又滑，入口即溶火龍卷亦係我至愛，咁多年都keep 住質素炸軟殼蟹比較細份左啲 ，企唔油膩，而且香口好食燒茄子都一流仲有鰻魚炒飯同扇貝最後老豆鍾意食拉麵，再叫多個炸芝士豬排拉麵佢咁嫌三嫌四都話好食我都幾高興

工作中午餐，去到呢度門口剛好有泊車位，店員招呼入座，比咗大卡位我哋，地方大桌椅唔迫，除門面日式外，店內似西餐廳格局，本來唸住星期日無套餐，估唔到有假日套餐，價錢抵食！一人叫一個！壽司定食（$62）三文魚小卷、三文魚、北寄貝、蟹籽軍艦、蟹籽沙律手卷、八爪魚、墨魚，好大份，女仔未必食得晒，手卷紫菜脆，生菜爽脆，撈過沙律醬，酸酸地開胃，好多蟹籽卜卜脆（幾大粒新鮮）三文魚好長好大條，厚切嫩滑，油脂線幾粗幾肥美，好味，蟹籽軍艦卜卜脆，鹹香好味，三文魚小卷芝麻香，三文魚嫩，好味，八爪魚、北寄貝、墨魚正常，係蟹柳比較差，一咬就唧水出來！味道又普道，好飽呀～～～中華沙律：海草彈牙芝麻香！好味蜜桃茶：即沖開得太淡（我無叫少甜）好在桃味唔算太假，套餐唔使加錢都ok芥末胡麻冷烏冬（$62）蟹籽沙律：三文魚小卷：三文魚炒飯（$52）蟹籽沙律：三文魚刺身：麵豉湯：食物好味，店員們有禮，出入打招呼！上菜收碟勤快！假日超抵食午餐

同朋友約出黎聚會，經過多重波折既討論，終於決定去上水既「二丁目」食日本野。-相比起放題，呢間野價錢都唔算太貴，初頭以為會唔飽，點知個個眼闊肚窄，叫到成枱都係野食，最後食到反肚。-饅魚壽司饅魚好厚好大塊，一流-天婦羅粉唔會太厚，好脆，香口-海鮮餅好厚，粉太多，啖啖都係粉，味道唔多好食-蝦卷（唔記得佢個名）蝦炸得好脆，上面鋪滿蟹籽，相當唔錯-饅魚炒飯饅魚既份量適中，炒得幾好，唔會太油。-牛油果炸蝦卷牛油果有兩大塊，如果厚d就更好啦❗️一樣好多蟹籽，蝦味好出，反而食唔出牛油果味

又係我呢個宅男點評午飯.今次叫新祥街青森, 事緣見鄰居盛讚佢好味又抵食, 但佢食牛我唔食, 同埋間野好少熱飲, 所以好耐都無去試.那日決定試下, 一般頹飯40蚊, 中伏都係40, 咪試下囉, 但飲咖啡要加錢架好, 唔食牛食豚, 豚肉生薑燒, 打電話落柯打, 跟個唔洗加錢既提子汁, 佢叫客約15分鐘到去.我10分鐘就去啦, 呢D定食都係煮定啦. 去到真係已包好.返到屋企, 飯就開始有少少凍, 唉, 乜佢地咁穩陣, 要客15分鐘???呢D基本野, 味道係OK, 點都好過吉野家個豚肉, 吉仔味道好甜, 呢度就主要由洋蔥帶出, 再加少少芝麻, 有少少誠意.＿飯都幾大, 樣係珍珠米式,  杯提子汁就唔洗提, 只係糖水, 膠膠地既糖水.整體黎講, 40蚊係一個安全食法, 但外賣42又好似上水公價一樣. 不過無左杯咖啡茶飯, 42就貴左一丁丁.講到尾, 呢種食法我唔會太中意, 試過就算.

新年去上水拜年~唔想煮飯，出上水覓食親友介紹呢間日本料理，聽聞幾抵食鋪面望落都算細~我地7個人，入座安排6人卡位再加一張凳點餐紙上都有好多選擇有壽司，刺身，小食，鍋物，拉麵等等呢度嘅壽司確實幾矚目三文魚壽司見魚唔見飯…一上枱我就呆左30蚊兩件好抵食其他壽司都係材料多過飯，味道仲好不錯!炸蝦卷上枱時還要暖的，加上蟹籽入口鬆脆除左壽司~仲有其他小食都冇令人失望味道好~份量足價錢亦好公道~相比起出面大集團，我會更支持這些小店有機會必會再來！

呢間舖頭已經食過幾次😁 每次都一定要叫水蜜桃或者芒果蟹子沙律，份量好足，而且都只係4x蚊，唔太貴😌 呢間舖頭啲壽司，刺身都好新鮮，而且好足料呀😻 黃金魷魚同三文魚軟殼蟹卷值得一試，軟殼蟹放耐左都仲好脆口😎黃金魷魚好爽口同份量勁多🤤 每次都要一啖擺落口先安樂🤤🤤整體嚟講，全部都好ok，唯獨今次叫左個太卷就有小小失望，肉鬆太甜🤢所以個感覺唔太良好.. 不過食過咁多次其他食物都好ok...🙂 可以值得大家一試😀