青年大邦

营业中

休息中

最近睇韓劇, 成日見到劇入面d韓國野食好似炒年糕、炸雞、魚糕湯就好想去韓國啦, 原來韓國人氣年糕鍋餐廳一青年大邞最近登陸左沙田新城市, 今晚就約埋幾位朋友仔去止一止條癮!!!一行四人叫左超多野食, 全部都份量足好好食!!✨️香辣牛油香蒜炸粟米粒第一次食咁脆卜卜嘅粟米粒, 加入香辣牛油香蒜醬汁, 甜甜辣辣好惹味, 佐酒一流!✨️熱狗媽媽大邦太卷太卷有幾個口味, 我地就揀左熱狗媽媽大邦太卷超足料, 口感好豐富✨️煙燻蜂蜜芥末雞一上枱就嚇親, 超大份!!!使用低溫慢煮烤雞, 肉質嫩滑多汁, 下層佈滿一片片薯片, 超脆口, 沾左蜂蜜芥末醬超好食✨️海陸年糕鍋話明最主打年糕鍋, 當然要叫番個啦, 個鍋大到嚇親, 配料佈滿整個鍋, 有牛腸、牛肋肉、鮮蝦, 大葱及炸蒜片, 撥開上層食材就會見到年糕、魚糕同拉麵, 35cm超長年糕, 好似豬腸粉咁長, 煙韌軟糯!!✨️韓醬五花肉釜飯釜飯會跟埋熱湯同泡菜一齊上枱, 有instructions可以跟住食, 將所有材料攪拌後飯再包海苔同食, 入面仲有微焦鍋巴, 脆卜卜幾好食, 我自己就中意加熱湯一齊食✨️魚糕湯食左咁多野最中意就係飲熱辣辣嘅湯, 加埋一串串嘅魚糕, 真係

[ 青年大邦 ]最近留意到韓國🇰🇷呢間人氣辣炒年糕店嚟咗香港開鋪！招牌菜係35cm超長年糕鍋，配料可以自由搭配。另外有釜飯、飯卷等韓式地道菜，中意食韓國菜可以一試！✿ 炸雞芝士瀑布年糕鍋 $293 🥘年糕鍋有2人份量，以煙韌彈牙嘅35cm超長年糕為主打，徹底顛覆傳統年糕食法😳！湯底有六款醬汁選擇，包括經典香辣「YDB招牌醬」，仲有香港限定粟米忌廉醬、卡邦尼醬。年糕鍋份量十足，配料豐富，有無骨炸雞、馬蘇里拉芝士、炸餃子、鵪鶉蛋、魚糕、白椰菜、大蔥、拉麵。無骨炸雞外皮金黃酥脆， 內裡嫩滑多汁，芝士份量超多，配炸雞、年糕、拉麵好味道😋。✿ 炸雞媽碼大邦太卷 $98呢度嘅飯卷比一般更大，餡料豐富有炸雞柳、蛋絲、紅蘿蔔、牛蒡、醃黃瓜等，少油較健康。飲品✿ 芒果熱情果冰茶 $58/杯✿ 蜜桃青檸冰茶 $58/杯有冰茶特飲、咖啡、酒精飲品等選擇。總結🫦 招牌年糕鍋嘅35cm超長年糕好有特色，配料豐富，中意食韓國菜嘅朋友不妨一試！✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿青年大邦 地址：沙田沙田正街18-19號新城市廣場一期1樓103A號舖電話：2110 8801✿✿✿✿✿✿✿✿✿✿✿✿✿✿

新城市近排開左好多新餐廳，一人一鍋都未食🥲隔離就開左間韓國菜，特登睇完戲4點就黎食，好彩唔使等位兩個人叫左個年糕鍋，炸雞芝士年糕鍋，2,3人份有炸雞，芝士，炸餃子，鵪鶉蛋，魚糕，拉麵，長年糕其實係想食長條年糕所以黎🤩年糕口感都不錯，幾得意味道揀左韓式辣醬，甜甜辣辣都惹味唔食辣可以揀卡邦尼，不過我驚太漏雖然話2,3人份，但份量我覺得幾少，二人食完都唔太飽年糕得4條，餃子得兩隻，比想像中份量細以接近300蚊黎講定價係幾高，唔怪得好多人睇完menu就走🫣🫣

酥炸魷魚皇年糕鍋🇰🇷 $288沙田新城市新開韓國人氣年糕鍋 有35cm咁長既超長年糕🥹主菜有魷魚皇或炸雞等選擇 索左湯汁半脆半淋幾邪惡！ 配菜亦相當豐富 包括炸餃子 鵪鶉蛋 魚糕 椰菜 大蔥 拉麵 吸收曬經典辣醬已經夠曬重口味🌶食呢d鍋識食一定最後加個飯落去炒飯！ 本身都有諗過加佢個飛魚籽紫菜炒飯落去 不過眼闊肚窄 食完咁多年糕同釜飯都好飽🫠🍲牛五花釜飯 $158幾惹味既韓式釜飯 將日本生蛋黃撈勻 啖啖米飯都吸收左牛肉 香菇 青蔥 麻油香 鹹鹹甜甜幾開胃 牛肉亦都唔會韌 有唔同食法 可以紫菜包飯食 剩低既飯仲可以加入高湯做茶漬飯🍹濟洲蜜柑梳打 $58味道岩岩好 唔會太酸太甜

沙田超人氣韓國菜！其實網上圖片（尤其OpenRice）有啲照騙感覺，啲嘢食實物靚好多吸引好多🤣🤣🤣。✨煙燻牛五花年糕鍋$278我哋揀咗YDB 招牌醬，係甜甜辣辣嘅韓式辣醬味道，令人越食越開胃。牛五花有醃過有烤過，係經典有加入水果嘅韓式烤肉醬甜味。仲有超長條年糕！本身諗住係部隊鍋嗰種即食麵湯粉嘅味道，冇諗過會咁好食，醬汁同食材好夾。兩個人都食得晒咁大鍋。✨海鮮煎餅$168香港超少有嘅脆邊海鮮煎餅。料多過麵漿，啖啖都好滿足。調味本身比較輕手（正宗嘅都係咁😆），但配汁食啱啱好。同埋我鍾意佢唔會太油膩。好少有兩個人食晒成個煎餅。

青年大邦沙田開業這間韓國年糕鍋連鎖店全球都好多分店超過四百間分店我終於可以瘋狂食韓國菜炸雞芝士瀑布年糕鍋金黃酥脆的炸雞，瀑布的芝士，芝士控的最愛配料非常豐富，有魚糕、鵪鶉蛋、炸餃子、拉麵醬汁和辛辣程度都可以自由選擇牛肋骨雪濃湯牛肉及牛骨份量極多，每一口都喝得到滿滿醇厚鮮甜的味道配上珍珠飯，香氣四溢餐廳適合一大群朋友前來 ，地方舒適，食物好高質素的韓式美食青年大邦沙田沙田正街18-19號新城市廣場一期1樓103A號舖

暑假成日出街飲飲食食～嚟到沙田一定要食呢間韓國餐廳！青年大邦主打韓國年糕部隊鍋，其他經典韓國料理都好出色～一入到去座位闊落舒適！最入邊落地玻璃對住沙田巴士總站～餐廳有提供嬰兒餐具💕好貼心👍小朋友又食得好開心😍美食⭐️⭐️⭐️⭐️⭐️🩵Seafood Pancakes 海鮮煎餅👍煎餅上面有蝦仁等海鮮，經過煎製後釋放出天然的鮮味，加上大量蔥香提味！大量的蔥和韭菜煎至微焦後，散發出濃鬱的香氣，增添清新感。煎餅外酥裡軟😍煎餅邊緣酥脆，內部保持柔軟濕潤。可以蘸韓式醋醬油一齊食，會帶來微酸微甜的清爽咩咩😋解膩又開胃。🩵Honey Garlic Chicken 蜜糖蒜香雞👍雞肉嫩滑😍雞腿肉保持多汁，外酥裡嫩！雞肉煎到外皮金黃焦脆，蜜糖醬汁使其略帶黏稠的蜜汁質感。蜜糖的香甜帶來柔和的甜味，裏在雞肉表面形成微微焦糖化的光澤和風味。爆炸的蒜香大量蒜末炒香後，香氣滲透進雞肉每一絲纖維，煎製後蒜粒變得金黃酥脆，咀嚼時釋放濃鬱蒜味😋🩵MEGA Hotdog Gimbap 熱狗媽媽大邦太卷📍 青年大邦沙田沙田正街18-19號新城市廣場一期1樓103A號舖

去韓國旅行一定會食年糕鍋，原來沙田都開咗間韓國年糕鍋，呢間係韓國人喺香港開嘅年糕店，唔使諗即刻去試吓。酥炸魷魚皇年糕鍋個鍋有一隻原隻炸魷魚，魷魚size都幾大隻，炸到好鬆脆，魷魚都爽口彈牙，仲有炸餃子，鶴鶉蛋 ，魚糕，大蔥 ，拉麵等配料，仲有長長嘅年糕，食落好煙韌，吸晒d醬汁味，好味，同喺韓國食嘅味道一樣。海鮮煎餅個煎餅煎得好香脆，食落脆卜卜，有大量蔥同蔬菜，蔥好香口，感覺好健康，仲有大蝦，魷魚，都幾足料。

本來我都唔太care服務，但係今次真係太多甩漏，原來真係會好影響用餐體驗…今次已經係平日嘅非繁忙時段去食，但係d侍應成日都唔見人…食物嘅話，年糕好食，rose偏甜，份量偏少尤其係追加嘅toppings真係有d貴又細份仲要已經凍咗…講服務嘅話本身侍應有重複單並確認係啱，點知黎錯野飲，諗住反正一樣價錢就算，費事要再整過就無特別講…叫蝦球但係黎錯兩條瘦弱嘅炸蝦，今次就有同佢講返，佢就拎走返兩條「天婦羅」蝦話再上。到最後埋單好彩有check單，原來飲品係黎錯（都係$58），但係佢竟然無取消到嗰兩條蝦：0）（嗰兩條蝦貴過蝦球）所以又要同另一個侍應講返…好麻煩本身問題唔大但係太多小甩漏，搞到體現變差…所以結論就係根據食物質素價錢同服務等因素，無咩特別應該唔會再光顧

係韓國好出名既青年大邦終於係香港開分店喇!!知道之後就即刻約埋朋友一齊去食丫 最想就係試佢好出名既35cm超長年糕, 年糕控表示好興奮呢!!!餐廳環境都幾大架, 地方都闊落, 唔算坐得迫~~最正係一路食一路聽住K POP, 感覺好似身處韓國咁丫餐廳有超多韓式食品~ 選擇好豐富, 全部都好吸引丫!!炸雞媽媽大邦太卷 $98超大粒既韓式手卷飯呀!!!飯卷入面包住好多餡料, 有炸雞柳, 蛋絲, 紅蘿蔔, 牛蒡, 醃黃瓜等等.....堅係配料仲多過飯呢而每款配料都層次分明, 口感豐富~沾埋蜂蜜芥末醬食味道更突出煙燻牛五花年糕鍋 $278終於到我超期待既年糕鍋喇!!! 有6款獨特醬汁作湯底, 而我就揀左韓式炸醬味~~大鍋入面有牛五花肉, 炸餃子, 鵪鶉蛋, 魚糕, 白椰菜, 大蔥, 拉麵 & 年糕~~~35cm超長年糕真係好長呀!!! 可以成條食或剪開細細條~年糕超級煙韌彈牙, 真係有別於平時食開既韓式年糕, 果然有驚喜呀!!!牛五花肉煙燻得恰到好處, 肉質柔軟,味道濃郁~配埋韓式炸醬湯底味道好夾, 湯底好濃郁但又唔會過咸而拉麵更索晒湯汁精華紫菜粉絲卷 +$48紫菜包住粉絲炸到金黃, 外脆內軟~

最近在網上得知沙田新城市廣場新開左韓國人氣辣炒年糕餐廳青年大邦 Young Dabang，依度除咗主打嘅招牌35cm超長年糕，亦有特別嘅韓式飯卷、炸雞、韓式釜飯同一系列獨家飲品等等，就入去品嚐下韓式食品先。餐廳設計簡約，地方都幾闊落，環境舒適，整體氛圍相當現代化。牛骨湯飯      $158大大件牛骨，牛肉帶點嚼口，肉質是半筋肉，牛味香濃及軟嫩，湯底味道清甜，加入蒜蓉同香蔥作調味提升層次感，可與韓式粉絲及白飯拌勻一齊食，與湯完全配合，值得推薦。燒石斑魚釜飯      $128依度都有釜飯，好特別！醬汁香濃，石斑魚肉軟嫩，油脂豐富，帶出燒烤香氣，加入辣醬、涼菜、醬汁、高湯等材料，拌勻一齊食，或者用紫菜包住米飯，微辣帶少少鹹，充滿韓式風味！天婦羅蝦         $78天婦羅蝦薄薄粉漿，炸至金黃嘅吉列蝦，外脆內軟，蝦味香濃，肉質爽嫩彈牙，沾上芥辣蛋黃醬，別有一番滋味。Coke Zero               $38天氣炎熱，點咗罐可樂，冰冰涼涼，即時解渴。玫瑰茉莉花茶             $28茉莉花與玫瑰味道突出，茶味清香脱俗，滋潤養生。

這間是在韓國超有人氣的年糕鍋終於在香港插旗，主打超長年糕，又邪惡又吸睛😛😛💠炸雞芝士瀑布年糕鍋 $258必點這個年糕鍋！醬汁有幾款可以選，當然加錢了我的最愛玫瑰醬做湯底，味道層次豐富，奶香順滑帶少少辣😍😍不太重口味但好開胃🤤重點是超長的年糕，長達35cm🤩🤩口感上，年糕超煙韌、拉絲芝士香濃，炸雞同餃子脆口，配嫩滑鵪鶉蛋，啖啖都好有驚喜🥹整體不會太辣，奶味中和了辣勁.💠 血腸 $78味道不腥，配鹽更惹味🤭口感外層咬落去煙韌有彈性，入面糯米同粉絲軟糯、濕潤帶黏性，層次豐富😙浸入鍋入面有少少辣味同奶香，完全是另一口味😜💠飛魚籽紫菜炒飯 $50食到最後一定要加這個炒飯，用剩下的醬汁加炒飯，飯本身有紫菜的鮮香和飛魚籽的鹹鮮，一咬落去還有魚籽卜卜脆口感🤭

成日嚟到沙田都唔知食邊間好，有間韓國過江龍啱啱嚟香港插旗喺新城市廣場開咗分店，到晚市幾多人㩒飛攞位呢間主打賣年糕鍋，同時又出名炸雞，大胃兩樣都想要，但又食唔晒兩款餸嗌炸雞年糕鍋就可以一雞兩味，湯底揀咗卡邦尼醬，配埋芝士好配合，等煲芝士湯底滾起就熄爐攪攪佢，以免黐底，湯醬非常香綿，唔會杰撻撻煲裡面有無骨炸雞、mozzarella、炸餃子、鵪鶉蛋、魚糕、白椰菜、大蔥、拉麵同年糕芝士醬包住每一個材料，但又不失本身味道，炸雞仍然外脆內嫩年糕勁長勁煙韌，好似腸粉咁剪開佢亦得，作為芝士控好飽勁滿足前菜嗌咗炸芝士條，一支好長搣開有拉芝，裡面嘅芝士係靚芝士，食落有芝香，而且夠綿滑，外皮鹹中帶甜好過癮紫菜包飯係大胃好鍾意嘅韓國菜式之一，呢間唔同在飯少餡多，可以食到更多層次裡面有腸仔、黑椒燒烤醬、蛋絲、紅蘿蔔、牛蒡、醃青瓜、蛋黃醬同紫菜，一咬就爆餡，超足料

終於俾我等到呢間青年大邦喺香港開喇，仲要地點喺勁方便既新城市開，當我知道佢開就即刻二話不說約左個fd去試，好彩我今晚都算早到所以仲有位，再遲多少少已經大排長龍，果然係超高人氣！餐廳環境真係好靚，夠光猛又坐得舒服，最正既就係不停咁播而家最流行既Kpop音樂，成個氛圍真係好好。食物方面一定要試呢間餐廳既招牌菜年糕鍋啦，我地叫左個大邦海鮮年糕鍋，醬汁就真係唔可以慳，一定升級韓式玫瑰醬，因為韓式玫瑰醬配年糕係世界第一好味既。年糕好煙韌又彈牙，口感一流，超長年糕好有特色～海鮮有勁多唔同既款，當中最正一定係大大隻既鮑魚啦，估唔到配埋玫瑰醬又幾入味。海鮮整體上都好新鮮，絕對值得一試，最令我加分既係有個爐喺枱，可以保持個鍋既溫度，就算掛住傾計食物都唔會凍哂。另外仲叫左份無骨炸雞，試左點落個玫瑰醬度 ，味道都唔錯，喺一口size~最可惜得兩個人叫唔到太多野食，好想試哂餐廳全部既野食，唯有下次再encore。

真心不推介，唔適合一家大細食，無論是食物環境還是服務都很差。這個價錢這種質素真的很不好。服務：「不歡迎小朋友」個待應用英文串我個3歲嘅女，話食唔到kimchi 唔好黎食。其實，如果不歡迎小朋友來餐廳，就不需要準備小朋友餐具和凳啦，而且如果你的餐飲設計是不可改變的，也應該要詳細說明。「非常保守的韓國思維」一開始，點個部隊鍋加個白飯，三百幾蚊食你啲年糕加個韓式麵都算啦，之後想加個白飯姐，你都一定要(must)食完個部隊鍋之後先可以上，重一定要（must）叫佢過嚟炒飯炒埋啲汁一齊食🥲咁啱一家大細嚟食咁有老人家，唔想食炒飯想轉做白飯，又要同佢拗一輪又話大廚唔俾，又點知原來大廚又係比嘅。食物：坦白講唔覺得有咩特別。叫咗個部隊鍋，豬骨湯粉絲，夾埋都四百幾蚊，舊豬骨係冇肉嘅。個部隊鍋份量超少。環境：適合年輕人比較多，因為啲枱枱凳凳都好窄好迫。而且啲音響超勁。整體嚟講，可能係俾個侍應激親，成個體驗感覺都超級差。我本人認為如果一個韓國餐廳需要供入香港市場，喺各方面都應該要跟符合香港市場。