青山灣美食廚房 (已搬遷) 新店位置

突然好想好想好想好想食炒辣蟹....即慶約到朋友陪我~ 超開心~原來之前在青山灣泳灘的青山灣美食廚房搬左去三聖村入面呀~~冷氣舖面太細，又坐滿人，我地兩個唯有坐出面，真係有D熱，呢度唔會好似青山灣泳灘咁有海風，一邊食一邊流汗，不過個炒蟹實在太好味喇~，好味到唔記得咁熱~兩條友，買咗6隻細蟹，一斤大蝦，一斤蟶子~又帶埋紅酒去~超超超超超好味~食唔哂...超飽~~飲飽食醉好滿足~ 正 好快再有下一次~

之前在青山灣泳灘的青山灣美食廚房搬左去三聖村入面呀~~知道佢開返一定要去食下呀...好彩冇令大家失望,保持到以前o既水準雖然冇左海景,而且地方小左...但就有冷氣房,夏天o既時候冇咁辛苦....我地今日食左好多野有薑蔥雞,醉雞尖,醉豬手,麻辣粉皮,生煎牛仔骨仲有一個菜心,一個唐生菜....而海鮮就有蒜蓉粉絲蒸扇貝,豉油皇大蝦,油鹽水花甲皇,仲有一條魚...但係今日已經食左好多野,所以冇叫招牌蟹同9菜豬紅,下次一定要食呀~~

朋友升職加薪, 所以請食飯 咁開心既日子, 我地去了三聖食海鮮, 先行到附近海鮮檔買海鮮, 跟住一行3人, 選擇了青山灣美食廚房, 因為熟於平, 靚之選其實這店已不只一次幫襯, 已吃了冇數次, 最主要佢地比較其他酒樓平, 比大排檔也平, 最適合我地不過, 只要不是難食就行了 今日我們買了平常點的聖子, 花甲, 鮑魚等外, 今次第一次買奄仔食, 煮法是鹽焗, 味道鮮甜, 讚下次可以再ENCORE幾他的海鮮SO FAR SO GOOD, 唯一要彈是海鮮湯, 不知是放得太多水或什麼原因, 完全飲不到鮮甜味道, 失望總括來講, 都會繼續幫襯, 望著大海享受海鮮餐, 吃落確係有一番風味 而且不是每處地方都有啊 p.s. 今晚見到麥包(麥長青)一家來吃飯, 估不到佢地都有幫襯

再一次同honey 黎食,今次好多人呀! 好左都唔太遲黎如果唔係....要等的話, 我個位honey一定走....事關佢最憎等同埋排隊! 講番今晚個餐單先, 點左好多野食, 好開心! (今次太為食....唔記得影相tim)1) 麻辣豬耳 個汁好好味呀! 因為上次食左個冷盤醉雞尖好好味，所以今次試另一樣野。個底仲有芽菜,honey話芽菜最正最好味....比佢激死!2) 黃金蝦仁偷望到隔離食呢樣所以叫, d蝦細隻d不過好新鮮,但我覺得個蛋黃好似濕左少少, 乾物d會再好d, 臨走時都見好多人都有叫呢個3) 椒t鹽九肚魚一個已經好耐冇食過的熱氣野....今晚實在太想食, 再加上honey冇阻止, 心裡暗喜, hoho個魚好新鮮,而且最驚喜係個魚好乾身,炸完個皮都好薄唔係出面個d個皮厚過皮的質素質! 4) 海味雜菜煲菜好甜呀! 簡單但都好足料及美味!今次黎天氣已經開始熱，所以冇上次涼涼地咁舒服,不過呢度真係食大排檔既野黎講, 企理乾淨的不二之選! 而且熱熱地比多個理由我飲罐汽水同honey飲左2支啤酒，再加上可以慢慢食,同honey傾下偈, 真係好簡單又滿足呢!希望快d再去啦~~

上次同honey 黎開三聖食完飯先意外地發現了這間位置獨特的大排檔... 好想一試! 終於今個月黎幫襯喇!我地兩個人點左:1) 碎雞翼尖好大隻, 爽口, 味道不錯, 酒味適中, 不好酒味也不怕一試呀! 同埋好大碗, 食極都仲有, $28抵到難, 非常值得作為餐前小吃! 餐牌上還有數款不同冷盤, 下次都會試下其他2) 豉椒炒蜆蜆都幾新鮮同埋又係大大碟,醬汁較濃同外面食的不同, 不過都幾野味!3) 蝦乾魚腐浸時蔬呢味係honey 點的, 由於我地試過為左叫咩餸食野而嗌交, 所以當佢點時即使我有少少覺得普通同埋貴而可以叫另外平一d既炒菜,不過都冇出聲, 點知個菜一到, 我覺得值得比$68, 因為佢唔係一般將d菜、魚腐灼熟而係白菜仔真係「索」左蝦乾既味, 最值得一讚的係加左鹹蛋黃, 吊起成個菜的味, 而且個顏色都幾靚, 呢d就即使煮好普通既餸, 都睇到煮野既人有冇心機! 4) 紅燒乳鴒我唔係好識分, 覺得都ok 好食, honey 話呢度係算好食, 因為做到外脆內有少少汁, 不會太乾! 最後好想一讚呢度既環境好好, 有海風(不過會有少少凍!) 唔似一般大排檔咁焗, 而且空礦同大地方, 即使有好

呢間的位置幾特別, 响沙灘的小食亭, 一邊是馬路一邊係沙灘, 重勁近三聖海鮮街, 你可以响三聖買海鮮俾佢煮, 收費吾平喎 $35 一斤, 咖哩蟹收$50 一斤, 我就覺得超貴我地兩個人叫左3 味, 平均小菜餚$50 一碟, 味道不過不失咁啦

去青山灣食海鮮一向只識去容龍或「唔好食所以超級唔抵食」的海天, 唔係地膽朋友帶路, 都唔知原來呢度有個小炒檔, 仲可以自攜海鮮俾佢炮製. 為0左迎合「鬼味」, 海鮮 and/or 烹調方法都揀了平日唔會揀的, 要了咖喱蟹, 避風塘瀨尿蝦, 豉椒炒蜆, 加一條蒸魚; 另外加碟炒通菜及一個生炒骨.咖喱蟹似乎係呢度的招牌之一? 蟹係膏蟹, 膏一般多, 仲融入了 d 汁度, 令 d 汁多了一份甘香層次, 十分惹味, 送飯一流, 不過對食唔得辣的我0黎講, 都真係幾辣, 一路食一路飲了唔少汽水. 呢個咖喱蟹係幾好食的, 不過當然, 食膏蟹我都係鍾意原汁原味, 就咁清蒸 / 配糯米飯就最正.因為怕辣, 一向好少食避風塘菜色, 但呢日的避風塘瀨尿蝦都唔係真係咁辣, 加上炸蒜粒好香口, 都唔錯. 瀨尿蝦幾好肉地, 鬼同事們仲分到了唔少膏, 可惜唔係個個都識欣賞. 而我分到0個件就丁點膏都無, 睇住鬼同事暴殄天物, 真係有苦自己知. 「鬼味」果然係「鬼味」, 吹脹!一向 prefer 豉椒炒蟶子, 呢日的就係豉椒炒蜆... d 汁濃濃的, 夠晒味又幾辣, 幾惹味; 蜆就好韌, 味道一般鮮,

又好食又抵食！蟹係必食！呢道最出名係炒蟹，仲要係炒辣蟹！除左炒蟹，仲有很多家鄉小菜。超好味！！！