霸嗎拉麵 (金巴利道)

营业中

休息中

超級轉折的一天🤦🏻‍♀️揀顏色筆都揀左我大半個鐘😅無辦法⋯選擇困難症⋯揀完顏色筆阿男朋友已經餓到靈魂出竅⋯咋咋臨帶佢去食今朝plan定既拉麵⋯不過⋯佢其實⋯唔食拉麵😂😂😂😂所以我地兩個人叫左⋯濃厚豬骨豚肉玉子拉麵照燒餃子(5件）燒汁唐揚炸雞(5件)白飯蜜瓜酒⋯請原諒我餓到無幫碗麵影張靚仔相⋯因為果兩塊豚肉好吸引！亦都因為慢煮既關係⋯果啲肥膏位我唔覺得肥！反而我覺得有一陣香酥味😋男朋友都食左一啖，佢覺得係鬆軟唔油膩～然後個拉麵我係tick左適中就已經好正～湯底我係飲晒！有飲到胡椒粒～= = =分隔線= = =跟住係餃子同炸雞男朋友好鍾意x方x集既煎餃今次佢竟然話⋯「好食過x方x集😋」我自己個人唔太好煎餃⋯所以以男朋友意見為準😂😂反而我係好喜歡日式炸雞❤️呢間拉麵店會有啲燒汁淋係啲炸雞度～感覺比齋食炸雞無咁dry但炸雞既外層都保留適當既脆口～而且新鮮炸起呢一點👍🏻👍🏻👍🏻👍🏻

呢間一直想食好耐 見到咁多人排隊我同朋友都好想食 排左都20 分鐘就黎到我地個陣 侍應都問定我地想要啲咩今次我同朋友都叫左辛辣炙燒豚肉拉麵一坐底我地個拉麵好快就黎到即刻飲淡湯先湯底偏咸 有啲蓋過左佢本身個湯個辣係你越食越黎繼續食個種不得不提佢個豚肉入口即溶 好誇張見到其他食評 有啲豚肉都硬但冇諗過我個舊咁完美麵我揀左偏硬 煮出黎都係我期望中既麵質 整體而言 我都係會再食既餐廳黎既!但一定坐得唔耐 因為好多人排隊!!

呢間拉麵店大部分時間都見到有人排隊，都有部分係遊客黎食，今次好好彩地唔使排隊就有位，叫左特盛炙燒豚肉同雞叉燒白湯拉麵，特盛係豚肉特別大份肥美白湯嘅湯底都幾香，另外仲叫左餃子🥟有點蒜香味

食麵唔錯架但係尖沙咀真係好多人排隊如果大熱天時等就too hot如果冬天食食就暖粒粒叫左個叉燒拉麵塊肉唔錯 大大塊 夠林個湯麵好夠味 咸度多左啲 如果鍾意重口味就岩哂麵身軟硬適中 烤雞就太炸 唔係特別正 中規中矩

平時經過呢間店， 必定有條長龍， 而且條長龍都持續左一段時間。 一路都未試， 咁岩今日要去紅館睇show 又早放工就約左朋友去。18:10到左， 前面只有兩個人排隊， 等左十分鐘就入到， 但係當我入去個時， 人龍已經形成，後面有成7pairs 人等緊。早起的鳥兒有蟲吃入到去啲裝飾幾日本有啲燈籠🏮坐左bar 枱， 一啲都唔迫， 有冰水自己斟。門口排隊已經派定紙比客人揀定食咩，我地叫左兩碗豚骨拉麵， 一碗有埋蛋同紫菜， 另一碗就普通豚骨拉麵。面有得揀軟硬度，仲可以揀埋少油，少蔥，走蔥，走筍。都幾貼心。拉麵幾好食， 個湯幾濃， 隻蛋浸左好耐都仲係流心餃子都夠脆。

不知道味道怎麼樣，但服務態度差得根本不想吃了。我们本來兩個人，但是我先到。被告知人齊才能入座，这个我理解，但是不停的態度惡劣的催促我出去等就不能接受了。外面很熱，烈日當空，連續講了三次讓我出去出去出去。我是來吃飯的，不是來要飯的好嗎😂轉身就去了大喜屋。

同老公行行下街又唔係太餓，但又口痕，見到間拉麵午間拉麵優惠，加$12蚊就多份餃子，下午茶時間去，唔洗等好耐，見平日晚上都要排哂隊，今日就有口福試到了！我食餃子老公食拉麵，餃子真係好好食，仲整得好靚，熱騰騰食加點七味粉、黑椒仲有蒜粉，看似重口味，但實際一點都唔重口味架，三款粉加埋係絕配呀⋯⋯拉麵算偏喊了點，麵既硬度適中，叉燒大大片仲好厚身，溫泉蛋整得剛剛好，整體算唔錯既一間拉麵店，下次可以試埋其他口味！

上星期去咗食霸嗎拉麵，排隊啲人不多，好快就可以安排入座，有啲日本風。入到去又係有杯凍水，我感覺到嘅日本風，之後叫左炸雞同埋拉麵，唔好係睇到拉麵舊肉好肥，其實好鬼死香，湯頭亦都好濃郁，我鍾意！另外炸雞外表好脆， 入邊好多肉汁，外脆內軟，揸得唔錯，不過我沒有要其他嘅飲品， 凍水已經好足夠因為唔會搶走食物嘅鮮味，相比起上一次開店時嚟幫襯嘅時候，而家品質沒有太大改變，能夠維持到真係難能可貴，希望他們可以一直keep住啦

本來帶韓國朋友去食.我地五個人.但係有一個同事係公司過嚟要兩三分鍾時間.我地話入去點五人既餐先.有一個女既話唔得.公司規定一定要齊人先可以坐低.語氣十分強硬.令到我地非常尷尬.其實大家都系做服務性行業.點解唔可以好好地解釋.而係幾條友好似趕客咁.於是幾分鐘後我地等齊人.佢地話可以入.我地已經無心再食.對面都有間拉麪店.而且味道唔比佢既差.環境又大.坐得舒服.食個晚飯.唔通仲要受你氣咩.味道幾好都系假.so bad.

星期六係尖沙咀想食拉麵，一search 就見到呢間新過一排嘅拉麵店。🤔咁就去睇下多唔多人啦，如果多，轉場去對面街食豚王都得。😂可能6:45就到，所以等左5分鐘就有了。 等緊個陣已經俾埋order 紙我地填。 入到去見到有得申請做會員，迎新優惠係$15 有餃子。咁我梗係唔執輸。🤤我地叫左炙燒豚肉味玉拉麵同埋辛辣炙燒豚肉味玉拉麵。豚肉係好似五花腩咁一層肥膏一層肉咁，雖然有啲肥，但真係好正。👍🏼味玉就係蛋啦，但係佢嗰隻係糖心蛋！👍🏼🤤Overall 都幾好，我覺得原味好d，辛辣會搶咗個豬骨湯味。同埋可以叫小油😂 我覺得好油，其實佢張紙有得揀少油，今次第一次食，輸經驗！

今次試下尖沙咀呢間分店，可能因為時間尚早，所以唔需要排隊。入到去都係揀腩肉，麵質、湯底都係揀返正常。等候時間唔會太耐，而食落都幾好味。個人覺得味道同銅鑼灣、寶琳都差唔多。

一次試三隻唔同既味既拉麵。🍜期間限定既魚介豚肉拉麵：湯底唔似平時食既魚介咁濃味，魚味似日本啲魚仔乾，唔會太咸。有蔥同洋蔥碎加左啲清新，塊豚肉都厚，但唔嫩。🍜辛辣炙燒豚肉味玉拉麵 ： 一味死辣，好嗆喉，食唔到湯底既味道。👎🍜雞叉燒味玉雞白湯拉面 ： 最好味係呢隻，雞肉嫩，湯底清甜有雞味，味玉流心咸味適中。麵既粗度中等，湯底都掛到麵。另外只得炸蒜提供，冇蒜蓉， sad 。餃子同雞正常常常，冇特別無驚喜。........

今日同我媽媽同埋愛人三人行黎到尖沙咀呢間拉麵店，一口氣試左佢唔少野食首先第一碟黎到既係唐揚炸雞，由於係星期日所以冇午市12蚊小食優惠，但我太肚餓，都係叫左炸雞同餃子～ 唐揚炸雞係多汁嫩滑既，重點係佢炸醬厚度好好，每一粒都好平均，令佢炸出黎既炸雞每一粒都好嫩滑多汁，唔會乾。之後係雞叉燒雞白湯拉麵，開頭都將重點放係限定既魚介湯同豚骨湯拉麵到，但係呢個雞白湯先係今日介紹重點，佢個雞湯味道好濃郁，雞叉燒係滑同彈牙既～拉麵每一淡麵有佢濃厚湯底既味道！魚介拉麵湯底好重魚仔干既味道，個味道好掛麵，令你每一啖都好似食緊魚仔干小食咁，不過我唔太鍾意呢個味道，另外呢碗拉麵個豚肉比較薄，炙燒完有啲乾！最後我叫既辛辣炙燒豚肉拉麵，呢一碗既豚肉又比較厚，有慢煮既特色好軟滑同炙燒既香口，但湯底一般，個辣味太辣，蓋過左豬骨湯既味道～ 完結小食，餃子個皮做得幾好，但入面唔夠多汁而個辣醬就好辣，完全麻痹我個味蕾。總結最推薦既係雞白湯產品～另外其實幾款湯底佢係做得好濃郁，所有湯底都係濃濃既味道，其中拉麵既粗幼同掛麵效果都好好，味玉都好好味，每一款麵都唔會太咸～不過辣同魚介味有啲太單一，豚肉係兩個麵之中都有質素參次係佢既弱

今日去尖沙咀The One 買野，街上非常悶熱，又餓又攰，諗起附近有間好好味的霸嗎拉麵，突然好想食返碗，見到霸嗎拉麵，平時見門口位置一定有人排隊等位，但今日時間尚早，未到晚飯時候，所以未有人籠，趁不用等位，我立刻入去食返碗。天氣太熱，立即叫返杯麒麟一番搾啤酒，冰凍解喝。特盛炙燒豚肉拉麵，特盛是豚肉比較多，厚厚的豚肉肥瘦均匀，有口感又入味，因為特盛沒有味玉，所以我另外order，蛋黃程橙紅色的流心味玉好香滑。辣汁唐揚炸雞，外脆肉嫩 ，加了辣汁相當惹味。

自從食過霸嗎拉麵就一試難忘，每當經過霸嗎的店舖，就想入去食返碗，那怕每次都要在門外排隊，今晚我又經過尖沙咀霸嗎，又見到門口一如往日排了一條隊，我的腳好自然的行去隊尾加入等位行列，一想起拉麵的美味就不介意等一等。炙燒豚肉味玉拉麵，湯底濃郁，炙燒的豚肉厚切又入味，味玉蛋黃流心，拉麵可以選擇軟硬度，我選了適中，不太硬有口感，味筍爽口，所以我加選多一碟。這碗拉麵的味道真令人回味無窮，百吃不厭。羽根燒餃子，底部煎得金黃色卜卜脆，皮薄餡足料又夠味。今日太肚餓，食完麵又想食甜品，叫了日本芝麻雪糕，用小木桶盛載芝麻雪糕，還加上甜美的紅豆，好有日本feel！新做會員有餃子送，另外每次惠顧有積分儲，夠分又可以換優惠券。不要錯過喔！