露營生活

营业中

休息中

這家餐廳的室內佈置是以露營為主題，採用露營椅、露營碗、露營燈等，餐桌中央是一個火爐，有露營燒烤的感覺。食物主要分為燒烤和熟食兩大類。燒烤方面：沖繩煙黑豚68元，豬肉爽口，有咸味和煙燻味。白鱔98元，皮香脆，肉彈牙，沾點鰻魚汁吃，很滋味。赤雞上腿肉(柚子醬油味)78元，雞皮香，雞肉有嚼勁，柚子醬油味道很特別。野菜燒物拼盤98元，有9款野菜，當中秋葵爽脆、蕃薯甜、冬菇彈牙、菠蘿香甜。熟食方面：炭燒汁赤雞肉串38元，外層香口，內層多汁。手作出汁玉子燒78元，賣相美麗，玉子燒多汁美味。日式田園炒野菜58元，份量大，蔬菜新鮮，口感爽脆。慢煮日本雞胸拉麵(黑松露白雞湯) 68元，黑松露香氣撲鼻，雞胸肉出奇地嫩滑，拉麵彈牙，湯底帶少少咸味。三文魚茶漬飯58元，三文魚肉嫩，湯味正常，飯粒軟硬適中。鰹魚腐皮湯烏冬38元，湯冬彈牙，味道正常。日系咖啡Tiramisu 48元，忌廉口感滑，蛋糕帶有咖啡味，甜味適中。

今晚到銅鑼灣行街，選間特色d旣餐廳，室內露營燒烤。餐廳入面環境唔錯，好似去咗camp咁，枱凳連埋餐具全部都係露營用品。打開menu都係燒烤的美食，有D係店舖燒好咗，有d自己燒，咩都點d試吓。仲有d係火鍋，不過我哋今次就冇試。鹽燒黑豚腩片蘆筍卷串$48一串三件，個黑腩片好香，食落好腍，同d蘆筍一齊食，爽口又好夠味，燒得幾好味。嚴燒開冬菇串燒$28上面放咗d木魚，上枱時都幾吸睛。原隻大虎蝦$68x2虎蝦好大隻又新鮮，燒得好香，d蝦肉好爽好彈口，自己燒至微焦更惹味。赤雞上腿肉（柚子醬）$78燒烤雞好香口，本身雞肉放入了胡椒同柚子醬，帶出了雞味，肉質鮮嫩唔嚡，連同雞皮燒到微焦，好香脆，認真好味，份量唔算少。宮崎和牛赤身拼盤（4點）$428 主𧢲係食呢個拼盤，有四款和牛，唔同部位，肉同脂肪比例分佈平均，我試過用唔同方式食，清食、加檸檬汁、加海鹽、加燒烤汁，每款食法味道微微不同。最喜歡牛小排，juicy入口即化，牛油香及牛肉味兼備。有一舊燒過熟了少少，食落口都唔會韌。成個用餐體驗好有趣。今晚唔算食太多野，不過全部質素高，餐廳服務態度唔錯，加上位置方便，隨時再幫襯。

最近的天氣很適合行山、露營，不過露營工具太多了，還是以露營為主題的餐廳較適合我，打卡方便。位於銅鑼灣的露營生活有燒肉、火鍋、和食等提供，踏進餐廳就給佈置、用具吸引著眼球。蒜香炒牛柳粒 $108菜式也是以露營餐具上檯，更添氣氛牛柳粒肉腍好入味，濃郁蒜蓉味，惹味十足。當日天氣大風有點寒冷，來一個熱騰騰的鰹魚腐皮湯烏冬 $38 最好不過，烏冬好滑，湯底清甜，暖上心頭。炸紫薯栗甘餅 $28炸紫薯餅，中間夾著大大粒栗子肉，相當有驚喜。濃味壽喜燒火鍋配菜底連肉眼兩片 $468有油豆腐、豆腐、芝士獅子狗、嗚門卷、冬菇、粟米、娃娃菜等，材料相當豐富。壽喜燒湯底帶點甜味，油豆腐、娃娃菜吸收濃郁的湯底精華相當入味，獅子狗有流心芝士好正。火鍋配有肉眼兩片，肉質油脂分布平均。肉眼好腍，入口即溶，牛肉味香濃。另外點了串燒，串燒烏羽 $38、沖繩煙黑豚串 $38雞翼燒得香脆肉嫩，黑豚串香口除了室內佈置好靚之外，室外的觀景也非常不錯，好寫意。

呢間餐廳設計好特別，以露營為主題，入到去好似去咗露營咁。各項擺設包括碗碟均配合主題，餐廳設計以木系作為主調，而且設有露天座位，可以一邊進食，一邊享受陣陣的涼風和欣賞星空的燦爛，簡直是鬧市中的綠州。餐廳美食種類繁多，有海鮮餐、刺身、串燒、前菜沙律、手切和牛和燒肉等。1.宮崎和牛$428和牛肉有幾個部位，包括赤身肉、牛小排、和尚頭和牛腹腩。日本和牛質素高，件件都好靚，充滿油花。食落油脂感滿滿，牛肉味都香噴噴。2.串燒烏羽塩加黑椒$38.00雞翼即叫即燒，燒完後特別香。雞皮已經燒到脆卜卜。雞肉好juicy好滑。表面加少少黑胡椒同鹽作調味已足夠。3.香蒜牛油炒廣島蠔 $78.00用上香蒜牛油炒蠔，特別香口。廣島蠔大大粒，每粒都好飽滿，食落好juicy，好有鮮味。4.月見燒海苔拌飯（配溫泉蛋）$48.00海苔拌飯係好經典嘅味道！配埋溫泉蛋撈埋一齊好美味。5.黃金炸魷魚鬚$58.00魷魚鬚新鮮炸起，好酥脆，惹味。魷魚鬚大大條，質地爽口彈牙。6.柚子蜜$38.00柚子蜜好濃味，好滋潤～藍妹$38.00仲叫咗支啤酒🍻！

估唔到係銅鑼灣鬧市區都可以享受到露營嘅體驗最近多左好多露營餐廳，但要講最有feel嘅非呢間莫屬‼️個outside位勁正～～加上又好闊落，坐得好舒服「宮崎和牛特上牛小排」所有燒烤野食都加左蒜油，未食已經聞到好香牛小排嘅雪花分佈很不錯，肉質柔軟嫩滑，入口滿滿是油脂，香而不膩不過食幾塊就剛剛好，食得多就會有膩嘅感覺‼️「燒羊架」呢塊羊架好岩我口味因為無咩羶味～～入口有啲纖維感，可能我哋燒得耐咗，不過肉質尚算柔軟「燒日本黑豚肉腸」豚肉腸好香，入口有啲肥肉，呢個用嚟佐酒一流❤️「三文魚茶漬飯」用左露營餐具盛載嘅茶漬飯，好有風味咁涼嘅天氣下食暖笠笠嘅飯真係好滿足

越嚟越興camping餐廳⛺️今次嚟到銅鑼灣露營生活，依家天氣涼坐係戶外更加有feel，石粒地加上露營帳幕及餐具，真係好有露營嘅感覺😍🍴食物1️⃣宮崎和牛赤身4點$428: 4款唔同部位（和尚頭/龜之子/赤身肉/牛小排），每款肉都好正😋比較平時少食既龜之子肉香濃帶少少甜味，而且不會過於油膩！而和尚頭口感柔嫩，油脂較豐厚。2️⃣赤雞上腿肉（柚子醬油味）$78: 雞肉燒後都keep到嫩滑口感，食到淡淡柚子醬油味，清香又解油膩，唔需要再點調味料都可以✨3️⃣月見燒海苔拌飯配溫泉蛋$48: 食燒肉必配的！這款還加了海苔及溫泉蛋，撈埋一齊食相當好味😍4️⃣鰹魚腐皮湯烏冬$38: 烏冬都算滑，最喜歡腐皮吸滿了湯汁很滿足😌5️⃣CAMP LIFE手工啤酒（500ml）$77: 點了龍井小麥，第一次飲到帶有茶香既啤酒🍻清香獨特。

全新露營風日式火鍋😋打卡同時打邊爐🤤早d打電話過來book位影相啦😉個人平時唔中意outdoor，而家室內都可以咁玩實在太好🤣紐西蘭肉眼 $188，薄切，入口即溶上頸肉 $68，肥美又好食烏冬 $38紐西蘭青口 $58，新鮮好味黑豚梅花肉 $98，又係好好味蜆三文魚頭海鮮湯 $288，湯非常鮮甜，滿滿骨膠原柚子蜜 $38荔枝Soda $48菠蘿Soda $48要注意，餐廳想原汁原味，所以無醬料，就咁打邊爐飲湯已經好好味，食翻原本食材味道😋

公司有兩個經常露營嘅同事，言談之間講開銅鑼灣有間以主題為露營嘅餐廳，一直都想體驗一下露營感覺嘅我，緊係即刻訂位試吓啦！露營生活位置係銅鑼灣Sogo對面，一條鬧市之中竟然可以露營，真係大開眼界！位於銅鑼灣黃金廣場四樓，一入到餐廳見到裝修設計、餐枱擺設真係以為自己去咗營區準備露營，而且餐廳附設有室外區域，室外嘅位置仲更加有Feel！不過我怕凍就選擇返室內享受我嘅晚餐。職員介紹比我哋知，揀選咗嘅食物如果怕燒烤味沾身嘅情況下係可以安排師傅燒，但為咗更大體驗就選擇咗自己燒，而食物選擇咗兩個餐前小食&4款自己燒嘅食物，包括：-黃金炸魷魚鬚-自家制和牛薯餅（配自家鮮蕃茄醬）-野菜燒物拼盤-鍋燒牛油廣島蠔-牛舌薄切（日式藥味京蔥）-宮崎和牛赤身4點黃金炸魷魚鬚香口鬆脆自家制和牛薯餅暫時係我喺香港食過最好味嘅和牛薯餅，外層香脆口感，入面嘅牛肉好香，配埋呢度自家鮮蕃茄醬真係好好味，呢款係必食！野菜燒物拼盤有8款蔬菜，包括青瓜、雞肶菇、蕃薯、粟米、秋葵、冬菇、南瓜同埋菠蘿，啱哂鍾意好多款式但又怕點得多食唔哂嘅人士。牛舌薄切（日式藥味京蔥）雖然薄切，但每一片牛舌都好長，燒到一半再卷埋配備嘅京蔥，入口爽口得嚟又

再過一個星期就係朋友仔嘅生日，咁耐無見，梗係要搵個特別啲嘅地方去慶祝吓🥳 聽講最近喺 #銅鑼灣 開咗間以 #Camping 🏕️為主題嘅餐廳「 露營生活 」，服務、食物同環境都唔錯，一於去試吓新嘢😉餐廳裝修得非常有特色，傢俬同擺設都以露營物品為藍本🏕️ 樹幹形嘅大圓枱暗藏烤肉用嘅火爐，圍住都係一啲露營用嘅矮凳仔，就連餐具都襯到一模一樣，老闆真係好有心思😏 如果大家唔怕凍，仲可以考慮揀室外位置，特色嘅帳篷，配埋大大個月球做燈飾，對於喜歡打卡嘅我，齋係上嚟影相已經值回票價😘食物方便，餐廳以 #燒肉、#燒肉 同 #日式特色小食 為主。打開餐牌，選擇都唔少，嚟得幫襯，我哋當然要配合主題，先嚟個 #烤肉 - #厚切牛吞，同廚師推介嘅 #宮崎和牛肉眼 暖吓個胃🤤 厚厚嘅 #牛吞 非常肉感，燒到微燶再放入口，濃厚嘅肉味好有口感🤤 至於件 #和牛肉眼 當然唔使講，油花細密，入口即溶，怪不得係 #餐廳必食 之選🤤 #大啡菇 充滿麻油香、#牛油燒雜菌 都係 #小秘書 嘅心水之一，大家值得一試🤤 而我對佢哋嘅 #日食 更係喜出望外，#蒲燒鰻魚玉子燒，做得相當有水準🤤 #鰻魚 完全唔會有泥味，夾埋滑滑嘅 #玉子燒

原來依加唔使人在野先可以體驗露營市區都有得玩！仲要係銅鑼灣鬧市！而且係pet-friendly我更加要去！ 露營生活有indoor/outdoor，地方大又舒適而且入到去真係好有camping feel 仲有得BBQ🔥 真係一年四季都可以「露營」啦！🔖手機落單，Menu好多選擇，有🏕️串燒、前菜沙律、刺身、豬牛雞肉、海鮮、有機野菜燒物、串燒、炸物、一品料理、湯物、食事etc!! 🍢《 串燒烏羽 💲38 》《 日本雞腎串 💲38 》燒得岩岩好～～ 👅《 和風大根牛舌 💲58 》好入味呀，甜甜哋，牛舌夠腍～燒肉我散嗌咗豬牛雞：🥩《 宮崎和牛 🐃牛腹腩 カイノミ 💲238 》🐷《 黑豚梅花肉 💲98 》🐔《 赤雞上腿肉(柚子醬油味) 💲78 》 三款肉都好嫩～和牛幾高質～配埋自家制日式燒肉汁仲正～ 🍚《 日本白飯 💲28 》🍜《 鰹魚腐皮湯烏冬 💲38 》🥤《 白桃乳酸梳打 💲48 》可少冰少甜～呢排天氣咁舒爽，大家都揀坐outdoor眼見啲人一放工就同fds「入營」燒烤都真係幾開心！ 📍露營生活 (銅鑼灣) 銅鑼灣軒尼詩道502號黃金廣場4樓

近排天氣凍凍地，有太陽又有風就好想去露營，近近地就去咗銅鑼灣一間以露營為主嘅餐廳烤肉，感受吓露營嘅氣氛🎄露營生活套餐 $988近住聖誕節，餐廳就推出咗聖誕套餐，套餐有晒前菜烤肉煮食甜品，啱晒啲唔想煩又想試好多嘢食嘅人🎉前菜前菜有海蜇青瓜絲，秋葵同番薯，全部都酸酸甜甜好開胃🎊小菜之後就沙律同刺身，沙律係黑椒燒和牛火箭菜沙律，和牛輕輕燒過，肉質仲好嫩滑，加埋黑椒好惹味，配返個火箭菜沙律就啱啱好刺身包咗新鮮運到嘅日本池魚，魚油甘香細嫩入口質感爽脆，仲包咗三款指定嘅刺身-帶子北寄貝劍魚，尤其帶子最出色，十分肥美同鮮甜，仲可以自選兩款刺身，叫咗個拖羅同吞拿魚赤身，拖羅帶點油脂非常甘香，加埋油脂少但肉質有咬口既赤身，唔會食到出邊成日有既雪櫃味，好新鮮⛄️之後就重頭戲-燒肉☃️宮崎和牛6點盛合餐廳好窩心，每款牛都有個標誌，由大眾化到稀有部份的牛肉也有提供，牛肉味都好濃郁，果然係新鮮日本直送龜之子：即和尚頭中心外側，油花如龜紋，口感極為細緻柔嫩牛小排：即胸腔左右兩側，肉質較結實牛肉味濃厚沙巴當：即牛肩胛近肋骨嘅位置，油脂較多識落嫩滑後腰背：油花較少，肉味較突出和尚頭：即牛後腿肉內側，稀有部份之一，油脂豐厚

入到餐廳全是露營裝飾，無論室內或戶外主題都很明顯，而且打卡位超多，大月球背景、圍爐火下、大帳篷🏕️等，環境美得讓人驚艷！不得不提是，戶外座位可以看到銅鑼灣對出最繁忙的街道，看下去感覺震撼！ 至於餐廳主打燒烤鍋物串燒，有多個套餐選擇，$588二人份起～宮崎和牛赤身4點來個高質牛肉拼盤，有和尚頭、赤身肉、龜之子、牛小排四款，和牛雪花❄️吸引，燒起來油而不膩，柔軟香口還有赤雞珍味盛合，及野菜燒物併盤前者已經調味好，雞心雞腎爽彈入味；後者蔬果種類繁多，清新爽脆又解膩

朋友生日，去了銅鑼灣這間露營做主題的餐廳，主打日式燒肉，和食，這裏還可以坐戶外，戶外還有帳篷，好似去咗露營咁😃白桃氣泡伯爵茶$48感覺很清新鰹魚腐皮湯烏冬$38.00湯底很鮮甜，配上腐皮稻庭烏冬，烏冬好滑牛舌薄切（日式葉味京蔥）$118薄切牛舌口感鮮嫩，燒完之後中間夾住京蔥，味道很夾，口感不錯宮崎和牛 赤身4點$428.00和牛四款不同部位，赤身肉，和尚頭，牛小排，牛腹腩，牛肉很新鮮，充滿牛味，好吃蒲燒鰻魚配玉子燒$118.00香滑鰻魚配上玉子，玉子非常厚身，鰻魚香口鮮嫩

近排以露營為主的餐廳越來越多，銅鑼灣都有這個為主的餐廳，食物方面原來是日式燒肉居酒屋為主，室內環境不錯，仲要有戶外地方添。野外風裝飾實在可以打卡位。【月見燒海苔拌飯(配溫泉蛋)】食燒肉，點都要叫返碗海苔拌飯一齊食，加上生雞蛋攪拌均勻後，連燒肉一起食可以提升米飯的風味。【和風大根牛舌】大根味道特別清甜又沒有渣，同牛舌一起炆煮，味道層次更加豐富，加上牛舌用上最嫩位置，食落非常軟淋。【鹽燒鳥羽】外皮燒到香香脆脆，內裡肉質又夠多肉汁。值得推介!【赤雞上腿肉(柚子醬油味)】雞上腿肉肉質嫩滑，配搭柚子醬油 ，帶點柚子味道令肉味更香濃。【手作出汁玉子燒】質感鬆軟不死實，蛋香濃，同時嘗到淡淡鰹魚湯的甜，表面再加上蛋黃醬同日式燒汁，令味道更提升。【宮崎和牛- 赤身4點】賣相不錯，每種肉紋理平均。牛腹腩：這部分的肉脂肪含量較低，肉質鮮嫩多汁。牛小排：油花較少，放上網燒散發出濃郁的牛香味。後胺背肉：油花平均，肉味突出，是我最愛之一。和尚頭：是比較少食到嘅部位，紋理是最好的，油脂最突出，入口即溶。【味噌煮和牛筋】味噌煮是鄉土料理，以牛筋加入味噌、味醂等食材長時間煮成，令牛筋軟淋入味，同飯一起食是不錯的選擇。

第一次留cm 平安夜同老公試下新野點知一試就中伏二人餐最低消費1488加埋一都要成1600仲未計野飲同小食以為食得好好 點知都係得幾塊燒肉加一個鍋物成間餐廳d人都好似新黎咁 完全唔知自己做緊乜1.去到坐低 坐左10分鐘都無人理過我地要出聲問先有人員俾QR code落單2.坐户外好凍，想叫人俾熱水叫左3次都無人俾過熱水個老闆仲叫我放鬆d🙂3.上菜速度極慢，好聽啲就叫慢活4.去女洗手間問經理拎鎖匙 我開黎開去都開唔到再問工作人員，佢話我手上果條係男洗手間鎖匙🙃(鎖匙上無任何男女廁既識別)係用露營碗做key chain5. 坐低第一時間同經理落單嗌咗嘢食一個鐘頭之後經理埋嚟同我哋講 鍋物嘅湯底已經賣晒🙃一個鐘 係一個鐘!!! 點解你一個鐘頭後先知賣晒？6. 工作人員放低左個鍋物同湯底 然後發現冇爐唔夠爐用 個工作人員唔知點好 1分鐘之後另一個工作人員攞返走我個鍋同湯底大佬 我都係想食餐飯姐🫠7. 肉類有三選二 揀左牛同豚肉經理拎住碟牛同雞埋黎問我地要燒定鍋物同佢講返係牛同豚肉 佢話”幫我轉返”我再望下張單 張單無錯係牛同豚肉喎老細講到我突然轉咁 8. 係我最嬲亦都係我寫呢個差評嘅主要原因由於