雲貴風正宗雲南米線

营业中

休息中

一早已曾聽過朋友講呢間米線店好食 終於有機會親身試試。甫進入店內 已感受到店內非常擁擠 而且有點骯髒的感覺 環境的確不是十分理想點了朋友推介的腩肉及豬大腸 腩肉好入味 而且豬大腸的滷水味亦好出好特別 推介!味道不俗 但環境的確一般 宜速戰速決一早已曾聽過朋友講呢間米線店好食 終於有機會親身試試。甫進入店內 已感受到店內非常擁擠 而且有點骯髒的感覺 環境的確不是十分理想點了朋友推介的腩肉及豬大腸 腩肉好入味 而且豬大腸的滷水味亦好出好特別 推介!味道不俗 但環境的確一般 宜速戰速決

第一次去食 味道已經普通 比6蚊要金菇 仲要得2條 同個侍應講 佢仲大大聲話係底 我撈比佢睇都冇 佢就話係咁多架la d態度語氣仲勁衰 永久blacklist 衣間米線 又窄又細又唔係好食

特登入屯門就係要試下呢間米線既老店果然名不虛傳今次叫左腩肉米線小辣，佢既腩肉非常入味，好淋身，小辣我認為唔算太辣，大概等於譚仔5小辣。不過環境好迫，d呀姨都好趕咁，預客人食完就要走。

呢間米線店真係長期係我嘅最愛，一個月都要食3-4次，有時一個星期會食2次，好似上咗癮咁！我通常會叫3款餸，腩肉、豬肚、豬腸、豬脷、豬耳、豬頭肉、肥牛、麻辣雞... 呢幾款都比較常叫~~呢到嘅豬內臟真係好出色，好入味！而且每款餸嘅份量夠晒多，唔會因為你叫3餸而每款餸俾少啲餸你~~ 好均真~我平時叫開小辣，但今日喉嚨唔舒服就叫咗清湯！今次就叫咗腩肉、豬肚、豬頭肉~p.s 呢到環境就麻麻哋，而且坐位唔多，得20個位左右，如果怕污糟嘅人絕對唔適合嚟呢間分店，元朗嗰間比較企理！

據聞雲貴風係屯門數一數二既米線鋪，而且經常「唔憂做」閉店休息星期日夜晚大約8點幾黎到，一個人亦要等大約15分鐘，已經見識到佢受歡迎既程度～門口位亦張貼「突然」休息既日子，相信唔係平日經過或者時常黎幫襯既熟客，有機會摸門釘餐牌簡單易明，就係不同口味既米線，配搭一餸或者另外加餸既價錢，係屯門市內都算親民豬腸小鍋米線 - $31等位既時候樓面已經幫手落order，唔算太食得好辣既我叫左少少辣，湯底夠濃好開胃，而米線都夠淋同入味抵讚既係豬腸都算乾淨而唔會有臭味，為成碗米線加分不過始終係小店，店入面環境好迫同埋都要預左同幾個人一齊搭台，所以都見唔少人係排隊等外賣性價比咁高，終於明白點解咁多街坊排晒隊等堂食同外賣～

聽講呢間多人捧場,就來試試,真係好多人排,不過都好快有位。30蚊已經有一碗米線連一樣送,又真係幾平。叫左一個中大辣GE 九菜雲吞米線+ 腩肉。辣度一般, 唔係好辣, 無咩香味, 又唔係酸。雲吞比出面GE九菜餃細, 味道正常, 呢度GE腩肉瘦D, 岩我。另叫左個唔辣GE 豬手米線, 豬手有3大舊, 幾抵, 但仲有好多毛......食完覺得係平LAW,但味道普通無驚喜PS,等位GE時候會叫你落定單,所以好快有得食, 唔錯

腩肉米線🍜 $31黑夜中的紅橋 雲川燒三隻大字就如漆黑中既螢火蟲 依舊鮮明奪目✨ 不過落左橋見呢間平時好多人排隊既米線店難得唔洗排 經過一番掙扎 最後選擇捨棄豬頸肉黎試下呢間米線😂叫左小辣 湯底顏色勁紅😳 食到好多辣椒碎等香料 其實又冇想像中咁辣既 但都好重口味😈 米線粗身幾掛湯 腩肉以30蚊黎講份量幾多 咬落有醃過既味道 肉質唔太瘦太韌還可以😇

年初三赤口，活動係行山行大運上山前嘅午餐就揀左呢度食由於好多鋪頭都唔開，呢間算係好勤力呢選擇都唔多，呢間鋪都人頭湧湧好難先有兩個面壁位叫左一個松草雞米線同埋豬軟骨重慶酸辣粉份量都好足下食完之後真係頂住個胃亦可能係因為啲薯粉頂胃嘅關係食完行山真係想嘔。下次唔敢揀呢樣喇麻辣感幾好花生🥜脆啲就好喇又有足夠榨菜食 有口感豬軟骨都有好幾舊，好夠食由於新年關係，埋單需要加一而且上菜比較慢因為人手唔多夠，我地都明白同埋理解嘅

因為呢間雲貴風食飯時間真係好多人，所以我通常只會揀咁岩早放工既時間，即係平日5點多，先可以唔洗排隊可以直入。叫左豬腸腩肉米線，還可以選擇中辣，大辣，勁辣，酸辣和麻辣，我就揀左酸辣湯底，加凍檸茶。湯底裏面嘅配料有芽菜、酸菜、韭菜、芝麻、辣椒等，睇賣相真係好邪惡，不過我認為湯底偏油左少少，太過重口味﹗豬大腸好肥美，洗得好乾淨，唔會有臭豬味，高膽固醇之選﹗腩肉份量算多，醃得好入味，辣辣地，預備定一包紙巾，忍唔住一邊吃一邊流鼻水﹗

雲貴風的食物非常之好食，價錢合理，真是一個值得光顧的一間餐廳。 其中我點的肥牛米線非常好吃，肥牛煮得入味，米線彈牙爽口， 其中還可以選擇中辣，大辣，勁辣，酸辣， 和麻辣。 那裏有很多人在排隊，雖然部分是外賣，但不難看得出其吸引力。

今日去咗井財街呢間雲貴風都食米線 ，其實呢間都食過幾次㗎。 首先講下佢嘅位置，位於井財街天橋下面， 雖然舖面唔起眼但都幾容易搵，因為佢門口經常都會有 等位嘅人群聚集。其中一個值得讚嘅係因節省等位嘅時間， 咁店員都好細心會喺就嚟到你嘅時候，會先幫你下訂單，然後你坐低嘅時候，只係等幾分鐘一碗熱辣辣嘅米線已經即刻為你送上。腩肉豬腸米線（走辣）我覺得呢間其中一個必點嘅就係腩肉 ，佢嘅腩肉味道好獨特 可能經過特別醃製 ，食食落有陣好特別嘅香味， 另外豬腸亦都唔錯，洗得夠乾淨 ，大腸同小腸嘅比例都好合適， 加埋有菜芽菜酸菜等等嘅調味 ，十分開胃。總結：米線上台嘅時候熱辣辣出曬煙， 食材味道十分出色，價錢亦都好親民 ，雖然要等位但絕對值得一試再試。

好開心有越來越來多人介紹我去不同地方食米線🤓今次就由九龍去到屯門食呢間好似都幾吸引既 #雲貴風地理位置比較唔方便，屯門西鐵站要行大約15分鐘先到一黎到門口已經好多人排隊間鋪比較細，坐得會比較迫，同埋好多人等，所以決定外賣。#腩肉麻辣米辣（中辣）💰$39。由於外賣既緣故，米線吸曬啲湯，但唔會一夾就斷，湯夠濃味，但出奇地中辣竟然唔算好辣😱😱😱（相比其他相似既米線鋪）腩肉份量算多，醃得好入味👍唯一唔太中意係太多辣椒碎😭😕。如果住附近既朋友可以一試，相比佢隔離既鋪頭就無咁多人排隊🤔但個人認為住太遠既朋友無謂要專登入去食。好味指數：😋😋😋

好耐冇食麻辣米線，每次唔開心嘅時候，我都想食辣嘢，辣完成個人會開心啲。今次嚟食米線見到已經加咗價由27蚊食到而家三十蚊不過都仲係算抵食嘅因為度度都係咁加價的了。今次是我最鍾意嘅麻辣豬脷米線，要中辣$30。豬脷份量比我上次食嘅多，有成十幾塊，好開心！雖然加咗價，俾番多啲嘢我食，都覺得抵！ 佢嘅湯底好好飲㗎！ 本來清湯嘅味道已經係好甜，有少少酸菜味，所以好開胃，同埋辣度係可以自己揀嘅，好多人都叫清湯，為咗飲埋佢個湯底。裏面嘅配料仲有芽菜、酸菜、韭菜、芝麻、辣椒等。 我鍾意啲米線浸在湯裏一陣先食，等佢吸收曬湯底味道，而且米線質地就算浸耐咗都唔會變淋。屯門街坊都知道呢間咁出名嘅小店， 食飯時間排曬長龍，起碼等成半個鐘先有位坐，所以都好多人叫外賣。食完辣野，行出門口吹過一陣風，感覺特別醒神，抑鬱一掃而空。其實搵到自己啱嘅「食療」都係一件好事。

店鋪小小，冇咩特別，叫左碗酸辣米線，同一般米線鋪唔同，佢真係用肉碎整個湯底出黎，好味呀！另外仲叫左份炸雞翼，剛剛好，皮係脆架！入面既雞肉又唔會老！值得一提，佢有設最低消費，每人都要叫一樣野食！

個人認為呢度嘅米線係全屯門最有特色嘅， 呢度嘅餸都好特別， 有麻辣豬耳，麻辣雞肉，腩肉等等， 米線嗰碗入面仲有好多好好味嘅肉碎， 米線好滑，加埋肉碎好有口感，如果叫麻辣雞肉嘅話記得叫分開上， 個麻辣雞肉嘅汁實在係太好味， 唔會太辣但又好有風味，用嚟點其他餸嚟食嘅話實在就perfect喇