影片
相关文章
不停追都话未有，后面既号码已经过咗十多个，直至我话要退钱，先话原来一早有，未包，我拎上手摸下，唔热既，拎到返屋企要自己叮热，态度十分差，不想帮你跟进，又唔系特别好食，只系因为开得夜，人哋收工要人企喺铺头门口等40分钟，最惨既系不停提醒店员，但冇人会理你，间唔中答下你未有，我见食客都冇要求要咩服务，只系希望食完走人，但店员完全没有同理心，如果佢有帮我望一望，就会发现原来一早煮好咗，根本唔需要等咁耐，可能呢间公司老板要赚尽，不愿意比钱请人，要顾客受苦
继续阅读
哩间之前系心目米线no. 1. 就算已搬出屯门，都会特登为咗佢入番屯门。 但系一年前再食就发觉已经味道同以前有唔同，又见到佢改埋数码落单（但过咗数码落单，反而令效率低咗，甚至我当晚见到有食客漏咗个𩠌，呢啲事情以前我真系未见过）， 啲员工得番一个系熟口面， 其他架人已经唔同晒样。就已经谂过佢系唔系转咗人经营。但琴晚再去食嘅时候，首先人多就不嬲都系，但系佢依家煮嘅速度真系比以前慢咗好多，好多人入座等咗超过25分钟都冇得食（包括我） ，但就不停见到出外卖，以前就算不停出外卖嘅时候堂食都会好快。 除非慢之外， 更甚就系味道同以前已经唔同晒，食左旧酸菜，得死咸同劲酸， 同以前真系唔同。 失望， 已经唔会为左佢特登入黎， 依家佢比起荃湾唯一， 已经差不多。 但我相信佢依然会有好多人继续帮衬，但系希望佢哋会改善质素。但真心想知道究竟佢哋系咪换咗人做。
继续阅读
第一次食呢间米线，知道佢好出名，本身都几期待。餐厅环境好逼，张枱好细。落左order之后，都等左15-20分钟先有野食。坦白讲，d𩠌好普通，唔算好食。汤底有d淡，冇特别。最好食系米线，真系煮得几好食😂 不过食完之后，我个肚开始唔舒服。虽然未去到肚屙，但感觉呢间餐厅既卫生都麻麻地。食完一次，下次唔会再食😅😅
继续阅读
寻日我去了呢间云南米线餐厅，真的是失望到不行，跟大家分享一下我的遭遇。1. 服务态度差：服务员的态度简直可以形容为冷漠，对我们的问题根本不在乎，感觉像我们在打扰他们一样。这样的服务实在让人不想再来了，出单唔跟次序，问佢哋时回覆态度差，仲将责任推给客人，讲系因为我迟比钱！2. 汤底味道单一：我点的麻辣米线汤底就只有咸咸的味精味，完全没有其他的味道，喝了让人觉得很无趣。应该有很多好吃的配料和香味，等了大半个钟结果却这么简单，真的很失望。3. 卫生状况差：最糟糕嘅系，我在那里吃完后居然食物中毒，当晚上吐下泻，而家仲喺屯市睇医生！相信系内脏如猪肠 /肉碎汤底出现问题！因为呕吐物就系有呢啲！这实在是太得人惊啦😱餐厅的卫生都明然需要好好检查，这样的环境怎么能让人安心用餐呀？总之，这家云南米线餐厅的服务、味道和卫生都不行，真的不推荐。如果他们不改善这些问题，我想我也不会再回去了。希望能对其他人有帮助！
继续阅读
米线名单大执位位位位੧ᐛ੭迷失咗喺兆康轻铁终于揾到佢啦食完之后登上咗我米线名单第一位舖位细细未够钟开舖入面坐咗一半客人，当然我去坐埋入去先啦，睇定menu 睇吓一阵叫咩先佢米线配料选择都多，大路嘅佢哋自家整嘅搅到选择困难呀，最后我拣咗麻辣鸡肉同猪大肠，醉辣汤底+麻辣。搭正开舖时间即刻落单，望一望已经坐满人，出面已经有人排队啦Wohooo我碗薯粉到咗，我拣咗小辣见到面头一层红油心谂大获惊太辣添🫣试试佢嘅猪肠先，佢有轻轻卤过入味而且韧入面都清洁得好干净靓仔嘅！佢嘅麻辣鸡有味但无乜麻辣食到，不过见佢有炒过吓色水又唔老都ok可能下次试其他嘢。到咗最重要嘅汤底，其实自己都有喺屋企整过酸辣麻辣米线，要个汤底够出色惹味，一开头爆炒肉碎再赞汤落去，个汤底先够甜够香，麻辣味先够层次唔单调，佢有呀！肉碎够味汤底够浓厚，辣味都好出色，好少有好少有我食哂成碗再捞底食埋肉碎饮埋个汤，重点系唔口渴，一定会再嚟食呀！
继续阅读