雲桂香米線專門店

营业中

休息中

之前一個月總會光顧一至兩次，因為真心認為個紅薯粉好好食，但後來次數少了，因為帶住小朋友，要就住小朋友嘅口味，今日去接小朋友放學前，先一個人走去回味一下。呢次叫左個小鍋紅薯粉(小酸辣)+豬耳+豬軟骨。個紅薯粉原來依加係有得揀要粗或幼，幼就係嗰隻透明嘅扭紋薯粉，而粗嘅係原本嗰隻，小妹要左粗薯粉，條條都煮到淋晒，但又不失佢本身嘅煙韌小辣嘅湯底加入酸菜，以增加湯底的味道。豬耳大約有十塊，肉質軟滑，軟骨爽脆，可惜塊塊都係薄切，滿足唔到口感。豬軟骨就有三塊，厚闊度大約係成人三隻手指拍埋咁上下，廋肉部分好淋唔鞋口，軟骨部份同樣保持到爽脆

朋友說某大米線的湯底白得離奇。「為甚麼這麼辣，而沒有半絲辣椒的顏色？」疑心吃進肚的究竟是甚麼。所以他推介雲桂香，說顔色味道都較天然。吃罷又好像有同感。豬軟骨豬肚大辣小鍋米線 - 湯底較譚x厚身，辣度有勁，食下去跟眼見一樣咁辣。配料份量足。 涼拌雞絲小辣米線 - 雞絲太「鞋口」了，不太吸引。炸菜酸菜花生及醬汁混合起來味道不錯，米線有彈性。麻辣青瓜 - 瓜塊爽脆，雖帶醋酸，但麻辣調味不容小覷，不太吃辣的人未必喜歡。埋單只需$86。如此價錢實在不能有甚麼要求。當大家吃厭了大連鎖米線店時，雲桂香也不失為一個不錯的選擇。

個碗酸辣粉，啖啖都係油，啲油足足有成寸厚😫竟然係一間米線專門店，真係唔應該叫其他嘢食😓點知另一個米線都係唔掂，米線面質太硬，湯底太咸，咸味蓋過辣味(已叫中辣)個麻辣皮蛋原全唔入味，皮蛋口感差，似係一啲平價皮蛋雖然雲桂香分店多，但唔及其實米線專門店有實力😒

在2015年6月7日，當天到了吃午餐時間，我又找不到好吃的，於是便誤打誤撞選擇到我家附近一間「中華風味雲桂香米線專門店」，也是開張已久，我當天都是第一次去光顧。門外都有很多人排隊等候堂食，原來該店都很出名的，原因都是價錢較廉價，又好吃又飽肚，經濟實惠。這是我當天的午餐 ─ 「小鍋酸辣紅薯粉」。(材料包括：辣豬肉碎，芽菜，酸菜，韮菜，蔥，芫茜)，價錢較我家附近的其他的麵店廉價。在2015年7月4日，我便帶我的媽媽，再一次來到這裡，帶她吃好點，獎勵我的媽媽辛苦了1年。我推介給媽媽這個 「小鍋酸辣紅薯粉」，因為上一次我吃過覺得好吃，所以這一天再吃一次，作為這一天的午餐，另加$6，就有一枝冰震豆漿，當然要加啊！那麼廉價又好吃。這一天我早來到，人流不多，所以職員都自動給我們茶水。今天，我終於回到香港，便再一次來到我家附近的「中華風味雲桂香米線專門店」吃午餐，這次我點了「小鍋酸辣米線」(配料包括：芽菜、酸菜、韮菜、蔥、芫茜)，再配上一枝豆漿，真的很飽肚。

配料好足，湯底咸咗些小，豬紅份量少Ｄ又細，金姑勁多,魚肉魚皮餃都OK米線幾好味,我喜歡淋身米線凍檸檬茶，茶味還可以，甜味亦足夠，亦不會過甜環境，我覺得都可以啦服務，我覺得一般價錢，我覺得唔貴上星期放工後去了sun hui個邊吃晚餐，我在屯門返工咁耐,甚少去sun hui揾野食，突然想吃米線，又不想吃三哥，想起sun hui亦有一間米線叫雲桂香 ，以前吃過覺得OK,決定去雲桂香,這間幾旺,因為一個人易揾位,店員安排我坐單邊位,我好快決定吃什麼，等了10分鐘就來到，米線都幾好吃，湯底稍為咸咗些小，配料都足夠，整體都OK,飲品都OK,服務就一般,價錢都唔貴,49元有飲品十分抵食

是日到雲桂香點了一個熱拌小薯粉加墨魚丸，豬脷，豬皮再配熱咖啡。原本想點涼拌但涼拌得米線唯有轉配熱拌。上檯的小薯粉有大量榨菜，花生與小量芫茜，墨魚丸有三粒選用的都是一般墨魚丸沒有墨魚丸大多是粉丸，豬脷有點凍且較韌沒有牛脷般軟，雖然點菜時已叫了走辣但豬皮仍然是辣且乾。咖啡實在有點像啡渣苦澀死了，飲不到半杯放棄。

今日午餐時段在屯門附近工作,在仁政街附近行過,見到有雲桂香米線專門店緊係要入去食午餐啦!由於今天好肚餓,所以叫了麻辣青瓜,蒜泥白肉,涼拌米線配腩肉通菜。蒜泥白肉好多蒜茸好香,青瓜夠凍夠爽,米線入味彈牙,好食~

今日一個人在屯門,就食個唔洗等位,簡單的午餐啦22蚊一個湯過橋米線, 加海帶5蚊,再加凍飲7蚊杯凍檸荼來到,個樣唔討好,但味道是正常的,茶底唔算混濁米線口感唔錯,唔會太林沒有酸菜,靠的應該係醋既酸味肉碎唔多,而且全部肥豬肉涉底偏咸, 唔好飲, 湯咸應該是為了令米線味濃而以海帶半林半爽,不錯如果湯底多點誠意會更好

是日同媽咪出街，又黎呢道食辣啦...叫左碗米線同媽咪share，再叫左小食同野飲...木耳絲酸辣大辣($27):次次黎都食雲吞，所以今次轉下，健康d食木耳絲，一黎到我同媽咪都嘩左一聲...因為d木耳絲真係好多，加$5黎講咁多真係抵食，辣度同平時差唔多，都係咁過癮 炸春卷($20):同樣係抵食之選，入面好似係芋頭黎，而且個皮係越式春卷個隻，炸完熱辣辣即刻食，正 豆漿($7):普普通通，不過勝在唔會好甜

三人行特登由天水圍出到屯門食呢間野，事關呢間野既辣度真係好刺激，絕對難忘，所以上晒癮 我叫左雲吞酸辣勁辣，朋友a叫左豆卜腩肉酸辣小辣，朋友b叫左雲吞芝士丸豬軟骨酸辣小辣！見到碗野紅晒，真係心跳加速！先講雲吞:呢道既雲吞其實只係好似普通水餃咁，絕對無蝦既成份，所以連朋友b都好鐘意食，因為佢對蝦敏感，我推介完俾佢佢都愛上左，雲吞大大隻，足料既餡 豆卜:我無食，不過朋友話吸晒d湯汁食好過癮，一食d湯汁流晒出黎，好似食緊小籠包咁...腩肉:本身醃好左，所以就咁食都幾咸，但浸落d湯到沖淡左就會好d，而且肥瘦均勻，不過如果厚d會更好！芝士丸:我無食，朋友話一咬d芝士就流晒出黎，熱辣辣，正！豬軟骨:絕對推介，都係事先醃好左，好淋，容易咬，連老婆婆都應該咬到...好小可有舖頭會整到咁淋，讚！ 湯底好多配料，而且味道好濃，我個碗真係辣到無晒知覺咁制，眼水都出埋黎...不過食到最尾唔係熱辣辣既時候，飲既湯係最好味，因為唔會太辣，而且酸酸地，好開胃！但係對於服務真係覺得麻麻，人手絕對唔夠，真係要叫3、4次先有人過黎幫你落單，叫佢俾杯茶/碗仔，應就應得好快，就好好好，但係轉到頭就唔記得，又要再叫過...

自從很多大集團連鎖餐廳進軍屯門後, 雲桂香算係平的餐廳了, 廿一蚊一個米線, 重未計料, 都唔算真係好平 我叫左個小鍋米線($21), 唔辣, 加腩肉($5)腩肉半肥瘦, 幾入味 , , 不過有D辣小鍋米線好大碗@@, 有酸菜, 芫茜, 蔥, 芽菜, . 不過不失, 普普通通咁. D位有D窄

超搶眼的招牌，人流都好旺，午飯時段成日爆晒。ＱＱ寬粉（１６蚊）、腩肉、再加豬軟骨（２４蚊）小鍋米線（１６蚊）、豬大腸、腩肉（２４蚊）份量多，食極都食唔完，誇張！呢間野，其實味道都相對咸。

我最愛吃這裡的ＱＱ寬粉，蠻彈牙。這裡其餘也跟一般的米線店沒什麼分別，照樣１８蚊／２０蚊／３６蚊一個麵，另加餱就４蚊。我點了豬大腸、豬軟骨。這兩款也不錯，味道可以！我總覺得，任何一間的＂雲桂香米線專門店＂，的湯底也是很重味精，很咸……另外還叫了一碟菜心（８蚊）、麻辣無骨鳳爪（２２蚊）、炸雞冀（１６蚊）開頭，侍應拿那碟無骨鳳爪時，我以為她送錯…那個侍應走入廚房問人，才知道那個真的無骨鳳爪！哇………其外表真的不似無骨鳳爪。而且那個無骨鳳爪，並非無骨！只是把原隻的鳳爪，剪為一粒粒（見圖），讓食客可以連骨吃掉！麻辣的味道是有，但不太重！這裡的侍應，沒什麼記性！叫她給我幾對筷子，「哦」一聲後就忘掉，我們呆等…好了…再找別的侍應，情況還是一樣咧！然後第一位又出現，這次我們重複地叫她現在拿給我們，她才給了。半小時後，第二位的侍應突然給我們幾對筷子……哎一古……簡直哭笑不得……

早幾年，食米線係一個飲食風氣。當時，令雲南桂林過橋米線迅速擴展，現時，已有 12 間分店。 10月頭，經過屯門仁政街，見到有間新米線舖<雲桂香米線專門店>，以黃色底色彩藍色字做招牌，十分搶眼！攞單張睇吓，原來原名正是雲南桂林過橋米線，只不過而家改名兼開新分店而已。呢度除咗食到過往口味嘅米線之外，亦加入新元素及口味；令食客更多選擇，可以大飽口福！蟲草花雞肉湯薯仔 QQ 寬粉 $32 + $4 雲吞 ：$36可要求轉為：薯仔 QQ 寬粉、薯仔 QQ 麵、細薯粉，不用另加收費！有見及此，我當然一嚐未試過嘅薯仔 QQ 寬粉。據店員得悉，以薯仔澱粉做成。睇起嚟驟似闊身河粉，寬粉白色，邊帶透明，咬感截然不同；QQ 寬粉很爽滑彈牙，長度參差不齊。實在太滑關係，幾難夾起，必定要匙羮輔助。 冬蟲草價值連成，具滋肺、補腎、護肝、防衰老、降血壓、提高免疫力的功效，隨時動輒成萬銀先買到一兩高級冬蟲草；反之，蘊含氨基酸嘅蟲草花藥用功效不及冬蟲草，只係大約 $20/兩。相比之下，天淵之別！近年，廣受食肆歡迎，一來成本低，二來帶點爽身煙韌口感，三來天然橙色增添賣相色彩！蟲草花只有一湯匙份量並不算多。