雲川 米線・紅薯粉 (盛發大廈)

营业中

休息中

之前日日經過 次次都排長龍，今日係門口望到有位就即刻沖入去食了，呢間野係屯門好出名，今次開到黎元朗唔知係點呢， 裝修比起屯門果間舊鋪靚好多，因為係新開既， 樓面都好快安排左座位比我地坐，咁坐低喇，就掃馬點餐， 叫左個酸辣米線 加豬頸肉加羅白 加九菜餃，仲叫左魚皮同大腸， 湯底係正既，豬頸肉幾好 羅白 我覺得可以林多小小，九菜餃冇乜特別 正常野，魚皮個味幾好， 生腸就普普通通， 總括黎講係幾好味，價錢就貴左小小一碗麵都要70-80蚊左右 ，

元朗雲川.味道：7.5/10🌟抵食：7.5/10🌟環境：7/10🌟.屯門人氣米線小店開咗黎元朗😋小編今日帶大家試試酸麻金湯、酸辣湯同麻辣湯3款湯底😍其中酸麻金湯酸味最出，而酸辣湯辣味較重🌶️必點配菜包括豬頸肉同螺旋藻😆雖然要要➕10-15一款配料（人均約$70）但份量勁多，都好好味！食得好滿足😌推薦大家去試🍜.#香港 #食評 #foodie #食好西 #instagram #香港好去處 #拍拖好去處 #香港美食 #打卡 #元朗 #元朗美食 #元朗好去處 #元朗米線 #米線 #米線關注組

屯門非常出名嘅雲川，喺屯門就有幾間分店，一直等佢開分店黎元朗終於等到，喺屯門食嘅時候真係覺得佢好驚艷，湯底好香濃，好好味，豬頸肉都好好食，又腍又Juicy，今次元朗開咗分店覺得佢個湯底冇平時咁好食，冇咁香濃，唔知係咪新開舖嘅關係個湯底未夠好呢？過多排會去試一試睇吓會唔會同返屯門一樣。

👀📍雲川淨睇封面應該都唔少人估到係介紹雲川‼️最近雲川終於衝出屯門，梗係黎支持下啦。雲川除左係我最愛嘅米線店，相信都係唔少人嘅number 1。雲川有唔同湯底簡，配菜、小食都包羅萬有。自己覺得黎到要食佢地嘅魚湯，魚湯鮮甜帶少少胡椒味，完全唔腥。配菜方便就必推豬頸肉同豬排！超級香口又腍，豬頸肉仲甜甜地👍🏻小食都覺全部好好味，自己不嬲除左打邊爐嘅魚皮外都唔食魚皮（食酸菜魚都唔食皮😂），但呢間嘅魚皮係超爽口，花椒麻辣得岩岩好，加上再有啲青瓜，所以都好好味👍🏻基本上係到叫咩，都係零伏。

朋友係一位麵線控，今日佢帶我過嚟元朗呢一間雲川，亦都係佢最愛食嘅米線店。星期六日晚上去到，都有唔少人排隊，入到去裝修環境乾淨，座位闊落，出餐亦都好快。朋友推薦必須要點豬頸肉，然後我就點咗一碗豬骨湯配豬頸肉嘅紅薯粉。我諗下一次一定要試米線，因為紅薯粉比較飽肚，但係佢嘅豬頸肉真係一試愛上。重點嘅係豬骨湯底真係非常之正，非常濃郁，好多肉碎料，但有少少辣，好有味道。忍唔住清晒個湯，都真係夠晒飽！額外再加咗個手撕雞小食，麻味比較重，但芝麻醬比較稀，比平時出邊食嘅手撕雞有少少唔同。