影片
营业时间
今日营业
10:30 - 22:00
星期一至日
10:30 - 22:00
以上资料只供参考，请与餐厅确认详情
一向好钟意食米线得知元朗有间新开嘅云川我哋就去试吓发觉佢同屯门嘅系唔同的🌶️哩度嘅汤底系更浓郁、辣度更强、香料味更突出！🥟𩠌菜出色：饺子、虾卷yummy，猪颈肉比屯门嘅好食！🔸猪颈肉麻酸辣米线（中辣）猪颈肉出色👍🏻够入味又焗到焦香，唔会因浸咗汤而淡左。中辣汤底真系好够辣、好浓麻辣香料味突出但冇苦味米线吸收汤汁 每啖都食到汤嘅味好啱重口味人士。🔸韮菜饺薯粉水饺饱满大只、女韮菜好香好新鲜、饺皮够滑。薯粉烟烟韧韧，2汤底都系一样的。🔸炸猪扒、炸虾卷全部都系即炸，好香！猪扒大件厚身，入口松软。炸虾卷皮脆脆的，沾麻辣粉食好好味！
继续阅读
朋友推介呢间米线系屯门好出名。难得今次系元朗见到佢有分店，就过黎试下。 入座/等位：星期日11：30am黎，都算早，所以唔洗等位。入面都好多位。 落单/上菜：QR code落单，上菜都正常速度。 食物：酸辣猪颈肉+腐皮虾卷 $50。 猪颈肉系最多人推荐嘅食物，食落唔会太肥，而系有煎香同少少㶶边嘅味道。 咁啱都系我最钟意食猪颈肉嘅口味。 少少㶶边少少肥，食落唔会太负担，但又过瘾。 加埋酸辣汤底就好开胃。 我叫左小酸辣，佢汤底系少少带甜，但又唔系好攻击性嘅酸辣。 有少少令我想起一个「故人」，曾几何时当谭仔同三哥未被收购，未公式化煮食程序同材料前，都有同样嘅灵魂味道。 总结：佢未必系最好食嘅米线，但一定系令我想再主动去食嘅店。 而唔系谂唔食咩，就去食已经无分别嘅两间连锁米线店。
继续阅读
个个话嚟到都要食猪颈肉 一于就试吓啦今次叫咗萝卜猪颈肉猪大肠酸辣米线猪颈肉切食一条条 唔会好肥 仲要食落猪颈肉嘅边都脆脆地 几有惊喜🤩 唔怪得个个都推介猪颈肉啦!!萝卜超大嚿，不过就唔算好腍 个人觉得可以再入味啲同埋再腍啲下次再黎会想尝试吓鲜鱼汤米线🍜
继续阅读
〖酸麻汤底有浸怪怪的味〗网上好多人话酸麻辣好食，所以就叫咗个麻酸香茅猪扒米线，点知一试汤头，𠮶浸酸味真系好奇怪꒰˵･᷄-･᷅˵꒱，我觉得系佢哋嘅酸菜有浸臭臭地嘅味😷，完全接受唔到啊！ 仲有少少药材味？总之就难入口啦！ 香茅猪扒可以，有香茅味。不过食完真系好失望( ･᷄-･᷅ )完全浪费咗个quota食米线啊, 真系唔明点解咁多人吹捧话好食？男朋友叫咗个酸辣汤底，同样系怪怪地嘅酸味，猪颈肉呢就可以，ok嘅。唔系太难入口嘅话都唔会专登评论🙃
继续阅读
以前读书成日都同朋友仔去食，宜家连元朗都开左佢哋嘅分店～金汤X猪颈肉呢个组合一定岩食！猪颈肉同出面嘅唔同，佢哋系剪到一条条咁，咬开外脆内软，第一啖咬落去会食到金汤嘅咸、酸辣嘅口感，再咬多阵就会有甜感，感觉好似落左蜜糖喺表面再烧嘅感觉🤤👌葱香令汤底更加香，食晒成个米真系会好饱😂😂食过一次就会想再encore！虽然一碗嘅份量好多，但系都冇阻我会叫多杯冻柠茶😂😂😂😂抵食又饱肚真系可以试试佢
继续阅读