雲川 米線・紅薯粉 (盛發大廈)

营业中

休息中

今次嚟到元朗既雲川，聽人講係米綫界好出名，諗住嚟試下，但夜晚真係人山人海，等位既人好多！不過太肚餓啦，唔想再等，見到有疊桌選擇，唔洗排隊，即刻選擇左疊桌入座，既然是第一次，緊係要試試他們既招牌豬頸肉，還嗌了兩款唔同湯底試試口味！1. 豬頸肉酸辣湯米線(小辣) 豬頸肉好入味，好易咬開，好好食！個湯底好香，飲落唔太辣，有好多肉碎，正呀！但食食下會覺得越食越口渴😱唔知係咪湯底問題~2. 豬頸肉雞腎酸麻金湯米線 依個湯底很有特色，金黃色的湯底望落已經很吸引！酸酸麻麻的味道很開胃，配上豬頸肉和雞腎，好好味，食完回味無窮，推薦！3. 脆皮花枝丸 花枝丸外脆內軟，咬落有濃濃的鮮味，點湯吃或單吃都好正！整體來講，雲川既餸和米線真係正！雖然好多人等位，但食物品質冇失望，鍾意食米線既人一定要嚟食！

一向好鍾意食米線得知元朗有間新開嘅雲川我哋就去試吓發覺佢同屯門嘅係唔同的🌶️哩度嘅湯底係更濃郁、辣度更強、香料味更突出！🥟餸菜出色：餃子、蝦卷yummy，豬頸肉比屯門嘅好食！🔸豬頸肉麻酸辣米線（中辣）豬頸肉出色👍🏻夠入味又焗到焦香，唔會因浸咗湯而淡左。中辣湯底真係好夠辣、好濃麻辣香料味突出但冇苦味米線吸收湯汁 每啖都食到湯嘅味好啱重口味人士。🔸韮菜餃薯粉水餃飽滿大隻、女韮菜好香好新鮮、餃皮夠滑。薯粉煙煙韌韌，2湯底都係一樣的。🔸炸豬扒、炸蝦卷全部都係即炸，好香！豬扒大件厚身，入口鬆軟。炸蝦卷皮脆脆的，沾麻辣粉食好好味！

朋友推介呢間米線係屯門好出名。難得今次係元朗見到佢有分店，就過黎試下。 入座/等位：星期日11：30am黎，都算早，所以唔洗等位。入面都好多位。 落單/上菜：QR code落單，上菜都正常速度。 食物：酸辣豬頸肉+腐皮蝦卷 $50。 豬頸肉係最多人推薦嘅食物，食落唔會太肥，而係有煎香同少少燶邊嘅味道。 咁啱都係我最鍾意食豬頸肉嘅口味。 少少燶邊少少肥，食落唔會太負擔，但又過癮。 加埋酸辣湯底就好開胃。 我叫左小酸辣，佢湯底係少少帶甜，但又唔係好攻擊性嘅酸辣。 有少少令我想起一個「故人」，曾幾何時當譚仔同三哥未被收購，未公式化煮食程序同材料前，都有同樣嘅靈魂味道。 總結：佢未必係最好食嘅米線，但一定係令我想再主動去食嘅店。 而唔係諗唔食咩，就去食已經無分别嘅兩間連鎖米線店。

個個話嚟到都要食豬頸肉 一於就試吓啦今次叫咗蘿蔔豬頸肉豬大腸酸辣米線豬頸肉切食一條條 唔會好肥 仲要食落豬頸肉嘅邊都脆脆地 幾有驚喜🤩 唔怪得個個都推介豬頸肉啦!!蘿蔔超大嚿，不過就唔算好腍 個人覺得可以再入味啲同埋再腍啲下次再黎會想嘗試吓鮮魚湯米線🍜

〖酸麻湯底有浸怪怪的味〗網上好多人話酸麻辣好食，所以就叫咗個麻酸香茅豬扒米線，點知一試湯頭，嗰浸酸味真係好奇怪꒰˵･᷄-･᷅˵꒱，我覺得係佢哋嘅酸菜有浸臭臭地嘅味😷，完全接受唔到啊！ 仲有少少藥材味？總之就難入口啦！ 香茅豬扒可以，有香茅味。不過食完真係好失望( ･᷄-･᷅ )完全浪費咗個quota食米線啊, 真係唔明點解咁多人吹捧話好食？男朋友叫咗個酸辣湯底，同樣係怪怪地嘅酸味，豬頸肉呢就可以，ok嘅。唔係太難入口嘅話都唔會專登評論🙃

以前讀書成日都同朋友仔去食，宜家連元朗都開左佢哋嘅分店～金湯X豬頸肉呢個組合一定岩食！豬頸肉同出面嘅唔同，佢哋係剪到一條條咁，咬開外脆內軟，第一啖咬落去會食到金湯嘅咸、酸辣嘅口感，再咬多陣就會有甜感，感覺好似落左蜜糖喺表面再燒嘅感覺🤤👌蔥香令湯底更加香，食曬成個米真係會好飽😂😂食過一次就會想再encore！雖然一碗嘅份量好多，但係都冇阻我會叫多杯凍檸茶😂😂😂😂抵食又飽肚真係可以試試佢

每次經過門口，都總有人喺門口等位，今日星期六1:00pm去到，拎完飛等1，2分鐘就入得座位與座位之間都幾迫，不過唔緊要，因為上嘢食好快酸辣小鍋米線-小辣(豬頸肉+腐皮蝦卷)：飲湯底第一啖竟然有陣苦味，但食落又無，湯底比較偏酸，叫咗小辣，啱啱好唔太辣。而米線好彈牙，好味見到其他食客大部分人都點豬頸肉，果然係幾好味👍🏻食得出豬頸肉有蜜汁味，而且切到好幼身，份量好多，食曬d米線都仲有腐皮蝦卷就正常發揮鮮魚湯米線(豬頸肉)：魚湯味好濃，我個人覺得魚湯比酸辣湯出色👍🏻連飲品人均$5x-6x，好抵食，會再食第二次

本來喺其他區都見過呢間分店經過見到呢間新開，又有下午茶平啲就諗住試下😝今次嗌左麻酸辣湯底小辣麻感就無乜，個湯就好夠味既覺得喺元朗黎講都算係好好既湯底🤓餸簡左滷水雞翼同豬頸肉對呢碗野好滿意雖然豬頸肉切得比較幼但係非常之入味另外雞翼就無豬頸肉咁入味不過勝在夠滑，而且有3隻!!!!!下午茶黎講都幾滿足😌

最近喺屯門食完雲川之後就愛上咗🥰見元朗又有分店就去試吓啦！都係好好食😋（係咪心理作用？好似屯門嗰間好食啲😝）餐廳外可以㩒票攞位，好快就有得入～依次坐卡位，係星期六晚餐時間要搭枱～✨✨✨✨✨米線迷必食雲川😛✨✨✨✨✨🤍想食鮮魚湯底，但又想辣！所以嗌咗香辣腩肉😝啲腩肉好食！餐牌上腩肉有兩個辣椒🌶️🌶️係真係辣啊😛🤍鴨胸肉同墨魚咀都唔錯😙🤍生腸好大份，抵！（相中食咗少少🤣）🤍韭菜雲吞，好正～碗湯有芽菜，鍾意芽菜嘅話都啱！😁兩人一男一女食完好飽，細食嘅話可以嗌返少啲😝

這間米線在屯門區已有多間分店, 近月已經開始在元朗開多間分店 今日就來試試, 我點了他們推薦的豬頸肉, 加上花枝丸,辣肉碎配上熱撈紅著粉.個人覺豬頸肉的確美味, 燒得恰到好處, 值得推薦 家人就點了花枝丸,炸魚皮春卷, 豬骨湯小辣米線, 個湯底豬骨味濃, 米線真是軟硬適中, 恰到好處至於小食炸魚腐普通，但可以一試後

元朗終於開雲川燒！唔再只係屯門名物！不過晏晝時間真係好多人，等咗起碼半個鐘。食開雲川燒就知，豬頸肉就例牌㗎啦，係得呢間米線每次都豬頸肉咁幼，方便我呢啲懶人要咬。再配埋酸辣湯底小鍋米線，正。呢度嘅酥炸大腸都唔錯，可以加個小食。

今天在店內電話落單後，食物送逹。但店員仍不斷送東西過來。已經表明沒再有落單及給予電話記錄作為證據。店員仍然隨便責怪人及動作粗魯。要求見負責人處理，店員拒絕處理。如此服務態度，永不再去此店。

朋友熱烈介紹我食，今日放假終於去試下。米線鮮魚湯底$48包一個餸(其後每款送加$10，我叫左花枝丸、腐皮蝦卷、蘿蔔）+$5豆漿=$73白色魚湯濃郁有鮮味，但筆者略嫌濃左少少，再清少少就perfect池花枝丸大大粒有咬口有粒粒魷魚。蘿蔔有四大舊！估唔到夏天既蘿蔔都可以咁入味又清甜！腐皮蝦卷，半煎炸又夠香口！米線爽口唔會好淋！總括黎講係好食既，唔怪之得咁多人排隊。晏晝去食要搭枱，我呢個I人,最想係坐自閉位，耐何最尾被安排同個陌生人坐對面😅lunch time真係好多人食！好受歡迎👏🏼

之前喺屯門食過呢間雲川，已經一試愛上！近年喺元朗開咗新店，一於來呢間分店試吓啲水準先！呢間分店空間感更大，坐得舒服～熱拌紅薯粉配豬頸肉炸醬💰HK$59之前一直都係食開湯嘅，今次就試吓熱拌啲先！紅薯粉口感煙韌，豬頸肉依然都係咁爽口彈牙，炸醬勁多，用來撈面一流～

之前日日經過 次次都排長龍，今日係門口望到有位就即刻沖入去食了，呢間野係屯門好出名，今次開到黎元朗唔知係點呢， 裝修比起屯門果間舊鋪靚好多，因為係新開既， 樓面都好快安排左座位比我地坐，咁坐低喇，就掃馬點餐， 叫左個酸辣米線 加豬頸肉加羅白 加九菜餃，仲叫左魚皮同大腸， 湯底係正既，豬頸肉幾好 羅白 我覺得可以林多小小，九菜餃冇乜特別 正常野，魚皮個味幾好， 生腸就普普通通， 總括黎講係幾好味，價錢就貴左小小一碗麵都要70-80蚊左右 ，