雲家小鍋米線 (328廣場)

营业中

休息中

見到佢係OpenRice開飯熱店專登約朋友嚟試吓嚟到發現超多人喺門口等位本身唔太鍾意排隊等位開頭係有諗過放棄但又會諗係為咗佢而嚟所以最後都係排隊XD好在食完覺得排隊係值得嘅同埋其實只係等咗大概10分鐘兩個人超肚餓 叫咗好多嘢食但我哋全部都有清晒咖～- - - - - - - - - - - - - - - - - - - - - - - - 1. 小鍋米線(雞絲、金菇、豆卜)+熱西洋菜蜜平時食米線都會叫2-3樣餸今日都唔例外 叫咗上面3樣嚟到發現碗米線超足料多到有種食極都食唔完感覺應該食咗一包金菇落肚另外雞絲、芽菜都係好多筷子一夾 實有米線雞絲芽菜或者米線金菇芽菜湯底仲有少少豬肉碎小小細節位都唔會放過咁樣價錢都係$49 超抵食啊辣度方面叫咗BB辣好微好微嘅辣 酸味比例較重仲有小、中、大、勁辣可揀2. 小鍋米線(墨魚丸、肥牛、響玲)+檸檬可樂呢碗一樣足料 因為肥牛關係價錢就係緊係貴少少啦$64但都可以食到好飽好飽難怪咁多人排隊啦同埋食緊過程係會見到外賣訂單源源不絕同埋我哋本身想叫薯粉但好賣到7點已經賣晒聽到豬腩、豬排都係賣晒真係好多客人幫襯3. 涼拌墨魚頭見到呢個好多人推介過嚟到緊係試吓

睇完米線排行榜即刻心郁郁想你黎試吓星期六中午12:00諗住嚟碰吓運氣！門口已經排咗10個人以上果斷放棄！當日下午5:00再嚟試！得左揀咗小窩米線+豬大腸+螺旋藻（小辣）超 級 大 碗唔單止米線份量好多！餸都一樣咁多！胃口大嘅男士都絕對夠飽！女士們記得同餐廳落單備注少米線啦味道方面好好食！抵佢贏㗎！涼拌墨魚咀聽講好好味因為米線已經食唔晒！唯有留返下次啦性價比超高！實至名歸！想試嘅朋友記得留意時間！避開午市多人嘅時間呀

好食既米線都唔近我，今次係專程去荃灣食雲家。味道不錯，湯底同平時食既有d唔同，唔係死咸。食得辣既朋友要叫辣少少，我叫小辣，就唔覺得辣。腩肉好食，魚肉春卷唔hea，真材實料，餸份量夠，米線多返少少就更好。店員都很友善，若可以多留意舖面清潔會更好。地下有d垃圾好似好耐但無人清理、店員抹完枱後，塊抹布不要揈嚟揈去，其實同枱客人仲食緊。本來無念住寫食評所以無影相，但希望店舖能有改進先寫。整體都唔錯，但希望食物好食之餘，基本衛生都能更好。

.今次去左荃灣其中一間極高人氣嘅米線店 - 雲家小鍋米線 ..小鍋米線：豬軟骨+蘿蔔（麻辣）小鍋米線：台灣腸+豬扒（麻辣）湯底：大辣唔算好辣，好辣人士可以一試就試勁辣好香濃，配料有辣肉碎、酸菜、芽菜、芫荽每一款餸份量都好多，豬軟骨有4大件，蘿蔔亦有3大件，豬扒係另上嘅，非常大塊🫨好抵食!!..秘製豬頸肉 47每枱必叫嘅，幾乎每一枱都有一碟，燒得好香脆..醬拌皮蛋 24用左蒜頭、辣椒、醋調味，選用嘅皮蛋係黃金皮蛋，係流心嘅，好食。..地址：雲家小鍋米線 (328廣場) (荃灣)荃灣沙咀道328號328廣場地下G01號舖……….

荃灣超人氣米線推介✨雲家小鍋米線ʕ๑’ㅅ‘๑ʔ‧˚ ꔛ ꔛ ꔛ ꔛ ꔛ ꔛ ꔛ ꔛ ꔛ ⸝⸝‪⸝♡荃灣有一間超人氣嘅大大碗又足料嘅米線🍜夜晚時段見到大排長龍可見受歡迎程度❣️🍜❤️小鍋米線$31小鍋米線有得揀▪️酸辣▪️麻辣▪️麻酸辣🌶️我自己就揀左酸辣嘅BB辣( °‪꒳​° ).ᐟ‪‪‪.ᐟ‪‪‪湯底濃郁 偏酸有少少辣 幾岩我口味！佢配料已經有芽菜、酸菜、韮菜、蔥、芫茜！仲有啲有辣豬肉碎 已經好豐富！我另外加餸加左▫️豬紅$9▫️雞絲$9✨雞絲超多份量 差唔多成碗都係！超抵食！推薦！而且雞絲都幾有雞味 唔係嫩滑個種 (˶’ ᵕ ‘ ˶)係有啲咬口嘅口感 絕對唔會太老 幾正🫶🏻🍜🩵涼拌米線$36叫完一碗熱米線 就想叫返碗凍凍地嘅涼拌！配料有花生、榨菜、咸菜 有肉碎！呢碗叫左好多餸▫️腩肉$10▫️雲吞$9▫️通菜$7✨腩肉肥瘦適中 煮得幾入味( •̀ᴗ•́ ) ̖́-而都幾多人揀 我哋叫完之後已經賣晒！雲吞皮都夠滑 餡料都係偏清淡嗰種 通菜都比得好多 本身仲想單點超出名嘅豬頸肉！不過數量有限只可以加餸再叫▫️豬頸肉$18✨豬頸肉都幾爽嫩有咬口 唔錯(｡>ㅿ<｡)米線都偏粗身好煙韌 本身

個人私心推介米線雲家小鍋米線由細到大都住開荃灣，個個朋友黎到荃灣都問我地推介邊間米線，除咗老闆娘之外，我地次次會推薦雲家小鍋米線。自從雲家係米線關注組出左名，變成假日長期排隊既人龍店。平時多數都係買外賣，今日見夜晚唔算多人，才決定堂食。我地分別叫左🍲酸辣小鍋米線+豬紅+豬大腸+ 生菜紅薯粉口感煙韌，酸辣湯底一向配料豐富，有肉碎、芽菜、韭菜、酸菜、蔥。豬紅同豬大腸都入味；而生菜就正常發揮😋🍲麻酸辣小鍋米線+螺旋藻+腐竹麻酸辣湯底味道有層次，最中意雲家既米線煮得順滑又吸湯。我一向都中意食腐竹，中意佢吸哂湯底既精華。而螺旋藻係次次黎雲家都必叫，真心大推，次次食親都堆到成座山咁高，食落口感超正，正正因為唔多米線舖會有，所以次次食親雲家都必叫的餸！🥢涼拌雲耳雲耳味道酸酸辣辣，超級開胃，而且仲要有陣陣嘅麻油香味。雲耳每朵都大大朵，食起黎勁開心😃🥢麻辣金錢肚金錢肚分量十足，麻辣味十足。雖然係麻辣，但係麻辣的程度控制得非常好，唔會死辣。

小食 - 涼拌墨魚頭試左好多間店，但呢間配了炸蒜+ 夠凍夠鮮的墨魚頭， 好出色。 味道一流。米線- 小鍋米線 麻酸辣（中辣）酸度夠， 而且唔會搶左麻味。不過始終係點「外賣」 所以米線淋左😭😭😭下次要揀堂食😎

呢間超受歡迎既米線鋪，七點半左右黎到係排哂隊，不過為咗可以食到，決定照等🫣好彩等左一陣就入得👏🏻🐷豬大腸通菜小鍋紅薯粉 $51豬大腸又香又滑😍每件都好大件但一啲都唔會靭。通菜份量好多又脆口，岩哂有時出街食飯都想食啲菜既我🫣，紅薯粉煮得煙煙韌韌，彈牙、口感十足👏🏻🐽豬紅韮菜重慶酸辣粉 $50豬紅吸哂湯既味，酸味同辣味配合得岩岩好，咁大碗都好快清晒，好開胃🤤🐙涼拌墨魚頭 $46墨魚超爽脆😍新鮮又彈牙，滿滿既蒜香味🤘🏻份量仲要好大，好滿足😍🐤炸雞中翼（4隻）$30表皮炸到脆卜卜，咬開依然咁多肉汁😋好香既香茅味🥤凍華田 $8華田味好濃🥤凍奶茶 $8夠滑，茶味都好出

去開荃灣，問住荃灣的街坊朋友，推介邊間米線，佢地大推呢間雲家小鍋米線。近年喺米線關注組出哂名，由街坊小店變成長期排隊的人龍店。所以見平日夜晚唔算多人，決定去試一試。我地分別叫左🥢麻酸辣小鍋紅薯粉+豬紅+豬大腸+ 生菜紅薯粉口感滑溜煙韌，同麻酸辣味湯底超夾，而且配料非常豐富，有超多肉碎、芽菜、韭菜、酸菜、蔥，食到底都仲有好多配料。豬紅同豬大腸超入味，豬大腸仲要清得好乾淨，完全冇異味，超加分；生菜吸哂湯底精華好好食😋🥢麻酸辣小鍋米線+螺旋藻+腐竹湯底麻酸辣味道有層次，米線煮得岩岩好，順滑又吸湯，而且同薯粉一樣有大量配菜，食起黎啖啖餸。腐竹就正常發揮同湯底超夾。而朋友推介必叫的螺旋藻，真心大推，海量的螺旋藻，推到成座山咁高，食落口感似海帶，但冇海帶的海水味，而且唔多米線舖會有螺旋藻，真係雲家必叫的餸！🥢涼拌墨魚頭墨魚頭超大方，大大碟，見到就已經好滿足，墨魚頭爽口，味道唔算好辣好開胃。🥢蒜泥白肉一上碟只見蒜，唔見肉，蒜茸超多超惹味，白肉勁入味。以後出開荃灣又多一間必食米線！

鍾意食米線嘅朋友，都會去不同特色米線店品嚐美食，尤其係小店經營分分鐘會食出驚喜，今次同朋友去了荃灣呢間雲家小鍋米線，去到已係晚餐時段，係門口已見排隊人龍，就知道佢幾有人氣食店。都等咗一陣先至入去坐低，當然餐牌除了有多款口味小鍋米線同多款配餸之外，仲有其他特色小食供應。我哋就點了最基本嘅小鍋米線，另一款係雲家米線同兩款小食。有涼拌墨魚頭終於開始享受美食，先來小食有涼拌墨魚頭份量十足，墨魚頭肉質爽彈又飽滿，加上蒜粒嘅提升味道，點埋醋汁食得特別滋味。醬拌皮蛋另一款醬拌皮蛋，晶瑩剔透味濃香滑，當然兩款米線各有特色。小鍋米線+ 腩肉+ 蘿蔔小鍋米線配料已有芽菜、酸菜、韮菜、蔥、芫茜、豬肉碎，加配餸埋有腩肉食到肉質肥瘦適中帶點油脂，大大件蘿蔔燜得軟腍吸晒湯汁精華，而且湯底口味係酸辣咁食先刺激。豆漿飲啖豆漿解解辣度啊！雲家米線再來呢碗係雲家米線，賣相十足！會俾其他米線配料多出幾款食材，蓋滿晒整碗米線上。湯底麻辣、中辣真係好惹味。有雞翼、雞絲、腸仔、魚肉卷、冬菇等，一啖餸一啖米線口感滿足又惹味，食都碗底仲係配料真係CP值高，又品嚐一餐豐富特色人氣美食。

勁多人介紹嘅荃灣雲家米線，食過一次都幾鐘意平時好多人排隊，今次閒日5點幾到，終於不用等太耐要咗2碗小鍋米線，肥牛、牛腩各$46一碗一款係麻酸辣湯底、一款係酸辣湯底，要最小辣，覺得可以再辣啲，惹味啲肥牛因為白烚，味道淡，浸吓湯會好食啲，牛腩就好入味都好腍今次加咗紫菜，發覺好正，以後再食都必加！小食要咗秘製豬頸肉$47，豬頸肉質地好食，脆脆地入面就juicy，調味好好，必食價錢都好抵，聽講仲有墨魚頭好食

天氣凍特別想食米線暖肚，見雲家門外無人排隊就入去食。小鍋米線 $31每次食雲家都係叫小鍋米線，湯底要酸辣小辣，湯底非常惹味。今次餸要魚肉春卷（$9有3條），口感煙煙銀銀。牛腩($15)，份量算多，煮得又淋又入味。豬頸肉($18)厚切片豬頸肉，口感爽脆有彈性，肉味濃郁且油份重。另外，點了兩款小食。麻辣金錢肚$46，麻辣味不重，口感爽口鮮嫩。涼拌墨魚頭 $46，大大粒墨魚頭。口感爽口彈牙，面上滿滿都是蒜泥，勁惹味。

朋友推薦這間人氣米線，雖然小店很小，但人氣很高，平日夜晚都爆，要等位😵價錢親民，難怪多人.💠牛腩小鍋米線 $56酸辣湯底免費，加了炸醬，酸辣調味有一定的辣度和酸度，增添了刺激的味覺😝牛腩的肉質鮮嫩多汁，米線，味道相當濃. 💠清湯炸醬腩肉小鍋米線 $51腩肉的外脆內嫩，清湯味道味道會偏淡，但加了炸醬之後的味道會很香，但又不會太重口味😋💠蒜泥白肉 $42蒜泥大粒又多，充滿了蒜香，豬肉肉質鮮嫩，口感極佳.濃郁的口味，肉質鮮美🥰💠涼拌墨魚頭 $46墨魚具有豐富的鮮味和彈性口感😁有嚼勁和彈性，同時搭配的蒜泥調味料能夠提供豐富的口感層次。口感清爽👍🏻

雷聲就大喇，唔知雨點如何today就落tsuen wan 會一會佢叫咗2碗米線一個小鍋米麻辣bb辣 另一個加魚肉春卷 麻酸辣少少辣另加一碟豬頸肉下午茶到6點半，加凍熱飲都係3蚊豬頸肉個邊有少少焦脆肉爽滑 ok但係個米線先係 main course嘛！試一啖湯，好普通，平平無奇wo試埋個粉都係冇乜特别個春卷係成條淋嘅魚肉好common一碗米線嘅level ,雷聲就大，雨點就得好少ordered 2 iced lemon tea also, a bit too sweet

有段日子冇去雲家了， 呢日12點鬆d去到希望唔使同上班族&學生爭位。一去到係有位既（我一個人啫）, 但好快坐滿人，真係食得有d壓力。 我點左豬脷,腐皮, 小酸辣，轉紅薯粉（加3蚊）。味道仍維持到，但腐皮唔夠滑，可以再煮多陣。 紅薯粉份量較少， 都加左3蚊係咪可以比多少少呢？之後聽到有新客落單，店員問佢要咩辣，佢話麻辣， 店員再問咩辣麻辣咩辣，客人聽唔明繼續話要麻辣，店員姐姐開始不耐煩， “麻辣要咩辣？大定中定小辣？” 其實一開始問要咩辣度咪得囉， 唔使咁勞氣既。