雲家小鍋米線 (328廣場)

营业中

休息中

肥雞好鍾意去荃灣搵食今次肥雞就試下呢一間叫雲家嘅酸辣米線有少少出乎意料之外佢除咗米線之外呢仲有燒烤同埋啲小食都幾多種類燒烤方面肥雞嗌咗個燒四季豆同埋韭菜啲韭菜嗍曬啲油同埋一啲資源分銷得佢每條舊菜都非常之香口而家少食好多有手拍青瓜涼拌墨魚頭炸雞翼等等全部都係啲香口嘢非常之眼皮雞米線方面呢肥仔就揀咗蘿蔔牛腩魚腐酸辣薯粉湯底呢非常之濃 肥仔嗌咗少辣所以唔會食到一殼眼淚一把鼻涕咁樣因為佢啲食物價錢都比較平所以肥雞同朋友出嚟之後每人埋單都唔過100蚊非常之抵

前排有日出咗去同家姐食米線 係荃灣路德圍米線食得多 今次就聽朋友介紹食另一間 係寶石樓附近既雲家😗米線超級大碗 風味十足 出名酸辣同麻辣🌶可以簡唔同既辣度 我地叫左米線🍜 3款小食同凍檸樂跟凍檸七 我揀咗酸辣湯底 湯底係一碗米線既重點 哩度既湯底酸中帶微辣 開胃😗 係我近黎食過算唔錯既湯底~ 米線既配料當然都唔可以忽略🤣 我揀咗大愛既蘿蔔 無乜筋 又幾清甜同大舊☺️ 豬大腸份量都幾多 幾入味 螺旋草唔係間間都有既配料 都幾有特色 幾吸湯底❤️秘製豬頸肉豬頸肉外層香脆 肉質軟腍有濃郁肉味 入口軟腍又不油膩 點埋泰式酸辣醬更別有一番風味涼拌墨魚頭比想像中大碟好多 墨魚頭爽彈鮮味 彈牙好食 滿滿炸蒜粒 蒜香十足 好鬼惹味令人忍唔住一條接一條咁食落去炸雞中翼 一碟4隻 外皮雖然炸得深色 但無過火 外皮香脆雞肉嫩滑 啖啖滋味 兩個人分享岩岩好

星期日都要返公司做嘢，放咗工已經餓到差唔多暈低。肥妹仔就叫埋肥爸肥媽肥家姐一齊去荃灣度食好西。雞，牛，羊肉，雞軟骨串燒其實肥妹仔好少會去到一啲食麵嘅地方有串燒食。呢一間就有，所以肥妹仔叫咗每一種去試下。佢嘅牛同埋雞係非常出色，牛肉好大粒，好軟淋，灑上孜然粉，好正。佢羊肉係令到肥妹仔驚喜嘅，因為佢唔算好羊，但係都有羊嗰種獨特嘅味， 未食聞到已經流曬口水，雞軟骨燒到脆卜卜。燒韭菜燒豆角肥妹仔好少叫串燒會叫菜，不過見到有就叫燒韮菜試下。果然冇死錯人，燒韭菜真係好好食，豆角就好脆口爽身。涼拌墨魚呢個肥妹仔其實期待咗好耐想試下嘅，佢嘅墨魚好爽口，係一個冷盤，最主要唔係食佢墨魚，而係食去醬汁嗰種味酸酸甜甜，非常開胃。手拍青瓜手拍青瓜冇咩特別，不過都係嗰句，大熱天時食啲酸酸嘅嘢，好開胃。豬扒墨魚丸酸辣米線肥媽最鍾意食炸豬扒同埋墨魚丸，所以呢兩個送佢一定會叫!肥媽嘅 評語就係佢嘅豬扒好好食，炸到脆卜卜，墨魚丸都幾彈牙，而酸辣湯個味 辣得嚟好過癮。炸雞翼其實炸雞翼真係冇得輸，正正常常，只要炸到香口嘅話已經冇嘢好challenge。蒜泥白肉個味調得唔錯 ，個豬腩肉切到好薄身，雖然係薄，但係都好香好滑。牛腩

很久沒有到荃灣探朋友，逛街及覓食。今次到偏離地鐵站及市中心的寶石大廈。荃灣有中西名菜、美食滙聚之名。朋友介紹到其樓下一家名雲家小鍋米線進餐，很特別除有大、中、小辣外，還有分酸辣和麻辣兩種。我們選擇了1⃣️肥牛小鍋米缐$38（中麻辣）加豬軟骨$8及魚肉春卷$7，2⃣️牛腩小鍋米線（酸辣），加豬大腸$8及墨魚丸$7，小鍋米線內有配菜（包括芽菜、酸菜、韮菜、葱及芫茜等)，份量十足。亦叫了蒜泥白肉$39，涼拌墨魚頭$40及一碟生菜$13。兩杯凍飲品（阿華田$12，凍檬茶$12）。米線爽滑，湯㡳濃郁，我倆都接受到豬軟骨爽稔，魚肉春卷美味彈牙，牛腩、豬大腸很稔入味，墨魚丸爽滑彈牙。蒜泥白肉蒜香濃，白肉肥瘦均勻墨魚頭彈牙，兩者蘸上酸醋更美味，再來一碟爽脆生菜，喝下兩杯冰凍飲品後已滿足。

平時食開既米線淨麵都要三字頭既時候，仲比我係荃灣搵到平民又高質既，支持下小店先😬😬小店裝修比較簡樸，勝在枱多，坐得舒服。餸最平$6 有交易，選擇都幾多。佢既辣有兩種，分別係酸辣同麻辣。今日叫左雲吞蟹柳豆卜熱拌米線同魚肉春卷雞翼蘿蔔通菜重慶酸辣粉。雲吞蟹柳豆卜熱拌米線平時少食拌米線，今日試下，叫左小小辣。有大量肉碎，同醬汁撈勻又幾惹味。配料多到見唔到底下既米線，性價比幾高❤️魚肉春卷雞翼蘿蔔通菜重慶酸辣粉呢到既酸辣粉味道偏酸，岩晒我呢個鐘意呷醋既人。薯粉係煙韌既，雞翼滷得入味而蘿蔔好清甜又冇渣。另外仲叫左幾款小食，秘製豬頸肉同蒜泥白肉。呢到既小食到幾出色，尤其係豬頸肉，好軟腍，咬落仲有油香添。蒜泥白肉好重口味，蒜泥舖滿晒腩肉片🙆🏻‍♀️腩肉片薄得黎好爽口，蘸埋啲辣油，正🤤🤤

今日咁岩去到荃灣 去到附近做完野肚餓餓地就入去試下😋嗌左個肥牛魚肉春卷生菜🥬酸辣米線、凍檸茶凍檸茶唔錯喎！幾好飲，要讚讚😚😁湯底略微唔夠酸同fd去食，仲嗌左幾款小食過下口癮 不過冇影到；嗌左個涼拌墨魚頭，勁好味！好爽大大隻咁，點埋啲酸醋好開胃！ 仲有流心既黃金皮蛋 第一次食黃色既皮蛋，仲要個蛋黃心係流質既！岩哂我勁中意流心既蛋黃呀！

個人一向喜歡吃雲南米線，最喜歡酸酸辣辣的味道，吃一大碗也不會很膩。這家店的米線份量十足，湯頭足料，味道偏濃一點，配合酸菜，蔥花和肉醬的湯頭真的很正，配料多達45種以上可以選擇，一定會選到你喜歡的！這次點的小食每款都好好吃！秘製豬頸肉肉汁滿滿，口感嫩滑，沾點甜酸醬吃味道更豐富，推薦！特愛吃他的牛肉串燒，有嚼勁又不失鮮嫩感，很惹味。整體十分滿意，價格實惠又好吃，我和朋友都大讚咧🤤小鍋米線 (不計配料) HKD26 炸雞中翼 HKD26秘製豬頸肉 HKD39羊肉串燒 HKD16牛肉串燒 HKD16

一向愛吃米線，朋友特意帶我去品嚐麻辣王米線。配料選擇多可隨意配搭，有米線和紅薯粉可選擇。辣主要分為酸辣和麻辣，而辣度亦有分小小辣、小辣、中辣、大辣和勁辣。不吃酸和辣的朋友不用擔心，也有不酸和不辣選擇。亦有多款特色小食和串燒，價錢相宜。麻辣小鍋紅薯粉加配了牛腩、腩肉、鴨腎、豬大腸，每款配料份量十足，絕不欺場。鴨腎爽口入味，嚼起来很脆，口感不錯。豬大腸沒有脂肪，口感香脆，有嚼勁。香氣撲鼻，濃底濃郁，紅薯粉吸盡湯汁，辣得過癮，味道非常惹味，相當香口。秘製豬頸肉 ($39)肉質軟腍富肉汁，入口爽脆彈牙，帶油香而不膩。涼拌墨魚頭 ($40)蒜味十足，墨魚頭鮮嫩爽滑，彈牙且不韌，香口惹味，風味獨特，吃得開懷。

今日做完gym口淡淡想食啲辣野，發現呢間米線主打秘製麻辣同酸辣一於試試佢！一入到去啲服務員好熱情，好主動問你想食咩，仲介紹佢地既麻辣係「麻辣王」 我就叫左大大碗既招牌雲家米線麻辣小辣，$52已經可以食到12樣配料，超抵！ 另外叫左兩樣小食，蒜泥白肉同埋涼拌墨魚頭 墨魚頭超入味，食完好開胃，蒜泥白肉都好正，食完想食多啲野tim! 而碗米線大到我覺得女仔一定食唔曬，呢度既麻辣果然名不虛傳，好惹味！ 食曬咁多樣野加埋杯凍飲都唔洗200，勁抵呀！下次想食辣米線都會黎呢度

好久沒有吃米線🍜於是和朋友到家附近試一試新店 小窩米線，我揀了小辣湯底，加了 芥蘭、金菇同埋通菜！ 米線是幼身的，又有彈性，是我鐘意的質地！ 另一個米線配了 豬潤、豬皮和芥蘭，同樣是小辣！一定要大讚，小店配料的份量十足，鋪滿成碗米線👍🏻👍🏻👍🏻👍🏻 另外，我們瘋狂點了很多小吃，涼拌墨魚頭🦑超 級 驚 喜 墨魚頭份量好多，又夠爽口，配上炸過的蒜蓉，又有秘製醬汁！ 十分惹味 麻辣鴨腎，基本上醬料同涼拌墨魚頭差不多，更多了一重麻辣口感，口感更加豐富 秘製豬頸肉👍🏻👍🏻👍🏻 不用說，燒豬肉一定不會差，好Juicy 好香口 串燒雞軟骨，配上孜然粉燒，好適合配啤酒飲😬😬😬😬 另外，我們又點了燒蒜心，我是第一次食蒜心，以為係蒜頭心😂😂😂 點知係綠色的蔬菜，今次食米線又長了知識👍🏻👍🏻👍🏻

今日經過荃灣見到呢間米線店未食過 一於就入去試下不得不提 冷氣非常十足呢呢度有分兩種辣 酸辣同麻辣麻辣係麻辣王 食得辣既朋友一定要試我叫左魚肉春卷 燕皮肉餃 芥蘭同同豬軟骨酸辣米線 小辣大大碗分量十足先試一口湯底湯底係豬骨湯 帶點酸 加左肉碎 幾好飲層次感更豐富米線口感岩岩好，唔會過稔 即使浸得耐都唔會變一團團魚肉春卷似魚條 好彈牙燕皮肉餃 我第一次食呢種餃皮薄 肉既分量都算多豬軟骨炆得好稔 而且好入味蒜泥白肉有大量蒜 岩哂我呢d鍾意食蒜既人白肉切得好薄 晶瑩剔透涼拌墨魚頭呢個好值得推介醬汁好開胃墨魚頭一點都唔會韌

小胖男友係超級米線控 基本上我地一個禮拜最少有一餐都會去食米線 不過真係好少寫食評 但今次破例 因為呢間雲家除左米線多餸可以揀之外 不單子勁多小食 仲有串燒食order左兩碗米線 試左腩肉 墨魚頭 通菜 豆卜 同 腐竹全部都份量勁多 墨魚頭爽口 腩肉入味先講湯底 兩碗都揀左麻辣小辣(唔太食得辣既朋友建議叫bb辣) 感覺都幾辣下 麻香味亦夠另外仲有食米線必備既配菜 大量既芽菜, 蔥, 芫茜, 酸菜份量都幾大碗 基本上就算唔叫小食都包你夠飽不過小食又平又多款 又好難忍口唔食炸雞翼炸得酥脆 配上泰式辣醬別具風味蒜泥白肉佈滿炸蒜 食落勁鮮味 唔知仲以為食緊蒜蓉開邊蒸蝦串燒既味道都調較得唔錯 孜然味濃郁 燒得乾身 最重要係好抵食見到有外國人都黎食米線 雖然荃灣食米線都有好多選擇 但小妹覺得雲家既環境比較舒服好坐 同最緊要乾淨呀嘛

呢到既選擇好多，湯底分2種，有酸辣同麻辣，唔太食得辣既朋友都可以要求少少辣架～我叫左豬排小鍋米線，酸辣湯底，另外加左生菜。豬排係另上，會幫你切開，豬排有醃過，好夠味而且都幾大塊，食落唔會un 湯底濃郁，有肉碎係入面，辣度足夠，如果再酸d就好啦！朋友叫左魚肉春卷、肥牛、生菜小鍋米線，其實碗米線份量都好大，配料又多～除左米線，都見佢餐牌有好多款小食，仲有串燒。 叫左個涼拌墨魚頭，好彈牙！好食！上面淋上有蒜味的醬汁，好開胃！之後仲叫左醬拌皮蛋，皮蛋仲係流心黃！串燒方面，叫左一串燒韮菜，有大概11條，份量黎講都幾大，而且只係$10，幾抵食！ 所以整體黎講性價比都好高！

荃灣係米線天堂，今日經過間新嘢決定入去試下間舖雖然唔算大但坐得舒服，最緊要枱凳餐具乾淨企理🧐👌🏻👌🏻餐牌以作參考，雲家米線辣湯底有分酸辣同麻辣，再有分勁，大，中，小，bb辣😎😎兩個人食，點左兩個米線，兩個小食，一個串燒，加兩杯凍飲小鍋米線 （中酸辣）四餸：芥蘭，貢丸，雲吞，韭菜已有配料：芽菜，酸菜，韮菜，蔥，芫茜湯底種酸辣味幾開胃👅米線煙韌，無太硬太淋，呢樣加分雲吞，貢丸吸左湯汁後亦不錯螺旋藻米線（bb酸辣）兩餸：腩肉，通菜已有配料：芽菜，酸菜，韮菜，蔥，芫茜湯底幾適合唔太食得辣又想食酸辣米線既我👅👍🏻👍🏻腩肉不錯，唔會太多肥，少少辣個人最推介螺旋藻，米線少見，感覺上較健康，吸埋湯汁作為配菜一流～～涼拌墨魚頭見推介就一試肉厚而爽脆，汁酸酸地幾好，值得一試！👍🏻👍🏻👍🏻醬拌皮蛋醬同皮蛋都襯，上面加有蒜頭串燒韭菜米線舖來說串燒算不錯，唔算油

慘慘又抽到返夜地獄更😵適逢日頭要陪朋友去荃灣拎啲野🙉還掂拎完撞正Lunch Hour🍴🐷趁未落地獄前隻身去吃個最後的午餐先🙈位於荃灣328廣場既雲家小鍋米線🍜雖然距離荃灣站比較遠🙈但有「天空之城」之稱既荃灣可謂四通八達！由A1出口直行沿住南行天橋過黎亦算方便的😆呢度簡約設計既環境裝修🙈抵食既麵餐小食☺️🍜亦吸引到唔少學生哥同埋上班一族黎進膳😆🍴🍜重慶酸辣粉雲家米線有分酸辣同麻辣兩種😋🍜揀左最愛既酸辣的小肥🤤🍜雖然小肥驚火山爆發而揀左BB辣🙉🌶但更為開胃既酸辣湯底配BB辣亦唔會被辣搶味😋配有花生、咸菜、榨菜、蔥花、芫茜等基本組合😆小肥另加配雞絲魚肉春卷腐皮同豆卜顯得更為豐富🍜🤤煮得爽口具質感既掛湯紅薯粉🍜🤤配搭經上湯燙煮既雞肉☺️🐔肉質嫩滑食落唔會乾身之餘🤤🐔浸過湯既魚肉春卷依然有外脆內軟既絕佳口感🤤內裡既魚肉亦十分入味濃郁🤤🐟再配合吸盡湯底精華既爽口腐竹及Juicy豆卜🤤成為一碗風味十足既麵餐🤤🍜秘製豬頸肉豬頸肉配以茅香醃製燒得夠香夠入味之餘🤤肉質嫩滑脂肪比例均勻食落唔會太油膩🤤🐷