雲家小鍋米線 (328廣場)

营业中

休息中

🍜🍜🍜放工之後特意過來荃灣吃米線🍜果然沒有讓我失望。住在荃灣的朋友真是好幸福，周圍有好多好吃😋的地道美食，今後都要多一些過來探索新世界～小鍋米線味道正宗，價錢合理，竟然還有串燒，真是太開心🥳了！.小鍋米線🍜$27 加通菜$6份量足夠，通菜新鮮，最喜歡麻辣的調味，入味又好吃😋.山椒鳳爪$32我的最愛，無論在什麼餐廳🍴鳳爪都是最經典的菜式。酸酸甜甜而且Q彈爽口～最吸睛的是它淺粉色的外表，感覺吃了滿滿的膠原蛋白，整個人又年輕了十歲😍.串燒$16/串現烤現賣，味道正宗好吃😋沒想到可以吃到串燒，如果有酒，就更加完美了！.鹹檸七$16.雲家小鍋米線 (荃灣)荃灣沙咀道328號328廣場地下G01舖

位於荃灣沙咀道328號寶石樓地下G01舖的雲家小鍋米線 (Wenger Noodle)，主打雲南米線。兩餸米線只是三十多至四十多元，十分抵食。用餐當天天氣炎熱，點了涼拌米線降溫，不會吃得大汗淋漓。這款米線是沒有湯的，還會有配料如肉碎、花生、榨菜、鹹菜。米線盛得滿滿的，份量飽肚。上班族吃掉一碗米線，能充滿力量地繼續工作。加了三款餸菜：蟹子丸、魚肉春卷和金錢肚。金錢肚的份量比想像中多，而且切得薄薄的，有嚼勁但又不會過硬。個人建議，要把所有配料攪拌均勻，才享用涼拌米線，味道會更好。米線不會煮得過軟，還保留微微的韌性，整體味道豐富而香濃。朋友則點了小鍋米線，辣度則選了小辣。配料有：芽菜、酸菜、韮菜、蔥、芫茜，如果不喜歡吃以上的配菜，下單時告訴店員「走掉」相應配料便可。朋友則點了三款餸菜，豆卜吸滿了微辣的湯汁；豬紅的口感滑嫩，不會煮得過老；蟹子丸外面質感彈牙，裡面的蟹子餡味道鹹鹹的。。小鍋米線的湯底味道鹹香，和涼拌米線的風味截然不同。點了兩款小食，第一款是醬拌皮蛋，皮蛋的蛋黃更是流心的，十分滋味。炸蒜的味道也相當濃郁。第二款則是蒜泥白肉，豬肉片切得薄薄的，口感相當過癮。朋友則覺得蒜蓉的Size較

同事知道我鍾意食米線，介紹我放工去荃灣食一間主打酸辣米線的，小店店員招呼十分熱情，米線我鍾意食濃味，尤其是川式小食，這裏合我胃口！因為只可坐一半客人，等左一陣可以安排入座，門口睇定餐牌落 order，米線湯底要酸辣沒有錯了。酸辣小鍋米線我自己鍾意食腩肉和雞絲，辣度食小辣就夠了。每次都鍾意先喝一啖湯，湯底濃郁酸辣開胃，腩肉片醃得好味，肥瘦剛好，入口鮮甜多肉汁，非常好吃。雪白的雞絲吸收了湯底的精華味道，口感很好的一款推薦配料。 雲吞 + 魚肉春卷 朋友點的酸辣小鍋米線，BB辣 湯底味道不及我的濃味，雲南酸辣有肉碎作湯底，增添口感，米線好味又爽口，份量多而且軟硬適中，魚肉春卷口感似魚餅，分量多男士吃都夠飽！ 晚餐時段，凍奶茶和豆漿都有優惠，喜歡這裏的豆漿味道香濃，入口又滑，有解辣效果。涼拌墨魚頭除咗米線之外，小食方面我極力推介涼拌墨魚頭，很抵的價錢食到新鮮粗身大條的墨魚頭，涼拌冰冰凍凍啱晒夏天食，墨魚頭爽口又彈牙，入口有淡淡的鮮味，口感一流，配埋秘製川汁，酸酸甜甜清新又惹味。炸雞中翼喜歡煎炸口感香脆，皮脆肉滑又多肉汁，非常入味 ，配酸辣醬更加可口。醬拌皮蛋 好食金黃的皮蛋，入口有流

今日繼續係荃灣搵食，為左避開人群所以早啲食晚飯，過住老人家嘅生活🤣不過早食早消化唔會咁肥😂安慰緊自己！今日想食啲有湯嘅所以揀咗食米線，咁啱又發現有間經過幾次但又未食過嘅，小鍋米線都係我平時會揀嘅咁就試下啦！話係話米線店但其實都可以轉薯粉，煙煙銀銀嘅薯粉都係一個唔錯嘅選擇！我就當然都係揀左小鍋米線啦，豬頸肉餸再加多份魚肉春卷🤣好貪心！因為好容易喉嚨痛但又鍾意食辣，所以都只係揀咗小小辣，有辣味嘅米線係好食好多！豬頸肉都好有驚喜，一啲都唔柴👍🏻份量都好足！另外加左份醬拌皮蛋，佢好細心咁將辣油分開，而皮蛋仲要係透明，好特別！醬汁味道都唔錯，都夠味，但加啲辣就更完美啦！

最近成日落荃灣做野，無得坐定定慢慢嘆返個tea!!!而且重要又到糧尾時間！不嬲我都好鍾意食米線咁岩經過寶石樓E邊，見到有間米線入面都幾多人下，而且價錢公道豬扒酸辣米線$40米線份量算多，質量叫做幾好幾彈牙，湯底幾濃郁，而豬扒都是一大塊，重有陣陣咖喱香味。魚肉春卷芫荽酸辣薯粉 $41唔知有冇人同我一樣都係芫荽控，呢度有得加多份芫荽，立即心心眼😍湯底揀選左微辣，酸酸辣辣好開胃，薯粉煙韌彈牙。手拍青瓜個辣油分開上，但如果佢蒜蓉再多啲就更好。另外特別之處，依度仲有得叫埋串燒，串燒即叫即整，全部都熱辣辣，仲有我最鍾意嘅孜然粉香氣🥰🥰

今日lunch time 喺荃灣沙咀道一帶搵五金舖同埋雜貨鋪，準備幫新屋買保護膠板包着啲櫃，房子執收期間俾人整返花入邊嘅嘢🙈 順便準備油漆、整窗簾～行到餓餓地，諗住行返出去沙咀道搵嘢食，點知就經過見到呢一間細細地嘅米線店❗️既然餓就費事再行喇，就行入去食啦🤪眼看呢間小店好多熟客🤓啲職員好似台台客都識嘅咁，閑話家常❣️成間小店俾人好親切嘅感覺☺️見到隔離食緊豬頸肉好似好好味咁🤤即刻叫返個豬頸肉米線食❗️豬頸肉酸辣小窩米線湯底幾乎同雲x香係一樣味🤣但印象中雲x香比呢度要貴少少😝辣度方面我揀咗BB辣，另外再加魚肉春卷　+墨魚丸💕豬頸肉質感爽軟❗️食落唔會好乾，帶適中嘅香茅味～一整片都非常入味❣️冇嗌錯，係好味嘅👍🏻魚肉春卷其實似炸魚肉多啲，有少少魚片頭嘅感覺，不過有三條咁多又幾抵食嘅🤓整體份量超大碗，最後我都食剩咗少少米線🙈另外仲嗌咗個小食涼拌墨魚頭$42超惹味😍食落好似一個爽口彈牙版嘅蒜泥白肉🤣蘸埋旁邊嘅香醋更添鮮味感😋而且份量又係超多🙈 要兩個人先食得晒😝支跟餐加$7嘅豆漿都非常不錯，濃郁又有黃豆未味，仲係香港製造嘅添😍味道唔錯而且好抵食💕唔怪得知一路食，一路有人入嚟嗌外賣啦❗️

行完千式想食米線就黎咗呢間食，非常滿足！傳統麵店裝修，坐得唔算特別舒服，但唔會太逼。 小鍋一大碗原來只需27蚊！見到極多人要大辣加腩肉！可惜我同媽咪都唔食辣！膽粗粗叫咗兩碗米線再加2款小食！雲家米線超大碗！估唔到係滿到啲餸埋到成座山咁足料！我地仲加埋豬軟骨，其實唔洗加餸都食唔哂啦！牛腩米線加燕皮餃都係勁大碗，豆芽酸菜等等多到食唔哂！1. 豬軟骨 非常唔錯！又大舊又軟2. 牛腩 份量夠多！但硬咗少少3. 燕皮餃唔算特別 都係鍾意魚皮餃多啲4. 雞翼 好入味！5. 螺旋草 其實好似海帶 清新！另外兩款小食都好正！炸到好香又唔會燶到乾哂！可惜實在太飽，全部打包返屋企

朋友最愛薯粉米線類同時又愛食辣🌶，決定黎到呢間荃灣有名氣的雲家小鍋米線享用晚餐🍜。店舖面積不大，但店員熱情招待客人💕主要提供米線和薯粉再加餸配搭，另外可叫小食同埋串燒，價錢好商宜實惠。小鍋紅薯粉：包含芽菜、酸菜、韮菜、蔥、芫茜，辣度可簡BB辣/小辣/中辣/大辣🌶。如有辣會豬肉碎，反之亦然。小鍋紅薯粉+雞翼+ 金錢肚+ 魚肉春卷+ 大辣🍜🌶：嗜辣者必叫大辣，飲一啖湯，好滿足，又有點複雜，夾雜酸菜酸味、辣肉碎豬肉香同時芫茜蔥提升左湯頭鮮味。辣度有料到，竟然有餘溫，嘴邊有灼熱感，辣得好過癮。😋雞翼好焾身，呀婆都食到，滷水味好出。金錢肚份量多，好似食極吾完咁，有咬口，吾會太焾，洗得好乾淨。魚肉春卷普通貨無特別。小食必嗌涼伴墨魚🦑頭：蒜香十足，墨魚頭鮮嫩可口，啖啖蒜蓉粒，好有咬口，加上香蔥提升層次😍總結：荃灣數一數二米線名店價錢實惠 份量足 止止食薯粉米線癮

重慶酸辣粉 $26 + 蘿白 $6 + 雞絲 $7 共$39佢同我想象中既酸辣粉有啲出入🤔😂 佢唔夠酸可能 好似差咁小小野咁🙈 佢既蘿白份量幾多 幾大舊 而且甜而無渣👍🏻 而佢既雞絲就正正常常酸辣小鍋米線 $26 + 腩肉 $8 + 魚肉春卷 $7 共41我覺得呢間啲湯底唔係好岩我口味🤔 呢碗既湯底就正常 有酸有辣😂 腩肉一般 有啲柴 啲腩肉部位可能唔係咁好口感🙊 魚肉春卷都係正正常常🤔涼拌墨魚頭 $40一上碟就覺得唔係好多 但食食下都覺得份量ok 墨魚頭夠彈牙👍🏻 但佢個汁我一般般 唔算好惹味 令我一食再想食😆係蒜蓉汁黎既😂總括，雖然呢間舖好近我 但唔係令我想一食再食既餐廳 佢唔係唔好食 係啲野食普通 個湯底唔係好中意 可能我比較喜歡重口味🤣 另外一提，上餐速度算快！

又係米線控同濃味寶寶出動嘅時候啦！🍴酸辣小鍋米線 + 腩肉 + 魚肉春卷 + 螺旋草中辣（$47）下午茶時段凍檸茶 （$3）小鍋米線湯底好好味，比較濃味，我自己比較鍾意食雲南式嘅酸辣濃厚有肉碎湯底！呢度湯底夠濃郁，中辣對我嚟講啱啱好，因為我係比較鍾意食濃味同埋辣！螺旋草響米線舖係比較少見，所以要試下，本身屬於冇咩味嘅海草，所以吸咗湯嘅味就好好味又爽口！腩肉份量多，肥瘦剛好，有時有D米線舖係整得好硬好鞋，呢個唔會，有咬口但唔會硬！魚肉春卷同想像有差距，我以為比較香口，但原來比較似魚肉餅，仲要冇煎嘅，我覺得一般！

大概在一年多前有試過這間的米線覺得不錯，所以趁有空再與家人一起來試試！今次我們叫了三款米線！不過沒想到都挺失望！比起另一家荃灣吃米線的店，價錢便宜，份量更是沒得比，這家之後也不會再吃了。雲吞熱拌米線 $33味道不錯，不過米線份量真的完全不足！一般男士吃肯定不夠飽！麻辣魚肉春券米線 $33味道不錯，喜歡吃麻辣湯底米線的朋友應該會覺得ok！小鍋米線 $26芽菜跟米線的份量差不多，米線份量完全不夠，要是直接不要芽菜，相信整碗也沒什麼看頭！餐牌

話說今日係眾安街行完，又係中南掃完文具 抽住好多野，但心血來潮好想舒舒服服座低食下米線。諗諗下成兩個月冇食過雲家米線，就慢慢行過去食，座低唔太多人，可能因為下午茶時間，所以得兩三枱客， 望一望個餐牌， 下午茶叫碗米線加三蚊就有杯凍飲，都算唔錯。我order 左 小鍋米線加腩肉要小辣 ，來到依舊大大碗，米線軟硬適中，配菜有dd 酸菜芽菜韭菜蔥芫茜，腩肉好入味，但份量比以前小左dd ， 食完成碗米線後，覺得好口渴，可能味精落多了。

荃灣雲家小窩米線🍜一家主打酸辣和麻辣的平民米線店魚肉春卷酸辣米線覺得一個餸唔夠喉所以加左豬耳同雞翼米線和餸的份量都好多好足料酸辣湯底都好夠味！小鍋米線初嘗試辣可先試BB辣今次試左小麻辣，湯底吾算油膩可任意加餸，揀咗冬菇豆卜豬紅値得一提冬菇真係好好食菇味香而且冬菇厚身咬落好好口感所有餸浸耐小小就會好入味😍好有香辣味小食方面好多人食米線都喜歡配手拍青瓜同蒜泥白肉呢度既手拍青瓜同蒜泥白肉都係蒜味香濃而且唔辣適合唔食辣嘅朋友都可以試啦~有別於其他雲南米線值得推介必定要試涼拌墨魚頭💯冰冰凍凍既墨魚頭爽口又彈牙配埋個汁酸酸地fresh得黎好match😋除咗小食之外仲可以試下串燒而且重可以簡麻辣/孜然燒tim！今次我就試咗雞軟骨同羊肉燒得剛剛好👍🏻配上調味醬料令肉質非常入味飲品方面怕辣怕熱氣嘅朋友可以試試柑桔蜜誠意之作系用左成粒咸柑桔清新得來又帶點鹹鹹地，解辣又下火

每逢中午經過這店，門口會有好多學生在等位，所以一直冇機會試哩度的薯粉。今日行過，見等位人唔多，所以入去一試。叫咗個小鍋紅薯粉加配腩肉，豬潤，芥蘭小鍋薯粉，裏面包括咗韮菜，酸菜，芽菜，芫茜，湯底小辣，味好好腩肉，薄切，肉軟，好入味芥蘭，脆口豬潤就真係唔好食，已經切得好薄，但入口好硬，有怪味總括嚟講，除豬潤外，其實都幾好食。但服務就真係要改善，眼見鄰枱一個食客，店員叫咗佢轉咗兩次位，方便新到既人，明白佢地想做多啲生意，但客人食食下，係咁被要求轉位，真係唔係咁好

米線店在荃灣向來都素有名氣，這次特意來到雲家小鍋米線。店舖雖小，但店員招呼客人卻十分熱情。我們先點了兩款小食，分別是涼拌墨魚頭和麻辣豬耳。兩款小食份量充足，不但附上酸辣汁，而且更淋上自家製的蒜油，令小食更加可口。涼拌墨魚頭口感爽口又不會過靭，入口後又有淡淡鮮味，可見是用新鮮海鮮而不是冰鮮的雪藏貨，以此價錢來說絕對值得一試。而豬耳則相當有咬口，容易與朋友們分享。米線有兩種湯底，分別是酸辣及麻辣，後者更被稱為「麻辣王」。我們分別選了腩肉、豬頸肉和炸醬與腩肉和螺旋草的配搭，辣度則選了小酸辣與小麻辣，對於辣勁接受程度比較高的朋友建議選擇中辣或以上。湯底鮮味濃郁，簡單地點選淡味的配料更能品嚐廚師做湯底的心思。腩肉片預先醃過，入口充滿著鮮甜肉汁，非常好吃。螺旋草味道與口感都像海帶，而相比海帶更有濃香的海水味，也是另一款推薦的配料。相比大部份知名的米線店而言，雲家小鍋米線對製作食物的熱誠與執著，從各款小食配菜都是自家製作的便可得知。 擁有這份堅持的餐廳，在香港可說是買少見少，有機會再到荃灣時，必定要再次光顧。