雲家小鍋米線 (328廣場)

营业中

休息中

係openrice搵到呢間米線店見大家都好推薦！決定去試一試！我當日大約下午2點前去到雖然過左午餐時間但係鋪內客人仲係好多而且都不斷有外賣客人果然係人氣店當日叫左豬扒小鍋米線（酸辣小辣）湯底好濃好夠味酸味同辣味都平衡得好好雖然我食到最尾都覺得辣左少少但整體黎講湯底好惹味豬扒同米線我都覺得正正常常米線係比較淋身既米線我自己比較鐘意淋身少少既米線所以我個人黎講好滿意如果鐘意食爽身少少既人要留意一下至少份量黎講我覺得啱啱好正常既一人份量如果同朋友黎叫多一份小食會再飽肚啲不過正常食量既話應該都係夠飽的下次再黎荃灣會再幫襯！希望可以試到佢啲小食！

作為常客之一我個人覺得呢間口味最岩我,雖說價錢唔係最平/性價比唔係最高但我覺得豬頸肉冇邊間做到好似佢咁好食先講番我最去呢間都係單叫豬頸肉小鍋米線(BB辣/小辣)湯底:酸辣程度我認為最岩我  小酸小辣米線:半年前食個覺最好食,但現家唔知係未改左用其他來貨  冇之前咁滑同彈  配菜:我覺得算多又唔錯  特別豬頸肉係我個人推薦 (但有時佢地都會失手,整得冇正常咁好食  大約10次去有2次失手)

🍜雲家小鍋米線久唔久就有舖米線癮當磅數減到一個點我就開始食返米線又做吓運動💪都冇反彈嚟到荃灣食米線一定要食呢間門口長期排長龍嘅雲家小鍋米線🍜因為佢個湯底無論係辣定唔辣都係咁吸引16年已經開業食飯時間座無虛席今次食嘅湯底係酸辣湯底叫咗四個餸雲家有40多款餸揀酸辣程度有得揀我仲走韭菜同芽菜走青嘅朋友都可以食米線今次叫咗4個餸，爆到上頂最好食我覺得係墨魚頭超足料💪💪💪💪然後就係雞絲唔怪之得咁多人叫啦下次可以再encore 🩷🫰🏻

最近突然想食辣野，老公帶我去荃灣食左間好出名既米線，去到要排一陣隊，不過都好快有位啦，店鋪座位比較窄，坐得有d辛苦，咁岩又對正冷氣出風位，不過都岩既，食辣可以吹返涼個人🥢魚肉春卷紫菜小窩米線，中辣，中辣對我黎講岩岩好，不過湯底略嫌唔夠濃味，魚肉春卷太腍，無口感🥢雞絲螺旋草米線，老公食唔到咁辣，所以叫左bb辣，螺旋草浸過湯後非常好味

縱橫多年米線關注組的荃姐今次介紹返自己地頭，今次食就係我最愛的米線喇~~~~以前食呢間唔使排隊架依家多左好多人排~Menu上大部分米線30蚊起就有一大碗有大、中、小辣可揀~😋小鍋米線 + 腩肉 + 豬軟骨 + 炸醬 ($61)有麻辣同酸辣可揀~我就揀左最愛的酸辣中辣豬軟骨超大件，軟嫩肉滑，最重要是燜得入味，配料勁豐富，有滿滿的芽菜,豬肉碎,酸菜, 韭菜, 葱~腩肉肥瘦均衡米線彈牙又吸汁，最激讚一定係個小鍋湯底!自制炸醬係招牌黎架！😋小鍋紅薯粉 +豬肚+牛腩+螺旋草 $75湯底夠濃味但一啲都唔油，揀左中辣，最鍾意嘅螺旋草，感覺夠纖維夠晒健康💪🏻 紅薯粉煙煙韌韌，口感一百分，其他配料都入味非常！ 😋秘製豬頸肉 $47外皮煎到脆又香口秘製腩肉的豐富肉香沾上汁相得益彰，一口一舊非常滿足!😋涼拌墨魚頭 $46墨魚頭新鮮又大粒，既爽脆又彈牙，炒香嘅蒜蓉同特製蒜泥辣汁~ 😋蒜泥白肉 $42白肉肥瘦勻稱，肉質又長又厚切最頂鋪滿蒜泥， 底層沾上豉油，肉同蒜香結合恰如其分，肥而不膩🍹飲品柑桔蜜$16檸檬菜蜜$16雲家小鍋米線由家族打理依家真係排隊先食到喇原來今年係元朗都開左新店喇!

呢間米線成日經過長期好多人排隊，今晚經過人龍不是太多，排一陣間就可以入到去🤭✦肥牛小窩米線 $46 +炸醬$10米線超級大碗！份量十足好足料，而且價錢親民，真係好抵食！朋友點左中麻辣，非常惹味，辣得過癮。肥牛肥瘦適中，炸醬好惹味，撈埋米線一齊食超好味😋✦魚肉春卷米線 $40 +豬軟骨$10我點左酸辣米線 勁多芽菜、酸菜、蔥同芫荽，湯底酸酸辣辣。魚肉春卷大大條，口感好彈牙，豬軟骨肉質好淋身夠哂入味。✦涼拌墨魚頭 $46❤️推介必食❤️份量相當多，大大粒墨魚頭，好新鮮，勁多蒜泥辣汁好香口，口感爽口彈牙，食到停唔到口。整體來說，呢間米線店性價比好高，份量十足大大份，難怪長期排隊，值得回頭的一間親民米線店。

呢一間雲家米線喺荃灣好出名，應該唔少人都知㗎啦，所以今日經開荃灣，就同朋友兩個人試一試佢，唔知道係唔係週末嘅關係，星期六晚，晚上8:30左右到達，門口已經滿滿排隊嘅人龍，有叫外賣嘅，亦有等堂食嘅，總之都等咗半個鐘頭至九個字先入到去，入到去，好多想叫嘅配料已經賣哂，出名少少個d魚肉春卷嗰啲直頭唔使諗…我最後叫咗小窩米線小酸辣，豬軟骨，蟹子丸，香腸。後者嗰兩樣都係叫貨返嚟㗎啦，冇咩驚喜，但係必須要講豬軟骨真係煮得好入味好淋，超水準！至於個湯底，唔算好大驚喜，同你平時去食雲%香差唔多，但係就有好多肉碎，唔知道係煲湯嘅時候落埋定係後加啦。整體食物質素唔錯，不過排隊真係排太耐啦，亦都冇咩服務可言，樓面得兩個阿姐喺度炒場，根本你叫佢都叫佢唔到，但係呢個價錢呢個質素性價比都算高

相信好多香港人都係米線控 會周圍搵好食嘅米線🤩 今日我就嚟到呢一間位於荃灣好出名 要排晒大隊嘅米線舖頭😋 雖然要排隊 但都值回票價🫶🏻我地叫咗一碗豬頸肉 螺旋草酸辣小窩米線(小辣) 🤩先飲啖湯底 唔會只得酸味 酸同辣都配合得好好🙌🏻 加埋啲肉碎 味道更出🫶🏻 而豬頸肉完全無筋 仲好厚 食落啖啖肉😍 而螺旋草份量好多 咬落嘅質感比起昆布再厚少少 但味道好香 好好咬口🤪 米線都煮得唔錯 較硬適中 咁多樣嘢加埋都配合得好好 唔怪得之咁多人排隊🤣😆而我地另外仲叫咗一碗 蘿蔔酸辣小窩米線(小辣) 蘿蔔咬落清甜又無渣😍 而且份量仲好多😋 至於小食方面 我地發現餐廳10枱有6枱客人都有叫涼拌墨魚頭🤔 份量好多 而且咬落超爽口！絕對唔會食到牙都甩 而且仲配埋啲炸蒜食 簡直一流🤩 我地仲加咗個手拍青瓜 大大舊 食落好新鮮 又入味 咁多人排隊真係有原因嘅😋十粒星推介大家去試下🫡

▸ 湯底 $31清湯 要酸走辣; 飲落好甜 好清完全唔油 👍🏻酸辣湯底 bb辣 一樣唔會油膩 飲落唔算好酸 中規中矩 下次可以試吓少少辣米線比起一般嘅幼 食落幾煙韌▸ 豬頸肉$18都幾淋 頭尾帶少許油脂 味道正正常常 不過對比價錢個人覺得相對普通▸ 腩肉$10 未算好鞋 但偏瘦 帶少辣▸ 豬軟骨$10炆得非常之腍 軟骨位食落黏口 幾乎唔需要𡁻▸ 魚肉春卷$9 好大條 質感彈牙 有魚味不過好特別蔬菜味更為突出🦑小食— 墨魚頭 $49成座山咁高 爽口彈牙 有𡁻口 見到基本上每一枱都有叫 整體食物份量十足 特別係佢哋嘅招牌墨魚咀 湯底唔肥膩👍🏻味道就中規中矩 不過整體配料就比較普通 如果入味啲會更好！

oneday walk pass this place..see many ppl queuing outside. thinking this must some sort of hidding gems food in tuen wan area.but too hot noon time, im already sweating amd dont wanna sweat anymore and wait. so i didnt try.at night time i walkby another time. wow nearly full 9pm but still got 2 seat, so i decide to try.❤️❤️❤️quality amazing. soup nice, rich ingredients .**rice noodle super chewy🤤🤤🤤 good chef hard to find chewy one.order 2 noodles. one witg wontunanother one with pork neck meat.❤️

作為米線愛好者，黎緊開始去試唔同地區嘅米線！呢間餐廳呢辣有分酸辣同麻辣。💪🏻 雲家米線 - 麻酸辣小辣($63)呢間米線超足料，勁大碗 （細食嘅朋友記得叫小米線，因為真係分分鐘大碗到食唔晒㗎🤣)一碗有齊腐竹、冬菇、雞絲、雞翼、魚春卷、螺旋草、台灣腸仔，仲有必備配料芽菜、韭菜、酸菜、芫荽蔥等。雞絲一絲絲嗦晒湯，夠晒惹味😋 冬菇大大隻，要兩啖先食得晒😂 湯底夠濃味但一啲都唔油。小辣對我嚟講唔夠辣，下次可以試下中辣。米線仲有我鍾意嘅螺旋草，份量勁多，感覺夠纖維夠晒健康💪🏻 米線都煮得啱啱好，軟實適中，有少少煙韌。💪🏻 腩肉炸醬小鍋米線+肥牛蘿蔔 -酸辣小辣 ($64)炸醬夠晒惹味又夠乾身，令到個湯底更加濃郁。腩肉煮得入味又唔算太肥！蘿蔔都夠清甜又無渣😋 肥牛肥瘦適中，都有牛味。另外仲叫咗小食，全部小食都超大份😛 份量大到唔係一個小食，直頭可以當做一個餸🤣💪🏻 涼拌墨魚頭 ($46)酸酸辣辣，食落好開胃，墨魚頭都夠晒爽口彈牙！💪🏻 秘製豬頸肉 ($47)超香口，油香突出，一口一舊，食到停唔到😋💪🏻蒜泥白肉 ($42)大大碟好惹味，蒜泥超香但又唔會食到個口一大陣蒜頭味🫢 白肉好好食，爽口又唔覺膩

係網上睇左咁多個人介紹，講到呢間好似好好味，又話啲嘢食主打新鮮⋯今日食完好後悔，可能希望越大失望越大，真係唔好食！本身想試小食，見到咁難食，小食都唔想嗌黎食了⋯⋯嗌左個雲家米線一上臺望落已經冇胃口，感覺成堆垃圾一樣又多又亂，諗住試下個湯，點知仲反胃，得個酸，得酸菜味⋯食唔落口⋯雞絲又唔香、但係3哥既雞肉真係好味多多多倍，海藻又唔好咬口又唔爽！另外叫左個小鍋米線加雞翼尖bb辣，一樣感覺唔到好味，但至少入到口，唔反胃⋯我寧願食新貴香園，每一種湯底都比佢出色好多！呢間連最普通小鍋米線既竟然都唔好食⋯⋯唔會再相信人哋介紹到幾好味，自己食過先知，個服務又差，叫完又唔應人，叫幾次又唔應人，好唔想做生意既款，收銀既反而好好多。

終於滴起心肝黎試雲家啦～叫左小鍋米線配腩肉 再加個涼拌墨魚頭個墨魚頭係用好多蒜末去涼拌 食完成個嘴都係蒜味 好正$46 好大份 食極都仲有小鍋米線叫左小辣 我自己鍾意雲家嘅味道多過老闆娘 老闆娘個個係加左麻 兩者各有千秋講返雲家先～好多肉碎 芽菜都份量十足 d配料唔會比得好少 個湯飲落口好順 唔會即刻要飲水（平時食完雲桂香即刻要買珍珠奶茶🧋沖一沖個口）自己覺得雲家各個方面都平衡得幾好 米線份量偏多 男友人都食到好飽下次再黎試個豬頸肉

雲家小鍋米線 📍荃灣沙咀道328號328廣場地下G01號舖-鐘意食米線既你不能錯過哩間，係米線界來講都好出名🤣基本上每一晚食飯時間都大排長龍，要食既話真係要早啲去排隊。米線份量真係好足，而且價錢又唔貴，酸辣湯好出色，夠酸夠辣！同埋比既配料例如肉碎、芽茶、臭茜一啲都唔手軟👍🏼小食推介要食墨魚嘴同埋豬頸肉，可以見到墨魚嘴🦑比既蒜好多，爽口好食，而豬頸肉完全唔會好乾好孩，好鮮嫩口感非常好。

前天晚上男友买了这家店铺的米线，酸辣汤底，我喝了几口汤，并没有吃米线。结果当天晚上，男友腹泻➕呕吐四五次，于是立刻就医，被诊断为急性肠胃炎，因为摄入的食物细菌超标。第二天早上，我也开始出现类似症状，但是由于吃的得少所以症状更轻微，腹泻三次➕头晕恶心，但是并没有呕吐，不过仍然需要看医生。这家店之前也买过几次，但是都没有出现这个问题，可能当天是有什么食材不干净变质引起的吧，希望店家可以加强一下卫生监管