雲吞仔 (已結業)

呢間系太子嘅雲吞麵舖岩岩新開食物都算大件夾抵食👍🏻叫左個三拼麵 揀左雲吞、牛筋同魚皮餃全部都冇令我失望牛筋超大份煮到好淋又有牛味雲吞大大粒好足料值得一睇個外賣🥡盒有別於一般舖頭係料同麵分開裝好貼心咁就唔怕啲麵會淋曬😇另外跟餐有魚皮 大大份又脆好正同埋叫左個麻辣豬耳夠麻！好惹味啊.📌 雲吞仔 (#太子)#太子美食 花園街215號地下A號舖-#hkig #hkigfood #hkfoodblogger #hkfoodie #食好西 #香港美食 #香港 #相機食先 #hkiger #852 #hkfoodlover #hkfood #hkfoodstagram #hkfoodporn #米線 #홍콩맛집 #香港打卡 #alldaybreakfasthk

最近疫情肆虐，政府禁晚市堂食。但買得外賣多，又想去堂食一下。然而堂食比外賣貴，細想並不划算。今次好奇想試新餐廳，看看環境，所以堂食。因為是新餐廳，清潔程度當然好。內部面積不是很大，坐位不是很好坐，倒是有一部大電視📺很吸睛。食物選擇不算多。點了牛腩河，牛腩夠腍、分量正常，但湯底一般。另外試了包羅萬有，配料有紫菜、雲吞、牛丸、牛腩、牛筋、豬肉丸、魚皮餃、墨魚丸、魚蛋、魚片、鯪魚球，但每樣只有一粒或一小件，盛惠六十大元。性價比不高，又不是什麼貴價料。價格太高。最後兩人九十多元埋單，根本吃不飽。估計大概是要把店鋪裝修貴、伙計人工、燈油火蠟、連同最近因疫情而損失的生意額及上漲成本計入在內，導致價錢高企；但這個價碼真的確難吸引回頭客。

不夜城嘅香港，疫情之下夜晚嘅太子可以黑過西貢大家一係返去煮飯食，一係好似大胃咁拎外賣懷緬以前嘅香港，突然想食吓港式晚餐，好耐冇食雲吞呢間開喺太子嘅雲吞舖，晚市都有套餐外賣所以除咗雲吞，仲可以食埋其他嘢大胃一定揀佢嘅招牌雲吞啦，粒粒啱啱好大細，不大不小一口食到咬開肉鮮美味，蝦香撲脷跟住三拼嘅兩拼就揀牛筋牛腩佢地嘅牛筋超大塊、但一啲都唔韌，好綿好滑好似花膠，仲好入味𠻹牛腩就好爽口，肉質有彈性又夠腍，唔會太過，火候控制相當不錯跟餐仲有小食送，由於菜價飆升，所以暫時得返生菜供應，有菜食都好吖，落埋蠔油Level提升，爽口又吊味加$5就有杯豆漿，夜媽媽飲呢類飲品都好㗎，好過飲奶茶檸茶呢啲太heavy，唔會太甜助入眠

同朋友行花園街時見到一間叫雲吞仔的麵店，門面裝修雖然簡潔，但幾有特色，於是同朋友入去一試。店內環境好特別，有5張介紹香港唔同地區的新舊對比相枱面抹得好乾淨，可能疫情比較嚴重，入店會聞到陣輕微消毒水味。我哋點左兩個面，兩個小食同兩杯熱飲，價錢都幾合理，唔算貴。準備開餐，感覺點多左，對我地唔算大食的嚟講肯定食唔晒。。。冬菇係我至愛，好大粒，好厚肉，都算炆得幾入味，麻辣豬耳仔都好好食，朋友唔太食得辣，但都可以接受到，我覺得好接近大牌米線店的麻辣豬耳果隻味，但價錢平好多。牛筋牛腩撈面雖然唔算有驚喜，但係牛筋同腩肉就炆得好淋好入味，面底太多，唔想浪費的話可以點餐時點扣底。朋友點左碗雲吞牛筋鯪魚球米線，超大碗。雲吞超多蝦，好大粒，有驚喜。米線好滑好有彈性，唔會有硬的口感，好食過好多大牌米線，真心推介。

餐廳個名叫雲吞仔，冇理由唔食雲吞麵啊😆平嘅我多數只會嗌一碗麵，餐都唔叫，但係呢度個套餐價錢真係唔貴$50有碗麵，有菜，有豆漿，算係咁啦😌.食雲吞麵計我話最緊要就係個面底要夠爽口，小鹼水味， 呢度兩樣都做到😁提提大家，要食咗個面先，如果唔係，個麵就會淋哂要。另外雲吞皮薄餡靚，大大粒，入邊都幾重料，有時其他餐廳嘅雲吞會好鹹個味會好重，呢間反而唔係，真係食到蝦同肉嘅味道👍🏽.食菜心最緊要叫腩汁，食莖就食佢嘅脆同爽口，食葉就最緊要係索埋啲腩汁咁樣食😀.豆漿大大杯，唔會太甜啱啱好😁.另外想講就係呢一度好衛生，防疫意識好高，而且又好招呼😁.CP值及夠飽$50有麵有菜有嘢飲，真係幾抵😁.翻啅食雲吞麵梗係要去雲吞仔啦😂

平日午市經過，見到有間新的麵店，裝修企理乾淨，於是一試😍值得一讚的是在疫情嚴重期間店舖能夠為顧客提供消毒用品及乾淨環境，而且員工態度有善，令我食得放心。我點了一個雲吞麵套餐，有雲吞麵，油菜及飲品，承惠$50。麵的份量很大，麵湯湯底清甜，有淡淡的大地魚味😍雲吞大大粒，皮薄餡正！鮮蝦和肉的比例完美，配搭麵湯十分清甜🤤奶茶口味濃滑香醇，$50有如此高質素的套餐真的物超所值！如果經過附近不要錯過！真的物超所值，意想不到！

今日 lunch 經過太子, 經過呢間開左唔係好耐既雲吞麵鋪, 見到有位所以入去試下, 叫左碗牛腩牛筋撈米線,  好快碗撈米線就送到過黎, 本來諗住咁快出到多數係整定, 可能會涷冰冰, 但係食落覺得碗米線既溫度唔似整定, 而且牛筋同牛腩都炆到好淋同好入味, 特別係牛筋, 佢炆既時間啱啱好, 牛筋食落彈牙而且帶有香濃既柱候味道, 實在令人難忘. 見到隔離枱叫左碗雲吞麵, 雲吞超大粒, 可惜我因為皮膚敏感唔食得蝦, 所以試唔到 ☹總括黎講太子以呢個價錢食到呢個質素既麵算係高 cp 值,  所以下次經過會再試其他野食.

過年前行花市久違地黎到太子，花園街呢邊嘅面貌都變左好多。但都有新嘅鋪頭好似新嘅花咁開放。個人對中式粉麵都幾有好感，見呢度乾淨企理，又有套餐配搭好似茶餐廳咁樣，就坐低試下。環境好乾淨企理，檯面玻璃可以照鏡。有唔同嘅套餐選擇，如果單拼就可以有油菜、雙拼就會跟飲品。食完嘢唔飲返杯茶/咖啡硬係爭D嘢的，所以叫左一個雙拼套餐，雲吞拼牛腩，有奶茶。再加碟油菜只係加多9蚊。雲吞牛腩麵黎到。雲吞好大粒又夠飽滿，牛腩都肥瘦相間係精心揀選。中式粉麵我都係鍾意呢種麵，夠爽口，湯底都夠味，唔係淡茂茂/味精水。雲吞皮非常滑溜，咬開餡料好飽滿，蝦同肉比例均勻，有蝦嘅鮮味亦有豬肉嘅香甜肉汁。蝦係好完整唔係融融爛爛果種，而且食完一d蝦殼都冇。牛腩大大塊，肥瘦相間咬落去即刻feel到牛脂嘅香味。而且鬆軟之餘保留牛肉鮮味，吸滿湯底更加入味。油菜有切開葉同框（莖）嘅部分菜心嘅框先係正嘢，高質嘅框唔可以太淋，要有爽脆嘅口感，點少少蠔油，係一種中式粉麵餐嘅獨有風味。粉麵餐廳嘅奶茶估唔到都夠優質，茶味好香，唔加糖都好順喉，飲完喉嚨好舒服，又提神。一邊食一邊都聽到店員同食客打招呼、介紹食品，又好落力執檯，上食物又客氣，好有街坊情懷

平日午市幫襯下太子食街新店雲吞唔係傳統細細粒個dsize算幾大粒，d蝦爽口算新鮮牛腩燜得好入味而且好淋啱我口味，正😋可能仲係新開張無耐，d員工有d唔係好熟手，不過整體算ok鋪頭裝修都幾用心，有香港七八十年代同近代對照圖疫情期間新店唔易做，會再支持👍🏻