雲南風味館

营业中

休息中

話說以前系長沙灣戈邊都有啲回憶，有段時間系戈邊讀書，但其實以前我系未食過呢間，到近日男朋友系戈邊打波，所以我地約系長沙灣食野，佢就話以前成日食呢間，話佢啲米線同雞翼都好正。首先想講有樣野真系好抵讚，我年幾前幫襯過小店，戈陣都系呢個價錢，正常過左咁耐應該最少加$2，但個價錢系冇變過滿滿既炸醬已經同個湯融為一體，魚蛋同牛丸都爽口彈牙又鮮味，太大碗喇，去到最尾都食吾曬，其實港式麵都可以好好味P.s. 炸醬系吾洗加錢，系湯底黎，除左炸醬仲可以揀清湯/ 酸菜/ 酸辣/ 麻辣。男朋友就叫左豆卜、牛丸、雲吞，湯底同我一樣都系揀左炸醬湯底，牛丸既牛味幾鮮，同我叫既魚蛋一樣咁爽跟彈牙，炸醬湯底滲入豆卜度，食戈陣連豆卜都有炸醬既味道，變得吾單調。鹵水雞翼系呢度必嗌的，可以叫3隻或者6隻，原本想叫6隻但男朋友話食埋米線驚太飽咁就叫3隻啦，每一隻都好大隻同埋入味，完全feel到啲鹵水汁既精華吾好睇佢系咁舊既小店，開頭我第1次食都驚冇乜冷氣，冇乜冷氣既話夏天真系會頂吾順好彩入面冷氣都幾夠，不錯，不過有心理準備入面會有啲暗。

依家香港地....啲租貴到死想食餐好嘅又要平又要飽都真係幾難搵架不過比我發現左間雲南風味先唔好講佢好唔好味但一定食到飽到你死如果約齊三唔知幾肯定慳到你卑各位老友記我rap得勁吾勁先淨係睇個餐牌.....紙包飲品仲有＄4一包點解可以平成咁仲要啲嘢食大大碗大大碟味道當然唔會話超級極度好味但又唔係難食嗰隻賣點係依家香港地真係可以仲有咁平又大大碗大大碟嘅餐廳咩有時呢啲小本經營.....都需要我哋星斗市民嘅支持嘅食飽飽埋單走人

最最最愛食米線，所以又係米線，呢間店自中學已經光顧，好中意呢啲自己一家人經營既小店，連營業時間都有中場休息，睇得岀佢地既霸氣米線 $20起一碗自己點餸，點左點墨丸($4),炸醬$4，要左麻辣湯底。好正😍！真正既麻而不辣，完全係靠自己煮岀黎，唔係調味粉味，麻勁係食完一啖後擴散至全口再停留，中意食麻辣既定必喜歡！而另一碗就係已經set好左既三鮮米線($29)，已包雞肉,鮮茹同火腿，點左酸辣湯底，可見酸菜都頗多，湯底清，整碗真係純粹靠酸菜散味岀黎，同平時食開既分到邊啲係真正自家製，邊啲係調味粉作怪炸餃子 $14/5隻有椰菜同韮菜餃選擇，得返椰菜供選擇，因為呢間小店餃子好岀名，係自己。，而SK都好少見炸餃子所以點黎食，炸粉有點厚同內裡炸到冇乜肉汁，所以一般般。連可樂都係收人情價$5咋，湯底又好食，希望小店一直都係到啦！

記得之前網上有介紹過呢間係十大好食嘅米線，經開呢頭就試下環境一般，小店，冇裝修，今日應該有25度，出面曬嘅，但一路食都唔會熱叫左雲南米線，麻辣小辣，黃鱔，雞肉 $33黃鱔~未見過出現喺米線店(可能我見識少), 需則係黃鱔絲，但$8,我覺得份量算係咁，都入味，唔腥；雞肉冇特別，有d鞋口；湯底唔錯，一入口就有陣香料味，繼而就係麻辣嘅麻感，食麻辣就係要食麻感，而家好多麻辣米線都冇左麻，只有辣，呢間就做到，另覺得湯底單調左d, 欠左層次

由於已時隔一個月才寫，所以確實日子已不記得了，總之是某個返完教會後吃午飯的星期日此店米線一向足料，三鮮米線當然同樣大份量我們一班人不時也這樣浩浩蕩蕩來到此店食午飯一向好喜歡雞肉﹑火腿和冬菇與米線的配搭，湯底選了酸辣，被一名關心我的人叫我不要再吃那麼多辣，真要注意一下呢雞肉軟腍爽口，火腿軟滑，冬菇都好清新米線都好彈牙，口感好好，入口有種吸入去的滑滑感覺而且果然好大碗，一邊談天說地一邊食，食完後捧著滿足的肚腩仔

走過路過千萬不要錯過位於長沙灣既雲南米線 細細間 並不起眼 但食物質素卻一流 最適合米線愛好者食係la 冇睇錯 呢間小店係平靚正呀價錢大眾化 款式多樣化 質素卻高高在上大大碗都係講緊40蚊 相反譚仔要索價50up講起米線 來來去去都係 譚仔 景林 唯一雲貴川但其實 仲有好多好味既米線鋪 而呢間 我鍾意既係個湯底幾特別 好鮮甜米線夠彈牙 食落又滋味 最緊要平靚正我叫既係小辣 但並不辣 如果食辣人士 我建議可嘗試叫中辣 味道會更上一層樓的呢碗清湯 主要食湯既鮮味PS.繁忙時間要等待需時 因為鋪面得一位侍應 廚房一個 踢晒腳 我覺得係間良心小店 不在於賺大錢

講起食米線一定第一時間諗起譚仔。我成日都覺得譚仔雖然味道不錯，但總係好似唔夠正宗（雖然冇試過何謂正宗嘅雲南米線😂）。今次決定試下小店嘅出品，睇下會唔會有其他滋味。呢間餐廳嘅外表睇落去比較...Er...比較唔吸引，可能平時經過都未必有太大欲望入去食🤔但果日見到入面都有唔少人，就以羊群心態入去試試。果然睇人流去揀餐廳通常都唔會錯！唔知試咩好就揀個最safe 同埋係譚仔成日叫嘅炸醬雞肉😂不過呢度比較特別又令人開心嘅地方係炸醬計係一種湯底而唔係餸，咁就可以慳返一個餸嘅錢！簡直係窮人恩物😭眼見餐廳嘅侍應唔多，得一個姐姐係店面，所以個日都等左一段時間。碗米線雖然冇太好嘅賣相，但睇落好似比譚仔正宗😆味道都唔錯！炸醬湯底偏咸，不過配米線一流，因為令米線超入味！不過下次如果再去嘅話都係買定杯野飲好d😂雞肉唔算嫩但都唔「鞋」。總括黎講都係唔錯嘅，非常適合一個人又想平平地食餐飯嘅我😂

這間米線館在中學時代已經經常幫襯，老闆同老闆娘都好nice好好人。今晚我同男朋友一齊黎回味反中學時期的風味我點左個最愛的炸醬椰菜餃米線，可以見到隻碗超大，米線好多、而且成碗都係炸醬，椰菜餃有四隻，每隻都大大隻食落口炸醬味重，米線夠滑我最愛既腐皮重落左好多，30幾蚊一碗真係好抵食，食到好飽然後我們再叫左個涼伴青瓜，夠辣夠多，兩個人食都食唔曬雖然鋪頭衛生只係一般般，但性價比極高，唔似出面既米線鋪，40幾蚊都係得少少米線同料

我有時食依間有種當年去雲南食米線既味道.依到既小辣麻辣係清香,望落去唔係紅當當,反而係清清地色,但食落好香麻味.如果你試過外賣,就知佢湯底好足料.當倒晒D 湯後,係可以見到好多好多香料係底部.如果鐘意食麻,依間都係唔錯選擇. 我鐘意叫小辣麻煩豬脷米線$27.豬脷係薄片,但好有豬脷味,唔會咬唔開.芽菜就有點瘦.環境都唔係乾淨架啦,不過我都係味道行先,只要唔比我見到就OK.好多年前試過依間覺得麻麻,可能當年叫左酸辣,的確很普通.不過麻辣米線,我覺得係真係幾好既選擇. 之前食過淨餃子,佢會配上一碟蒜頭醬汁,都很好食.

又來呢度食米線了~ 今次一入到店內就聞到一大陣味...唔知係咪"UP"味...之前來好似冇咁既味的.. 不過見到今次多左好多食客, 之前食通常都係得一兩枱有客的. 不過唔緊要啦, 都係好想食佢碗米線, 坐多陣習慣左都唔覺既. 今次照樣吃了麻辣湯底, 因為上次叫小辣覺得愈食愈辣, 所以今次千叮萬囑叫老闆娘要"最小小小辣"~第一次點水餃米線, 要左椰菜餃~ 隔左約十分鐘就有得吃, 有四大隻椰菜餃,水餃皮唔算厚亦唔算好薄, 都OK. 而餡料食到有紅蘿蔔絲和好爽口的椰菜, 味道不過不失啦~ 而麻辣湯底依舊夠麻香, 雖然望落好清, 但湯底入面都見到有唔少麻辣香料的. 雖然叫了最小小小辣, 但食食下都係愈食愈辣, 好彩都冇上次食得咁辛苦. 不過佢種辣真係好正....!!!  米線份量又係超多! 食到好飽都係廿七蚊!! 下次再見~!

星期五果日請左Sick Leave,喺附近睇完醫生再專登過黎食.因為之前睇過食評D人講到呢間野幾咁好食,所以終於搵到機會經過黎試.入到去黑媽媽,冷氣又勁凍;可能係就返附近地盤做野D人掛.老細坐左喺後面顧住包餃子.叫了碗小麻辣雞肉米線,走芽菜.老實講,呢間野都有值得一讚既地方,就係我唔like芽菜,唔洗出聲佢都會幫我轉生菜.個湯比較清,清到好似清水咁.有D甜甜地同小小麻辣囉.麻辣味仲要係靠加左果小小肉碎=.=.我覺得食米線個湯底好重要,個湯落唔足料去整,個米線唔會有味,姐係唔會好食...雞肉係一塊塊,唔(鞋),但係冇咩味.食完呢個面,覺得好失望.只可以話食過一次就算,唔會再幫趁.

我其實已經食過數次 不過今次是第一次食這間的食評今次再食酸辣米線 配菜是雞肉 竹笙 生菜 炸醬另上 依然是最小辣 沒辦法 我就是食不了太辣。。每次食湯麵 我都會先試一試湯底如何 果然不錯看似相當清甜 一試果然不賴 甜同酸同辣的味道一起來 再配上一口米線 實屬極品 又是一番滋味 配料一看就知相當充足 生菜雞肉不錯之餘 再配上少許炸醬 價錢算是便宜 大約40元便可食到 最多都是50元 如果喜歡食米線而不算太大食或想便宜點的 不妨考慮這間3

由中學學生價14蚊一碗食到依家20幾我都係唔知雲南風味係咩味!我只知呢間野好好味!!爆醬韭菜餃米多炸醬!必食!!有人覺得個炸醬辣，但我覺得夠惹味!自家製炸醬，半肉瘦肉碎加辣椒碎炒香!食落一流!!米線，出邊好多間都整得無佢咁好，幾時都保持到軟硬適中，唔會時硬時軟，真係好難得。而且加埋炸醬湯，啲米線浸到入哂味，perfect至於韭菜餃，呢問既皮較厚身煙韌但食落唔會好似食粉團咁，個口感非常好!韭菜同肉都係每日新鮮買黎包，夠哂鮮甜多汁。另外都有推介，但本身少食:滷水雞翼滷得夠哂入味，又香又林，無牙既老人家食都岩!炸雞翼反而有吉列feel，外面應該係麵包糠黎，即叫即炸，外脆內嫩，而且本身醃得夠入味，非常唔錯。除左米線成日食，炸風味餃同青瓜必食!!炸風味餃好食唔在於餃子本身，因為只不過係湯餃變左炸餃，重中之重係個汁!!佢會配一個酸酸地既汁俾你，有醋香蒜香，點炸餃一齊食十分惹味開胃另外手拍青瓜我每次都會叫一份，每日限量供應，唔係成日有，可能老闆個日買唔到靚青瓜就會唔賣青瓜一上你就知係手拍，黑醋，麻油，蒜粒，辣椒粒。以上都唔係重點!!重點係夠入味!!有啲店一係青瓜太大舊，一係無撈，總係唔夠入味!!呢度

早聽聞這裡的雲南米線好食又大碗，就來試下order這個酸辣湯韮菜餃米線，湯底清新酸辣的酸菜加肉碎味道配搭得宜，酸菜爽口不太酸，韮菜都好香又大粒，正。份量果然好大碗，食完勁飽。

29元的三鮮米線，實在相當高性價比雞肉，鮮菇，火腿都好足料。有留意開我食評的都知我肉類之中最鐘意食雞肉。這間的雞肉在我食過的之中不算頂級不過都算中上級數，爽滑，味較淡，但華而不實，另一番好味。火腿普通沒甚麼感覺，菇就幾滑口，夾返淡淡地味的雞肉又幾協調。米線不錯同埋都算大碗，包夠飽。下次再來食。