雲南風味館

营业中

休息中

29元的三鮮米線，實在相當高性價比雞肉，鮮菇，火腿都好足料。有留意開我食評的都知我肉類之中最鐘意食雞肉。這間的雞肉在我食過的之中不算頂級不過都算中上級數，爽滑，味較淡，但華而不實，另一番好味。火腿普通沒甚麼感覺，菇就幾滑口，夾返淡淡地味的雞肉又幾協調。米線不錯同埋都算大碗，包夠飽。下次再來食。

自從幾年前朋友帶我來這裡吃米線之後, 基本上是達到不能自拔來形容, 因為這裡真係又好食又抵食~店內環境佈置簡單, 很有舊式食店的感覺, 相信這店都開了一段時間了, 雖然好像殘殘舊舊的, 反而我覺得係一種風味! 次次來到見到店內的後方都冇開燈的, 很有家庭式經營的感覺. 但不需擔心, 這裡地方整潔, 食具也乾淨的.今次照樣吃了最愛的麻辣湯底~小辣~這裡的麻辣湯底是我食過最夠麻香的~而且深信佢係冇落"味精" 或"一滴香"的~望落顏色清清的, 很清甜, 不像其他連鎖店的湯底顏色. 湯底十分足料, 有不少黑椒粒, 辣椒粒,在食到尾聲時更見到碗底完原來有很多麻辣的香料的!! 我覺得這裡的麻辣是很與別不同的, 一開始吃的時候不是太辣, 但愈食愈辣, 愈食愈麻~食到一半時, 雖然這碗只是小辣, 但已經令我差不多食幾口就要飲一口汽水, 咀唇發麻..自己FEEL到咀唇在微震, 咀唇也紅得很了..感覺自己的咀唇變了孖潤腸!! 但它的辣不是一味死辣, 而是辣得很有層次!!雞肉份量不算太多, 但蘿白就有好多舊!仲有好多芽菜!米線份量又係超多!男仔食都會絕對夠飽!!米線質地棉滑彈牙~係偏稔同埋粗身D那一款, 我

已經食過呢間鋪頭好多次。決定為佢寫番個食評。第一次入去果陣仲係度諗：「間鋪頭咁up dup，又一個客都冇，會唔會唔好食。。。」但係食過一次之後，真係番唔到轉頭！要睇一間米線鋪得唔得，緊係要試下佢d湯底啦。所以第一次我就叫左麻辣中辣。米線仲未上枱，已經有一陣好香既黑椒味同辣椒味飄過泥～試埋湯底之後，發覺佢既湯底真係好足料，好多原粒黑椒，好香！唔單止湯底，其他配料都好足，成個碗面都係芽菜。而且米線好滑，唔係交行貨。當我食左半碗之後，我發現碗米線好似仲辣左，再食多半碗，又辣左D。原來佢D辣係會一浸一浸咁辣落去，愈來愈有層次，愈食愈出得多汗！食左半碗之後，個口已經有少少麻，食哂成碗之後個口已經麻哂，鼻水係咁流，但最犀利既係，個湯仲係熱既，你會想飲哂成個湯底！食哂成碗之後，個人會好熱好慶，個胃會有少少翻騰，但係仲係好懷念碗米線既味～好想Encore！去多左幾次之後，發現除左米線，佢地既餃子（椰菜／韮菜餡）都好好食！個皮好薄，而且餡好足，應該係店家自己包。而且只係賣23蚊，就已經有餃子有米線，個價錢好似時光倒流去到10年前咁，真係好鬼抵！！為左對呢間小小的隱世小店表示支持，雖然我住九龍東，但一個星

其實我住附近,食來食去都去樓下D茶記睇左openrice,成日都話想試,但次次行過門口都會卻步點解呢,我收工7點行過佢得幾個食客,又好暗咁,我成日覺得佢準備收工都費事入去終於食早入左去食我個孤獨lunch呢間野認真估佢唔到,原來暗暗地係咁既,唔係準備一坐底亞姐放底左杯茶,好old skool 叫左碗三鮮米線,要左炸醬湯,其實我想試辣都係我驚食唔到我見$28蚊有晒三樣送,包埋湯底咁抵?試下啦一來到,D炸醬好多,係真係初期雲南米線出現果種炸醬,唔係依家出面連鎖大路果種茄味+甜炸醬同埋都幾多米線,我開頭覺得我係會食淨,雞肉就份量有D少(見下$28唔好咁多要求),火腿同菇都足料仲要勁多芽菜雞肉呢,幾好味,唔係譚X果隻鞋口雪味雞米線係偏淋同埋粗條D,食開譚X同埋川X就明白同食得出原來都唔係睇少佢細細間冇人食,間唔中多好多人入去食,好多人都係叫三鮮仲真係有公務員入黎食嫁!!!!!!!!!!!!!見前幾個食評有食家講我最後係清晒碗野,勁!餐牌,28蚊三樣送邊度搵啊!?雞翼我都想試既但係食唔晒,11蚊3隻?wow講明先,想要環境,服務,唔該你唔去幫襯佢我亦都唔覺佢地黑口黑面不過$28有米線,食出面又食

這間小店是早前男朋友帶我來食的點知一試便愛上今次食過番尋味真係忍唔住好評一下!今次點了:1)酸辣湯韮菜餃米線🍜湯底本身很清甜有別於大型連鎖米線店的重口味配小辣的酸菜和肉碎更加惹味配料份量都很足料很喜歡它的酸菜爽得黎又不會很酸至於韮菜餃的韮菜也十分香又大粒好味道!然後試了男朋友那碗過橋米線的豬潤 非常之滑而且唔怕腥內臟味 推介!2)最深刻，必試的風味餃(雙併)餡料豐富又新鮮 配上特製的沾餃子醬汁 酸中帶微辣 非常醒胃超喜歡這個醬3)炸雞翼 不會有厚厚的炸粉 炸得甘香可口也不會炸得好乾 肉質很滑

自從在長沙灣工作後，中午時間總是東逛西逛看看有甚麼吸引的午飯地方。地雷雖然很多，但好吃的其實也不少，最近吃到的這間雲南風味館，值得推介給大家。店子位於青山道轉角，興華街，鄰近蘇屋村，店子外觀較舊式，但經驗告訴我，這類不靠裝修外表，卻仍屹立不倒的小店，往往會有驚喜。店子所賣的款式不多，主打雲南米線，可自選添加不同配料。其實我裡己有數點吃甚麼，還當店小二來到，還是多口問一句有甚麼推介。添加的配料，不要因為便宜而要三元的款式，因為那些大部份只是普通的丸類來貨，想吃店方的手藝，還是點六元的貨式吧。剛開始中午時間，人還不算很多，但慢慢開始就多人了。店裡後排電燈是不開的，雖然感覺簡陋落後，但就是有一種無形的風味。點了一碗炸醬水餃米線，另加豬膶配料。賣相很對辦，未吃已經嗅到點點的辣香。把米線翻一翻，共有四只水餃，豬膶份量也不少，這碗米線只賣$30，實在超值。水餃我點了韭菜的，韭菜味很香，味道也好，但雲吞皮就是厚了點。雖是雲南風味，但單論水餃，和數街之隔的北京水餃，是各有千秋。豬膶新鮮爽口，而且份量也不少，六元絕對超值，喜歡吃豬膶的朋友可以試試。配料雖好，但最喜歡的反而是炸醬，炸醬辣度適中，帶點肥肉，

今次係我第一次寫食評, 講真平時就算幾好食既餐廳都唔會有推動力叫我寫食評.....今次算係有少少特別原因!話說本身想食深水步豬x面, 無意中睇到呢間野, 仲要睇埋上一個食評, 我同女朋友都決定一試, 我地出mtr(記得係長沙灣站)行左幾分鐘就到門口, 見到好暗, 心想唔係冇開掛, 行到入去見到全場得2個公務員起度, 唔係有咩事呀嘛, 原來佢2個都係食緊野姐...甘我地就自己搵個位食低啦...跟住就有位呀姨拎左2杯茶比我地, 仲落埋單....我地叫左2碗, 分別係酸辣米線(中辣)同麻辣米線(小辣), 配菜有: 九菜餃, 炸醬, 腩肉, 黃鱔, 竹生....酸辣米線(中辣): 湯很清甜, 辣不嗆喉, 不太酸, 米線不太林, 有咬口, 係我中意既質感, 以前3哥都係甘既質感, 而家太林....麻辣米線(小辣): 好香麻味, 正! 九菜餃: 九菜好香, 新鮮, 仲有4粒, 不過皮有點過厚 炸醬: 同其他米線店一樣, 其實姐係肉碎, 同其他唔同既地方就係佢唔肥, 同好多, 直頭舖滿碗面(可惜我心急食, 影遲左)

小弟經由女朋友介紹之下,知道長沙灣有間佢由細食到大,不賣裝修,只賣食物既用心米線店.......所以決定專程來一試!米線既興起....其實已經有10年了.....由最早期既雲南桂xxx米線,到譚x雲南米線到星x居...能夠受歡迎既原因,不外乎因為重口味!以上所講既米線名牌店,除了味道迎合香港人,而且可以自由配搭,分店位置又方便,所以......廣為人熟悉亦不無道理!但我今次推介既這間店,以上所有優點都沒有,但卻有對食物既執著!我和女朋友一坐下,一看餐牌....我就已經選好~我要了一個麻辣米線加了炸醬和腩肉,女朋友就要清湯米線加腩肉,老細問我吃不吃到辣,要大,中,小,那一種辣度?我說小辣好了,我問真係好辣的嗎?老細笑說,都幾辣下架~~很快,米線就送來了(因為客人不多的關係),我一看,嘩!d炸醬同芽菜咁多既??而且炸醬粒粒都比出面其他名牌店大粒,而且味道.....很惹味!!!!之後吃一口腩肉,完全沒有臭豬味....而且肥瘦平均~有很香的"老"水味~~而米線既辣度.....應該就是坊間食開既3小辣而已.....我當然應付得到!!但很奇怪......平時食開既米線,食幾啖就已經好火爆....會

事先講明, 想食環境? Sorry, 俾唔到你 想坐得舒服, 涼吓冷氣? Sorry, 你選錯地點一入門口, 就有一陣頗酸, 刺激鼻子的氣味轟入鼻孔, 眼前見到老先生在包韮菜餃子, 所以味道中也夾雜一些韮菜味。 坐在第一檯的小學生也要邊用手帕掩鼻邊食米線, 幸好後來鼻子適應了味道也沒有過分難受。老麥最便宜的超值套餐都加咗1蚊, 食完唔飽兼實熱氣 有圖有相, 睇睇menu...叫碗最基本的雲南米線都是$17(好似話清湯有芽菜、腐皮), 再配搭食物都是每款加$3或者$6, 咁$20已經可以吃得飽飽腩肉米線酸辣湯底$23($17+$6)...米線綿滑, 口感彈牙；酸辣湯底的酸是酸菜, 辣並不只是辣椒還加了些香料, 非常冶味 酸辣料還加了些肥豬肉末, 味道多了肥肉的甜, 會無咁寡 ；腩肉絕不油膩, 滷水味帶有肉桂的甜, 全碗幹掉也不會有口渴等味精副作用黄鱔米線酸菜湯底$23($17+$6)...米線綿滑彈牙, 原來與酸菜配合, 雖然不會有酸辣湯底般剌激, 但依然會感受到樸素中的不平凡, 就好似密實姑娘都偶爾穿小背心來涼爽一下。 黄鱔帶香料及乾辣味, 卻沒有蓋掩鱔肉的獨特味道, 可惜

吃了很多年, 亦留有不少的感覺和回憶和老闆及老闆娘雖沒正式的交流, 但相信互相亦察覺對方的存在最喜歡吃的是炸醬雞肉米線它可能沒有其他米線舖那麼出名, 但它的味道和湯底確實有一種很吸引我的味道然而大家如果喜歡嫩嫩的雞肉那就不要點了, 因為它用了雞胸肉,所以會老一點相反, 我卻蠻喜歡的~~ 大家可一試黃鱔~此外, 它價錢不貴, 但份量足, 夠大碗, 它的炸醬亦是較特別~~所以, 真的很喜歡~~~

星期六下午三點，和朋友有點事要傾，打算找一個地方靜靜地一邊食一邊傾。看先這裡沒太多人，就進了去。唔知係咪準備落場，侍應見到我們入去食野即刻黑晒口面。我和朋友點了一碗清湯牛腩米線和水餃米線，個侍應一樣係多謝都冇聲跟住就黑口罵面走左去。雖然碗麵既份量唔少，都算幾好味，牛腩則少了一點。但以咁既服務態度，幾好食都係假，已經blacklist左佢。

實在喜歡它的酸辣，夠酸夠辣，湯底很有肉味。很多時我會叫酸辣米線走肉碎，加喜歡的配料，如竹笙，菜等，鹵水雞翼，夠入味，很重味的八角花椒。叫了食物：1.酸辣米線加菜、竹笙($20)，鹵水雞翼($5)雖則今天沒有叫，但值得推介的莫過於它們炸餃子的風味醬，綠綠色的，似香草伴咖哩，但酸酸的，外表不討好，但伴以炸餃子，實在太配合，茄汁配薯條、咖哩與牛腩般，來這裡不妨一叫。午餐的時間，實在太多人吃，它們的炸醬亦是很多人的心頭好，紅紅的，不太辣，勝過譚仔等的炸醬。有誠意及值得吃的一間小館。