雲南風味館

营业中

休息中

話說以前系長沙灣戈邊都有啲回憶，有段時間系戈邊讀書，但其實以前我系未食過呢間，到近日男朋友系戈邊打波，所以我地約系長沙灣食野，佢就話以前成日食呢間，話佢啲米線同雞翼都好正。首先想講有樣野真系好抵讚，我年幾前幫襯過小店，戈陣都系呢個價錢，正常過左咁耐應該最少加$2，但個價錢系冇變過滿滿既炸醬已經同個湯融為一體，魚蛋同牛丸都爽口彈牙又鮮味，太大碗喇，去到最尾都食吾曬，其實港式麵都可以好好味P.s. 炸醬系吾洗加錢，系湯底黎，除左炸醬仲可以揀清湯/ 酸菜/ 酸辣/ 麻辣。男朋友就叫左豆卜、牛丸、雲吞，湯底同我一樣都系揀左炸醬湯底，牛丸既牛味幾鮮，同我叫既魚蛋一樣咁爽跟彈牙，炸醬湯底滲入豆卜度，食戈陣連豆卜都有炸醬既味道，變得吾單調。鹵水雞翼系呢度必嗌的，可以叫3隻或者6隻，原本想叫6隻但男朋友話食埋米線驚太飽咁就叫3隻啦，每一隻都好大隻同埋入味，完全feel到啲鹵水汁既精華吾好睇佢系咁舊既小店，開頭我第1次食都驚冇乜冷氣，冇乜冷氣既話夏天真系會頂吾順好彩入面冷氣都幾夠，不錯，不過有心理準備入面會有啲暗。