雲南小鍋米線

营业中

休息中

雲南小鍋米線🍜石蔭小店係4-5年前食過一次，個陣已經有人話好好食 ，但我試過之後就唔太覺得超好食眼見哩一兩年米線關注組吹捧得好勁，被稱為「全宇宙最好食」米線！決定再比次機會佢，睇下係咪真喺咁好食 ！個人認為有少少誇張🤫🔸螺旋藻豬軟骨米線(小辣）$51整體來講米線量都多嘅，價錢唔算十分抵食，而且要等位等得好耐，湯頭味道唔算好特別～但係我覺得好好好甜….本人對甜味特別敏感！湯底味精重就幾乎間間米線都係咁😂唔係超好食，但亦都唔難食所以我個人就未必會再去多次🍜😎每個人口味都唔同，以上言論只供參考📍葵涌梨木道112號葵寶大廈地下5號舖

呢間米線店已開業超過20年，儲落一班附近街坊同學生客仔，逢午市、假日必會大排長龍！店舖位置係石蔭有D偏，唔近地鐵站，喺葵興地鐵站落車行路要成半個鐘以上，所以都係轉巴士或者小巴上去。上年裝潢左個招牌，少左年代感，但店內環境其實不變，佢有兩個舖位，互相通連，可以上落，廚房煮野食係下面個舖位。眼見好多人等位同等外賣，大家想堂食要早D拎位。咁啱星期六12點到一去到就有門口2個位，直入唔洗等，但叫完野食都等左成15-20分鐘野食先到，真係太多外賣單要做，電話都響唔停，要食好西係要先學識等待！黎呢到大家唔洗諗咩湯底，因為得一款就係「酸辣」，聽聞老闆娘婆婆喺正宗雲南人，盡得佢真傳。現時小鍋米線入面嘅酸菜亦係來自雲南，為嘅係保持雲南嘅風味！呢到每一碗米線都係堅持每碗現煮，而唔係一大鑊煮哂，所以等候時間會更長。一碗好嘅米線，湯底尤其重要，係成碗麵當中嘅靈魂。呢到湯底有酸菜、辣肉碎同埋辣椒醬，辣椒醬係老闆娘自家製作，足料惹味，飲落個酸香味、辣味同蒜味好香濃同特出，而大家亦可以係碗米線見到有大量辣椒碎粒。大家叫辣度真係可以減少一度，因為有時老闆娘會重手左，小辣變中小辣。越食個辣味會越出，個麻會令到條脷發麻，

喺ig見到foodie推，咁我就跟行完城門水塘再去石蔭食啦🤩因為行耐左，5點半左右去到諗住趕到堂食，見到有人喺入面食緊，但係店員已經話冇堂食😭😭 算啦本身都諗住打定輸數趕唔到要外賣😂 好多街坊都叫外賣，嗰日清明節，未到6點都等左至少15分鐘。路途遙遠，搭巴士轉地鐵再搭巴士返香港仔，返到去碗湯都暖嘅，不過我梗係煲返熱個湯啦😎啲雞絲簡直係海量，驚你食唔夠咁😂 岩哂我要蛋白質😂螺旋藻supplement就食得多，佢嘅真身真係第一次見!又係海量，不過男朋友話佢啲味搞到個湯底多左啲海草味😂 唔加螺旋藻個湯底好正👍👍👍菜肉雲吞大大隻，不過冇咩特別🤔豬紅唔會太淋又唔會太硬，冇腥味非常好👍而辣度真係比openrice啲評價呃哂，啲人話小小辣都好辣，完全唔辣囉🥺 早知一碗小辣+一碗小小辣，屋企食辣真係唔怕🥺唔係住嗰頭真係冇機會再食，城門水塘又唔會行多次，食完冇得再食真係好sad😭😭

《雲南小鍋米線》梨木樹身為葵涌人依家先第一次食可能會比人笑😂但果然聞名不如試下，已經直接做左我既米線排行磅首位了😏身為人氣米線排隊是必須的，但唔算等好耐（外賣超超多），而且咁多位侍應姐姐非常好禮貌，會話比你知就快叫你諗定食咩，可以落埋單😄＜皇牌米線＞$57花多眼亂既時候最好點個‘皇牌’，除左基本小鍋米線有既配料之外，仲有我最喜歡既雞絲、螺旋藻同埋腩肉。我選擇左小小辣，辣度對我黎講啱啱好，有辣味之餘又食赤每樣食物既味道💕湯底微酸帶甜🤤果然夠獨特，雞絲份量都好多而且條條幼身吸哂湯汁😍腩肉小小肥肉帶甜味，螺旋藻好正🤤又係吸哂湯＜小鍋米線腩肉配豬腸＞$52原來想叫豬紅可惜今日無貨😔所以試下豬腸，豬腸切絲相信都係方便吸湯，有咬口不會太冧身😄腩肉仍然係主角，希望下次可以試豬軟骨同豬紅

我不嬲都鍾意食米線多過食飯，好多間米線我都食過，而呢間葵涌嘅雲南米線，係我每次經過都會Encore食嘅。佢嘅特別之處就係個湯底，同其他舖頭唔同嘅就係湯底比較酸，而且香味濃郁，好有層次，諗起都流晒口水，個種酸味係其他米線舖揾唔到嘅，搞到我次次都飲哂啲湯，而且份量充足，勁好味😋😋👍🏻👍🏻

這間絕對是我暫時吃過最好味的米線，之前見到好多好評想試，但朋友說已沒有以前的味道，因為之前的大廚走了，想試的心打消了一半，但今天剛巧在附近工作，同事再次推介這間店，於是就買了外賣。第一次吃當然要吃店家最出名的😜，於是叫了招牌米線，不用三心兩意的🤔，有雞絲、腩肉、螺旋藻、肉碎，其實食材聽起來好像很一般，但試過之後就覺得所有食材跟湯底十分搭配，我不懂怎樣形容，試過就知道那味道，絕對值得推介😋，而且雞絲是首選，跟外面的絕不一樣，真的清楚見到一絲絲的雞肉，超級吸湯👍雖然是外賣，但份量仍然很足夠，下次經過會再來的。

葵涌梨木道這一間雲南小鍋米線，非常非常出名，住在這裏的朋友一定知道。這間米線是我和媽媽最喜愛的米線，雖然位置比較偏僻，裝修比較簡單，不過勝在小鍋米線味道搭救。雙豬紅米線走芽菜和走韮菜是我必點的（自覺沒有豬紅的米線是沒有靈魂😆）但要注意，這間米線關門的時間和經常性豬紅賣光，所以喜歡食豬紅的，建議打電話詢問，不然白走一趟，辣道比較勁，不是太能食辣，建議點不辣（注意入面有辣豬肉碎），味道剛剛好☺️如果有朋友問我哪裏的小鍋米線最好吃，我會推介這一間隱藏小店。

石蔭呢間米線成日俾人標榜做宇宙最強、隱世米線等等身為米線達人嘅我緊係要去試下今次叫咗炸醬雞絲小辣🤪雞絲真係撕到一條條，索晒啲湯好味😋炸醬正常發揮 未算好驚為天人米線質地亦都正常👍🏻反而個湯底我幾欣賞佢唔似出面連鎖店咁一味死咸飲落係有種咸香鮮味配埋米線食真係唔覺意就飲左好多湯😂但我都係比較中意上次黎食嘅時候單點雞絲個種味因為唔會俾炸醬味蓋過個湯🤣總括黎講都係值得一試同埋會再翻食😋👍🏻

早前聽同事講 呢間米線佢係經常要專登搭的士去食我不禁好奇真係甘好食??!!🤣先講位置 位於葵涌石蔭 偏僻又隔涉環境唔好預坐得好舒服 係一般舊式街坊小店 大約有十多個位🍜自選小窩米線$29 蘿蔔+9腩肉+$10雞絲+10價錢唔算平 小鍋米線單售已$29(包左米線 芽菜 酸菜 韭菜 及肉碎) 加配配料每款加$9-12不等辣度我簡左 "小小辣"，因店員話本身湯底既肉碎同埋腩肉已經係辣辣地 大量雪花雞絲勁吸湯 撕得好碎 令到每一啖米線都同樣食到雞絲 幾特別嘅 喺其他小鍋米線店比較少見到呢款配料米線煮至腍度適中 湯底惹味濃郁 辣味酸味配搭得剛剛好 招牌麻辣腩肉 肥瘦適中唔會太肥 微辣又入味 大推 下次會再叫蘿蔔分量十足 係勁甜 無渣食物有質素 但又未到非常驚喜但如果身為米線愛好者既你 支持過黎試一下米線名店😋雲南小鍋米線📍葵涌梨木道112號葵寶大廈地下5號舖

想做一個淨係講重點既食評以下只會簡單介紹餐廳及其食物重點為求大家可以快速知道 各重點 + 推介指數💪🏻一個為咗食而做運動既人💵主要著重食物既價錢 同 質素 既比例 (CP值)🤤雖然平時雜食 但對食物亦可以抱有絕對要求 💁🏻‍♂️ 雞絲 螺旋草 腩肉 必點💁🏻‍♂️ 湯底有加豬肉碎等 超夠味 經常連湯都飲埋omg💁🏻‍♂️ 辣度比一般米線辣 請小心服用💁🏻‍♂️ bb 辣多酸多蔥💁🏻‍♂️ 前面係舊鋪 後面有新鋪（大啲 乾淨啲）💁🏻‍♂️ 喺一間美食專門店 請勿介意環境(5分為滿分)CP值 ⭐️⭐️⭐️⭐️⭐️推介指數 🤌🏻🤌🏻🤌🏻🤌🏻🤌🏻其實已經食過超多次 每次去荃灣附近都會對佢念念不忘第一次食係想像唔到嘅驚豔係我心目中全港第一酸辣米線超級推介大家去試！雞絲腩肉小窩米線 bb辣多酸 ｜ $51

注意 💭- 呢度外賣如果要分湯 每碗要加$3- 疫情期間只限外賣- 預左要排隊今次叫咗自選小鍋米線✨- 肉碎辣- 腩肉辣- 雞絲- 外賣 冇分湯 埋單$51我平時食譚仔係食10小辣 🔥由於佢腩肉同埋肉碎都係辣我試過嗌少少辣, 都已經覺得太辣所以佢嘅辣係比起出面其他餐廳偏辣要留意番 ！- 米線好有咬口 煙煙韌韌！ - 雞絲（雞胸肉）份量好多 索晒啲湯汁（酸辣味）出色！ - 湯配菜有肉碎 芽菜同埋酸菜 令人胃口大開！- 腩肉肥瘦程度剛剛好 好入味！必食！ - 下次叫埋螺旋藻先🙈 又係必食推介！ 💁🏻‍♀️總結：試一次你唔會後悔！

之前食覺得OK今次外賣叫左個薯粉，發覺d麵勁少芽菜超多我覺得離晒譜，麵得果幾條😑😡我係女仔黎，平時都唔係好大食咁既份量係完全係唔夠飽又唔係便 。我以後都唔會再幫襯

呢兩日天寒地凍平時通常都會嗌外賣米線難得今日兩個都放假而且而家真係好少人出街去搏一搏試吓堂食去到舖頭可能因為天氣唔係咁好真係冇乜人我哋坐咗上去上面間鋪我哋一人嗌左一碗米線同埋豬手小食豬軟骨腩肉米線中辣老公平時嗌中辣唔係好辣唔知點解今日勁辣😆佢飲晒杯凍奶茶都覺得辣豬軟骨好入味，夠晒林反而腩肉一般般雞絲豬大腸米線大辣雞絲索晒啲湯汁勁好食大腸反而切得太幼冇咗本身應該有嘅質地，好可惜雞絲值得食，大腸唔OK醉豬手豬手嘅花雕味幾濃個人偏好淋小小嘅豬手所以略嫌偏硬呢度米線嘅湯真係好好味值得食👍🏻👍🏻👍🏻

🇭🇰雲南小鍋米線·呢間就係我地上個post去完城門水塘之後去食既😈事原我地行完城門水塘之後見個小巴站有至少7/80人等緊🤭🤭所以就決定搵下有無其他路可以用腳仔行啦 之後比我地發現經上一村唔洗半個鐘就可以去到石蔭😌之後黎到石蔭就即刻諗起呢個好出名既米線😍😍·本身應該堂食最好feel既 可惜我地食個日禁左晚市堂食 所以只可以叫外賣🥲之後佢呢度外賣係唔會分湯既 分湯每碗要再加$3🤑🤑老實講我覺得有少少貴 不過因為我地住得好遠 所以都一定要比錢 好在翻到屋企個米線仲係煙韌既 開心😌·皇牌米線$57 l 豬軟骨生菜小鍋米線$51 l 麻辣豬肚拼鴨腎$39我地小小辣個碗食落就似酸辣多啲既 酸辣個比例唔錯 所以唔會話超辣😌小辣個碗個辣味就出好多 而且食落層次都豐富啲 不過就真係幾辣 我地食到最後都頂唔順 要浸翻落個小小辣度再食🌶️🤣🤣之後佢個米線質地煮得好好 就算攞到翻屋企仲係有咬口既 而且都好夠熱 入面既肉碎 芽菜同酸菜都好味🤤之後我自己都幾推介佢個皇牌米線 佢入面既雪花雞絲份量都好多 而且完全唔會乾🐤之後腩肉有咬口得黎唔會太肥 而且超入味🐷個螺旋藻都好好味 反而我地自己叫既豬軟骨就一般般🤭佢唔算話

相信大家對依間米線都唔陌生，通常排行榜都係頭5位內，小係第一既，但係我心目中係第一😂，個人覺得係好食過老闆娘🤣，佢係做到個種會令人上癮掛住既感覺！口味個個唔同，我就中意依間，我朋友就係覺得老闆娘先係世一😂。上次睇YouTuber介紹佢評價都係一般，但我就暗爽😂唔係又有排等🥲😂。不過佢位置真係小kick既，所以應該排都唔會排好耐。-🤍雞絲豬軟骨小窩米線 $52小辣小酸🤍大腸腩肉炸醬小窩米線 $62淨酸菜肉碎、小辣小酸-💕 雞絲豬軟骨小窩米線👅好味指數：10/10老實講最岀色 係個湯底！個人其實中意麻辣多啲，唔中意酸，但叫左小酸之後，就係我心目中米線第一名☝🏻米線好掛湯 酸唔會蓋過辣，再加上每次都比好多肉碎 真係勁惹味🥺有次外賣太耐先食，變左撈麵😂，但只係加番水，都係咁正😂完全唔影響味道！至於配料，其實雞絲我就覺得唔係話咁特別，份量比得多既，但特別只在於佢吸哂啲湯之後既惹味，肉質係偏硬小小，反而豬軟骨我覺得先係最正😂，建議皇牌可以轉豬軟骨😂豬軟骨煮到入哂味，肉質軟腍得黎唔會爛哂🥰，又索哂湯，不得了☺️！上網聽人講有老闆娘係到辣會勁啲😂原來係真，有佢係到就要食開中辣叫小辣😂-💕 大腸腩肉炸醬小