雲來點心火鍋菜館

個度又話係點心火鍋，無錯大家都知咩叫點心即有甜有鹹個隻，問個度個d嬸嬸waiter又話係點知原來唔係，分明騙人叫人坐底之後咩都無!!服務真係得個劣字全部都貴但咩都係鈿鬼咁迫…查看更多

在等"小肥羊" 等到心死的情況下, 行行下見到呢間, 而且有位, 諗都無諗就上左去.位的確好迫, 想郁一郁都會整到人咁. 但食物雖小, 質素都可接受, 或者我們已經餓得太久了.…查看更多

話就話十蚊一碟好似好底, 但就真係好細碟, 我諗叫三次$10肥牛, 都唔會及稻香$28碟咁大碟仲有我覺得佢地既黑胡椒豬肚湯底比較可取之外, 佢地另外既湯底同配料都好唔得, 如果唔係因我朋友貪呢間野一定唔駛等位, 我諗我都唔會去…查看更多

今晚約左兩位舊同學聚舊﹐諗住去旺角泉章居新店﹐點知原來未開張﹐要聽晚先開﹐真係無奈。結果經過雲來﹐其中一位舊同學話不如呢間﹐我心裡面打個突﹐因為我幾年前食過一次﹐印象非常麻麻﹐不過我又係諗住“即管睇下你有無改善”結果一行三人上去幫襯。位依然好逼好窄﹐如果四個少少肥的人坐4人檯﹐應該會食得好辛苦﹐不過好彩我地只得3人﹐亦唔算肥﹐所以﹐勉強OK啦。望下餐牌﹐茶錢醬料錢依舊係每人計﹐未食已經要收每人30幾蚊﹐另加一碟$12的所謂小食﹐計埋加一即係你未點菜已經要每人$40幾蚊﹐變相黎講亦係等如最低消費﹐你就算有本事淨食辣醬飽都係要收你$40幾蚊。叫左沙嗲湯底鍋$48﹐基本上入面咩都無﹐真係淨係沙嗲汁+湯。而火鍋料無錯的確係$10 碟﹐但唔係全部﹐有不少款式都係$28~38不等﹐要另叫。三個人叫左約15碟﹐食晒都唔覺飽因為份量的確係少得可憐﹐$10 肥牛只得約3~4小片﹐其實叫多幾次同出面$40 碟可以話無分別﹐不過最近我因為某種原因暫停食牛肉﹐所以淨係我兩位舊同學分都勉強OK﹐每人有“兩小片”。另外﹐生根$10 5個﹐出前一丁$10 一餅﹐魚片$10約7片﹐蘿蔔$10 約10小片﹐其實計落絕不算平﹐只係將份量減少再便宜一點賣吧。服務非常一般﹐衛生更可謂“差”﹐因為進食途中見到地下不只一次有“小小強”爬過﹐不過為免同學們失去胃口﹐我只當無事發過吧。3人食到7分飽﹐埋單$320﹐除開都要$100 以上一位﹐計落都係去其它地方食$69~89的任食火鍋比較化算。而結論係﹐無甚麼大改善﹐價錢依舊地不便宜﹐實在無原因要我再幫襯了。…查看更多

叫左十個左緊的火鍋食物, 其中包括貢丸, 肥牛, 羊肉, 水餃, 水晶包, 魚頭, 蠔等等, 味道一般, 其中羊肉都好夠蘇味, 不過真係好"un"下, 咬唔開咁. 不過個湯底幾好~服務唔錯, 不過地方好迫, 價錢一般.…查看更多

$10一碟...好似唔貴咁，但係一個即食麵都要$10，太過份嘞!!!都算係我食過最貴的即食麵...(Too Bad)…查看更多

以前間唔中都會去下打邊爐, 因為平嘛, 而且細細碟, 唔會食唔晒. 但係而家少去啦. 其實佢都唔係咁抵, D食物好普通, 選擇都唔係咁多. 有好多地方都會好過佢. 不過偶然食一次都OK0既.環境嘛嘛, 好逼下. 同D陌生人會好CLOSE. 但係服務都OK過得去…查看更多

如果你是兩個人去又遇正場滿(但通常不會), 你就會知道那種逼的苦況......因為兩張檯貼著的拍埋...打邊爐來說可算逼得慘不忍睹......<br />食物有小菜有火鍋有點心,連我最喜愛的干蒸牛肉都有,很多酒樓都無......注意所有丸類係雪藏貨,百佳個0的......埋單都係和去酒樓般,二百五十倒兩個人.........…查看更多

通常兩個人吃火鍋就比較麻煩,因為通常唔叫得多,兩至三碟巳經唔可再叫~都飽晒,但呢間火鍋就可以叫多幾碟,只因細細兜一碟,你當酒樓一籠籠點心份量,勝在兩個人可以揀多o的款式,多少隨意!…查看更多

價錢其實真的好平，隻碟細，但份量都好足，最特別係有魚腸食，好少火鍋店會有，仲要係咁o既價錢，不過老實說真的太少，很迫，湯底真的沒舍特別，最大優點是兩個人去吃火鍋也可以叫很多不同配料，但不要expect 質數會很高！…查看更多

七月廿七晚和女友去食飯,我可算是慕名而來,我見開飯的食家們都喜歡兆萬中心的點心火鍋,我也到山東街這間試o下,又見十元碟咁平,我就一支箭衝上去.起初他們都幾好招呼,叫我們在最繁忙的通道邊搭抬,我們坐下後覺得萬分的不舒服,因為張檯太細了.被我們搭檯的客人已經坐得很迫,他們的食物也不夠地方擺放.如果我們的食物到來時,真不知可放在那裡.女友發覺有張檯的客人差不多吃完,她便同待應生講,如果那檯客人走了,可否讓我們搬過去.那待應生拒絕了我們.我們再問部長,他也拒絕了我們,原因是這裡一定要搭抬.我們覺得很不合理,因為我們只是要求離開最繁忙的通道邊,坐近牆邊.我們沒有和他爭拗,亦可說是沒有機會,因他拋下了說話便走開了.我覺得很沒趣,我們也起身離開,我們來食飯嘛,若要座得咁迫,點解唔去後面街的茶餐廳又或大牌檔? 他們的招呼不知好幾多! 就在我們等升降機的時候, 那個可惡的部長行過我們的身邊,又拋下一句說話就走開了: "有邊到坐得唔迫呀?!" 請各位來評一評理, 有無攪錯?各位若有興趣食火鍋,又想食得開心舒服,無搭抬,不妨到尖沙咀山林道１Ｏ至１２號山林閣一樓,火鍋館,這裡出名的是牛肉刺身, 當然有其他美食啦. 訂檯可電2377-1315 或2377-0040, 這裡是通宵營業的.…查看更多