雞翼山 (T.O.P This is Our Place)

营业中

休息中

每次黎旺角最鍾意一定係來TOP呢間雞翼山食雞翼，每次行過都一定要排隊，今次同朋友過嚟，竟然唔使排太耐，黃昏六點嚟到，只有小貓兩三隻，可能因為已經到咗晚飯時間，所以比較少人。因為我哋約咗朋友食飯，不過時間比較晏，所以我哋黎食一食小食。唔使講，文清玫瑰雞翼一定係我嘅首選，呢款外層脆脆，內裏嘅雞肉十分軟熟，而且控制火喉恰到好處，內裏好juicy，呢種感覺所以吸引到我encore 再 encore。蜜糖充滿着玫瑰香味，而且口感比較杰身，成隻雞翼嘅外層都比蜜糖包圍着，不過甜都唔會太過火，味道啱啱好！每次黎食都依然咁好食好嘢食又點可以俾佢停落去呢，叫咗呢款鹹蛋黃雞翼，雞翼完完全全被鹹蛋黃醬包圍，鹹香嘅口感同雞翼互相配合，不過相對地鹹蛋黃比較膩，所以同朋友開心share，每人一至兩隻份量啱啱好最後叫咗一款比較港式嘅鹹檸七味，鹹檸七嘅味道真係第一次食，鹹鹹香香估唔到會落雞翼度出奇地夾！而且味道唔會太過鹹，朋友都食得相當滋味！其實呢度除咗有立食區都仲有少量位置給客人坐低，同朋友兩個坐喺度傾吓計，食吓雞翼，不知不覺就食晒啦。

雞翼山一躍成為我最愛的小食店，銅鑼灣店試過，今次到旺角再試一次。這家店無論有多少人在排隊，雞翼堅持即炸，炸完再上漿翻炒，即使是冬天，每一隻雞翼放了良久都依舊冒煙，肉汁保存得超好，意料之外的出色炸雞翼！旺角店比銅鑼灣店好，有幾個座位，但還是比較窄，要站著吃算是個小缺點吧！食物：$118套餐，3款雞翼*4，+一杯飲品鼠尾草鹹蛋黃雞翼超大隻的雞翼，裡面juicy外面香脆，加入份量很慷慨的鹹蛋黃醬翻炒，蛋黃漿口感流沙帶豐富咸香卻不太過油，很好吃，翻吃率90%！避風塘蒜香雞翼帶辣的乾炒蒜不算辣中帶蒜香，十足在吃避風塘炒蟹一樣，極之惹味！乾蒜的份量很多，幾乎覆蓋雞翼。同樣皮脆肉香，雞翼也很大只！我係咸檸七這個會送一塊經醃製的青檸給你吃，連著雞翼吃有點像咸檸七，但雞翼本身只是蜜糖炸雞翼，不像咸檸七味道，但即使是蜜糖雞翼，外皮焦脆裡面熱辣，非常好吃！

跟朋友在旺角行街，很久沒有出街的時間了，經過T O P商場，突然諗起一間久違了的餐廳，就是雞翼山。這間餐廳一直都人山人海，今天人流不像以往的情景，於是進店購買像山一樣多的雞翼作為晚餐。今次試了不同的口味，包括鹹檸七，鹹蛋黃，黑松露，避風塘等避風塘比較辣，適合喜歡挑戰辣味的人士。鹹蛋黃味非常多醬汁，鹹檸七味道非常相似。如果作為逛街小食非常一流，加上有一杯飲料，非常抵吃食店鄰近旺角地鐵站，地理位置非常一流

雞翼山係旺角TOP開左分店一直都無機會去試，今日約好同事唔帶飯盒一齊去食雞有成9款味道揀，每款都好特別好想試。最後我地決定叫套餐，可以一次過試3款味道，再加特飲店員推薦鍾意辣嘅我試港式避風塘蒜香雞翼，另外揀左鼠尾草鹹蛋黃雞翼同韓式蟹皇蟹籽oppa 雞翼。等待中即叫即炸， 十分期待第一款 鼠尾草鹹蛋黃每款味道有四隻大大隻雞翼分量十足雞翼上佈滿了鹹蛋黃，未上枱已經聞到香味。口感不但鬆脆仲有濃濃嘅鹹蛋味。同事最愛呢款雞翼，仲話呢個時候好想要碗白飯第二款 港式避風塘蒜香雞翼配上炸蒜粒同辣椒，辣辣地嘅感覺就似避風塘炒蟹一樣，喜歡辣嘅朋友可以試試，富有香港特色第三款 韓式蟹皇蟹籽oppa 有驚喜嘅一款，雞翼搽咗一層蟹膏醬，估唔到同雞翼會咁夾，而蟹籽同蟹柳仲增加左雞翼嘅口感。食完好想再叫多份野莓伯爵冰茶濃濃嘅茶味帶有淡淡野莓味，可以中和雞翼嘅味道。仲有好幾款雞翼都好想試，下次要試埋佢

自從T.O.P商場裝修後，就多左好多潮流特色之物，加上又有衫睇，好快就成為左新熱點，而T.O.P商場底部，就有呢間專為雞翼愛好者而設嘅雞翼山店場內有立食的位置，亦有坐街邊的長凳立食區，有枱海洋風格的怖置雞翼味道共9款，套餐較便宜，另有特飲加配🌌鼠尾草咸蛋黃哥🌌如圖所示，蛋黃醬黏在雞翼表皮，外貌吸引，而蛋黃質感不錯，有少少似流沙感覺👍🏻🌠港式避風塘蒜香🌠香辣加上炸蒜成為呢味雞翼主要味道，雞翼外皮微脆，加上辣得滋味的炸蒜，香口惹味🌌黑松露蒜香武士🌌紫菜灑在經炸香的黑松露雞翼上，這款黑松露味道較為突出而且好香😋個人比較鍾意呢款✨野莓伯爵冰茶✨淡淡茶香味，酸甜中甘涼，止渴總括而言，呢家即叫即整的雞翼店實為不錯，2個人食1個套餐都夠哂飽，而且味道多，雖然都係雞翼，但味道卻是款款不同👍🏻

好開心今日終於食到啦-雞翼山！ 實在太喜歡食雞翼，所以毫不客氣一次過叫了三款味道： 文青風玫瑰， 港式避風塘蒜香，鼠尾草鹹蛋黃哥， 再叫多杯士多啤梨番石榴乳酸。首先一睇賣相就已經知道係邊隻味道，唔駛估估下，而且隻隻雞翼都好飽滿，再嚟就係試下味道。文青風玫瑰 - 在雞翼表面上放了一些粉紅小花瓣點綴，咁就當然最適合相機先食啦！相影完就起動食，一咬先係皮脆肉嫩，然後隨之而來就是蜜糖味中帶點淡淡玫瑰味，整隻雞翼都被蜜糖包裹著，但又不覺太甜。港式避風塘蒜香 - 同上一樣皮脆肉嫩，味道當然跟上款完全不一樣，今次明顯係蒜香和辣味，本身隻雞翼已經夠辣，但本人非常嗜辣，決定加埋炸蒜和椒絲一併吃下去。嘩！ 正呀！食到有少少流鼻水，我屎框！鼠尾草鹹蛋黃哥 - 未放入口都已經聞到陣陣鹹蛋黃味。雞翼面都舖滿鹹蛋黃，所以建議呢款一定要連皮食先可以食埋d鹹蛋黃，好惹味！ 減肥要去皮，笑你咪話奇！哈哈哈……真係好飽！ 唯有下次先再嚟試埋其他味。今次試了三種味道都各具特色，見到有隻檸茶味，好得意！唔知味道係點呢！？呢度係自助形式，跟收銀員落完單，等叫號碼自取食物，然後可自由選擇立食或者坐係開放式窗台，食完之後記得自動自

雞翼專門店雞翼愛好者嘅我，梗係要試下呢間雞翼山啦。一去就發現好多口味，有啲眼花撩亂。最後揀左呢期大熱嘅鹹蛋黃口味。$48有6隻。排隊買個陣發現大部份人都係買呢隻味，證明我應該無揀錯啦。粉紅色包裝嘅外賣盒好靚呀，有一種錯覺，覺得自己係買左件Cake 咁。隔住個盒都聞到陣陣鹹蛋香味😍。雞翼都幾大隻，多肉。表面舖左鹹蛋黃，比想像中淡味小小。鹹鹹嘅蛋香加埋脆脆嘅雞翼，口感不錯。但食食下發現唔係隻隻雞翼都有鹹蛋醬。

成日經過見到 心郁郁又再來食 🥰 $48/6件都幾抵！因為每隻都幾大隻 同埋d醬料真係好足！同埋雞翼係即叫即整 雖然要等大約10-15分鐘 但可以食到熱辣辣既雞翼 等幾耐都抵呀😇港式避風塘蒜香 好辣既人一定好中意！好香口 但我呢d唔食得辣既人食得有d辛苦😂-韓式蟹皇蟹子oppa好多蟹子🥰 唔識形容個陣味 但如果中意食蟹子/蟹柳既人 都係好中意食！-鼠尾草咸蛋黃哥我最喜愛既味🥰🥰 成日都好中意咸蛋黃製品呢個係好似漿汁咁

成日見好多人排隊食雞翼山，今日終於黎呢度試。呢度嘅雞翼口味非常之多，口味創新，真係好多味道都想試。試左玫瑰雞翼，面上有玫瑰花瓣，而且蜜糖味夠香，唔會太甜，同玫瑰味融為一體，雞翼香脆，呢個我最鍾意食。檸檬茶味真係好新穎，估唔到檸檬茶味同雞翼係會咁夾。檸檬茶好香，而且又唔會搶咗雞翼嘅雞味。反而覺得呢一個都幾好食。再叫咗熱情果紅棗味，酸酸甜甜，味道幾開胃，又有另一種風味；而且一粒粒熱情果核增添左口感。食過先知原來真係好好食，唔怪之得咁多人排。

今日放假專登出旺角開「茶文化」的會議。開會當然少不了飲幾杯茶。所以每一次開本人總會食小小。墊墊個胃先。香港人是全世界最熟練。熟識點去煮好一份雞翼。文青風玫瑰。一聽個名就知。取其名「文青」。食物都係一種藝術。先有其名再配合不同配料形造意識。入口肉質脆而不鋼強。但入口鮮甜肉汁混和皮上的獨特醬料。更食者添上一絲溫馨氣氛感覺。菠蘿啤酒麥香風。菠蘿醬味比較重。雞翼沾上鮮甜菠蘿醬。不失雞翼的特式風味。更令肉質爽脆帶生果的鮮「甜」味

每次行過雞翼山都會聞到好香既雞翼味，但因為價錢都幾貴，所以次次都唔捨得食....今次宵夜時間經過太子，想食啲野，又唔想太飽....就試下佢啦要左鹹蛋黃雞翼....賣相唔錯，雞翼炸得超香脆🤤再加埋鹹蛋黃係面，真係超邪惡......肉夠嫩滑，不會過老，肉汁一咬就流晒出黎，好好食呀！不過可能鹹蛋黃既關係，如果自己一個食晒5隻都幾漏下😂同人share就岩岩好喇....又或者下次再試下其他味，好似都好吸引....

即叫！即做！熱辣辣 超級好味道肉質十分嫩滑愛吃雞翼的人士 必試。正。.可惜是要即吃，但店舖內沒有坐位，可站立的地方亦不大。 外賣是可以的，但建議盡快享用。.飲品就普通。

作為一名健身教練, 12隻雞翼做午餐行去旺角火車站上下一堂課, 途經top商場地鋪雞翼山, 比佢吸引左, 諗住買幾隻雞翼食, 有takeaway亦有立食, counter已經放左大大張menu, 就係有9種味道既雞翼同埋唔同數量既package, 見到d味全部都幾特別, 決定買連埋一杯飲品既$118套餐,12隻雞翼可以揀3隻味。鋪頭金句係不要儀態,只想吃雞翼。簡單直接道出我心聲, 不過儀態依d野不嬲都無就唔係好驚。黑松露蒜香武士黑松露味同蒜味都好濃, 面頭仲鋪左好多紫菜碎, 夾埋一齊真係超級香! 雞翼表面沾滿黑松露蒜香粉, 食落一d都唔油膩!港呢d友情萬歲檸茶可以用好食好多版西檸雞黎形容佢, 醬汁係比較黏稠既, 會痴住手套個隻黏, 但係味道真係較得好好味, 酸得黎清新, d汁痴左係手套度都忍唔住又lam埋佢。熱情果紅棗寶寶又係好好食, 同檸茶味既質感係一樣, 味道都係偏酸味但對比檸茶味就多左種香甜, 係來自熱情果既, 反而紅棗味唔太出, 細心嗒下會食到, 不過個種酸得黎香甜味好正, 真係好好食。野莓伯爵冰茶酸酸甜甜感覺清新, 伯爵茶味可以再濃d會更好, 但食12隻雞翼配依杯飲品就唔會覺

個日未食午餐既我，選擇黎個雞翼餐做我既big lunch ：D一共有9隻味可以揀，亦有唔同的配搭組合~~未有野食落肚既我，決定要食盡佢，打算挑戰一人獨食12隻xppp揀左$118果個餐，有12隻（揀3款口味）雞翼加一杯飲品~~呢度既雞翼都係即叫即炸，所以買好飛都要等等先有得食架~~可以揀用叉定手套，我就梗係揀完手套拎著雞翼大啖食啦cpp我要左 玫瑰蜜糖、黑松露同蟹籽蟹皇呢三個口味每個口味有四隻，隻隻都大大架！！！蟹皇個款層次感最豐富，有卜卜脆既蟹籽，仲有蟹柳絲添~~其餘兩款都好食；）黑松露味都幾香，而玫瑰蜜糖就香甜之餘帶有淡淡花香，難怪店員話呢款係人氣之選啦！！！飲品就要左杯berries flavor 既伯爵茶，清清地唔藥水，食完濃味雞翼再飲佢都幾解渴~~食完之後既盒記住放返係回收個邊，支持環保！！！

相信不少人同我一樣係超愛食雞翼！旺角top呢間雞翼山就最就腳。 店內還有多個打卡位影個夠！9款口味，各有特色！店內有提供有限度座位供堂食。店家主張不要儀態.只想吃雞翼是提供手套用手方便整隻大啖咬。叫左士多啤梨番石榴特飲。酸酸甜甜氣泡特飲，解膩一流。雞翼9種口味，$38/4隻$48/6隻港式避風塘蒜香，小食店都食到避風塘口味。 韓式蟹皇蟹籽oppa 上面舖左蟹籽蟹柳外，雞翼仲有陣濃濃蟹膏味。另一重口味之選 鼠尾草鹹蛋黃哥咸蛋黃真部分真係包到零死角，黃金控實中意！文青風玫瑰 口味係我至愛！自家製玫瑰糖漿清甜淡淡玫瑰香，真係百吃不厭！ 4人每人叫一個口味share, $35一次就試到4種口味喇！