雞翼山 (T.O.P This is Our Place)

营业中

休息中

成日見好多人排隊食雞翼山，今日終於黎呢度試。呢度嘅雞翼口味非常之多，口味創新，真係好多味道都想試。試左玫瑰雞翼，面上有玫瑰花瓣，而且蜜糖味夠香，唔會太甜，同玫瑰味融為一體，雞翼香脆，呢個我最鍾意食。檸檬茶味真係好新穎，估唔到檸檬茶味同雞翼係會咁夾。檸檬茶好香，而且又唔會搶咗雞翼嘅雞味。反而覺得呢一個都幾好食。再叫咗熱情果紅棗味，酸酸甜甜，味道幾開胃，又有另一種風味；而且一粒粒熱情果核增添左口感。食過先知原來真係好好食，唔怪之得咁多人排。