雞煲棧火鍋

营业中

休息中

《雞煲棧》誰說兩個人不能去吃雞煲😂跟媽咪之前下班經過看到難得人少，當然不錯過～唯一是兩個人.. 沒法點太多🤷🏻‍♀️🔸雞煲（半隻）＋牛肩＋響鈴汁很濃味～配菜超多。肉的質數也不錯，就數少了點如果吃得下，在快吃光時再加個烏龍麵/粉絲之類，拌那汁應該會超好吃～店員也很熱心的服務，感覺很良好，這店平時人也很多，要去最好是先致電預約～💲Hkd 150@人🏡元朗媽橫路21-43號地下11號舖🕟17：30 - 00：00

元朗朗屏站至水邊圍一帶有好多間雞煲餐廳，由於住得近我幾乎間間都食過，雞煲棧算係比較出色嘅一間。雞肉好入味，叫小辣其實真係唔太辣，但會惹味d，適合本身唔係好食得辣嘅朋友。火鍋配料全部都幾好食，響鈴尤其出色，即炸，但佢嘅配料唔平，尤其係同同區雞煲餐廳比較。不過一分錢一分貨啦，所以佢比起同區雞煲好食，埋單都係$200幾一位。見好多人推介小菜，我地無乜點叫小菜，叫左兩碟味道中上，我自己覺得雞煲好食D。大排檔style餐廳，又唔限時，服務態度又好，老闆仲請左兩枝啤酒我地飲，最緊要係，雞煲呢道菜咁油，食完第二日個肚都無唔舒服，值得推介！

雞煲好大煲，叫左小辣，個汁好好味。響鈴即炸超脆口又唔會有油益味，正！另外仲叫左啲小菜：小炒王，好夠味、椒鹽粟米，有椒鹽味得黎又幾清新。總體覺得好好食，價錢唔貴，抵食之選！最重要係服務態度超好，無得彈！一定會再去嘅！

就叫左半隻雞，再加BB辣(唔太食得好辣!)雞肉好有肉地，而且係大大粒，口感唔太鞋口，而醬汁底好正，咸咸地又有少少辣，係引起胃口既！食左差唔多半個鐘，就食完個雞煲，就請店員加湯水變成打邊爐(雖然佢有得揀，但都係平平地，第一次食試下先)因為食到飽飽地，就叫左啲時令蔬菜，媽媽話蔬菜好新鮮，口感鮮爽，脆甜！

友人從外國回來想試地道餐廳..雖則雞煲不是香港地道食物..但友人相當好奇於是就帶他們來到雞煲棧一試..其實元朗雞煲店很多..但呢間！又有小菜食..於是就試下..秘製重慶雞煲一隻雞-小辣味道不錯！夠曬麻椒鹽粟米好好味呀！推介其實呢味椒鹽粟米曾經去澳門時試過，已經覺得好特別！但澳門那間餐廳是全條粟米的..而雞煲棧就留了中間的粟米心。椒鹽脆肉鯇又是值得推介！外面好脆內面好鮮..而我食中幾舊都冇魚骨相中已夾了幾舊..原本滿滿的..下次我會再來試下其他小菜的

有朋自遠方來，想搵個地方邊食野邊吹水，搵左呢間係朗屏唔算太顯眼嘅店。味道不過不失，不過飲啤酒吹水幾正。以各種鍋同雞煲為主，配料選擇幾多，不過價錢都唔算平。湯底幾濃郁，有雞嘅鮮味同胡椒香味，不過稍為油膩。推薦加竹笙，吸哂湯嘅精華！湯入面有唔少豬肚，雞都幾大份，不過肉質唔算嫩滑。相對上豬肚更出色，口感爽滑。淮山份量比想像中少，新鮮程度一般。大腸好脆口，又唔會韌，加埋酸辣醬食有驚喜！總括黎講食物味道可以，但價錢偏貴。舖頭細細幾岩一班人食野吹水

天氣冷，遇著西方節日，食雞煲....主要唔想同人地迫食西餐。點咗4樣嘢，半隻雞多麻少辣，炸魚皮、蓮藕，生根。兩個人飽飽的。雞肉不怕嚡，魚皮是少有的厚身的。生根有點硬，蓮藕我冇食。

本來想食海鮮冬瓜煲，但原來要早一日訂...所以就食左胡椒豬肚包雞，不過同張相唔同，嚟到係落左豬肚先，再之後自己落雞,唔係豬肚包住隻雞嗰張相個樣，但係好食嘅，個湯幾好味，仲有好多腐竹，啲雞都可以，肉唔會梅，仲叫左鵝腸，新鮮嘅，仲有肥膏痴住，爽口，牛頸脊，好食，清晒成碟,豆腐，係盒裝百x豆腐之類，雞子，超大粒，我唔食唔知咩味道,蝦滑，好多蝦喺入面，味道就ok la,手包水餃，幾好食，唔知係咪真係自己包啦，但就唔係包裝水餃烏冬，貴左啲食左1千找返幾蚊，因為2個大人2個細路，計落有啲貴，不過佢地食物嘅分量唔會太少，我地食唔晒啲鵝腸同雞，如果4個人大人就唔會覺得貴嘅

二人叫左半隻雞煲bb 辣 (8/10)雞同汁都好多，好足料！！味道都好好，雞都好滑追加左牛肩脊咁上下名既 (7/10)都好食既，有牛味無我食開個啲色水咁靚可以再新鮮啲蜂巢豆腐 (8/10)份量同解凍都夠一放落個煲就嗦晒啲汁正呀！！！羅白同出前一丁我就唔特別講但要讚呀姐細心既，又俾牙籤呀，又俾飲管呀仲等我地食完先收工都無黑面仲幫我地睇住啲火加湯，好好人，服務係一流既小提示：佢十點前last order, 十一點幾就收架啦

一行六人上左呢度試雞煲🙋🏻🙋🏻🙋🏻🙋🏻因同行有人唔食得辣，所以無叫辣🙈如果有辣味的話，我諗會再好味d😝雞煲既時間調較到岩岩好，雞肉好滑，幾有質感，調味料食落唔重味精，好有驚喜😍👍🏼最有意外驚喜既係個即炸響鈴，忍唔住叫多round😍😍😍😍因為唔算油，而且乾身，食落外脆內軟，會不停口😍😍😍😍娃娃菜同生菜，火鍋必點既菜😍👍🏼牛骨髓😍😍😍軟軟地，咬落有嚼口，唔錯👍🏼牛肉食落好鮮味，新鮮牛肉果然唔同d😍😍👍🏼魚片，焯一焯食得😍😍😍爽口彈牙👍🏼👍🏼仲有豆腐超滑，好味道😍😍😍👍🏼PS:最重要有專人哥哥仔服待，幫我們煮好雞煲，見到我們需要即刻做野，值得加許👍🏼👍🏼👍🏼👍🏼

大年初一🎉繼續食好野🙆🏼雞煲 雞煲 同雞煲🍲今次就去左元朗覓食 慶祝媽媽生日 點了一個重慶雞煲同蕃茄薯仔魽魚😂 雞煲份量都好足 六個人食岩岩好 雞肉滑嫩 入味😋而蕃茄薯仔烤魽魚 就有少少失望 雖然魽魚無咩骨 但魚肉都無乜😅有少少失望 唯有當另一個湯底打邊爐🤣.必點 一定要食1️⃣即炸響鈴 好味 大大舊 即炸 新鮮 脆卜卜👍🏻2️⃣安格斯牛頸脊 薄切牛肉 無雪味 有牛肉味 脂肪位少👅3️⃣手打四寶丸 新鮮 彈牙😆..三個90後吃貨不斷開心share美食💓 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介

平時食開另一間，今晚同老公心思思試下呢間，但一試真係無回頭了。叫左下面咁多野:重慶雞煲唔辣(半隻)，手切肥牛，墨汁墨魚圓，手包豬肉菲菜餃。先來是雞煲，切得好大舊，每人幾舊已經無咩，分量應該有半隻，但唔知點解有兩隻唔完整既雞翼，兩隻都是由翼中去到尖，而且一隻超肥，一隻正常，明顯唔係同一隻雞出黎，咁都估到即是有可能唔係半隻雞，可能是斬定晒再煮個種。叫左唔辣，但個煲無咩味，啲雞油爆過咁樣，完全唔入味。同平時食開另一間唔同。之後啲火煱料到左，其實我都未打得，點解咁早上，不過呢個係多數雞煲店既做法，無得挑剔，怪自我地早落單囉。個牛一般啦，個墨圓就好好食，真係好香，好濃味。但最失望既係個手包菲菜餃，等左20分鍾，竟然是碼頭牌菲菜餃，其實佢唔寫手包都無咁失望，碼頭牌絕對是用機包。唔知有無違反商品說明條例呢。總括黎講，不過不失，呢個價錢亦貴左少少，還是留如他們的熟客吧

今晚跟兩位朋友到了元朗吃晚飯， 有一位朋友提議到元朗吃雞煲打邊爐，最後便到了這間雞煲棧吃雞煲火鍋這間食肆分為上及下層， 一進來店內已坐滿了人客，店員安排我們到了上層進食。。。上層座位比下層多 還有一部大電視店員推介這裏雞煲不錯。。。 所以我們也決定點一個雞煲熱後再見一些食物來打邊爐價錢也合理，不會太昂貴。。而且邊爐料款式也多元化其實除了打邊爐外，這裏還有小菜選擇而且款式也十分多有很多種不同類的鍋可選擇。。有雞煲，藥膳花雕醉雞煲，冬瓜盅火鍋，豬肚煲，豬骨煲，等等仲有烤魚吃，但是我們也比較怕魚骨，所以便不打算點了雞煲來了， 雖然我們見了小份，但是看下來雞件數量也很多 我們點了不辣 但是吃下來亦十分惹味 店員也很好，會不時來跟我們攪拌一下。。因為怕鍋底會黐底。。而且也說了一些大件的雞和雞翼，雞腳要多煮一會兒才吃。。確保所有雞件衣熟透雞咬下來的時候，味道很濃郁，調味這方面做得很好鹹鹹的，而且有很香的芫茜味。。雞件數量多，而且雞很嫩 不會難咬當雞煲吃得七七八八後，店員會為我們加入湯底。。然後我們便開始打邊爐了這雪花肥牛的確很讚因為肥牛不像一般餐廳的肥牛薄薄的 。。這裏的肥牛肉質較厚，所以咬下來口

今日一行五大一小入元朗打邊爐, 由於請客者已訂位, 一嚟到就直上樓上.叫咗 胡椒豬軟骨煲(大) 嚟到先飲湯, 入口頗辣, 但當湯流至喉嚨及至胃中, 那種感覺真的很舒服. 豬軟骨林滑, 成舊食晒唔使吐骨.手打蝦丸--爽口彈牙, 味道鮮美手打墨丸 x2 --與蝦丸相比之下, 口感較林手切肥牛 (一大一小)-- 大碟嘅唔太肥, 入口林滑, 滿口牛味. 但之後order嘅細碟就比較肥 超甜粟米--真係好甜, 簡直係百厭仔嘅至愛, 幾乎全部佢食晒.脆肉鯇魚片 x2-- 新鮮亦無幼骨, 正!響鈴 x2--浸湯數秒拿起, 入口還脆, 而且唔算太油膩 (以往我好少食響鈴, 因逢食必屙, 今次在某人盛情難卻下食了兩件, 竟然無事)雲吞 x2--ok啦滑牛 x2-- 一啲都唔韌廣島蠔--麻麻地 生菜/白菜/娃娃菜--一兜份量頗少, 收成三十蚊兜, 貴!一支啤酒, 四罐汽水, 兩支雞骨草埋單$1,500.00

Boxing day果晚同前度女友兩個人去左呢度食雞煲！當時大约7点左右，無乜人，即刻有位入座！坐低左就叫左個雞煲，半隻雞都要148蚊，吾算抵，但D雞都幾好味！食完雞之後就叫火鍋料，兩樣野，雪花肥牛半份及手打墨魚滑！先講墨魚滑，55蚊，都吾平，但都好有口感，爽口好食！個雪花肥牛就超級揾笨，半份88蚊，只得6塊肥牛，嘩！咪要成十幾蚊一塊？三兩下就無哂，直頭呃钱！加多兩罐汽水，都無乜叫野食，埋單要成三百五十幾，真係吾扺食！揾笨！應該無下次！