雞煲棧火鍋

营业中

休息中

叫左個2 人餐外賣雞好足料又好味 返到屋企都仲係熱大個大膠兜裝左雞煲同火鍋料 火煱料好乾淨 唔係比爛野你通常打邊爐外賣菜都唔靚 但佢都好鬼靚仔唔會係求求其其咁好值得推介呢個雞煲外賣在家食到雞煲真係好幸福呀

因為青衣有一班有心人組團，可以一試元朗國的雞煲棧。我哋2個人叫咗一個重慶雞煲餐（2人）非常足料，雞滑，洋蔥京蔥滿滿，十分惹味。芫荽另外pack 開2袋，仲好鬼新鮮！芫荽控表示完美！之後加咗熱水打邊爐，都仲好夠味，連雞湯都省返佢有跟邊爐配料，仲好大盆，本身預備咗d都即刻放返入雪櫃牛柏葉同魷魚好有誠意，蔬菜洗得好乾淨，主婦表示佩服！加咗半份響玲，不得了，勁好味，係自家制先可以咁新鮮，必食之選非常滿足的一晚！謝謝一班青衣年青人，安在家中嘆一餐！

第一次外賣雞煲，好正啊我同屋企人都食得辣，所以揀左大辣，之前食過出面啲雞煲叫大辣都唔覺得好辣，呢個真係好正，夠辣，不過加完湯之後淥啲菜有少少嗆，但都係好正，鍾意食辣嘅可以試下，好惹味我地揀左2人set，入面有兩款菜、金針菇、蟹柳、魷魚、豆腐、牛柏葉、蟹子丸、牛丸、魚皮餃、芝心丸，我地仲另外叫左一份肥牛同一份響鈴。所有食材都好新鮮好好味特別個響鈴，好脆，一夾落去都有卡卡聲好香好好味我地兩個人都食唔哂，食完啲雞都已經半飽🤣🤣啲肥牛食唔哂，唯有留起之後再食鍾意食辣一定要試下

重慶雞煲餐小辣，雞嫩惹味，食到我哋個個都舔舔脷😋😋😋連一向嘴刁嘅公公婆婆食咗都讚好好味，話好食過之前喺荃灣食嗰間雞煲好多。 組團外賣送貨，收到咁足料嘅重慶雞煲，超級開心，外賣裝得好好，要俾個讚俾店主👍🏼 。 另外我地仲加咗一份肥牛，靚牛抵食、好正又大份。 食完啲雞之後，再加雞湯落重慶雞煲度繼續打邊爐，湯底味道剛剛好... 🥰🥰🥰有啲團友叫椰子雞煲都話個湯底好正，我哋下次要試埋椰子雞煲先得！😋

經飯飯到家送外賣叫咗二人餐送貨到青衣，初初諗住純粹支持下，冇諗過咁好味。我叫中辣，覺得啱啱好，成個煲充滿洋蔥、乾蔥、辣椒, 仲配埋新鮮芫茜另上，正！啲雞好入味，雖然叫半隻雞，但勁多肉。另加嘅魚皮同牛肉都推介！二人餐每樣嘢都可以試少少，款式好多，魚蛋、牛丸、蟹籽丸、芝士丸、魚皮餃、豆腐、金菇、生菜、娃娃菜，仲有最夾麻辣嘅水魷同牛栢葉。成個二人餐份量好足，兩個人食飽到郁唔到😂😂希望下次可以試埋椰子雞煲，咁就大人小朋友都啱食

呢間餐廳真心要推薦，佢係一個街角度嘅，離巴士站都要行5分鐘左右餐廳店面唔算大，都係擺左7張枱左右我地一行5個人，叫左個秘制重慶雞煲要左小辣黎到食落唔算好辣，我食開譚仔十小辣都頂得順佢個雞煲完全係冇偷工減料，真係好多雞肉同埋配料一開頭可能味道唔算太濃，但愈食就愈惹味食到七七八八我地都有叫到其他配料去打邊爐值得一叫係佢地個手切肥牛，不過趕住食所以冇影到秘制重慶雞煲食食下雞煲，老闆走左過黎同我地講今日入左d蠔，問我地有冇興趣叫碟炸蠔由於我地全部都好中意食海鮮，所以都二話不說咁應承左等左大約15分鐘左右就上菜，黎到係熱辣辣d蠔就算炸完之後都仲係好大隻! 有手掌咁大!而且食落係炸得岩岩好，一d都唔老呢個我覺得真係一試難忘!炸廣島蠔另一個令我好難忘嘅就係佢地個椒鹽粟米!呢個食第一啖果時會覺得有d奇怪，又咸又甜咁但係愈食愈惹味!個粟米超甜，老闆話係佢地每日新鮮買嘅本地有機粟米黎，唔怪得咁好味椒鹽粟米其實我地仲食左好多，不過覺得呢幾個真係一定要試~

首先我同朋友係飲得之人 我地大概六點坐低左 叫左半衹鷄同酥炸牛坑腩 侍應話牛坑腩要等半個鐘 我話都叫左五支啤酒冇問題 點知上菜時間成個半鐘 都唔緊要有嘅係時間 我地前後再叫多三支啤酒一共八支 景然老板娘出逐客令 搞到非常尷尬 其實我朋友話唔好幫襯尼間 我話黃色經濟幫襯下喇 點知一肚氣 總結我覺得係打黃店招牌做生意 小心

假日食18:30 唔使等位直接入得但坐底諗緊食咩就一直有客入黎, 好快就打爆個場, 走個陣仲好多人等位啊~天氣咁熱當然要叫啤酒有醇滑嘉士伯, 夠滑又易入口, 好MATCH食雞煲! 個杯都係雪凍左上叫左半隻 秘制重慶雞煲 (小辣) $168 / 酸菜魚 (魽魚-小辣) $238  *今次朋友唔係好食得辣,下次想試下大辣叫左十幾款配料, 個魚腐好特別, 係其他火鍋店未食過,好好食手打墨丸 ($88) 好彈又鮮味, 三拼餃(韮菜/雲X/水餃) ($58)都係皮薄餡靚 反而即炸芝士響鈴($58) 雖然入面芝士半流心狀態而且新鮮但有點失望係芝士太小另外,滑牛肉片($68) 都係普普通通秘制重慶雞煲好好食醬汁好濃而且相當惹味, 雞件都好新鮮, 而且豪氣比左好多芫茜  (但本人唔喜歡,交比朋友們K.O)除左芫茜,仲有好鐘意食既洋蔥係入面員工好好服務, 間唔中就過黎攪拌, 唔怕痴底,好快已經食哂D雞就加湯打邊爐但個酸菜魚等左差不多45分鐘先到... 入面有芽菜,蓮藕片,白蘿蔔(芫茜都係滿滿的),如果有埋薯粉或者火鍋寬粉就好!個湯咸左小小,可能係因為D酸菜,要叫多幾round野飲 ( 咧度冇水提供,要飲

忠實粉絲既我，食左N咁多次雞煲，今時今日先寫食評真係太遲喇🤣🤣次次都要等位，今次終於唔洗等，唔洗等到夜深😹今次叫左個秘制重慶雞煲中辣，配料超級多，重點係芫荽，令到成煲雞煲味好香，芫荽加埋個雞煲汁味，真係好香好好食！今次雞肉唔算太滑，不過都冇減分！今次得2個人叫得唔夠多🤣只係叫左半隻雞再叫左頂級手切牛肉仲有即炸響鈴，手切肥牛好新鮮既肉，有小小溶既感覺，響鈴即炸真係好好脆，超級正👍🏻👍🏻👍🏻

同個飯腳去左幾次，次次都係等了又等，等到要轉場。今次，唔洗等。 仲可以食到雞煲仲打邊爐，雞煲好香，味道好香少少辣，我唔太食辣都食到。 打邊爐料好新鮮，好好味。蓮藕片十分爽口，正呀⋯⋯😋好地道小店，好貼地，街坊路線。 我都係第一次見個員工叫老闆做野，員工姐姐見我地唔識加熱個雞煲就走黎睇下，她炒兩下就食得，如果唔係有她的話都唔個知要等到何年何月😛老闆可能見我地陌生的客人都問下我地d野好唔好食。其實，野食好食是重要，好耐無見過食人情味的小食。 要等檯都係值得👍

作為雞煲既愛好者，平均每月都食兩次，雞煲棧係其中一間想試好耐，喺疫症期間終於叫到男友外賣回家。呢個雞煲非常足料，尤其是有極多我最鐘意食既洋蔥，覺得開心。叫少辣已經好辣，食到流鼻水，非常過癮。雞件多肉而且肉質頗滑，不錯！我地除左雞煲，仲叫左即炸響鈴同薯粉。炸響鈴都幾大份，五條夠哂長，而且炸得好脆。薯粉都大大袋，夠兩個人食，索哂雞煲汁好正。好鐘意佢雞煲唔會乾身，咁樣就算之後再加雞湯打邊爐個湯底都唔會太稀，讚！

今日約咗一班老友去元朗食雞煲，元朗大大話話都有好多間雞煲店，最後揀咗呢間喺朗屏站附近嘅雞煲棧。一坐低，衛生功夫做足，食客安心食飯，疫市下值得一讚。叫咗個招牌雞煲（半隻），色香味俱全， 質素高出任食雞煲一兩班，雞件嘅質地好靚，調味都相當惹味。食完有啲後悔，因為叫得半隻，完全唔夠喉。講一講配料，安格斯牛頸脊（大份），肉質幾靚，呢個價位絕對值回票價，好過出面唔少舖頭。之後就係打邊爐啲熱門配料，大體嚟講都夠晒新鮮，打邊爐最緊要啲料夠新鮮。另外要特別提一提響鈴，呢到嘅響鈴係超長版，夠晒過癮！

我同朋友正係食大排檔定雞煲猶豫之間，最後俾佢的香味吸引咗😂原來鋪仔細細有2層，雖然我們坐樓上要同另一對情侶搭枱，但是大圓枱都算舒服，雞煲我都是小辣，味道唔錯最驚喜係佢個豬紅勁似鴨血～即炸魚皮都幾好食～特別之處是佢電視睇ViuTV

開頭見10個有9個食評都係雞煲，差啲想叫雞煲，但我真係好想好想食烤魚，最後都係叫咗魚🤤🤤🤤🐟🐟抱住會唔會中伏呢個忐忑嘅心情迎接奇味烤魚，揀咗魽魚，都夠3/4個人食，仲要有好多配料喺入邊，芽菜、豆腐、薯粉等，薯粉夾極都仲有，我哋開頭唔知佢入面有，仲加左個薯粉，最後要打包個薯粉😂🐟🐟其他邊爐料正常發揮，無咩點影相，因為我掛住食魚食魚，條魚食極都有，所以唔記得影其他料😂 於是對佢地無好深印象，最緊要都係個煲🤤同埋我無中伏。

本身聽講係黃鋪咪幫襯下，黃唔黃我唔敢肯定，但係態度非常差，明明有客埋緊單但問啲姐姐又話冇，對等位既食客非常冇禮貌，黃店唔止你一間，如果你唔識飲水思源就以後唔會再去喇。