隆姐泰國美食館

营业中

休息中

雖然好近公司，但係真係一排無黎九龍城食泰國野，於是今日放工就同同事去左食下泰國野咁。行左陣見到呢間野感覺都唔錯，就入左去食。入左黎食野，先發現野都算大，但係內裡嘅裝修都比較舊，不過算喇又唔係食裝修，我地係黎食泰國野嫁嘛。一拎起個餐牌我地就叫左大家都各位鐘意食嘅，務求盡快醫肚。過左無幾耐，菜就開始上。首先就係牛肉生菜包，聞落都幾香，不過啲肉炒得太辣喇，而且生菜俾得太少，我呢一棵都唔知有無。。。跟住就係炸蝦餅，一睇就知係即叫即炸，入口熱辣辣，而且份量唔算少，但蝦膠唔算多，略嫌有啲失色最後就蒸烏頭魚，都算今餐嘅一個亮點，條烏頭唔會煮到太老，食落口仍然有鮮嫩嘅感覺，而且仲大量嘅配料好冬菇果啲咁，最後配埋啲汁真係好惹味。總括黎講，今餐都算OK，不過味覺上總覺得差左一點點，但環境同服務都算唔錯，所以食得都算開心。