陸陸雞煲火鍋 (已結業)

早幾日收工陪朋友去旺角買野夾完經過呢度朋友就話想食雞煲咁就衝咗入去我入到去就睇中咗個龍蝦🦞湯底所以我地就叫咗個套餐首先係一個雞煲食完再轉龍蝦湯打邊爐正啊正啊！套餐首先會係食呢個白灼螺先幾好，新鮮雞煲嚟喇！份量都幾多下幾香夠味啲雞幾滑食完個雞煲，海鮮拼盤就上枱喇！准備打邊爐♥️嘩！湯底嚟喇🦞一嚟到已經聞到好香好濃郁嘅龍蝦湯味！放咩落去都好好味！蝦丸、雲吞、魚皮餃好好味響鈴都夠脆嘩！勁多菇啱曬我鍾意菇♥️仲有炸魚皮湯底好味！放咩落去都好好味👍🏻好喇！到龍蝦喇♥️♥️♥️好耐冇試過原隻龍蝦🦞自己食曬🥰🥰肉好鮮蝦！性價比高！湯底高質！服務好！仲有甜品同水果🍊🍊

哩間陸陸雞煲到處都見到"66"字眼，取其名諧音字，其實都幾易記前菜螺肉係送既，有咬口雞煲出現喇，選左BB辣，味道唔錯，雞肉都夠厚肉原隻龍蝦湯，湯底好鮮味，龍蝦尾爽口彈牙，鉗好大隻，啖啖肉好正Wow，好大盤海鮮呀，有10款唔同海產，樣樣都好新鮮，尤其鮑魚仲識郁，放晒落湯，令湯底原先既龍蝦湯鮮上加鮮，食完都有少許飽肚感，但後面陸續有黎肥牛，牛柳粒，豬肉片，牛肉食起上黎重牛味，而且軟淋菇產品，共有7款，金菇係打邊爐必備亦係最正三式丸，豬肉丸、墨丸、牛丸，每款都好彈牙，爽口三式餃，雲吞、水餃、白菜餃，餡料足炸魚皮，就咁食就脆口d，浸湯底食吸湯汁，而且軟軟地食都咁好味響鈴，最容易索湯底精華既食物，食落帶有少少海鮮味，唔錯最尾仲送每位一粒雪米糍，綠茶味

今晚黎左呢間火鍋店食雞煲 + 打邊爐｡入口位置擺左個超大嘅機械人, 相當搶眼｡揀左呢個 $338 海鮮套餐, 包左一個雞煲、龍蝦火鍋湯底 & 火鍋配料, 火鍋配料唔係任食, 係火鍋店 set 好晒嘅份量, 而醬芥 & 飲品都另計｡如果 LIKE 佢地嘅 FACEBOOK, 就可以任食餃、菜、菇 & 響鈴｡揀左少辣嘅陸陸雞煲, 唔食得辣仲可以揀微辣 / BB 辣｡ 雞煲放左好多配料入去煮, 有芫茜、青蔥、洋蔥、青椒、香葉 … 非常惹味嘅雞煲, 醬汁完全滲晒去雞肉裡面, 好入味, 就連配料都煮到超好味｡ 食完雞煲, 就轉左個龍蝦湯底繼續打邊爐｡ 湯底用左大大隻原隻波士頓龍蝦、蕃茄 & 粟米, 鮮甜味十足｡火鍋海鮮拼盤, 有成 8 款海鮮: 鮑魚、貴妃蚌、蟶子、大蜆、海蝦、鮮魚片、大頭蝦、廣島蠔, 非常新鮮, 鮑魚黎到時仲郁緊｡仲有美國肥牛片、牛柳粒 & 豬肉片手打牛丸、墨丸 & 豬肉丸, 可能係手打嘅關係, 口感特別彈牙4 款餃類: 魚皮餃、雲吞、水餃 & 白菜豬肉丸炸響鈴 & 炸魚皮都非常香脆雜菇拼盤有成 7 款菇菌類火鍋配料最後仲有鮮菜籃

今日去左白布街搵食。見到呢間餐廳裝潢好鮮艷好新穎。仲推出左個叫 陸陸海鮮套餐 🦞望落都覺得豐富，吸引左我地入去食🤤坐底左先俾我地調教下啲醬料先😬再有一碟 東風螺既前菜小食我地食😻之後香噴噴既雞煲就黎到喇！職員先攪一攪個雞煲，煮一陣先食得。隻雞都幾大隻，好多件雞。叫左bb辣，味道剛好。夠哂香辣帶點麻香味，好惹味！啲雞好入味，又唔會話好鹹😋食哂之後就會上蕃茄龍蝦🦞湯，開始打邊爐喇！哇！個湯底落左原隻既龍蝦，好大隻，個湯夠哂濃味又帶少少甜既蕃茄味！龍蝦整開左仲有好多膏，啖啖肉，好彈牙！再上一盤放到好靚既海鮮火鍋拼盤 😻有新鮮仲郁緊既鮑魚, 帶子, 象拔蚌仔, 廣島蠔, 蟶子, 蜆, 海蝦🦐, 魚片🐟好豐富呀！都夠新鮮。尤其啲海蝦，好彈牙，好多膏👍火鍋材料仲有好多野！肉類：美國肥牛，牛柳粒，豬肉片 手打牛丸，蝦丸, 墨丸魚皮餃, 雲吞, 水餃, 白菜豬肉餃,仲有雜菜籃,同 自家炸響鈴,炸魚皮真係食到我地超級飽🙈食完仲有水果同雪米糍食添！😬👍

又想食雞又想食海鮮仲想打邊爐？咁一定要食呢個「陸陸雞煲火鍋海鮮套餐」，可以滿足曬你三個願望！🐚冷盤花螺小食-有埋長竹籤方便食用，味道夠鮮美。🐥陸陸雞煲-煲身好熱店員會幫手攪拌雞件同配料。揀咗bb辣，Kiwi我同友人唔食得辣都食到，真bb唔洗驚😂啲雞好嫩滑惹味，又超多，兩人可以夾到3-4碗。🦞原隻波士頓龍蝦湯-聞落好香龍蝦味，飲落反而唔太覺，但係當落完下面啲料再飲時超鮮甜香濃🥢海鮮火鍋拼盤-鮑魚、貴妃蚌、廣島蠔、蟶子、蜆、海蝦、魚片-聽落都覺得豐富，最鍾意蠔同蟶子，蠔海水味濃又肥美，蟶子扎實爽口🥢肥牛，牛柳粒，豬肉片-快熟好食冇得輸。🥢牛丸、墨丸、豬肉丸-全部都手打真材實料，爽滑彈牙。🥢魚皮餃、雲吞、水餃、白菜豬肉餃，食完濃味嘢食可以返啲清啲嘅餃調劑下。🥢炸響鈴、炸魚皮，響鈴自家制夠曬香脆。🥢菇菌類拼盤、鮮菜籃-邊爐唔少得，好新鮮！🍹叫埋大大杯西瓜汁，一個字-爽🍵仲有送好味抺茶雪米糍同西瓜，大滿足呀！埋單一人都係大約$400，食到咁多嘢超抵！

旺角食肆多到令有選擇困難症既人面對一定既壓力, 好彩有朋友, 而朋友會幫你揀埋食咩!去食雞煲, 仲有得食完之後用龍蝦湯底打邊爐!位位$338,去到就送左呢個餐前小食因為朋友仔唔食得辣 ,要左小辣, 在我黎講只係有辣味, 但味道濃郁, 好有層次。話咁快,炒兩炒, 香到不得了, 即食!套餐無包野飲,另外叫左jar柚子, 好足料兩條女食完個雞煲, 有啲驚飽飽, 但當個湯底黎到, 好香龍蝦湯味, 飲啖發現好濃, 正到想飲足兩碗!跟手就黎個2人份海鮮盤, 新鮮,個包魚仲郁既跟手就上埋呢啲野食, 嘩。。。食到飽晒,真心兩個人食唔晒, 野好食,又夠份量,如果一男一女食,就會無咁飽囉終於明白,點解咁多人!! 鮮又足既食材係正既!

我真係好鍾意食雞煲打邊爐，鍾意食雞煲嘅惹味，再打邊爐又可食海鮮肥牛蔬菜等等，可以一次滿足滿足我呢啲貪心嘅吃貨!先來係食個雞煲先！因為我唔係好食得辣嘅關係，我地點左BB辣，真係唔係好辣啵！不過嗰醬汁超惹味，而且份量都幾多，俾我哋兩個人食的雞肉我諗都有半隻雞，雞肉夠嫩滑，基本上啖啖肉，唔會話好多頭同頸。呢度嘅雞煲都幾正！👍👍 食完雞煲打邊爐係另一個重頭戲，佢上嘅海鮮拼盤同埋龍蝦湯底好吸引到我哋嘅眼球😍佢嘅龍蝦湯底真係有一隻龍蝦浸在湯的中心呼喚愛😍好吸睛👍海鮮拼盤全部嘅海鮮大大隻好新鮮，啲鮑魚都仲郁緊㗎！😃 除咗新鮮海鮮之外，佢仲會提供打邊爐必備的肥牛，手打丸，和水餃雲吞，炸魚皮同埋各類菇類蔬菜等等，佢嘅肥牛又新鮮又牛味，水餃雲吞又好味，我會推介👍，不過手打丸就麻麻哋，口感有啲怪，有啲失望😞佢成個餐真係會食到你飽到好似食完放題咁，$338都說物超所值，但係食物嘅質素係高質嘅，而家年紀大左我都偏向少食咗放題同自助餐任食，寧願貴精不貴多！😃 我成日覺得發明雞煲打邊爐的人真的很偉大，因為啱晒我呢啲又鍾意食雞煲有鍾意打邊爐嘅人😍我估當時發明呢樣野嘅人應該都係本着 “爭咩爭呀!?夾埋一齊做瀨尿牛丸吖笨

今晚和朋友6位，order了$338一位的雞煲海鮮餐，發生了以下幾樣不合理的事情：1）六個人食，雞煲得半隻雞。上次我兩個人食，一樣都是半隻雞。2）六個人食，一隻龍蝦做湯底。上次我兩個人食，都有半隻。3）六個人食，丸類每款得五粒，試問六個人怎樣分五粒丸？我哋分別問咗三個員工，是否來少咗一粒丸，佢哋唔識答，走去問女經理，女經理叫佢哋搭，這是公司規定。然後我哋問女經理，人頭費比了6位，但丸類五粒，道理何在？他說這是公司set好的餐，而單張上亦沒有列明每人一粒丸。我哋反問佢，你說餃類可以任食，亦沒有寫明食唔晒要比附加費，那麼是否我可以叫你攞500粒餃出來齋睇及打包？已經不是冇理地要求你比勁多份量，只是合理地六個人頭費，有六件，咁都做不到？女經理不停重複，這是老細set下的規矩，對於有些佢答不到的問題，他只企喺度唔出聲，沒有回應。66曾經在旺角好多人幫襯，搞到今日全晚得幾張枱，執淨一間，原來是有原因的。雞煲的味道，已經不再是全旺角最好食的，加上服務態度那麼差，如何生存？正常的餐廳，越多人食，理應越抵，比最多優惠客人。但是66偏偏反常，越多人食，份量越小，完全唔合理。埋單六個人$2608 ，每人夾

本身只係打算黎食個雞煲，點知睇到餐牌個海鮮餐好吸引就叫左。套餐首先會有東風螺。然後會食雞煲，雞煲ORDER左ＢＢ辣，雞件好嫩滑好惹味，只係唔夠辣，如果叫小辣或微辣相信會更加好味。食完雞煲後店員會轉過另一個鍋打邊爐，湯底係龍蝦湯。完隻龍蝦既湯底果然夠晒氣派。淆左一陣湯之後就夾起龍蝦，龍蝦大大隻淡淡肉。而海鮮拼盤亦都非常豐富，有貴妃蚌、蟶子、鮑魚、廣島蠔、海蝦等等。當中貴妃蚌和蟶子最好食，貴妃蚌非常大隻，肉身厚實鮮甜。蟶子滾左十零秒就食得，非常爽口味道鮮甜。　除左海鮮外，有炸響零，肥牛，豬肉片，餃類，菜等等食物。餃類份量都唔少，有好多款式，如魚皮餃，牛肉丸，章魚丸等等。飲品叫左本特大西瓜汁，大大杯解渴一流！

呢兩日天氣又凍番啲緊係要抓緊冬天既尾巴再去打下邊爐食下雞煲咁啦😂😂今次就黎到旺角呢間陸陸雞煲火煱試試佢地既質素如何啦....點左個火鍋海鮮套餐先食左個雞煲先叫左大辣好惹味雞肉好嫩滑份量都唔手軟絕對係above average👍🏻食完個雞煲佢唔會就咁倒湯落去而係換過一個全新嘅煲原隻龍蝦蛋放落去淆湯湯底清得黎入晒龍蝦味烚菜一流👍🏻海鮮都好新鮮龍蝦大淡肉好多膏貴妃蚌好大隻好爽口至於其他火鍋配料都好食特別要推薦個都菜🐷肉餃爆汁👍🏻👍🏻響鈴都係新鮮即炸好好食....總括黎講今餐係好食好滿足既對得住呢個價錢可以番兜👍🏻

雖然呢度主打係雞煲，不過我哋今日係叫左海鮮煲嘅。一坐低店員就放低咗配料兜，上面有透明嘅蓋冚住，睇得清楚又唔怕污糟，非常衛生。落完個海鮮餐之後，跟餐嘅就上咗啲東風螺，幾鮮味既。呢度感覺都幾in,係可以用ipad嚟落單嘅四個人，每人有半邊龍蝦。龍蝦非常之新鮮，落咗蒸籠之後都繼續腳踢踢，好生猛睇相好似好細咁，其實相入面隻蟹同街市買嘅size差唔多,所以成盆嚟計四個人食都非常足夠。黎個close-up就見到隻蚌有幾大隻鮑魚好新鮮 所以其實都唔使加啲咩調味，就咁食已經好正蒸蝦每人都分到五六隻，新鮮彈牙肉蟹都唔差㗎，有唔少蟹膏，食落去都非常惹味個人非常之推介呢個蚌，另外店入面都有一個list,寫明建議蒸既時間，跟住佢嘅指示實冇死食完海鮮之後就嚟到肉類同菜嘅部分 分量都唔少，其實食海鮮都已經有六成飽，加埋呢度就啱啱好呢度既粥，係食完蒸海鮮之後將粥同配料加入去。有個優點就係佢會加埋蟹膏落去煲，煲出嚟嘅粥非常之香濃，食返兩碗先夠！

琴晚朋友約左我去66雞煲食生日飲我地10:30先去食 有宵夜折扣66折但飲品唔包😂雞煲叫左微辣 同大size 有一隻雞份量個汁好香好入味 好濃 啲肉好嫩 啲雞肉一啲都唔會鞋口 洋蔥好淋好入味食雞煲我最中意食入面啲洋蔥食完雞煲之後有得加湯打邊爐可以選擇清湯或者辣湯我哋當然揀咗辣湯啦濃味啲蕃茄竹苼海鮮湯呢個湯老幾足料 有蝦有蜆 有好多菇同竹苼仲有蕃茄同粟米 湯底夠蕃茄味但又唔係好濃厚既湯頭 唔會太heavy䈑筍自家製響零 夠脆白毛肚佢地既手打牛丸好重牛味 咬落去比較實 唔係彈牙個種牛肩胛肉 無肥牛咁嫩口 墨魚滑 好得意 扮企鵝🐧

最近夜晚都凍凍地，朋友想食雞煲，但我就想食海鮮🦞上網搵發現呢間個「陸陸雞煲火鍋海鮮套餐」同時滿足到我地，二話不說即坐車黎旺角😂環境幾特別，牆上掛左幾張卡通化左嘅電影poster(冇影到因為有客坐喺度廢事影到人)玩味濃😜門口一入黎有starwar隻白武士，感覺老闆應該係幾鐘意電影嘅人呢～雞煲揀咗BB辣，入面有成30種香料，味道帶麻勁，建議如果同男朋友都食得辣，最好揀小辣或者中辣，微辣對我黎講食得唔夠過癮😂每件雞件都均勻沾上雞煲醬汁，非常惹味👅而且唔會太熟而變得肉質過鞋，都keep到嫩滑，做到雞煲嘅精粹👍🏻食完雞煲會換上原隻龍蝦湯底，味道超濃郁！配上粟米蕃茄等配料，淨係飲湯已經鮮甜無比，我同朋友都飲左兩碗先捨得淥海鮮🙈原隻龍蝦size都好令人驚喜，肉質結實食落啖啖肉，完全滿足得到我呢個海鮮控😍重頭戲係個海鮮拼盤，有鮑魚、廣島蠔、聖子、海蝦等等，用冰鎮上，保持海鮮嘅新鮮度。鮑魚上碟時仲識郁㗎！配上超濃郁龍蝦湯底除左更鮮味外，更令海鮮美味程度更提升👍🏻趁你淥緊海鮮等熟時，仲好貼心咁奉上東風螺，肉質彈牙，味道唔錯架！你以為已經食完？其實仲有牛肉拼盤、丸類、餃類、蔬菜籃、菇類、響鈴等平時打邊爐嘅食

天氣咁凍，最佳取暖方法梗係要打邊爐。去到陸陸雞煲，一個火鍋海鮮套餐有兩個煲慢慢食，相當抵食!先有熱辣辣嘅雞煲，選取左BB辣，加上大量薑蔥、乾蔥等配料，上枱時候已經係香氣滿分，流晒口水; 而每件雞件都係嫩滑無比，絕對唔會有老火肉質粗劣感覺。加上配以惹味雞煲醬汁，淨係食呢個煲已經夠晒正!接著有原隻龍蝦湯底，加上玉米、蕃茄等配料，淨飲一啖湯底都鮮甜無比，而龍蝦因為份量大，所以龍蝦肉都非常厚身，白淨嘅蝦肉充滿海鮮鮮甜味度，肉質又夠結實。而呢個海鮮拼盤當然唔可以錯過，有蟶子、鮑魚、廣島蠔、海蝦等等，淨係賣相都夠吸引，廣島蠔有豐盈海鮮味道，即使煮熟透後，仍然極有食生蠔嘅感覺; 海蝦非常生猛，煮熟後蝦膏滿滿，蝦肉鮮甜，一人食多幾隻都不成問題; 而鮑魚咁矜貴，加上龍蝦湯底，更可提升鮮味呈度，最吸引嘅係滑嫩嘅群邊，質感非常獨特。而肉類方面亦唔可以錯過，美國肥牛、豬肉片當然會有供應啦。肥牛脂肪比例非常平均，入口時候當然會更香滑，肉質亦都濃郁; 而豬肉片亦都出色，肉質帶有豬肉嘅爽勁，再吸收湯底精華，基本上唔需要醬汁，都已經夠晒美味。手打丸類亦係呢度嘅招牌菜之人，墨丸、豬肉丸、牛丸通通都係手打而成，用料當然會

聽啲朋友講六六雞煲出咗個多到要打包返屋企嘅套餐，我哋兩隻大食積決定挑戰一下呢一個咁大嘅套餐。六六雞煲火鍋海鮮套餐$338一位開頭見到佢個菜單上面又有雞煲又有龍蝦湯，以為係二選一，經過侍應解釋之後，先發現原來係食完雞煲，再用龍蝦湯底打邊爐，成件事豪氣到不得了。雞煲未黎之前，率先俾個東風螺前菜先，火候啱啱好，螺肉彈牙，一啲都唔老。之後就到雞煲，我哋揀咗微辣，原來真係適合一啲完全唔識辣嘅朋友試吓辣果，我本身食得小小辣，下次可以試吓小辣，分量好多，兩個人好似食極都食唔完咁樣，隻雞好入味，啖啖肉，而且雞肉好滑。終於終於食完隻雞，侍應就換咗個煲，上咗龍蝦湯，裏面真係有原隻龍蝦喺度，首先當然係食咗隻龍蝦先啦，打開個頭，裏面啲蝦膏多到別晒出嚟，好香濃，真材實料，蝦肉有好濃烈嘅海水味道。之後就上咗海鮮拼盤，有鮑魚，帶子，大蝦，蜆，生蠔，同埋魚。個鮑魚上咗嚟仲不斷喺度郁，好新鮮，加上用冰盤上，好似平時去食放題啲刺身咁樣，保持食材新鮮。肉類有牛有豬，仲有比較少見嘅牛柳粒，平時我好少打邊爐食牛柳粒，因為怕出面好老但裏面都唔熟，呢度嘅牛柳粒冇呢個問題，反而裏面仲好多肉汁添。丸類同餃類都有好多款，每款都有兩粒，一