陳記燒鵝粉麵茶餐廳 (已結業)

去金魚街行街，不其然就會去陳記食燒鵝．今次行得夜了，就食埋晚飯啦．我地點了一個腰果西芹雞柳套餐，另外一個燒鵝葡萄牙炒飯套餐．套餐包一個中式的湯同飯．腰果西芹雞柳，炒得都吳錯，腰果西芹都好香脆，不過如果可以小油一點就好了．燒鵝葡萄牙炒飯，燒鵝大大件咁舖在葡萄牙炒飯上．那葡萄牙炒飯係用咖哩粉炒的，有淡淡的咖哩香味，配合提子乾，幾好味，不過都係一樣，稍為油膩一點．燒鵝，今次不是太肥，都幾好味道．觀察到黎呢度的人多數都係食燒味，尤其係燒鵝，坐近燒味櫃就不時聽到師傅不停咁斬的聲音，好不熱鬧．呢度ｄ熱飲杯係用雙層的不鏽綱杯，所以ｄ熱飲都好熱．呢度可以改善下的是地下的清潔，有時會覺得好滑咁，有ｄ驚驚地．

星期日晚行完 “金魚街”後, 條街人又多, 都唔知食咩好. 咁啱見到陳記便入去食燒味飯, 其實係佢新開張時已幫襯過一次. 我們二人叫了兩碟燒鵝飯, 另加一個例湯及一杯凍飲. 先上例湯, 是白菜燒豬骨湯, 味道頗鹹. 過了一會, 侍應便端上兩碟燒鵝飯, 兩碟燒鵝飯均是上脾, 比起上一次燒鵝冇咁肥, 而且皮很脆, 好食, 以$30一碟燒鵝飯來說, 算是經濟實惠了.

下午茶$26燒鵝瀨粉+熱檸水約5件燒鵝，肉質的確不錯，燒鵝脹卜卜，可稱上啖啖肉，斬得很工整，而且都可清楚看到每一件燒鵝都是皮還皮，肉還肉，脂肪還脂肪，毛還毛，層次分明。 可是好多黑毛……有點怕怕！另有碟甜酸醬

尋晚(30/12)行行重行行，又冇預謀之下o黎o左呢度。o既然係馳名，自然要試下燒鵝，所以要o左一碗燒鵝飯。太太本來要乳豬飯，不過賣晒。所以最終要o左碗燒腩飯。大家都加o左例湯。例湯係金銀菜豬骨，味道濃郁，亦唔覺太勁味精，掂！燒鵝竟然係鵝脾？！可惜，皮唔脆仲有o的硬添，肉質同味道都只係一般o者。燒腩都冇特別，質地好腍，而且都幾肥下，好彩o的皮都幾脆。環境好迫，坐得好唔舒服，卡位有o的背貼背o既感覺！食完即刻有o的想去鏞記o既沖動…

Came here for tea set again. Really loves its 燒鵝. Really tender and with strong aroma of goose. Lovely.The rice noodle was of high quality. You can tell from its texture. Sometimes, when you had rice noodle, you will notice that it is hard and lacking of elasticity. So that means that the manufacturer puts too much flour and too less rice. But the one used by this eatery is just right, with ample rice in it, making it could be made into very thin pieces and at the same time keeping its el

2008年12月13號 - 下午2點幾左右行旺角的時候是下午茶時間。 所以我突然想tea一tea先。 我隨便入左陳記的。 入左去就上左樓上坐。 但是當時好多人。 所以要搭抬。 不過無所謂la。坐下來就看看有什麼野食先。 Um。 他們有好多野食。 雖然他們叫陳記燒鵝粉麵茶餐廳, 但是我當時不想食燒鵝。 同埋我好耐都無食豬扒包la。 所以叫左個豬扒包+熱奶茶餐(HK$22,-)食。等左大約5分鐘個奶茶來la。 個奶茶好熱。 因為個杯是一個鐵杯的。 不過覺得個奶茶OK。 不是好突出。 等多5分鐘個包來la。 試試先。 Um。 個汁好味, 但是個豬扒不是太好。 雖然熱。 但是有點un。 偏向硬的。 可能對一些人是不可接受的。服務方面都OK。 但是都有些問題的。 我同抬其中的1個人叫了一個可樂。 但是她要等好耐先有。 而我看到別人D麵內的燒鵝或叉燒的份量都好少。 有點失望。 環境方面都OK。 但是比較覺得不舒服。 好暗。 同地方比較擁擠。

心思思，又黎呢度食燒鵝，今次點了湯河，老公點了生麵，嘩，依然咁好味。湯河好幼滑，係真正用米做，不是極粉那隻，配合那燒鵝的美味，更好味。燒鵝又唔肥。真係好美呀!

同老公去金魚街行下，買魚同水草。要食d野，哈，竟然有深井陳記，咁都得。咪試下點了個特餐B同燒味茶餐，燒味點了燒鵝米粉，特餐B，有厚多士，炸菜肉絲出前一丁，腸仔蛋。個燒鵝米粉黎到，很對板，竟然有上脾，當然上脾無下脾咁多肉，但係都唔錯。肉質都幾嫩滑，配上那梅醬，真好味。呢個 Tea真滿意! 只係$25!老公個特餐B，件厚多士真係烘得好靚，同埋個炸菜肉絲出前一丁煮得好好，好小茶記煮得咁好，腸仔蛋都係。都係$25!以今時今日，咁價錢，食到咁質數，真係好喇! 希望佢 keep 住啦!

下午六點逛完街,旺角區人山人海,迎月夜真熱鬧,生性怕人多,要找地方祭肚便打道回府.去金魚街買完熱帶魚,見到燒鵝,吸引了入內.已經有半滿,好在還有卡位,二話不說便先叫一碟燒鵝,阿姐問要不要下庄,如指定這部位要七十大元,不指定便只要六十元,當下叫她隨便給好了,因為對鵝髀興趣不大.看菜牌,有燒味碟頭飯,粉麵,和小菜,選擇也不少,叫了兩位套餐,四十大元,有例湯,一味小菜,白飯一碗.沒有加一.燒鵝先上,是翼和胸,份量也頗大,沒有雜物在底,六十元也算抵食.皮也算脆,肥膏不多,肉是和暧的,口感軟滑,味道受冷藏的影響,也無可奈何.可幸調味也算剛好.八分.飯和小菜跟著上,是粟米斑塊和滑蛋牛肉.斑塊是剛炸好的,很脆,魚片也軟滑,份量不少,不錯,八分.滑蛋的份量也足夠,牛肉則普通,敗筆是稍為標水,是這菜常見的通病,不會覺得意外.七分.服務嘛,不要太多希望了,普通吧.

新開張時未有燒臘檔，無乜人幫襯，到開左燒臘部先至叫客似雲來最多似乎就係內地客啦…燒味味道叫中規中矩，近排無左乳豬了~有乳豬既通通都變晒做燒鵝四寶飯~入面無電視睇~唔可以電視送飯…待應係同區入面普偏較為懶醒同認叻，講真一個禮拜都幫襯兩三次都唔會話同你打下招呼…可能佢地覺得唔憂做掛~另外可能上層隔離係廚房，油煙較大行無地氈的地方好跣，小心跣親~燒味碟同碗好似無乜分別，只係多一點飯，燒味份量好似差不多~

十幾年前已覺得深井陳記麻麻,事隔十多年後再次光顧.今次非入深井,而是旺角金魚街的陳記燒味茶餐廳.獨個兒吃不到例牌,就碟頭飯上吧.燒鵝本身應有水準,絕非是碟頭飯上幾件肉可來定奪,有人吃過鏞記的燒鵝飯,就話其水準麻麻,真係得啖笑.廿幾銀一客碟頭飯,又點會特意斬比你?這是常識.不過,這一天,面前的確是碟頭飯,如果我話不好吃,咪即係自打咀巴?燒鵝皮好像魚皮,你看?好像燒紅的鯇魚皮般.雖然過了出爐時間,自然非熱辣辣,一口咬落,皮仍是脆口.下面鵝肉的肉質幾厚.但吃落幾鞋口,鵝味就麻麻.不要拿來同鏞記去比,拍埋去直接競爭對手裕記隔離,高下立見.咁...要唔要自刮幾下?