陳茶館芋圓甜品專門店 (黃埔天地第3期百寶坊)

营业中

休息中

Lunch本來諗住買外賣返去做甜品，估唔到去到舖面發覺有堂食，而且白色嘅裝潢加簡約嘅擺設感覺好chill，於是決定快閃堂食。好多款糖水底同配料選擇，今次試咗奶茶底嘅大滿貫燒仙草同人氣款黑糖冰沙底嘅黑糖珍寶仙草。奶茶底嘅大滿貫燒仙草超特別，有奶茶味之餘又唔會喧賓奪主蓋過仙草同芋圓嘅味，又可以滿足奶茶控嘅我。有四款配料包括芋圓、珍珠、紅豆、仙草。芋圓好Q好煙靭，地瓜味尤其出；仙草好滑帶少少甘，好清涼解暑，一d都唔比芋圓遜色；紅豆有口感但略嫌較甜；珍珠都好煙靭同高質！Yummy!黑糖珍寶仙草賣點係黑糖冰沙底，原本以為係黑糖糖水雪凍再磨成沙冰d沙冰會係啡色，但原來係普通沙冰底再mix黑糖，雖然有d失望但味道絕對唔錯，係清新之選！呢款糖水嘅配料除左有芋圓、珍珠、仙草，仲有小丸子！小丸子十分唔錯，一樣咁煙靭仲冇珍珠咁甜，正！陳茶館選擇多、高質、性價比又高，大推介！Menu-

作為芋圓控，一看到有新店當然第一時間來試，結果是沒有失望幸好剛好有位堂食，亦不用等位，點了奶茶底仙草芋圓，茶底清香不甜膩，仙草滑溜，紅豆香甜，主角芋圓口感好煙韌，亦有芋頭和地瓜的味道，好好食，珍珠亦掛有黑糖的味道，整體非常不錯，價錢亦算合理，如果下次還可以不用等位堂食就好了推介

好耐無食過咁好食嘅甜品啦！ 見到個價錢其實都有少少保留因為平左少少 但味道咬口一流！ 仲要佢真係裝滿晒 唔會好水無味咁 堂食又坐得舒服去開紅磡一定要去試！ 絕對唔會失望😍😍😍

行開黃埔，發現奇趣天地隔離新開佐一間台式芋圓專賣店好吸引，環境好闊落，坐得幾舒服！嗌佐大滿貫燒仙草，奶茶底好香，同仙草紅豆好夾！有齊三色芋圓！啖啖蕃薯，芋頭同埋紫薯嘅味道！朋友試佐香芋芋圓仙草，香芋係有芋頭粒同埋芋泥嘅，好香好足料，配埋椰汁底都好好食！堂食期間都見到唔少街坊買外賣返去食，星期六日會多啲人，堂食大概有20幾個位，所以但係都唔需要等太耐就可以堂食。如果行開哩頭都可以來試下！！推介！！！

好食指數:🌕🌕🌕🌕🌑Cp值:🌕🌕🌕🌕🌑•黑糖珍寶仙草• $35呢個大推🔥🔥🔥#珍珠 #小丸子 #芋圓 都食得出係自家製！！！口感比得上有小小名氣嘅鋪頭仲要好抵食呀！！！仙草個底仲有碎冰！！！涼浸浸 真係好正呀omg😋😋😋我呢加都想食！！！我最怕係食到自家製 但啲芋圓 珍珠係有散散地嘅口感！好彩～呢加完全無！仲要好好口感 甜甜地 小小嘅芋頭味道好易接受 如果你唔太好食芋頭嘅話😆P.s 非常推介外賣 真係外賣friendly🤣

見佢人少少，就入去買左個豆漿芋泥紅豆涼粉來食。唔知係未外賣關係，定佢本身嘅份量真係咁少。涼粉算適中，但紅豆同芋泥就真係極少，而且只係裝得大半碗到，全部以豆漿為主。咁睇法呢款甜品以＄36來計，就真係唔化算。見到其他人叫嘅款式又好似好多，咁真係一個好大對比。不過佢嘅豆漿唔甜，整體味道唔似似“糖”水，所以呢到係好嘅。

在黃埔新開的芋圓甜品專門店店舖室內裝修以白色為主色調，再以木紋配合，簡約舒適店內那裏約有26個座位座位安排有少少密但當時我們在7:15到達，現場只有10多位顧客都可以一邊食一邊傾偈最舒服黑糖味好，仲煮到有少少焦糖化令佢更香更濃。芋圓很軟糯，冇少量冰底，吃上來很涼快。仙草就沒有台灣吃的那種Q彈，但都不錯👍🏻因為我們食飯食得有點飽，我們兩個人吃一碗都可以，不用強迫性要一人一碗最低消費。 飯後來吃一碗不錯，很合適。

同個Friend 食完唔飽嘅日本野，就搵下附近有咩糖水舖。一見到芋圓就二話不說，揀左呢間。去到先知原來只係開左around 一個月。-芋泥紅豆二重奏(豆漿底)芋泥入面會食到一粒粒小芋頭，芋頭仔同紅豆好腍，豆漿好香豆味，唔會好甜。-黑糖珍寶仙草(芋圓、珍珠、小丸子、仙草)(黑糖沙冰底)餐牌寫芋圓係纯手工製作，無香精，無色素，無添加。芋圓同小丸子煙靭，色水夠，亦會食到紫薯、蕃薯、芋頭味。略嫌沙冰有少少大粒，可以再碎啲。

-{黃埔新開芋圓甜品🧁}奇趣天地入口嘅隔離開左間甜品店😛即刻去試先😋🤤黑糖珍寶仙草🤤 ($35）芋圓的確食到芋頭 蕃薯味 仲有啲係有芋頭粒好煙韌🤩珍珠同小丸子都好有咬口😙仙草質地似涼粉咁實淨啲冇咁滑 黑糖好重有啲過甜 而且啲沙冰係一嚿冰咁🤔👖褲評: 7/10整體食物都ok嘅 性價比35蚊算好足料！性價比: 7/10服務: 7/10環境: 7/10🚩 陳茶館芋圓甜品專門店 🚩地址: 紅磡必嘉街120號黃埔天地第3期百寶坊地下G12號舖 #fuudjai #fuudjai甜品 #fuudjai黃埔 #fuudjai紅磡

每個星期經過都係很多人坐入入面，今次經過便立刻入嚟坐坐，打吓咭。環境是日式的設計，使人放鬆，惟獨地方比較淺窄，人與人之間比較親密。芋圓煙韌，有口感，芋泥有驚喜，芋泥中有一粒粒的芋頭，芋頭甜甜的。冬瓜茶就沒什麼特別，配仙草感覺消暑。雖說是新店，但不停有街坊外賣回家吃，窩心地提醒30分鐘內品嘗。員工有禮，值得推介。

本身鍾意食呢D芋圓甜品，有日行過見menu畫得幾靚就睇吓，見平平地就買碗試試…$35好足料，冬瓜茶底配仙草好好味，有細個食涼粉嗰陣香甜味!紅豆夠大粒。芋圓有三隻味，黃蕃薯圓味道最出。$35咁多料算抵食!加分位係後生女店員非常有禮貌。

嘩今日去紅磡其實一心係去奇趣天地！點知經過見到有一間甜品店！新開！所以食完晚飯就返去吃甜品！Menu 嘅畫風好靚✨除咗芋圓甜品之外，其實佢嘅飲品都好想試，但太飽😂唯有下次再試飲品，阿華田波波冰同Oreo芋泥鮮奶都勁吸引！因為我超級鍾意食芋圓！所以一定要去試一試！有好多唔同嘅選擇，我揀咗大滿貫燒仙草配奶茶底。$36 嚟講都幾大碗，奶茶底都幾好味，芋圓真係好食😋 入面仲有珍珠，紅豆🫘仙草凍，下次都會再幫襯☺️