陳茶館芋圓甜品專門店 (黃埔天地第3期百寶坊)

营业中

休息中

📍「陳茶館」- 黃埔今次食食食之旅黎到黃埔😌👦🏻👧🏻係芋圓控，咁岩係紅磡行過見到呢間新開嘅甜品鋪，仲主打芋圓，梗係要去試吓😎（一入去坐低岀面就即刻落大雨，好好彩😹）📷甜品鋪裝修都幾光猛，座位唔少，我哋係佢營業無耐就入咗去，所以都唔算多人😗🍴薑汁桃膠三寶💰HK$42✨推薦指數：6/10呢日想食啲熱野，所以我地試左個薑汁桃膠三寶，三寶分別係芋圓、桃膠同小丸子😗一嚟到就見到糖水比較多，三寶份量唔多沉哂落底🥹研究過後發現芋圓份量真係比較少😟食落都算煙煙韌韌，但係味道唔係特別岀，可能因為薑汁味好重，薑汁味真係好重好重好重‼️如果冬天食一定好暖胃🤣但係夏天食有啲過濃同辣🥶核膠都浸得幾淋帶有少少咬口，小丸子就煙煙韌韌，不過不失🤔整體來講呢度價錢比較進取，味道無咩特別😮‍💨

嚟到黃埔見到呢間甜品好多人排隊，就決定食呢間甜品，價錢親民大碗又好食！🍴 仙草芋圓西米露 $35 (8/10)超級大碗足粒，有仙草，大約八粒芋圓，椰汁底嘅西米露，仙草口感，唔算好軟淋，有少少似涼粉，質地比較硬少少，但都算滑同埋食到有草藥嘅味道！芋圓超級煙韌，食到有地瓜同埋芋頭嘅香味，一啲都唔會太甜！椰汁底嘅西米露，西米露好多好淋，椰汁都幾香，唔會太甜，仲有少少芋頭粒！真心好食又抵食😆😆推薦指數: 8/10一定要食仙草同埋芋圓，真心高質感受到小店用心去做甜品，價錢又唔貴值得去食！

黃埔高質台式甜品店終於試左黃埔新開嘅芋圓仙草專門店😍 menu上有好多選擇🤤有得揀椰汁底 豆漿底 奶茶底 冬瓜茶沙冰底啲野好足料好高質唔會太甜太膩💯✨黑糖珍寶仙草 $35黑糖冰沙底 入面有芋圓珍珠同小丸子芋圓好軟糯煙韌地瓜圓好香蕃薯味 好足料🍠黑糖珍珠同小丸子都好Q 但黑糖冰沙係咁多款甜品入面偏甜 重甜人士一定好鍾意食✨木瓜桃膠鮮奶 $38 加芋圓$10 加小丸子$10 木瓜大大舊好正 加埋芋圓小丸子好滿足✨芋圓桃膠凍 $36 入面有芋圓同紅棗 桃膠凍都幾清涼 唔會太甜✨熱薑汁桃膠三寶 $42 入面有桃膠 芋圓 小丸子桃膠超大粒 薑汁底到好正 一啲都唔甜 真係好重姜味有少少辣 overall: 5/5, will definitely revisit🤍

食過一次紅磡間熹記 之後執咗🥲但佢哋呢排再係紅磡開新店！新店有堂食位 小清新系裝修 環境幾舒服～今次一樣主打芋圓✨個人覺得比較特別係有唔同糖水底選擇！一次過可以滿足唔同願望～-🍠【大滿貫仙草 奶茶底】$35有三色芋圓 珍珠 紅豆 仙草呢碗勁多料!!! 因為有仙草放底 上枱望落好豐富! 芋圓份量都幾多 食到三隻原材料味 粒粒都有咬口 不過我鐘意再煙韌啲珍珠係少少偏稔身 有啲甜呢碗係奶茶底勁開心！好似豐富版珍奶咁🤤呢度嘅奶茶底好滑!!! 茶味都唔錯~ -🥛【椰汁桃膠三寶 轉豆漿底】$40有芋圓 桃膠 小丸子～糖水底可以自選非常好！因為朋友唔好椰汁 改咗豆漿 係普通甜豆漿～養生桃膠同芋圓甜品都幾夾～個人最鍾意小丸子口感 係最Q彈 煙韌～-✨推薦指數：8/10

無論賣相定甜品名都同熹記甜品好似紅磡熹記無做之後就諗住試下陳茶館但除咗奶茶底比較特別，其他都無普普通通奶茶食完好濟，有少少食奶精嘅感覺不過不失咁，但應該唔會再試

紅磡最好吃的甜點，更是第一的芋圓。每一碗都超大碗，然後口感也很好，選擇也很多。喜歡店員都很有禮貌，地方又乾淨。每一款還可以自選配料。黑糖珍珠仙草是我最愛的。每次有朋友來吃飯都一定會帶過來

️👍🏻大滿貫燒仙草 $35️👍🏻黑糖珍寶仙草 $35️👍🏻五️福仙草 $35嗌咗3款店員推介最受歡迎嘅口味😜其實配料同味道都係大同小異每款都有小店主打嘅手工芋圓同仙草各自再配上唔同配料(eg紅豆、小丸子、黑糖珍珠)三色手工芋圓每日新鮮製作，軟糯煙韌，大粒飽滿食到少少原本食材嘅味道，不過個人覺得甜咗啲，加埋糖水食就有啲甜膩🤏🏻燒仙草比起一般台式仙草更加爽口，滑身得嚟唔會有黑糖個種死甜味反而似涼粉味多啲，唔太甜，唔錯👍🏻紅豆煮得夠綿夠爛，粒粒分明，唔係成pat醬死甜個種小丸子比起芋圓更加煙韌，細細粒幾好咬，有少少糯米味黑糖波波同樣好Q彈，黑糖味非常重-另外配上唔同冰底幾鍾意佢地用仙草隔開沙冰同芋圓，可以保持溫度夠凍之外又唔會令到芋圓變硬👍🏻不過冰粒比較大，口感唔似一般個種沙冰大滿貫燒仙草(奶茶底) 係典型台式奶茶嗰種味，但幾有茶味唔會好重奶精感覺，甜度係3款中最低，個人比較推薦呢款😙黑糖珍寶仙草(黑糖冰沙底) 甜度最高，重甜人士可試😈五福仙草(冬瓜茶沙冰底) 味道就係平時飲個種冬瓜茶，配芋圓都幾得意-味道：8/10性價比：8/10-️️👍🏻Oreo芋泥鮮奶 $35可以揀配鮮奶或奶茶，鮮奶明顯飲到奶味

仙草芋圓西米露依間甜品店主打嘅係各式嘅芋園同仙草，配以唔同嘅底例如豆漿，西米露，冬瓜茶等等。餐牌採用手繪風格，每款甜品望落都好鬼吸引，睇到我眼花撩亂。由於鋪外排隊嘅人實在太多，我決定改做外買，買咗仙草芋圓西米露帶番屋企食。碗芋圓煙韌得黎又唔會話咬唔爛，好難消化。西米露有少少椰奶味，配以仙草，唔算太甜。全碗甜品主要靠芋圓帶出甜味，岩哂好怕食甜嘢嘅我。美中不足嘅係碗糖水真係幾細碗下，三十五蚊唔太抵食。

黃埔終於有啲台灣芋圓甜品第一次食嘅時候外賣回家。今次就想坐低慢慢享受😎桃膠芋圓仙草仙草芋圓西米露也不錯。如果可以多一點點西米會更加好👍🏻。飯後甜品🥰。坐得舒舒服服😉。親民價錢😆必試😋

知道黃埔新開咗間芋圓甜品舖 今次咁岩去開就去試吓😛 夜晚九點鬆啲去到 好好彩唔使等位😙 不過舖頭人流都多 好多人買外賣🤣✿ 大滿貫燒仙草 ($35)呢款係用奶茶做底 入面有紅豆 珍珠 芋圓同仙草～ 佢個甜度控制得啱啱好 有濃濃嘅奶茶味 而且配料份量都好多！芋圓有三款 各有2-3粒 食得出芋頭同番薯味🍠 仲有大量嘅珍珠👅👅 而仙草質感係比較似涼粉 實淨爽口嗰種😜✿ 黑糖珍寶仙草 ($35)呢款既賣點係用咗黑糖沙冰做底 入面有小丸子 珍珠 芋圓同仙草～ 值得一讚係黑糖味唔係死甜 食到最後都唔會甜到食唔到👍🏻 芋圓大大粒 好煙韌好好味👅 珍珠好有黑糖味 而且幾有咬口！小丸子亦都一樣好煙韌 仲冇珍珠咁甜美中不足嘅係佢啲冰粒有啲大 如果可以做到細啲同碎啲會好好多😬🔻整體黎講佢嘅份量都大碗 價錢合理 性價比高💯💯 最後提一提大家 呢間甜品舖係唔收現金㗎～～～

黃埔芋圓專門店陳茶館 上次想黎冇開 今次再去試 呢間主打芋圓甜品 桃膠糖水都係佢地推介 除此之外 佢地比較特別嘅有唔同嘅糖水底 例如黑糖沙冰底 ‼️冬瓜茶沙冰底 椰汁底 ‼️奶茶底 如果諗唔到食咩 諗左食咩底先 可能會幫到你 .⭐️五福仙草（冬瓜茶沙冰底）$35配料有 芋圓 紅豆 小丸子 仙草⭐️黑糖珍寶仙草（黑糖沙冰底）$35配料有 芋圓 珍珠 小丸子 仙草以上兩個甜品都類似 最主要係沙冰底唔同表面滿滿配料 中間有一大層仙草 隔住底下沙冰保持凍住成個甜品之餘 又唔會凍硬d芋圓👍🏻紅豆做得相當大粒 有起沙 甜度適中好過平時 爆甜日本紅豆罐頭 好多👍🏻芋圓做得唔錯 果然係芋圓專門店👍🏻明顯重芋頭 蕃薯味 軟熟帶煙韌佢地冬瓜茶沙冰底 市面上比較少見🤔佢地沙冰做得太大粒 👎🏻有d硬但相對溶得冇咁快 冇咁容易變淡 所以2睇個人比較鐘意 打碎啲會好啲.⭐️仙草芋圓西米露$35入面有仙草同芋圓👌🏻椰汁西米露底 用左細粒既西米👌🏻西米量極多食極都有 西米軟硬適中諗唔到食咩 點呢個一定冇伏 大眾喜愛口味.⭐️木瓜桃膠鮮奶（熱）$38底下木瓜 桃膠 紅棗呢個甜品岩哂 鐘意健康養生既朋友.⭐️阿華田波波冰呢杯阿華田粉落

上網見到人哋介紹，就跟朋友去試吓。我食的是奶茶底的仙草芋圓，仙草凍不似預期，不是太滑的仙草，口感跟涼粉一樣太實帶有少許苦味，糖水種類太少，而且奶茶底沒有奶茶味。

黑糖沙冰底芋圓仙草，冰粒有點大，若果冰點做到沙冰咁細會好好多，冰粒未溶是，面層的仙草和芋圓會唔夠凍，等冰粒溶多左就好好味。奶茶底芋圓紅豆仙草就好好味，用茶底幾特別，係出面未試過。要提示一下，呢間店不收現金，第一次出街食野鋪頭不收現金

在附近返工，本來之前行過都有被裝修引起註意，但上次太飽無試到。最近同事提起說看到媒體推介，於是今日放工一於決定會一會佢。芋圓煙韌略有椰香​珍珠的黑糖味濃郁​奶茶底仙草香港少有，但秒速勾起某地求學回憶，當年當地可是很普遍的美食。份量不算特別大，但作為甜品是剛剛好。

之前睇到介紹黃埔開左間芋圓店, 今日咁啱同朋友食完lunch路過，行到熱辣辣諗都無諗就入左去~ 當時眼見都full house, 所以我地見門口有張枱諗住坐嗰張就算 , 但個姐姐勁好, 佢話最入面有張4人枱, 入面涼啲叫我地坐入去。坐低睇完食咩就行番出去落單，然後好快啲野就黎。我地叫左3款唔同既野，不過我只係食左仙草芋圓西米露，我覺得齋食西米露係甜左少少，但如果加埋仙草一齊放入口可以中和番個甜味好食啲，但芋圓口感偏硬，如果可以腍少少會好啲。另外朋友叫既黑糖珍寶仙草同香芋芋圓仙草佢地都話好食，而且餡係多既, 加上嗰2個都係冰沙底, 夏天食真係好正。但我覺得開喺嗰個位，睇埋個份量，三十幾蚊一碗係幾抵食~