陳茶館芋圓甜品專門店 (黃埔天地第3期百寶坊)

营业中

休息中

見到FB廣告之後特登去，叫了2個招牌。黑糖珍寶仙草同埋大滿貫燒仙草。坦白講呢兩個招牌夾配料一模一樣連茶底都非常相似，後者多少少奶茶味咁囉。但說好的芋圓專門店，芋圓質地唔彈牙，仲有DD散的感覺，珍珠也是不夠彈牙，老實講差過share tea等的珍珠奶茶店。仙草味道也不濃。奶茶底仲要無茶味，糖水溝假奶味整體黎講，賣相好過味道。打卡OK，但真係食就非常麻麻。如果純粹係夏天經過想坐低涼下冷氣OK嘅，如果真係想食甜品就唔推薦

係社交媒體見到呢間新開芋圓甜品專門店介紹，今日咁啱同朋友係附近食飯，即刻決定黎試一試當飯後甜點。店舖位置係黃埔站附近，方便又易揾。鋪頭裝修明亮又舒服，堂食座位數目都唔少。入座後可選擇素描餐枱上既QR Code落單，即時付款，稍後店員就會將食物送上，非常方便快捷。除咗芋圓甜品外，都有一些傳統甜品及飲料選擇，選項頗多，令人眼花撩亂。甜品方面，今日揀左大滿貫燒仙草（奶茶底），內有紅豆，珍珠，芋圓同仙草。甜度控制得唔錯，紅豆軟硬適中，芋圓三款各有2-3粒，全部都好好食。堂食期間都見有好多人到此選購外賣，下次黎開附近，應該都會再黎試埋其他甜品。

見新開張$35 一碗感覺唔貴起試下，結論：沒有下次！叫左2碗唔同口味的芋圓「香芋芋圓仙草（椰汁底）」 &「芋泥紅豆仙草二重奏（豆漿底）」，結論味道是沒有分別。椰汁底，0椰子味？！豆漿底，冇豆漿味…？只是有紅豆同芋圓的分別。份量少，味道…沒有什麼味道…感覺只係將所d材料放左一起，燒仙草是一塊過，加少少糖水。唯一可讚是芋圓烚得幾透，很煙韌。全部即棄餐具，幾唔環保…裝修一般，枱與枱之間都好近。總括：要更好味道，會選鮮芋仙。更抵嘅價錢，會選源味甜品小食（只有外賣）。

今日去黃埔行完街之後，知道附近開咗間新嘅糖水店，所以就去試吓。晚上九點幾舖頭等堂食嘅人都幾多，最後決定外賣返屋企食。我叫咗熱木瓜桃膠燉鮮奶($38)，等咗大概5分鐘就攞得啦。返屋企即刻試食，熱辣辣😝木瓜好甜，煲到好蓉好綿😜 桃膠紅棗份量好多，加埋鮮奶一齊食都唔會太甜，啱啱好。如果有埋桂圓就更圓滿😉感覺好養生，食完暖笠笠。$38黎講都會有下次，定價合理，親民。下次再有機會同多幾個朋友試多幾樣😎

紅磡新開的芋圓甜品舖，有堂食，包裝餐牌都同土瓜灣我的芋圓愛店熹記好相似(唔知有冇關係?)。四喜仙草 $35三色芋圓、桃膠、仙草、豆漿底第一次試豆漿底，甜度超低抵讚👍🏻 大量桃膠仲要大大嚿而唔係碎碎，好有口感。仙草微甜。三色芋圓有地瓜圓x4、芋圓x2、紫薯圓x2，份量合理。口感軟糯煙韌，地瓜圓味道最突出，地瓜濃郁香甜，紫薯圓芋圓味道就比較淡。個人覺得無論份量味道性價比熹記都取勝，但呢間有堂食而且地點較方便，去開黃埔都可以一試。

大家食飽晚飯係時候望下甜品啦！冇得食但係有得睇都唔錯🤣🤣🤣大家都知道我同大小姐好鍾意食芋圓成日都會去試唔同嘅芋圓店難得今日畀我哋喺黃埔見到有間新開嘅芋圓店即刻去試下呢度舖頭細細但係好有文青feel 喺木枱上面一邊食住甜品一邊工作 覺得好relax真係唔錯㗎😋而且店員都好有禮貌餐牌上面有好多選擇眼花繚亂我同大小姐揀咗好耐先至揀到因為樣樣都好想食大小姐就揀咗仙草芋圓西米露好香椰汁味芋圓好Q彈好有咬口而我就揀咗大滿貫燒仙草有濃濃嘅奶茶味 紅豆同小珍珠都好多再加上Q彈嘅芋圓食得好滿足而家望住張相即刻又好想食唔知你哋又鍾唔鍾意食芋圓呢？

原本要去寶石戲院睇雷神，結果戲院播影機壞左，要退票散場….黑仔如我行去附近食個甜品降下火。店舖風格簡約，無現金付款係一大敗筆！叫左碗豆漿底芋泥紅豆仙草，額外加左10蚊芋圓，我期待佢足料架！碗野上枱用匙羹一攪，真係好夠料，紅豆軟綿但有口感，芋泥好impressive，唔太甜成大舊好滿足，芋圓呢，仲好食過鮮芋仙、康瑞，痴線越咬越有蕃薯、芋頭味！豆漿底唔甜，正！同行叫左碗黑糖沙冰，相反無咁好食，最主要係個黑糖太多太甜！

對比其他甜品店，選擇唔多，最多可以揀茶底冬瓜茶底，奶茶底 等不過值得推介嘅係佢嘅芋圓-有咬口得來唔會太硬-白色的都好好味-冬瓜茶底唔會太甜-食完有啲清新嘅感覺，仲有少少冬瓜嘅甜味環境：可以大概坐最多30人如果唔多人嘅時候，坐喺店內食個甜品都幾寫意如果多人，就會好嘈吵，因為枱與枱中間唔係太多空位，有D擠擁嘅感覺。其中一個賣點係可以電子落單，每張枱都有個二維碼，自己掃完之後，電子落單俾錢，哥哥就會帶甜品俾你。方便快捷。

呢排見好多post介紹紅磡好西，見都幾多人推薦呢間，去到又好多人排隊坐滿人，滿心歡喜等住食。款式唔算多，主要以芋圓，桃膠，仙草為主，再配唔同底，西米露，奶茶底，豆漿底etc首先講下啲配料，我同啲朋友一致好不，仙草，桃膠，芋圓都好唔煙靭，芋圓過甜。豆漿底系無糖豆漿，靠芋圓甜味補下，就唔會太甜，偏淡味。但呢間裝修同埋個木兜，膠羹都真系幾靚，打卡影下相系唔錯既，但唔好嗌西米露，如右下圖會變成白色一兜野如果純粹想食芋圓就唔建議喇，好食過呢間既有好多，而且會大兜好多。三四十一碗仔，呢個價錢但個質素真心麻麻，好唔抵食。

黃埔又多一間食芋圓嘅甜品店‼️傍晚時段去食 唔需要等位😆 有十幾款嘅甜品仲有飲品 真係好多選擇🤤 【五福仙草】$35 (芋圓 紅豆 小丸子 仙草)【桃膠芋圓仙草】$36兩款都係冬瓜茶冰沙底 仙草底下有碎冰 夏天食真係好消暑‼️ 呢兩款都好足料 不過食到最後真係甜到食唔到落去🫠【香芋芋圓仙草】$36 +芋泥$10芋圓煙煙韌韌！仙草好爽口質地 唔係特別滑～ 芋泥真係好正！有粒粒芋頭🤤【阿華田波波冰】$38除左甜品 飲品都極吸引！ 阿華田波波冰滿瀉🔥 上面層阿華田冰勁濃郁！不過最後都係太甜🥲【木瓜桃膠鮮奶】$38木瓜桃膠鮮奶 呢個配搭就一定唔會出錯！ 不過鮮奶好似過多🤣 令到啲木瓜桃膠就沉哂底

黃埔基本上無咩甜品店，之前開鮮芋仙時興奮左一陣仔，不過食過三次芋圓都好腍，水準每況愈下，無咩再回頭黃埔分店既意欲🫠上個禮拜發現左有呢間新開既芋圓甜品專門店，又即刻去試下🫣閒日夜晚八點幾到，都有十幾個客人滿得七七八八，質素又意外地唔錯😎▪️大滿貫燒仙草💲35雖則好似細細碗，但係其實足料，有芋圓、紫薯圓、地瓜圓，三款都好煙韌，當中以地瓜圓既蕃薯味最為突出🍠珍珠連個芯都有住香濃黑糖甜，而且幾有咬口☺️紅豆煲得夠腍，而仙草係偏向爽口既🤫奶茶底有陣陣茶香，勝在唔會太甜，間中會有少少碎冰😌🔎 整體評分（7.5/10）

陳茶館甜品係紅磡地標奇趣天地既隔離相當易搵今次係佢新開張距離1個月後幫襯餐牌上面佢都已經改咗有啲嘢已經冇咗記得上次新開即刻幫襯！！我仲記得上次點嘅係桃膠芋泥凍椰椰今次黎買已經係menu消失左好sad 😮‍💨😮‍💨😮‍💨😮‍💨😮‍💨但概然黎左就買下其他啦今次我就點左木瓜桃膠燉鮮奶同行者就叫左青清檸茶講真既 今次有d失望😩😩😩😩😩因為同我第一次食多料今次就好似😅😅😅份量同價錢就唔成正比希望佢黎緊有返凍椰椰啦否則我就未必再食嚕

見到有間新開嘅芋圓甜品，試一試先叫咗大滿貫，有1）芋圓 - 芋圓夠煙靭2）珍珠 - 有咬口3）紅豆 - 唔會煮到林晒，或起沙，正4）涼粉 - 涼粉大大嚿膠匙羹係獨立包裝，乾淨衛生幾好味😋總共$35，比台灣嘅仙芋鮮平

好幸福喔好友外賣芋圓送來作飯後甜品我這位芋圓控，又可以一次過試不同配搭的芋圓陳茶館是在紅磡黃埔花園新開的Menu 上的款式跟土瓜灣x記有點像今晚試了四款配搭-黑糖珍寶仙草：黑糖沙冰底，相對其他三款比較甜-仙草芋圓西米露：西米不會黐埋一堆，又香椰汁味-桃膠芋圓仙草：冬瓜茶沙冰底，相對比較清甜，桃膠大大嚿-大滿貫燒仙草：奶茶底，紅豆也大大粒總括，芋圓和珍珠口感QQ, 芋頭番薯味也很突出仙草滑捋捋，份量充足，價錢合理也是比起大型芋圓連鎖店，性價比高

陳茶館芋圓甜品專門店呢間店舖專門食芋圓嘅 芋圓質感煙煙韌韌 桃膠滑嘟嘟咬口一流 十分出色🤩🤩桃膠芋圓仙草 (冬瓜茶沙冰底)話就話冬瓜茶沙冰底 初初叫嘅時候以為會好甜但係比起出邊嘅冬瓜茶 相對冇咁甜👍🏻👍🏻👍🏻椰汁桃膠三寶原本以為椰汁底嘅話會相對甜一啲但係食完之後超有驚喜個椰汁底唔係好甜 仲好滑添最滿意呢間店舖就係佢嘅甜度啱啱好🥰適合一啲唔太鍾意食甜嘢嘅朋友仔另外一直都好想試吓佢嘅話梅檸檬茶 但係我去過兩次都賣晒🤣🤣環境非常闊落又光猛坐得好舒服😌最啱食完晚飯之後過嚟食甜品同朋友坐低傾吓計簡直一流☺️