陳漢記 (已結業)

朋友肯陪我排隊120分鐘，終於食到煲仔飯，其實預早或遲來，都要等60分鐘，除非深宵來食。天氣突然凍足兩星期，點都搵返日黎食煲仔飯，當然不要錯過腸粉，也是必點。【豬膶腸粉】腸粉超薄又滑溜，薄到透到餡料，真係勁。包著爽口豬膶，內臟味唔算好重，也沒異味，做得幾好。【黃鱔白鱔煲仔飯】黃鱔好彈牙，而且冇骨，啖啖肉好正。白鱔鱔肥美，魚肉嫩滑彈，仲有魚油脂香，入口化開的口感。兩款都好味又唔腥，份量仲好多好豪爽，兩款鱔都好多，裝滿本個煲面。煲仔飯火喉剛好，飯焦加甜醬汁，香口微脆又滋味。 【臘味滑雞煲仔飯】臘腸微甜，腸皮都有咬感。膶腸反而太腍太軟，味道一般。雞肉都好嫩滑，較肥有雞油香，香菇厚身多汁。同樣個飯剛剛好，有飯焦值得來食。

去大埔記得試陳漢記佢哋嘅蒸蝦腸 皮薄餡靚你會見到透明一樣嘅腸粉皮加埋啲腸粉豉油 食咗去滑到不得了如果有時間 可以試下佢哋好出名嘅煲仔飯田雞煲仔飯 臘味煲仔飯 都係我嘅首選如果想食清清地可以試下佢哋嘅及第粥同埋泥鯭粥

有朋自遠方來，要求食好味道又有特色嘅野，比咗幾個選擇佢地揀，最後決定食煲仔飯大家估下要排幾耐？答案係1:40（唔係1分40秒，係1個鐘頭40分鐘）下次唔會揀星期六入黎未坐已經叫定煲仔飯，講明要等一個鐘，無辦法...因為真係好味。入到去終於有得坐，叫左豬潤腸+叉燒腸（唔記得影相），腸粉真係滑過好多好多好多出面大酒樓。另外叫咗鵝腸美國個朋友話喺美國那邊一碟要$60美金，仲要只係得呢到三份一嘅份量，佢地食到好開心，話超爽口好味蜆介鯪魚球其實我好抗拒食鯪魚球，因為曾經食鯪魚球都可以比骨插到牙肉...但呢到嘅鯪魚球只係食到啖啖肉，仲要入面唔會食到有碎肉，而且味道好香口主角出場3個人叫咗兩款，第一次食牛肉窩蛋，坦白講，牛肉同排骨比較，牛肉真係輸哂。排骨口感真係好滑，而且唔會好似其他地方嘅煲仔飯咁只係食到骨而食唔到肉，潤腸好香，臘腸又唔會食到成口油😋

上星期早計劃到大埔半日遊，除了到訪香港鐵路博物館及舊大埔警署，到處走走外，當然少不了覓食。適逢近排天氣寒冷，食煲仔飯就最好不過。上網search到陳漢記出名食煲仔飯，一於試試吧!由於知道會多人排隊，6點鐘便到達店舖，以為已經很早，怎料...已經有一條大約有10多人的長龍正在等候中...不要緊，時間尚早，等等吧!等了半小時，店員會先出來記下入座人數及下單(煲仔飯)，其餘餸菜入座才點。終於，1小時30分鐘後，即7點半，可以入座了。我們主要點了:1)豬潤滑腸粉 Hkd262)白鱔黃鱔煲仔飯 Hkd813)臘腸滑雞煲仔飯 Hkd61另點了飲品。大概15分鐘，腸粉到，由於肚餓的關係，我與朋友於2分鐘內就KO了成碟腸粉，腸粉的確滑而薄，配合豬潤及帶少少甜的豉油，味道不錯。但食完腸粉後，又再等。等。等。多45分鐘😴，期待已久的煲仔飯終於到。煲仔飯到的時候，是蓋著蓋子的，我們等了一回兒，開蓋，終於食得，白鱔黃鱔口感爽爽的，配合有少許飯焦的飯粒及豉油，個人覺得味道挺好。至於臘腸滑雞煲仔飯，雖然雞的肉質是滑，但臘腸有點硬，味道屬普通。整體來說，煲仔飯及腸粉可以一試，但需有足夠耐性及預留長時間排隊!!!

陳漢記 住新界嘅朋友應該無人無聽過呢間嘅出名食煲仔飯嘅茶餐廳😂😂😂Well 未至六點 就排哂長龍 目測要等一個鐘 要食好西系要有所犧牲 🤥🤥首先上左一碟炆牛筋 好淋 好夠味 食到我地一家😋😋😋😋😋大讚!!!!!!炸兩油炸鬼好淋好油 唔好食☹️☹️之後叫左一碟豬潤腸粉皮薄到呢 豬潤又沙encore!!!! 隆重登場 叫左一煲 白鱔潤腸煲仔飯嘩 一上枱 就香到呢大家都流哂口上佢個sauce 又較得好好味 名不虛傳 值得一等👍🏻👍🏻👍🏻👍🏻大滿足 esp 系冬天真系好正!!!!!!😍😍😍😍

但都有好多人排住隊等食，連明星都會黎食。如果只係食其他野，唔係煲仔飯，就可以優先入坐，係食煲仔飯先要排隊咋。北菇滑雞煲仔飯加臘腸，飯大大煲，熱辣辣。北菇只有一片，雞就有好多，都幾有雞味。加臘腸有兩條，味道尚可。

平生很少到大埔這一區尋味， 但這段日子陣子經常出入大埔一帶，便開始留意大埔區有甚麼好吃的。在十度的低溫之下， 煲仔飯成了開飯清單的第一名 ，知道大埔陳漢記有好吃的煲仔飯，這天專誠到廣福街尋找那煲仔飯香了。還以為陳漢記是一家傳統粥粉麵店，但從門面看來規模也不小，環境亦整潔明亮。從外表上看只是家平凡的粥麵店，不像那些煲仔飯專門店般，會把煲仔飯爐置在門口當眼位置，真看不出它竟是以煲仔飯而打響名堂的。可惜的是，這天我不能一睹煲仔飯的風采。拿起餐牌竟找不着煲仔飯的蹤影 ，一問之下 原來煲仔飯只在晚上6時後供應。看看時鐘現在才不過是下午五時正，看來今天我是跟煲仔飯無緣了，頓時一陣晴天霹靂！情緒翻湧後飯還是要吃的。還是看看煲仔飯以外有什麼代替品吧！知道陳漢記的名物是煲仔飯，其次是腸粉、粥類。奈何對粥類的興趣不大，加上喜歡吃麵，也就點一碗金牌牛雜麵，加一份腸粉作晚餐。說是金牌牛雜麵($36)，陳漢記的強項其實不在於粉麵，相信「金牌」只是個噱頭而已。對這兒的牛雜麵沒有任何期望，看它的受歡迎程度便知一二。最明顯的問題在湯底表現，雖然並沒有呷湯， 但吃後身體反應反映湯底下了不少味精。蛋麵稔身不算彈牙， 勝在

係大埔夜媽媽時段見肚餓，又唔係咁想食麥當勞，揸住架車四周圍兜，見到間食腸粉既鋪頭，諗住間間腸粉啲味都差唔多，點知唔覺唔覺就叫左七碟腸粉，因為佢真係皮薄餡靚，我既最愛义燒腸同埋豬潤腸，同出面個啲簡直係兩碼子事，擺落口淡淡义燒，淡淡豬潤，入面餡好豐滿。白灼鵝腸，見佢白雪雪咁，以為佢冇乜味，原來有碟 豉油俾你點，豉油味道唔會搶左走鵝腸原本既味道，又冇雪味，係出面食既鵝腸十居其九都會有雪味，值得一讚。最後兩個人都覺得唔夠喉，所以再叫多個炸醬麵，同平時食開個啲唔同，唔太油膩，肉味開始都唔係咁 突出，當加左淡湯落去之後，肉味更出，越食越香，一個人食哂問題不大。值得番轉食。。。。環境方面，地面比較污糟。但美食當前，衛生不理。

次次去到食都要等位但勝在等位果時已經可以下煲仔飯單坐低無耐就有得食住開大埔食煲仔飯一定係食佢飯煲得剛好款式亦不少每次同男友黎都一人食一煲有時仲加個炸兩食下食完相當回味個人覺得好食過廟街果啲好多

陳漢記係以前喺中大住宿嘅必食之選，事隔兩年再尼食。。突然發現等煲仔飯嘅時間比以前耐左超多，係超多。。。六點半去到餐廳，長長嘅人龍已經出現。。。等左一個半鐘先入到餐廳坐低，點知坐低左又要繼續等。。。為左一煲煲仔飯，等左兩粒幾鐘。。。真係本身肚餓都等到冇知覺。。。入餐廳等嘅時候，叫左碟每次去都會點嘅腸粉，呢度嘅腸粉出左名皮薄，又名玻璃腸，可惜牛肉腸嘅肉好重麻油味，蓋過晒牛肉嘅味。。煲仔飯尼到嘅時候熱辣辣，淋啲鼓油焗佢一陣再開蓋，啲香氣傳遍成間餐廳。。。試晒排骨，牛肉，滑雞，樣樣味道都唔錯！雖然飯焦係唔健康，但係美味當前，點都要食番幾啖好味係幾好味，但要等兩個幾鐘先食到一個煲仔飯，就似乎唔係好值得。。。將來如果唔係超想懷緬青春嘅味道，我都應該唔會再山長水遠尼幫襯了。。。

星期日中午來到，又見長龍，雖然是小龍，但等十五分鐘冇走雞牛坑腩河＋炸魚皮＋凍檸茶$61坑腩燜得腍滑，帶嚼勁，不錯炸魚皮酥脆，份量不少加杯檸茶，簡單好味的一頓午餐及第粥＋蝦米腸$40及第粥綿滑，足料腸粉是每枱客必點的食物，所以等候需時，所有野食完先送上，而個人認為蝦米腸是首選，蝦米香口，腸粉軟滑，好味但份量的骰離開時，店內明明有位，但侍應卻不安排客人入座

之前有食過陳漢記嘅煲仔飯但今次下午嚟到就想食少少野填肚，下午三點半左右店內亦有人龍正在等候入座。但幸運地不用等候太耐啊，大約10分鐘左右已可安排入座。由於煲仔飯供應時間由下午六時至凌晨二時所以下午時段只能夠選擇一些粉麵，粥或腸粉。今次叫咗及第粥同牛肉腸，及第粥材料雖然不是很多但勝在新鮮。裏面有豬膶；粉腸；豬肚及一粒肉丸。牛肉腸的腸粉皮很薄及牛肉分量充足，非常值得推介。希望遲啲冬天嘅時候再去食煲仔飯

大埔友推介，於是一日兩餐陳漢記。先是下午茶，1100-1700有粥餐供應，$29多款粥選擇，選了肉丸粥，加$11-12可配腸粉，選了散叫要$22的蝦腸，平不少。粥棉厚身，像以前酒樓吃到的粥的味道，不用加鹽或胡椒粉都好夠味。薑蔥味濃。六七粒肉丸，很足料，肉丸新鮮，口味清淡，沒有味精，食完完全不會口乾。腸粉透薄，爽身不黏筷子不黏牙，個人喜歡的質感。蝦爽口彈牙不加味精。精髓是那微甜的豉油，調味得宜，令人欲罷不能。晚上再安哥，大埔友話識食一定食豬潤腸($26)。豬潤切成幼絲，一點都不鞋，內臟味濃，比維記豬潤麵更能把豬潤的吸引力發揮得淋漓盡致，愛潤者必試。大埔友叫我比較這裡與廟街的煲仔飯，廟街我只吃過興記，每次食完都有點失落感，料少飯焦也過燶。這裡的飯還保有濕潤感，粒粒分明，有米香。和吃腸粉一樣，豉油同樣是食煲仔飯的精髓。完美地為每粒飯粒上色而味道並不霸道，輕盈少油。排骨切成小塊，伴飯能一羹同時吃到肉跟飯。雙腸蒸得剛好，軟硬適中，臘腸一咬下去噴油，很滿足。飯焦雖不及利苑那麼完美（價錢是這裡的三倍），但還算香口。厲害之處是煲底完全無油，而飯焦一粒都沒有黏煲。雖然這裡是茶餐廳格局，但服務非常好，很有

陳漢記，唔係住嗨大埔嘅我都早已聽聞，今晚就獨自一人去食粥同腸粉。要嗨門口耐心等候侍應安排好方可入座😜個侍應嗨我坐低時幫我拿多左張櫈放袋，果然係有人情味嘅店鋪👍🏻鮮牛粥，可以食到屋企煮嘅味道，我成碗食哂😋😋😋好足料間鋪唔係一般嘅旺，用客似雲來形容就最恰當，所以食完即走😅煲仔飯就留待下次再食😋

今日開大埔, 就黎左尼間陳漢記粥面專家食下午茶。 聽聞呢度嘅腸粉好出名所以呢我就心旭旭叫咗腸粉嚟食。 種類也好多 有炸兩叉燒 鮮蝦瑤柱豬潤， 我叫咗個叉燒腸粉嚟食，唔使好耐食物就上枱啦！ 腸粉皮好薄，薄到可以見到入面嗰啲餡。 平時喺酒樓食嘅皮都好厚， 而餡料好少。這間餐廳唔同，腸粉皮好薄，入面嘅叉燒多到跌出黎。果然名副其實，無令我失望。食落口，腸粉超滑的，加埋啲鼓油，滑入喉嚨😂😂。$22食個下午茶 超抵，野食有好味。