陳小館 (已結業)

尖沙咀是香港人氣最旺的地方之一，各式美食，應有盡有！這家新開張的「陳小館」位於尖沙咀加連威老道，小廚主打粵式小菜和點心，蒸炒煮炸，樣樣俱全。菜式有地道的鑊氣小炒、滋補燉湯、熱辣辣的煲仔菜、各式海鮮和肉類等等，晚市前還有點心供應。現在試業期間，全單八八折，價錢更吸引抵食。椒鹽魷魚鬚（HK$88)魷魚鬚的外層是一層薄薄的脆漿，炸至金黃色的脆漿入口脆卜卜，魷魚鬚的口感帶點煙靭，加入了椒鹽的椒香，乾身香口，是一個不錯的下酒小吃。小炒皇（HK$88)充滿鑊氣的小炒皇，材料十分豐富，有韮菜花、土魷、銀魚仔、蝦乾、菜莆和腰果，各款材料又香脆又有鹹香的味道，風味十足。美極大蝦（HK$168)大蝦先走油，令蝦殻炸至香脆，蝦肉仍然保持鮮嫩，然後再以極鮮的醬油快炒，大蝦吸收了醬油的鮮味，真是令人食指大動。賽香狗仔煲（HK$98)狗仔煲🐶？No No No 不是狗肉！這個熱騰騰的砂鍋載著的是豬手🐷，骨膠原滿滿的豬手不但炆至軟稔，加入了惹味的醬汁，令味道更大大提升。海底椰豬𦟌湯（HK$48)一個清甜又滋潤的海底椰豬𦟌湯，全無味精，四季佳宜。砵仔蒸飯（HK$15)室內環境餐牌

尖沙咀好多西餐，日本餐廳講到有鑊氣小炒除左連鎖式酒樓小見有選擇行經the one對面找來一間中菜餐廳下晝有點心，夜晚有小菜先叫三碟小食開胃紅燒BB鴿燒得皮脆，送酒一流陳醋貓耳朵個汁微微帶辣份量係預左你會追住食都算幾多十分開胃椒鹽魷魚鬚每一條魷魚鬚都厚肉粉漿薄，而且香脆真係忍唔到要嗌幾支啤酒燉湯叫左兩款花旗參燉雞，海底椰燉豬展湯眼見湯料好多味道清清地蒜蓉粉絲蒸扇貝用了一種近乎大排檔式的烹調方法先夾粉絲蒸熟再在上面鋪熟蒜，香菜和葱花最後用滾油淋上風味和香味都十足啫啫雞煲熱辣辣上檯真係啫啫聲味道剛剛好雞好多肉冇乜骨豬膶都大大塊好入味連配料洋蔥都好香好入味最後瑤柱蛋白炒飯單食味道不錯配埋啫啫雞煲同扇貝可以送多幾碗飯餐廳菜式有鑊氣，而且店員服務態度很好仲要開到零晨兩點ot黎食都唔怕

與數位老朋友聚舊, 來到呢間位於尖沙咀既陳小館食幾味小菜. 味道不錯而且價錢公道值得推薦.首先小食我地選咗泡椒雞腳同椒鹽魷魚鬚, 邊飲酒邊吹水泡椒雞腳微辣都幾入味而椒鹽魷魚亦都係新鮮熱辣炸起👍🏻我地都試咗花旗參燉雞湯，清甜足料夠火候主菜方面我地點咗啫啫雞煲, 豬雜煲,同炒菜心. 3款小菜都好夠鑊氣! 送酒下飯一流👍🏻👍🏻👍🏻. 啫啫雞煲同豬雜煲分量都好大, 好適合飯量大既男士食.呢間餐廳環境唔錯，侍應態度好好，值得一試！

小編勁鍾意食小炒，呢間新開餐廳環境都算企理，啲小菜全部都係熱辣辣，真係勁有穫氣！椒鹽鮮魷 椒鹽鮮魷嘅調味好香，炸粉好薄而且好脆口連埋炸蒜入口真係冇得輸🤤魷魚每件嘅size都好大😋啫啫雞煲雞件嘅數量非常多，而且啖啖肉冇骨，調味方面都好入味，雞皮帶少少焦香，好正🤩啫啫通菜煲通菜煲熱辣辣咁上枱好香🤤用左蝦醬同蝦乾去炒過所以食落個鮮味相當之重，通菜食落亦非常爽口😋扇貝扇貝上嘅蒜唔係好多，加上豉油嘅味道亦都唔濃，所以令扇貝嘅鮮甜更加突出，蒸扇貝嘅時間亦都啱啱好，所以唔會韌😋

又去尖沙咀食野lu😗😗今次係一間新開既小炒店，佢試業期間仲有88折就入左黎試下😆😆脆皮炸大腸 ($68)好耐冇食過脆皮大腸，佢炸得熱辣辣好夠脆，個酸甜汁做得好有心機，有埋椒絲同埋蔥花，配個大腸就冇咁熱氣啦😝😝紅燒BB鴿 ($58)🐦🐦新鮮即叫即炸既bb 鴿，都等左一陣先黎，仲要超級熱既，個皮炸得好脆好好食豉椒炒蟶子皇 ($136)蟶子皇配上好多配料炒，個汁微辣夠鑊氣，蟶子炒到岩岩熟，幾鮮甜🤩🤩啫啫豬雜煲 ($98)🐷🐷🐷大排檔先有既啫啫煲😍😍我地叫左個豬雜既，有豬肚，豬潤，豬粉腸再加埋d 蒜子同其他配料炒，用啫啫煲仔上最有特色啫啫芥蘭煲 ($88)個芥蘭煲都好大碟，用肉碎黎炒芥蘭，好香又有d 魚香茄子既感覺，芥蘭炒得幾嫩幾脆，時間岩岩好🥬🥬家鄉炒米 ($78)食完咁多小菜，再加返個炒米就飽足哂啦😚😚炒得都幾分明，唔會痴埋一舊，抵讚青島啤酒 (忘記左🤣）🍻🍻用戰鬥碗飲酒好有feel😎😎加埋一開始果d 送酒小食好夾📍 陳小館 (尖沙咀)尖沙咀加連威佬道14號加連威大廈地舖

朋友話尖沙咀最近開咗間新餐廳，係食啲鑊氣小炒啱晒我，平時好少聽喺尖沙咀都有呢啲大排檔式嘅鑊氣小炒食餐廳原來就喺The One對面，門面好光猛，入面環境啱啱裝修好，仲有好多張大卡位坐，坐得都幾舒服食物方面，有幾款餸酒嘅小食，當然唔少得仲有鑊氣小炒，煲仔菜，仲有海鮮添我哋三個人就叫咗以下食物：砂薑雞腳：雞腳醃得好入味，砂薑唔會太咸，做前菜啱啱好紅燒BB 鴿：呢個雖然叫BB鴿但係都幾大隻，一上枱已經聞到好香，個皮仲好脆，BB鴿肉質鮮嫩啫啫通菜煲：呢個真係鑊氣小炒，上枱出晒煙，香噴噴蒜蓉粉絲蒸聖子皇：聖子食得出好鮮味，佢調配既醬汁比粉絲吸晒啲味道燒汁安格斯牛柳粒：呢個超級驚喜，因為牛柳粒超有牛味，煮得又啱啱好，連佢嘅配菜洋蔥三色椒都好入味，真係夠晒火候豉油王炒麵：炒麵都好出色，一啲都唔油膩，每條麵都好分明，唔會油淋淋那埋一舊😍呢餐飯樣樣餸都好啱我哋口味，仲有要讚下佢哋店員嘅服務態度夠晒親切有禮，我朋友都話下次可以再encore

行過見到新開張88折就入左去試下，兩個人唔食得好多野，叫左兩三樣嘢試下，整體都唔錯，值得一試1. 啫啫雞煲尖沙咀地鐵站附近好難搵雞煲食，整體唔錯夠惹味，好快就搶哂d雞😂不過可以多啲蒜頭同芫荽，比較有香味2. 胡椒蝦煲一上枱熱辣辣，夠哂鑊氣，味道十分唔錯，夠哂味道胡椒味重，價錢呢個份量黎講就超級抵食，d蝦又夠大隻最後叫左個炒菜，整體係有水準，價錢都公道，聽老闆講師傅係橋乜辣蟹過黎，不過今日第一日就未有蟹，所以惟有下次再試