影片
开饭介绍
于1963年创立的地道潮州饭店，以潮式打冷闻名。推介菜式包括卤水鹅件、卤水鹅肠，均以镇店传统卤水炮制。另一特色菜是生腌蛳蚶，用汕头出产狮蚶，加上参考传统制法而特别调配之酱料而成。
继续阅读
营业时间
今日营业
11:00 - 23:30
星期一至日
11:00 - 23:30
*最后落单时间: 23:00
以上资料只供参考，请与餐厅确认详情
相关文章
突然又兴起”回忆杀”，相信唔少人儿时都曾经睇过老夫子。今次去食呢间打冷，竟然有一系列老夫子装饰系门口，脑海即浮现”耐人寻味”，哈哈哈……..店内唔难发现佢地嘅踪影，陪住你食饭。特设老夫子菜推介菜式，每款都以佢地嘅经典四字作名，好似”耐人寻味”，”一举两得”，超搞鬼。咁就试吓由佢地个人推介嘅几款菜式。咸鱼蓉莲藕煎肉饼 ($108) 选择梅香做菜料之一，因其肉质软绵、味道甘香咸鲜，容易混入肉饼与莲藕粒煎香。有喼汁点食，煎得肉饼外脆内绵，咸鱼蓉加肉饼超级好送饭，加埋莲藕粒嘅爽脆口感，成为今餐嘅”偷饭贼”。呢碟蒜蓉炒蕃薯苗 ($88)，插上一支大蕃薯旗仔，好应题㖞。蕃薯苗以蒜蓉清炒，简简单单已经味道唔错。呢碟咸鱼蒸马友 ($208)，有”生死恋”外号。将咸鱼同新鲜鱼一齐清蒸，确系特别煮法。亦系选择梅香放上马友一齐蒸，咸鲜味渗入条马友。马友肉质超嫩滑，无咩细骨，夹少少梅香鱼肉一齐食，惊喜味道。只有打冷先有得食，一大碗韮菜猪红 ($70)，猪红忽然变做大佬。韮菜系底，浸住系浓味酱汁中，问侍应拎埋碟潮州辣椒油点食，猪红滑得黎带点烟韧口感，点可以唔叫。仲有一系列老夫子食品可以买走，例如港式蛋卷，惹味酱料及芋泥酥。
继续阅读
呢度唔单止有好味嘅潮州打冷菜，仲有老夫子嘅身影同你一齐享受美食📚。陈仪兴饭店同老夫子合作，喺将军澳分店搞咗个期间限定嘅主题餐厅，特别推出多个老夫子打卡位📸，仲有几款老夫子推介菜式等紧你嚟试🍜。—————————————————🪷 耐人寻味 - 咸鱼蓉莲藕煎肉饼 $108 外层煎到金黄酥脆，入面嘅肉饼又够嫩滑，每一啖都系经典嘅广东味。仲要插住枝老夫子竹签，即刻觉得好有特色。
🐮 各有千秋 - 蜜椒番薯牛柳粒 $88 蜜椒番薯牛柳粒系必点之选，有咸有甜好开胃，牛柳粒炒到啱啱好，加埋番薯同蜜椒，真系食到停唔到口。
🦆 非同凡响 - 卤水鹅肝 $178鹅肝入口即溶，卤水味又够入味，下面仲有大量芽菜，正呀！
🍠 潮州手工芋泥 $48 手工芋泥好滑，淡淡的甜味，食完真系大满足！
🧋 樽仔奶茶 $20 樽仔奶茶𠮶种怀旧味真系冇得输，奶茶香浓又唔过甜，解腻一流。
🧉 罗汉果茶 $20 罗汉果茶清甜润喉，饮完真系好舒服，健康又好饮。
🍚 白饭 $12白饭煮得啱啱好，粒粒分明又唔硬，配咩𩠌都咁啱。
继续阅读
细个好钟意睇老夫子，估唔到有餐厅同老夫子crossover，将香港经典菜式完美结合，食物既好味又高质😋首先叫左蒜蓉炒蕃薯苗，蕃薯苗鲜嫩爽口，蒜蓉味道好香好惹味，份量又大，健康又抵食👍跟住就系咸鱼蒸马友，马友好大条呀，咸鱼嘅香味融合咗马友嘅鲜甜，蒸得岩岩好，口感滑嫩🫶蜜椒蕃薯牛柳粒亦都相当出色，牛肉粒外层微微焦香，蜜椒嘅甜味同牛肉嘅鲜味相得益彰，蕃薯亦都系好甜，送饭一流😍最后仲叫左碟京都骨，腍度适中，酱汁浓郁香甜，再配埋菠萝酸酸甜甜，食到好满足😃餐厅仲有好多老夫子嘅装饰摆设，岩晒老夫子fans怀旧一番
继续阅读
一到门口就见到老夫子同大番薯坐镇！😍 潮州老字号 陈仪兴饭店 同老夫子 玩crossover，将军澳分店变身漫画场景，每个角落都系打卡位，仲有多款怀旧菜式！ 🔸 「各有千秋」蜜椒番薯牛柳粒（$148）牛柳粒嫩滑多汁，蜜椒酱甜中带微辣，炸番薯外脆内软，超惹味！ 🔸 「百花齐放」百花大肠（$118）脆皮大肠包住弹牙墨鱼滑，蘸埋甜辣酱，口感层次爆灯！ 🔸 「耐人寻味」咸鱼蓉莲藕煎肉饼（$108）咸鱼香超浓郁，莲藕粒增加爽脆感，送饭一流～ 【陈仪兴饭店（将军澳嘉悦分店）】📌将军澳至善街9号嘉悦地下2-3号舖
继续阅读
香港人有边个唔识得老夫子，呢间餐厅处处都可以同老夫子打卡，而且仲系将军澳分店期间限定，有多款老夫子推介菜式。咸鱼蓉莲藕煎肉饼呢个煎肉饼真系好好味！脆嫩既莲藕完全提升咗肉饼嘅口感，猪肉新鲜，咸鱼蓉又冇抢fo，咸香四溢。咸鱼蒸马友马友鱼肉质细腻，搭配咸鱼片的调味，让鱼肉更显鲜美。口感上，清淡中透著咸香，令人感到满足。黄金番薯片呢个炸番薯片其实系用咗咸蛋黄酱，外层酥脆，内里绵密，都让人忍不住一口接一口。虫草花雪耳炖鸡汤炖汤好足料，汤底清澈而不油腻，滋味醇厚，每一口都令人回味。
继续阅读