影片
食家推介
早前外卖咗个 萝卜牛肋条，个汤就好好饮！但系个牛肋条得咁嘅3旧，完全唔饱个，😓饭劲大个🤣同埋𠮶啲牛肋条系唔入味真系失望😵 之前食过佢话梅猪手，个味道都一模一样，天呀，系咪煮埋同一兜野？？太无成意了吧！
继续阅读
大埔好多小店，好多嘢食，今次呢一间地方比较细，坐得好迫，唔系好倾到计🤢但系食物质素唔错，叫咗个胡椒猪肚鸡汤，我觉得有少少味精重口味，如果讲到明唔用味精，或者无咁咸就更好，不过胡椒味好足，鸡肉份量好多，猪肚冇怪味，处理得好好好软熟，赞！虽然系跟饭，但系都系好想试佢喇沙手工面，所以加$5转左自制手工面，觉得个汤底嘅香味超正，椰香好香好浓郁，非常值得一试！手工面口感唔错但系偏软身左少少～不过喇沙就当然同胡椒猪肚有少少冲突哈哈哈🙈 朋友嘅花雕醉鸡，鸡肉唔算太滑，但系胜在非常入味，酒味balance刚刚好，值得一试～ 佢讲到明冇用味精，非常之甜嘅粟米萝卜汤，跟餐嘅例汤质素来讲几好，下次都会再encore！饮品柚子蜜好稀唔洗试😹😹😹
继续阅读
呢间喺太和嘅小店已经唔系第一次帮衬，令我一去再去嘅原因主要系佢𠮶碗招牌喇沙，因为喺香港唔知点解，真系好难食到一碗好味嘅喇沙，但系喺新加坡同马来西亚就求其一间都好好食。另一个真心推介嘅，就系佢嘅小食：白萝卜。个汁配埋葱丝，真系好食！另外，佢嘅猪手都值得一试。不过呢间野我唯一挑剔嘅就系佢地全部都系用用完即弃嘅餐具，虽然佢𠮶啲餐具已经属于用完即弃品种入面嘅极品，除咗唔太环保之外，个感觉始终都系唔太良好，当然明白洗碗要成本，不过用呢啲咁嘅餐具去配美食，好似有点错配，浪费左厨师一番心机。如果黎开太和，就不妨试吓佢嘅喇沙啦！
继续阅读
两大两细, 叫了一个清汤花胶面, 一个清汤鱼蛋粉丝, 一个清汤海鲜粉丝。清汤够味, 其他食材新鲜, 料足, 上菜速度可以。饮品配250ml盒装饮品, 这点没有意见。唯一可惜是几碗粉面中的虾全部无挑虾肠。大家可以话人手不足, 出街食系咁, 但系泥肠是汚糟的东西, 不应该在食物中出现, 这点需要注意。另外, 餐具是用即弃的, 但筷子有印花, 相当漂亮, 而且没有木刺, 质素很好, 客人也感到较卫生。最大问题是两位服务员态度劲差。落order时盒装饮品已表明要唔冻, 转头另一位服务员给了冻的, 忙中有错并唔出奇, 叫了两声「唔该」无反应, 于是大声一些叫「唔该」, 终于望过嚟, 向佢哋表示饮品要唔冻的, 落单服务员更换时, 居然向客人说「驶唔驶咁爆呀」。然后, 另一位服务员上面时, 我向她表示要多一只碗及筷, 她只取了碗, 我以为她听不到我要多一双筷子, 于是上第二碗粉时, 向另一位服务员表示要多一双筷子, 她回应「(托)盘入面已有」, 我表示我看见有, 我是要多一双, 她居然表示「我都要放好啲嘢至攞到俾你架」, 而另一位服务员更说, 「基本系唔可以要多一双, 要收钱的」, 我表示可以收钱, 只需要讲清楚就可以, 她又反驳说她们是基于环保, 所以不想多给筷子, 我当时才注意到, 筷子、匙是即弃的。老板用即弃餐具, 伙记说要环保, 这些伙记都相当倒米。最后虽然仍然有给另一双筷子, 亦没有收取额外费用, 但这两位服务员态度, 足够让人不想再光顾, 吃著反胃。
继续阅读
太和呢边一向都好多野食，同事大力推介呢间茶记，咁就试试啦！同事大推喇沙同霸王鸡，我地就叫左几个唔同嘅𩠌share食，可以配菜饭，不过菜饭嘅菜略嫌少左啲啲。几个𩠌果然无令人失望，味道唔错，牛腩算林，又几入味，猪软骨相对逊色一点，无牛腩咁入味。霸王鸡都好好味，个油好香，鸡都算滑仲有咖哩鸡，几香几浓，送饭一流！而喇沙就比我想像中普通，可能各人口味不同吧！唯一不太好就喺佢用即弃餐具，喇沙都用纸碗，不太环保，但饭同𩠌又用番胶碗，真不明白！下次有机会可以再试试其他菜式！
继续阅读