阿閒泰 (K11購物藝術館)

营业中

休息中

到尖沙咀係的K11新開了一家主打摩登創意泰西融和菜的阿閒泰。上網介紹原來餐廳特別從泰國空運直送多款地道風味的私房秘製醬汁及食材，創出一系列新派小食、私房泰式船麵、新鮮手造意大利麵、創意手工甜品及等優雅的環境坐得十分舒服，都十分寬敞！空間感十足！午餐的選擇都很多，不過價錢就會相對比較高。有飯有麵，也有漢堡，啱哂不同口味的朋友。跟餐有沙律，其中一款轉了今日的餐湯磨菇湯。阿閒泰手切蝴蝶腩船粉店員溫馨提示說湯底有少少中藥味。不過不難接受，因為甜甜的，都幾特別。蝴蝶腩的部位好特別，食落似牛腩不過係豬來的。原來雖然叫蝴蝶腩，但其實是豬肺群，黏住豬肺的一塊肉，等於人的橫隔膜。食落淋身唔痴牙，好食！阿閒泰海蝦卜卜蜆冬蔭功湯金邊粉而我的金邊粉，湯底用了蝦殻蝦頭而淆製，鮮味可口。加入青檸汁就清新d，想濃d可以加椰奶。我就鍾意清d，酸辣平衡得十分好。卜卜蜆好新鮮，爽口。大蝦有三隻，就好彈牙。不過粉有d痴住左，呢點有d扣粉。餐飲也不馬虎，咖啡用上了Arabica咖啡豆，份外香濃。加18蚊可以升級做阿閒泰自家製氮氧冷泡檸檬茶，幾有gimmick!!! 飲落好順滑，有飲啤酒的感覺，但無酒精啦，入口幾清新。不錯不錯

同閨密行下街，見到呢間餐廳新開，見佢係食泰國野，裝修好文青，就膽粗粗入去試。杯椰青cocktail ，堅用椰青新鮮打冰而成，勁冰涼，勁爽，飲落口酒精又唔好勁，好易入口，成杯椰青係滿到瀉㗎😋基於我閨密鐘意食墨魚汁既野，所以就點咗碟墨魚汁既意粉，意粉好彈口😍，個汁又濃，好食。再點咗個黑松露芝士pizza，個邊脆卜卜，個芝士真係冇得輸，又香又拉得好長又濃芝士味🤩蜆肉湯，呢個真係必點，好好好好好味，極濃蜆肉味。最後，梗係點個甜品，自家製雪條加楊枝甘露，雪條係好食既，楊枝甘露甜度剛好，再加上爆珠珠，口感特別。

同朋友行完街隨便搵間餐廳食下野, 之後發現呢間餐廳得好少食評,.所以上黎寫下.可惜原本冇打算出post, 所以影得好少相. 惟有當介紹創意飲品, 下次有機會再去就補返多啲相.值得一提, 我哋遇到一位男侍應(有機會是經理)服務非常好, 其他員工都算有禮貌有笑容, 可惜大概因人手不足, 有時回應客人不夠快. 總體來說是可接受的.

是日跟幾位好耐無見的好姊妹約出嚟食飯，行過見到有間新開的餐廳，見佢個名寫有個泰字都個係食泰菜，行埋去睇吓個Menu，門口的店員熱情介紹，先知原來係食泰西Fusion菜。我哋四個其實係被餐牌上的甜品吸引咗，店員話佢哋的甜品芭菲唔係用忌廉做而係用Greek Yogurt雪糕做，我哋呢啲怕肥嘅女人，仲唔雙眼發亮。點知原來唔止甜品，其他菜式都有驚喜。首先，我哋叫咗最愛食的生蝦竟然用shooter上，大廚仲建議食得辣就成杯啪！啪完1杯又1杯連汁都飲埋，辣得好過癮！跟住叫咗個泰式香葉肉碎羽衣甘藍包，生菜包就食得多，無諗過可以用羽衣甘藍包，味道又好夾，感覺健康咗又抵食咗，因平時屋企買羽衣甘蓋菜都好貴。(上枱好香掛住食無影到相，要在其他食物相中Crop出嚟!)之後叫咗個店員推介的泰式船河，話個湯底係自己熬同個粉係泰國直接送嚟的新鮮粉，果然個湯真係好好味仲唔口渴，成碗飲曬，個粉都好滑，好味!仲叫咗個泰式紅咖哩虎蝦意粉，呢個岩食得辣的朋友，我唔係太食得辣，但上枱香，喜歡辣的朋友覺得好惹味!食到慶喜再叫多個冬蔭公手拉薄餅，唔好睇少佢，好食到我自己一個人食咗3件.....我條腰......!!!最後，到期待了

今日3人做咩完運動食餐勁嘅，行開尖沙咀見到有間好似新開泰菜，望落幾舒服同乾淨，試試佢，叫左做椰香卜卜蜆湯（真係好椰香👍🏻）幾好味，軟殼蟹芒果牛油果他他（最鐘意食牛油果夠健康，d芒果都好fresh), 咸豬手（無咩肥肉，最啱我地d健康食肉獸），甜品椰香奶凍（見menu 幾靚吸引左，奶凍上面放左d荔枝雪葩幾得意都香好味）整體環境食物服務都唔錯，比個like , 之後後做完運動可以再試下其他野食

見啊閒泰裝修幾靚，走去試吓，叫左4同6號下午套餐，泰國船河、冬陰公河粉。餐牌話跟沙律，但服務員攞左忌廉湯俾我，我問佢唔係跟沙律，阿姐好唔開心攞返走！之後等左半個鐘，追左兩次，又趕返工。兩碗粉嚟嘅時候，發覺沙律只係得一條菜、一條青瓜一條紅蘿蔔、一粒番茄。冬陰公湯可完全冇冬陰公味！泰國船可，D肉又唔新鮮，同系泰國食嘅船可，完全冇得比，食完之後問佢係咪跟咖啡或茶，阿姐話只係跟凍茶，杯凍茶好似啲糖水唔使錢，只係得個甜仲係非常甜！咁嘅水準，好難再幫襯下一次！

本來懶咗好耐冇寫過食評，食完呢間野即刻要開返嚟寫。因為成日經過K11，係佢裝修緊時已經期待佢開業，10月佢終於開，第一次黎嗰時佢聲稱自己試業中，嘢食要等半個鐘至45分鐘，咁唔等啦唯有下次再黎過。今日終於再嚟食，點知冇下次🤷🏻‍♀️環境係好靚的。水吧係正中間。隔開左啲人，感覺係冇咁侷促。落單時已經感覺唔良好，叫咗好耐三個員工都睇唔到我哋，佢哋好專心做緊自己野，企哂喺水吧後面🤷🏻‍♀️2個人點左碟炒Pad Thai同小食拼盆，諗住基本啲實無事。因為佢餐牌上食物大部份都係非一般嘅泰國菜式，即係比較西化同fushion啲。佢係2碟菜一齊上，應該係等埋一齊上，因為pad thai入口時已經唔熱，溫的。一夾起成舊咁😟feel到出事....入口好乾好乾🤢冇油冇汁咁，落多啲汁炒得唔得.....真係唔知佢點炒到出嚟。小食拼盤，已事先張揚話冇肉餅所以換咗蝦多士，上菜前就介紹黃色個醬係點薯條，另外嗰個係點春卷，咁另外嗰啲呢？佢話你鍾意點點都得🤷🏻‍♀️有薯條，雞翼，蝦多士，春卷，串燒有腎，豬，雞，佢都冇特別介紹，係自己領會。成碟都好食既，我最鍾意係豬串。佢係五花腩，好好食。總結來講，佢價錢一啲都唔平， 但嘢食就好