阿里郎熱狗棒 (已結業)

去開旺角，見勁多人排隊，原來係新開左間韓國過江龍開既「阿里郎韓國熱狗棒」😍😍間店真係由正宗既韓國人打理，而且係韓國近期熱賣既街頭小食，無食早餐，好鬼餓，所以買左三支試下。首先係賣相好吸引既芝薯熱狗棒！一粒粒厚切既薯仔沾係外面，再落去炸，變左一支好有層次既熱狗棒！比起其他熱狗棒，我更鍾意食係因為唔係傳統用面包做皮😅而係用薯仔炸，入面條司華力腸仲好脆，加埋自己可以溝唔同醬，有泰式辣醬、芝士醬、芥末醬、蛋黃醬、茄汁等，感覺惹味好多🤩🤩 另外兩條叫左雙重拉絲熱狗棒同水牛芝士拉絲熱狗棒！呢兩條入面全部都係芝士！！！仲要勁煙un，簡直係爆多芝士，加埋芥末醬同泰式辣醬真心好味！🤤🤤兩個人食完三條都唔會話好飽，好過食傳統既熱狗🌭️仲有用黎打卡一流👍🏻👍🏻

啱啱經過旺角見到有間鋪頭，好似好多人排隊咁.......我就好奇咁行埋去望吓睇下係咩黎。點知望望下就比佢吸引咗。自己都排埋一份😂聽人講話係韓國嘅超人氣熱狗棒。我本來係想試雙重芝士拉絲😍 不過賣晒。咁就揀咗其他口味，芝薯拉絲 、墨汁芝士同薯條，呢三種口味試下。全部都係即叫即炸，新鮮熱辣辣。炸好之後，可以隨自己嘅喜好添加醬料。（有車打芝士醬、蜂蜜芥末、茄汁同泰式辣醬）估唔到係咁好味呀。推介👍🏻 芝薯拉絲：芝士味超濃，啖啖都係芝士。😍

經過旺角，呢度好多小食， 我最鍾意食橙色嘅鱿鱼同埋混醬薯條， 見到近期有間人氣店係食炸熱狗， 當然就要試下啦。 原來呢間炸熱狗喺韓國相當出名。呢度有好多款炸熱狗 ， 多數都有芝士嘅，因為就係要食下佢有冇拉絲嘅效果 ，一家人叫左三條share。 整體嘅芝士味好濃沃，熱狗外層用上麵包糠，炸至金黃鬆脆，內層夾著餡料(腸仔)，咬落口感豐富，再灑上特製調味料，食落更添惹味，食客還可以自選不同的沾醬，如番茄醬、蜂蜜黃芥末醬、芝士醬、芥末醬和辣醬，另外，仲配備芝士粉、蜜糖牛油同蒜味粉 ，如要增加脆卜卜口感， 建議要大量加上醬汁。

旺角街頭又一人氣食店! 係對面街都見到人人人人人人人尼間其實唔係全新食店，相信去開韓國嘅大家，都可能食過人氣熱狗連鎖店Arirang Hotdog 😂 熱狗🌭️，即叫即炸，要等幾分鐘。熱狗棒外層係麵包糠+麵團+大米，炸至金黃鬆脆，再緊緊包住芝士/香腸 🤤上炸架後，可自行加番茄醬、蜂蜜黃芥末醬、芝士醬、芥末醬和辣醬等！——————1. 雙重芝士拉絲熱狗棒雙重芝士=水牛芝士+車打芝士一咬開啲芝士可以起碼拉到半尺長！（係街唔方面拉太長😂）2. 車打芝士腸熱狗棒芝士腸成條司華力腸咁大！咬開會爆汁，非常juicy 😍

同朋友喺旺角行街, 行行下肚餓大熱天時又無咩胃口食太多野決定簡單醫下肚就算數就發現左呢間<阿里郎熱狗棒>店面不大企滿左排隊同埋等候嘅客人~我同朋友分別叫左雙重芝士拉絲熱狗棒同芝薯拉絲熱狗棒各一等左無耐, 就食得了~$34一條熱狗棒,裡面裝滿香濃的芝士仲可以邊食邊拉絲, 好玩又好味~芝薯拉絲啱曬中意薯仔嘅朋友, 入口除左芝士外仲有口感十足的薯仔粒~非常美味~我地各自食左一條熱狗棒之後, 都仲係覺得意猶未盡所以再嗌多左個招牌阿里郎熱狗棒黎share香脆嘅外層加上美味嘅熱狗腸真係睇到都令人食指大動~店舖入面仲有自助調味站比大家選擇啱心水嘅醬料我同朋友食完都覺得好滿足~下次再有機會, 我都一定會再幫襯的!

係韓國搵唔到嘅芝士炸熱狗竟然係香港有得賣啦，由開店前已經超期待。現場有多款醬汁同椰糖比客人自行加配，醬料有茄汁、芥末芝士等等，都幾特別，開店無耐我已經忍唔住去試下有無伏。芝薯拉絲熱狗棒外層以薯粒包裹面團，內裡大量水牛芝士，真係有拉絲效果。可惜薯仔同芝士香味有啲被麵包味蓋過，並唔突出。熱狗即叫即炸，整體脆口，但無想像中好味。薯條熱狗棒呢款同上面差唔多，但餡料係腸仔，經過油炸後嘅腸仔外皮亦較脆。熱狗可以蘸上椰糖再唧上唔同醬汁，甜味可以中和麵糰嘅飽滯感，食完無咁容易膩。整體而言熱狗都係好普通，我諗我食完呢次短期內唔會再幫襯住。

不知道大家的童年有沒有熱狗棒的影子？這是筆者最愛的小食之一，記得以前這種小食普遍到在超級市場、FOOD COURT等地方都輕易找到，但不知什麼原因逐漸消失，所幸大家近年都哈韓，挾着韓式街頭小食之名熱狗棒又得以大熱回歸，成為旺角的排隊熱店。薯條拉絲熱狗 (8/10): 熱狗棒即炸即食，熱度十足之餘拉芝效果也令人滿意，外層薯粒香脆，唯一遺憾的是這款熱狗棒內餡沒有香腸，童年回憶未能100%重溫，唯有等較少人排隊時再訪。

一試韓國大熱芝士熱狗店《阿里郎 》專登早啲去諗住少啲人，點知去到好好彩無乜人🤣 果然早起的鳥兒有熱狗吃🌭🌭 貪心既我見到咁大條，都死唔蝕咁叫左2款嚟試。-☆ 水牛芝士拉絲熱狗棒 HKD$32外層係炸過既粉漿，感覺有少少似食緊麵包。而入面係超級拉絲既水牛芝士，但芝士唔係幾夠咸，建議落啲其他醬汁會好食啲~ 仲以為哩款入面有腸仔，點知無有少許失望😒😕-☆ 墨汁芝士熱狗棒 HKD$34見佢賣相幾得意扮墨魚🐙，所以俾佢吸引左買左… 上半部係墨汁麵團同芝士，下半部先係扮墨魚鬚既開花腸仔，腸仔份量得太少，唔係幾夠喉。-總括嚟講，味道不過不失，但食完有少少膩同飽，個人都係鍾意食有腸仔既熱狗多啲😅😄

arirang handmade hotdog街頭小食有好多 但熱狗我都系第一次見 仲要系韓國大熱我就緊系要試下啦 今次我叫左芝薯拉絲熱狗棒 尼一個系我最鐘意 出面有一粒粒嘅薯仔再加埋裏面好多嘅芝士 正 芝士味都好濃郁 煙煙韌韌就做到拉絲嘅咁 加埋啲椰子糖同埋醬料喺上邊perfect 墨汁芝士熱狗棒 呢一個墨魚汁就最啱使打卡佢黑色嘅 有陣嘅墨魚汁味 尼個裡面唔單止有仲有香腸喺裏面 佢仲用咗個腸仔扮墨魚尾 好得意車打芝士熱狗棒 呢個就比較簡單但我都好鍾意呢一個腸仔比較大條 芝士相對冇咁多所以食落都冇膩大家怕膩嘅話可以最尾’點’啲cocnut sugar 大家再可因自己嘅口味落吾同嘅醬料 有cheese ,ketchup, honey cheese, etc

3隻為食豬在波鞋街逛，途經這間熱狗店，寫著中，英，韓文字，看到製成品後大家都想試試，每人一支，然後分享吃！炸好後，可選擇醬汁加在熱狗上，車打芝士芥末醬，蜜糖芥末醬，芝士粉，蒜粉 ......等其他。車打芝士熱狗捧 $32熱燙燙，外面的麵包糠炸的很酥脆，裡面的小鹹香腸被一層薄芝士包圍，加了車打芝士芥末醬和茄醬，增添多重口味。雙層芝士拉絲熱狗捧$34外面同樣酥脆，咬開的芝士互纏不斷，芝士味濃郁，大家分吃不會感膩，但如一人吃 ......因內層沒有香腸的。墨汁芝士熱狗捧 $34外貌頗有趣，上半截是溶化的芝士，芝味濃香，下面放了芝士腸仔，在捧外的鬚鬚也是香腸來的，加了墨汁的味道也不錯，加了蒜粉的效果更OK 。

係韓國好興嘅街邊小吃啊！😍果然識揀！係旺角開店，本身呢個熱狗🌭️已經吸引，😍仲要係有咁多哈韓嘅青少年蒲點開鋪。😎❤️佢主要有兩款棒，有腸仔同冇腸仔嘅芝士棒。🇰🇷由韓國人經營啊，唔識講韓文嘅我，講個number 就點到了。😂⭐️雙重芝士拉絲熱狗棒🧀食到車打芝士同Mozzarella cheese! 超正！鐘意食芝士嘅一定要試，咬一口就可以做到拉絲嘅效果！⭐️芝薯🍟拉絲熱狗棒🥔薯仔粉絲大愛，佢用左薯仔包住再炸！好味又有口感！入面仲要有腸仔！⭐️車打芝士腸熱狗棒🌭呢個最接近原本嘅美式熱狗🌭️棒，但係佢嘅芝士腸係高質啊！又粗又脆，仲要係芝士腸！

出旺角搞回鄉證，無意中發現附近新開咗間韓式熱狗棒店，人多到塞住條街好似唔駛錢咁！😳正所謂：行過路過、千祈唔好錯過！就係咁湧左入去，揀咗三款諗住兩個人share。✨芝薯拉絲熱狗棒✨係店內8位佳麗之中嘅最上鏡小姐，影相冇得輸！外皮一粒粒的是薯仔粒，外表玲瓏浮凸，內裹全是軟滑嘅芝士，係三甲之選啊！✨雙重芝士拉絲熱狗捧✨芝士味較其餘兩款濃，芝士控之選！仲可以加埋芝士粉、車打芝士醬，芝味到暈！🤣✨車打芝士腸熱狗捧✨呢個外層炸至金黃鬆脆，內層夾著香腸，咬落口感豐富啲、實在啲！還有六款醬汁和三款調味粉供客人自由選擇😍

聽到芝士兩個字都知玩咩㗎啦，仲唔係拉芝？ 見到人地拉到成隻手咁長超誇張，我呢啲手殘仔拉出嚟都唔短，全因佢入面放咗大量芝士，炸到溶溶地咁自然易拉，打卡一流✨新店開張目前有八種款式可以選擇，由外皮到內餡都有唔同，而且除咗款式唔同之外，佢仲提供咗好多唔同嘅醬汁俾你任吱，夠哂過癮，而當日就揀咗下面呢三款✨薯條熱狗棒其實係冇薯條的😂 不過佢嘅外皮係用薯仔粒包住再炸，口感多啲咬之餘仲多咗陣薯仔味，對呢個外皮幾討好，不過呢款係三款之中唯一一款冇芝士響裏面，得條腸感覺唔太盡興😗正因如此第二款芝薯拉絲熱狗棒可以話係我嘅至愛，外皮同樣係用薯仔粒組成，而入面係勁大量嘅mozzarella cheese，有得拉絲之餘個口感仲好好，煙韌軟綿嘅內餡超正，除非你係一定要有腸嘅食肉獸，唔係我極度推薦呢款至於最後一款墨汁芝士熱狗棒係唯一一款底部有開花腸仔嘅熱狗棒，扮墨魚鬚咁好得意，而外皮就用返平時韓式熱狗棒嘅粉漿炸，內餡就上半係芝士下半係腸仔，墨汁味其實唔算好覺，不過就勝在可以拉芝又有腸食咁✨

最近經過旺角，發現韓國大熱的熱狗店竟然在香港開分店了，還有不少人在排隊等候。下單付款和取熱狗都要排隊。售賣的全都是熱狗，有芝士腸和拉絲芝士腸選擇。等候大約20分鐘，取得熱狗後，可以自行加配料。例如泰式辣醬、茄汁、芝士芥末醬，還有不同的調味粉，醬汁和調味粉可以加多一點，因為熱狗全靠這些來調味。⭐️薯條熱狗棒$32熱狗表面裹滿薯粒，咬一口，很酥脆，而且薯仔的味道非常突出，加上芝士腸很啖啖肉，吃得非常過癮呢！⭐️車打芝士熱狗棒$32外面炸得很香脆，咬一口，裡面有香軟的芝士和芝士腸，咬起來「喀擦喀擦」，十分脆口，很邪惡呢！⭐️水牛芝士拉絲熱狗棒$32最特別是這款，最適合打卡！一咬開，裡面的芝士要拉幾長有幾長，非常好玩。吃起來芝士味道不算突出，志在打卡，哈哈！

次次去親韓國都一定會食街要阿里朗熱狗棒🌭️， 完全冇諗過香港都會開分店，仲要喺旺角，地點非常方便就腳。香港分店大概有八款熱狗棒選擇，可以揀腸仔或者芝士做夾心。我地2個人，share 左3款口味。分別叫左芝薯拉絲熱狗棒 ($34)、車打芝士腸熱狗棒（ $32）同雙層芝士拉絲熱狗棒 （$34）。三款水味黎講，我比較鍾意車打芝士腸熱狗棒。因為有香腸係入面，增加咗唔少口感。而且香腸係芝士腸，芝味濃郁、食嘅時候，香腸嘅芝士都爆曬汁。而芝薯拉絲熱狗棒，用左切粒既薯條包裹，口感更脆、更豐富，中意食薯仔既一定唔可錯過。只係因為係新鮮嘅薯仔， 無醃製過，味道相對地會較啖。但係因為可以自己選擇醬料同味粉既關係，所以食落都好野味。而芝士控一定唔可以錯過雙層芝士拉絲熱夠棒，因為芝士味豐富，而且不停有拉絲既效果，只係食得多會有d膩同罪疚感。不過，真係好多人排隊，全部熱狗棒都係即叫即整，所以製作需時不過唔使飛去韓國都食得到，所以係值得等的。