阿里郎熱狗棒 (已結業)

經過旺角，呢度好多小食， 我最鍾意食橙色嘅鱿鱼同埋混醬薯條， 見到近期有間人氣店係食炸熱狗， 當然就要試下啦。 原來呢間炸熱狗喺韓國相當出名。呢度有好多款炸熱狗 ， 多數都有芝士嘅，因為就係要食下佢有冇拉絲嘅效果 ，一家人叫左三條share。 整體嘅芝士味好濃沃，熱狗外層用上麵包糠，炸至金黃鬆脆，內層夾著餡料(腸仔)，咬落口感豐富，再灑上特製調味料，食落更添惹味，食客還可以自選不同的沾醬，如番茄醬、蜂蜜黃芥末醬、芝士醬、芥末醬和辣醬，另外，仲配備芝士粉、蜜糖牛油同蒜味粉 ，如要增加脆卜卜口感， 建議要大量加上醬汁。