阿翁小館

营业中

休息中

是夜母親大人生日，朋友介紹阿翁小館，一於帶媽咪食餐好嘅。試咗佢哋個砂鍋紅燒翅，真材實料，味道回味無窮；再試埋佢哋個吉品鮑，嘩呢個不得了，唔知點解佢哋可以整到咁煙靭，味道啱啱好之餘，仲好有咬口，講真佢哋嘅出品對得住佢哋個價錢，除咗呢兩樣係貴價野外，其餘小菜都好好味，椒鹽九肚魚，薑蔥雞件，同樣係好得，媽媽食得開心，讚不絕口。呢間嘢除咗出品得之外，服務亦親切殷勤，頻頻加茶，小菜慢慢逐樣上，可以慢慢嘆，傾吓偈食吓野，完全冇其他菜館趕住收工嘅感覺。總之整體而言，係一個冇得頂嘅美食體驗，一定有下次👍

體驗不是一般的差，未食過咁令人後悔ge 飯口味：魚翅只有重咸，鮑魚感覺還沒煮透，鮑汁也挺一般，吃起來我同食圍菜分別只係質量好d...就鵝掌和海參好一些，那乳鴿你看圖都能看出它有多乾...兩款炒飯，一款味道正常，乾濕度也可以，另一款估計是同一個飯底再炒一次，乾到呢….方魚炒芥蘭都可以整體食物水平...單純覺得食材好小小...廚房水平，可能比屋村酒樓仲差d服務：服務真係重點，一堆服務員只照顧某兩桌的乜生，七太 係佢旁邊叫都唔理，第二道菜上枱時候枱都唔幫你執，菜骨都唔收，去到上甜品諗住會幫你執枱，執完仲有條菜喺度服務員，衣服不統一，有人着制服有人單純着恤衫，有人更衣服上有有一大塊污漬性價比：食物質素保持唔到已經算數，但係服務質素差到令你嬲，差到無朋友，體驗不是一般的差，未食過咁令人後悔ge 飯

在朋友介紹下訂了“阿翁小館”晚餐，餐廳在銅鑼灣如心酒店B1層，這晚的晚餐體真的令人難忘。我們點了30頭鮑魚餐。首先，砂鍋翅的湯頭濃郁，魚翅滑嫩，口感極佳。接下來的30頭吉品鮑拼鵝掌，鮑魚嫩滑彈牙，味道鮮甜，搭配滑膩的鵝掌，讓人回味無窮。最後，炸釀蟹蓋外酥內軟，蟹肉鮮香，層次豐富，讓我一口接一口。甜品蛋白杏仁茶，柔滑、細膩、入口帶有淡淡的杏仁香氣。整體而言，菜品新鮮美味，服務周到，經理細心介紹每一道菜式，是一個值得再訪及推薦給朋友們的飯店。

平心而論, 很一般的品質, 點心非常非常普通, ($55-75), not value for money at all, 失望的期待, 冠着米星的食肆 但沒有驚喜的食品, 茶品也與一般酒樓相近, 可能此店的強項是小炒, 套餐或鮑, 参, 翅, 肚, 不然可免. 環境清靜因地方不大, 服務不錯與一般酒店無異, 只是食物質素有待改善.

經過無限次的小店，除夕夜冇特別安排之下就嚟試吓。一試就愛上了。 我諗佢嗰度主打套餐，有兩個選擇， 而每個選擇又唔同價錢depends on 鮑魚嘅大細。 我地各自揀咗$880 （25頭） 和$1180 （18頭）。 老實講，睇唔出大細有乜分別，所以建議食25頭就OK。 每一道食物都精緻，環境舒服，服務殷勤。我叫咗燕窩，老公叫咗紅燒翅，份量充足，如果散叫每份都要$500。90%相似嘅餐係另一間好出名食鮑魚嘅酒家要$1680。會和家人再來。

一家四口夜晚去食生日飯，全埸食咗一個鐘都係得我哋一家人，心諗可能真係中伏。嘢食嚟到由頭至尾全部都冇一份好食，食物味道好鹹，鮑魚同鵝掌都炆得好鹹，嗰碗翅味道都係偏鹹，方魚炒芥蘭啲方魚燶咗，所以好苦，炸花膠完全唔知自己食緊乜，個炒飯又鹹又乾，真係求其一間茶餐廳都整得好食過佢。我哋加咗個壽包，但係啲壽包好硬仲衰過即食點心，所以真係明白點解成個鐘頭都冇人，其實我真係覺得佢哋嘅煮法係浪費晒啲食材，一定唔會有下次。

今早在中央圖書館看完展覽，順道去了銅鑼灣如心酒店一家酒樓午膳。今午由先生發辦，他選了午市自選套餐另送例湯~白菜魚翅頭及甜品。阿翁炸子雞半隻~肉質鮮嫩，外脆內嫩，有嚼勁。話梅炆豬手~切成一舊舊，易入口，味道酸酸甜甜，既醒胃又可去除油膩感。燒汁鮮菌炒牛肉~雜菌鮮嫩，牛肉香口，這道菜惹味又爽口。蒜蓉煎豬扒~肉質鬆軟多汁，味道清香，有嚼勁。最後送上甜品，甜品有三款選擇：生磨合桃奶露、陳皮紅豆沙及蛋白杏仁茶，我選了前者，很綿滑，而先生點了蛋白杏仁茶

米芝蓮阿翁小館✨🫖中國茗茶每位$30(個人幾鐘意佢哋嘅香片🥹香氣濃郁，口感清新）🥜前菜（花生）每份 $30＄990阿翁滋補珍饌八道宴✨高湯紅燒官燕✨脆皮原只花膠✨關東遼參扣鵝掌✨阿翁炆斑頭腩✨生炸脆皮乳鴿✨原只吉品鮑糯米飯✨陳皮蓮子紅豆沙✨美點雙輝好耐冇食過咁高水準嘅中菜，食足八道菜，個人最鐘意原只吉品鮑糯米飯，果然系阿翁食鮑魚都有品質保障🥹🥹配埋糯米飯，真系食唔停口😆。$900左右，食到高級食材，有官燕、花膠、海參，用料好用心！價錢以中菜店來講，真的不會很貴，環境、服務、食物質素都是頂級，啱曬帶埋長輩嚟聚一聚🤞🏻❤️

阿翁小館想試咗好耐！今次提早咗一個星期定位，試下＄990阿翁滋補珍饌八道宴。阿翁小館仲有另外一set menu，係2千左右一位，菜式都好豐富。🍲 高湯紅燒官燕：首道菜品以官燕為主角，紅燒的湯汁濃郁，滋味鮮美，🥣😍🦪 脆皮原隻花膠：花膠外皮炸得酥脆，內裡嫩滑，搭配酸甜汁，第一次咁樣食花膠都幾特別！🤤🦆 關東遼參扣鵝掌：鵝掌的搭配海參，燉煮得剛剛好。我更鍾意鵝掌入口即化的口感，好入味。🍗😋🐟 阿翁炆斑頭腩：這道菜以斑頭魚腩為主角，再配腩肉、豆卜、冬菇等，炆煮得啱啱好，腩肉肥美多汁，好結實！🐠🤩🐦 生炸脆皮乳鴿：乳鴿大推！！外皮炸得酥脆，肉質鮮嫩多汁！🍗👌🍚 原隻吉品鮑糯米飯：糯米飯+原隻吉品鮑魚都係大推，真係超級香，配料香味極濃，糯米飯細細碗啱啱好，唔會話太多頂胃啊！🍚😍🍮 陳皮蓮子紅豆沙：口感順滑，甜而不膩，個人鍾意陳皮味唔算太濃，啱啱好🥰🥟 美點雙輝：最後的美點合桃餅同馬豆糕！🥟😋食物的品質和味道都非常出色，有機會再會試吓唔同餐單🌟👍

肥妹仔喺今日要同大家分享一個位於銅鑼灣如心酒店嘅小館，名叫「阿翁小館」嘅食評。喺呢度，肥妹仔嚟到咗試咗蝦餃、炸春卷、鯪魚肉紫菜卷同埋海鮮豉油王炒麵，而家就同大家分享下啦！首先，肥妹仔要講下個蝦餃。阿翁小館嘅蝦餃真係出奇嘅好食！蝦餃皮薄而韌，蝦肉鮮嫩多汁，每一口都能夠感受到蝦嘅鮮甜。緊接住嚟講下炸春卷。阿翁小館嘅炸春卷有一個外脆內軟嘅絕佳組合。炸春卷皮炸到金黃酥脆，入口即化，內裡則包著香嫩嘅蔬菜和肉餡，每一口都帶來一種滿足感。配上酸甜嘅沾醬，更能夠提升整體風味，肥妹仔真係唔禁多食幾個！再嚟就係鯪魚肉紫菜卷。呢款菜式係肥妹仔第一次試食，但係真係大大超出咗肥妹仔嘅期望！鯪魚肉鮮甜鮮嫩，同埋配合紫菜卷，帶出一種口感層次豐富嘅滋味。加上啲脆脆嘅蔬菜，令整個菜式更加清新爽口。肥妹仔真係愛到不行，下次一定會再嚟食多幾個！最後，就係海鮮豉油王炒麵啦！阿翁小館嘅炒麵真係一絕！炒麵炒得恰到好處，麵條彈牙有嚼勁，配上新鮮嘅海鮮同埋香濃嘅豉油王醬汁，味道鮮美而濃郁，每一口都帶來一種滿足感。肥妹仔真係食到停唔到口，真係大推！

喺銅鑼灣行完街，肥雞同媽咪去試吓呢間如心酒店嘅中菜廳，阿翁小館，lunch去到當然要試吓佢啲點心。肥雞食咗個炸春卷，坦白講佢食物嘅質素係比一般酒樓好好多，正所謂1分前1分貨，佢入邊嘅芋泥同埋蔬菜絲請新鮮即炸出嚟配埋香脆嘅薄皮，每一啖都索索聲。再試埋佢個鯪魚紫菜卷佢嘅紫菜卷真係用全部鯪魚肉釀出嚟，一啲都唔腥，再配埋紫菜即炸即上，同街邊貨全部食粉一啲都唔同。佢嘅豉油王海鮮炒麵，真心一絕，非常之有鑊氣，豉油嘅香味配配埋熱騰騰嘅鑊氣，再加上啖啖海鮮，好食過響大排檔。

最近同吖妹去咗天后如心酒店內嘅「阿翁小館」食晚飯，阿翁鮑魚係吖妹一直期待咗好耐嘅美食，所以就同吖妹Order咗佢哋嘅阿翁珍饈宴，每位盛惠$1680，依度嘅環境舒服、服務全面，食物出品亦都好高質，食到傳統且矜貴嘅菜式，果然係米芝蓮級粵菜精品，山珍海味一試難忘。*此餐廳收取加一服務費。阿翁珍饈宴（一位$1680），28頭吉品鮑伴菜遠，採用日本吉品鮑魚製作，鮑魚肉質肥美、厚嫩，溏心效果突出，切鮑魚嘅時候會癡刀，食落會有種漿住漿住嘅口感，所以會有少少癡牙，鮑魚燜得好入味，菜芯口感軟硬適中，鮑魚汁燜鮑魚，經典配搭。珊瑚百花釀花膠（跟餐$0），採用花膠、蝦膠製作珊瑚百花形狀，炸漿口感香脆，花膠口感腍身，蝦膠口感彈牙，配以蟹肉蟹黃羹食用，食落鮮味十足。香芹蘿蔔海斑卷（跟餐$0），海斑魚腩食落好新鮮，油脂味香，內有冬菇、芹菜，白蘿蔔口感無渣，味道清甜，湯底配以黑胡椒飲用，味道辛辣飲落好暖胃、好舒服。砂鍋水晶炒官燕（跟餐$0），表面鋪有金華火腿蓉，味道鹹香，官燕晶瑩剔透，口感滑溜，味道清香，內有蟹肉、蛋白，味道鮮甜。招牌脆皮炸子雞（跟餐$0），雞皮口感薄脆，雞肉肉質嫩滑，配以豉油、白胡椒粉食用，味道更佳

嚟到阿翁小館，第一感覺就係好有家嘅感覺，溫暖得嚟又唔失高級感，啱啱好！先來個砂鍋炒官燕，賣相已經贏晒半邊天😋！食落去，官燕得意又滑溜，每一啖都越嚼越有驚喜。再嚟，28頭鮑魚就嚟陪襯一下，一啖落去，爽口得黎咬落彈牙，滿分！跟住呢，珊瑚百花釀花膠送上，賽螃蟹蟹腳肉交織埋花膠，叫人一試難忘。海斑卷開胃又唔膩口，金華火腿那記，咸香夾雜而唔霸道，正！招牌脆皮炸子雞真係做到外脆內嫩，啖啖肉，跟住再來碟芥蘭仔撈齊方魚，爽口得黎，正宗家鄉味。至於鮑魚汁瑤柱炒飯，粒粒鮮美又彈牙，撈埋那撈飯汁，OK嘅！最後來個甜品，凍金瓜布甸送上，清甜中帶點蔬菜嘅爽口，棗皇糕就甜得黎唔膩，熱辣辣，滋味十足。總結，阿翁小館嘅菜式，每一樣都有佢特色，實行係啱晒平民口味，又唔失高級享受，心滿意足咁走出嚟，真係讚到無得彈👍！食物好食，氣氛正，下次有機會，一定再黎！

忙碌完1日👩🏻‍💻選擇到「阿翁小館」品嘗『阿翁珍饈宴』✨享受珍貴美食🍽️.砂窩水晶炒官燕💎每啖都食到蛋白🥚蟹肉同官燕🦀🐦‍⬛口感柔滑鮮美😋.28頭吉品鮑伴菜遠🐚吉品鮑十分入味👍🏻仲做到溏心效果😍肉質腍中帶少少彈性😆.珊瑚百花釀花膠🪸呢款菜式做法中西合璧🤝🏻將紅燒魚肚包住蟹肉花膠😱花膠厚身大塊😌而且炸到外酥內軟，十分彈牙😗加上帶有絲絲蟹肉嘅醬汁🧡為菜肴增添鮮味🌊.香芹蘿蔔海斑卷🐟海斑卷住金華火腿🍖香芹同白蘿蔔🥕魚肉非常鮮甜🤤而香芹同白蘿蔔帶嚟清新感覺💦火腿令菜肴帶微微鹹香😉.招牌脆皮炸子雞🐓皮脆肉嫩😬重點係一咬落去Feel到雞油溢出，十分美味😛.方魚炒芥蘭仔🥬.鮑魚汁瑤柱炒飯🍚飯粒飽滿，且被鮑魚汁包裹住，加上大量瑤柱😙好味道💯.凍金瓜布甸🍮布甸滑溜甜蜜☺️.合桃酥🍪.花生🥜.香片🫖

今次朋友帶我去酒店食大閘蟹餐！餐廳位於銅鑼灣如心酒店！阿翁出名鮑魚就係人都知，估唔到仲有大閘蟹餐！阿翁超值蟹宴每位$980 ！有六道菜式！1.生拆大閘蟹粉翅2.蔥燒百花釀遼參3.原隻江蘇大閘蟹（6兩）4.生煎薑蔥鹽香雞5.迷你蟹腿荷葉飯6.薑茶芝麻湯圓1.生拆大閘蟹粉翅打開就已經聞到香味! 見到金黃色嘅蟹粉翅已經覺得好吸引！見到好多蟹肉好足料！飲落好鮮甜！而且好濃稠好傑身！2.蔥燒百花釀遼參未試過咁樣食遼參！除咗上面有蔥花肉碎芡之外，入面竟然仲釀入咗蝦膠！外面彈牙，入面蝦膠有口感！成個組合好有心思！3.原隻江蘇大閘蟹（6兩）終於到大閘蟹！6兩重嘅大閘蟹公！打開蟹蓋見到有橙黃色同透明白白地色嘅膏！橙黃色嘅蟹膏甘香，透明白嘅蟹膏又黏又香！好想再食多隻！4.生煎薑蔥鹽香雞食完蟹之後，就有鹽香雞！一人一半！估唔到又幾好食！因為外面嘅雞皮煎到脆脆地！雞肉好滑！再加上鹹鹹地嘅薑蔥，好惹味！5.迷你蟹腿荷葉飯連荷葉飯都加咗蟹腳肉！荷葉飯好乾身，唔會好油立立！細細隻好似珍珠雞咁好可愛！6.薑茶芝麻湯圓最後就係薑茶湯圓！食完大閘蟹梗係要飲番啲薑茶！薑味好濃，一飲就覺得暖笠笠！芝麻湯圓皮薄餡靚！芝麻餡香甜