影片
新年流流无咩餐厅开 就见到喱间餐厅开 餐厅仲可以堂食/外卖 而且都有唔同既选择😋✨口水鸡加东北粉皮口水鸡系无骨 就连鸡中翼都无骨 好正而且啲鸡好嫩滑 份量都好足～ 仲有好多蒜 好惹味🥰**老板都有提到醉鸡都无骨 迟啲都会试埋东北粉皮系透明个只粉 好滑同好索汁～食到最尾都仲有好多酱汁剩 同埋酱汁唔会好咸 唔惊啲汁捞唔匀🤣老板好有礼同细心 仲会主动问需唔需要芫荽葱 / 辣油够唔够 等等 我觉得喱间餐厅比出名既凉皮更好食 同埋餐厅都有卖半只鸡可以拎返屋企加𩠌 如果咁岩黎大角咀 不妨试试佢～
继续阅读
成日落小巴经过呢度见到一直想试吓，咁今日就打算买盒返公司食啦。手撕鸡味道选择多过一般手撕鸡舖头好多，钟意食辣嘅我当然一定唔可以放过川味手撕鸡😋但第一次食都系食返原味先😋点咗之后，老板会行出嚟counter喺你面前捞，会仔细问你要唔要酱葱芫荽讲辣油，落几多都可以自己调节。啱晒我呢啲茜友！！份量超级多两碗饭𢳂做一碗饭，我都忍唔住出声叫老板俾少啲得啦🤣🤣🤣价钱都系四十零蚊左右，非常抵食！返到公司打开盒饭，热辣辣嘅饭配上非常惹味嘅手撕鸡真系冇得顶！完全唔系死咸，鸡肉味都非常浓郁，唔会比酱盖过去。份量充满诚意食完简直饱咗成个下昼🤣🤣🤣同老板倾偈先知原来佢系一脚踢，所以都冇join好多外卖平台。大角咀嘅街坊或者返学做嘢嘅朋友不妨去到中汇街试吓呢间充满人情味嘅手撕鸡！
继续阅读