阿翁廚房

营业中

休息中

新年流流無咩餐廳開 就見到喱間餐廳開 餐廳仲可以堂食/外賣 而且都有唔同既選擇😋✨口水雞加東北粉皮口水雞係無骨 就連雞中翼都無骨 好正而且啲雞好嫩滑 份量都好足～ 仲有好多蒜 好惹味🥰**老闆都有提到醉雞都無骨 遲啲都會試埋東北粉皮係透明個隻粉 好滑同好索汁～食到最尾都仲有好多醬汁剩 同埋醬汁唔會好咸 唔驚啲汁撈唔勻🤣老闆好有禮同細心 仲會主動問需唔需要芫荽蔥 / 辣油夠唔夠 等等 我覺得喱間餐廳比出名既涼皮更好食 同埋餐廳都有賣半隻雞可以拎返屋企加餸 如果咁岩黎大角咀 不妨試試佢～

成日落小巴經過呢度見到一直想試吓，咁今日就打算買盒返公司食啦。手撕雞味道選擇多過一般手撕雞舖頭好多，鍾意食辣嘅我當然一定唔可以放過川味手撕雞😋但第一次食都係食返原味先😋點咗之後，老闆會行出嚟counter喺你面前撈，會仔細問你要唔要醬蔥芫荽講辣油，落幾多都可以自己調節。啱晒我呢啲茜友！！份量超級多兩碗飯𢳂做一碗飯，我都忍唔住出聲叫老闆俾少啲得啦🤣🤣🤣價錢都係四十零蚊左右，非常抵食！返到公司打開盒飯，熱辣辣嘅飯配上非常惹味嘅手撕雞真係冇得頂！完全唔係死鹹，雞肉味都非常濃郁，唔會比醬蓋過去。份量充滿誠意食完簡直飽咗成個下晝🤣🤣🤣同老闆傾偈先知原來佢係一腳踢，所以都冇join好多外賣平台。大角咀嘅街坊或者返學做嘢嘅朋友不妨去到中匯街試吓呢間充滿人情味嘅手撕雞！