阿甘蝦餐廳

营业中

休息中

已經冇黎山頂好幾年今日趁着同另一半紀念日就上山頂食飯揀咗呢間有海景嘅餐廳嘢食好多都係炸嘢或者肉 貫徹美式餐廳嘅風格嘢飲都係好大杯嘅呢度主打蝦當然要試吓肉質都好新鮮加埋外邊個景就更加分😌枱頭會有個牌仔如果想嗌waiter可以自己反牌佢地見到都會主動嚟食完飯仲可以去睇吓夜景 有特別日子嘅話都可以黎一試🤤

今天和小伙伴來到山頂，山頂的餐廳不少，但一般旅遊區的餐廳都是偏貴而且質素一般，所以挑了很久，最後決定選多年一直想試的阿甘蝦。阿甘蝦位於凌霄閣的三樓，裝潢美輪美奐的美風，很容易認出來的。這天我們進餐的時間約四點，人流不多，等候幾分鐘就順利進去了。坐下來的第一感覺就是，香港真的很美啊！特別是這種風和日麗的日子，看到清晰的山景，時間緩緩地流過，心情特別的好。餐廳以電影「阿甘正傳」作主題，四周都有劇照，金句，電影故事版等等，仿如置身於美國小鎮的平民餐廳。這裡下單不需要話語，只需要更換桌上的鐵牌，有Run Forrest Run和 Stop Forrest Stop兩面。需要下單時記得要更換牌子！！很可愛的道具！優先送上的是Secret Mango Sparkler，由新鮮芒果、檸檬汁、橙汁、七喜的混合果汁，味道很好，是清新解渴之選。特別適合這種比較濃味的菜式。下午茶時段，我們點了一個拼盤Run Across America Sampler,內裡有Deep Fried Calamari, Seafood Hush Pups, Spicy Chicken Strips and Bubba's Fa

呢間以蝦為主題嘅美式餐廳以電影「阿甘正傳」為藍本主題作為設計同擺設。每張餐桌上都放有阿甘手寫的金句。門外亦擺放了一張阿甘等巴士時坐的長椅及一對阿甘的石膏模型跑鞋🎬悲傷小姐今次好彩有窗口位坐，可以係享用海鮮美食時，欣賞埋太平山頂無敵香港夜景🌃💗香草牛油白酒煮青口($172)用鐵鍋熱辣辣送上，青口分量好多，唔會太熟冇縮水仲係好juicy，而且仲有小蜆，肉質好肥美。青口醬汁有好濃嘅香草同白酒味，但都冇蓋過青口同蜆嘅鮮甜味🍾另外旁邊仲有麵包可以沾醬汁食，麵包雖然唔太脆，不過靠佢食哂d汁真係好正👍🏼💗阿甘海鮮薈（$199）呢個炸物拼盤包括咗炸蝦、炸魷魚、炸蝦丸、同炸魚薯條。全部都炸到脆卜卜，絕對係小朋友至愛。可惜嘅係炸漿偏厚， 越食越飽。所有嘅海鮮都調味適當。悲傷小姐最欣賞魚柳，完全冇雪味，炸完魚肉仲好滑🐟但其他炸物嘅口感食耐咗就覺差唔多，特別係個蝦丸，淨係覺得咬緊一粒好彈牙嘅丸子，冇乜海鮮味。旁邊仲有茄汁、千島醬同沙律醬可以沾，酸酸地可以中和炸物嘅油膩🥫💗炭燒頂級美國西冷牛扒、配鮮烤香草牛油蝦串伴薯蓉及甘脆洋蔥圈（$278）牛扒非常厚切，分量十足，有一橫橫嘅炭燒痕跡，切開係完美嘅5成熟，肉心帶

不是經常上山頂,但每次到山頂都會光顧這餐廳. 可能曾經在美國工作多年也經常光顧 Cajun seafood 店, 這店有著相似地方😃最喜歡這店的環境及友善的服務人員😃食物及賣相都吸引. 在這種環境的餐廳, 價錢算是合理吧⋯⋯😅😅

曾幾何時，阿甘蝦Buppa Gump 是我至愛的餐廳，上到山頂，它一定是首選。餐廳頗大，以電影「阿甘正傳」作主題，唔同角落會有唔同的設計。它其中一個特色是餐枱上有一鐵牌，” Run Forrest Run ” 即是我不需要幫助；如想落單或埋單，則要出示另一塊牌” Stop Forrest Stop ”，有趣！餐牌選擇多，以蝦及海鮮為主，也有豬肋骨，但奇怪的是以前的Signature dish 阿甘蝦沒有了，有點失望。最後，我們選了香草牛油白酒煑青口（$172-）及 碳燒魚柳及鮮蝦配苿莉香飯及檸檬牛油汁（$188-）。上菜時見青口份量頗多，是藍青口，並配以麪包。青口新鮮甜美，味道不錯，只是肉較細粒。麵包旁的汁有點尷尬，若麵包點了這個汁，雖然味道ok，但麵包立即成為發水麵包，軟腍腍的，口感不佳。碳燒魚柳及鮮蝦飯味道也不合格，首先魚柳肉質較實，沒有鮮魚的香滑；蝦亦是一樣，雖然有碳燒香味，但肉質同樣較實，醬汁亦太重檸檬味，掩蓋了海鮮的獨特鮮味。整體而言，以它的價錢來比，食物味道普通，並與以前相差很遠。

本人广东人士，只会输入简体字，见谅。上次去山顶20多年前了，这次希望系山顶吃埋野，唔想慢慢稳，所以一早就预订这餐吧。因为网上评价尚不错，而且这间位置看落山下面是比较开阔的。去到现场是6点左右，满座率不到3成。位置肯定好，环境装修也不过不失。餐吧玻璃设计有点问题，导致看出去好像带著太阳眼镜甘暗，而且确实室内光线反光比较厉害。这个问题在晚间会更加严重，晚上望出去山下，似照镜多过看景，拍照的话会非常普通，所以吃景色这个见仁见智。点了几样野出品都很普通，特色的烧虾，无味，细只，受热不均匀，店内人不多都烧成甘。炸野，普遍都非常咸，无咩调味，d粉厚同埋唔好吃。饮料味道真系非常普通（又不便宜）。两个人点了400蚊左右，勉强塞饱肚。我不是太忍心踩这间野，毕竟是吃景色的地方（见仁见智），但是在这里吃野的话，我的味蕾直头有点受罪。所以建议都系去饮下野算了，点野也是就住一样一样点，觉得无问题再加野。

想與重要的人享受一頓特別的晚飯？山頂凌霄閣的餐廳大都能欣賞香港著名的維港夜景，可以一邊看海景，一邊大快朵頤，作為慶祝特別日子的選擇也不錯哦😋發掘了一間以美國經典電影「阿甘正傳」為主題的餐廳，整間餐廳的裝潢走懷舊美國風，因為劇情中主角阿甘開了蝦公司，這間餐廳就售賣以蝦為主的海鮮，非常有特色🦐Boat Trash with Soft Shell Crab 🦀 ($238)軟殼蟹、大蝦、魚、薯條共冶一爐的炸物籃🍤軟殼蟹是整隻奉上，有約4隻，炸粉很鬆脆，內裏挺juicy～炸魚是finger size，加上大量薯條感覺就是fish and chips🍟炸蝦的口感比日式吉列炸蝦更脆，我覺得很蘸上番茄醬和熱融牛油很滋味，男朋友則覺得炸得太熱氣了，幸好有椰菜沙律解膩🥗Dixie Style Baby Back Ribs🐷($238)這個稍稍有點失望🙊Barbecue sauce炭烤風味香濃，豬肋骨也挺入味，但肉質較硬，不太有肉汁🙈兩款特飲口味清新，能夠解膩和替吃完炸物的熱氣肚子降溫😉

同男朋友慶祝生日去咗呢度食晚飯，本身揀去呢度係因為覺得呢間主題餐廳好特別，用阿甘正傳來做主題，餐廳嘅佈置都好有心思， 牆上面掛嘅全部都係阿甘正傳入面着過嘅制服或者用過嘅道具，坐近門口嘅枱嗰部電視仲播緊阿甘正傳套戲！以佢嘅餐牌都好有心思，其中一塊餐牌嘅造型係乒乓球拍，符合返阿甘正傳係戲入面好叻打乒乓波嘅設定。你間餐廳叫線嘅方式都好特別，並唔係好似一般餐廳咁舉手示意，而係將枱面上果塊藍色嘅牌(寫住run，Forrest run)轉去紅色嘅牌（Stop Forrest Stop)啲侍應就會過嚟幫你落單,用阿甘正傳入面其中一句名言取代一般嘅舉手示意感覺幾特別！今次就帶咗一個炸蝦拼盤同埋Ribs,食物質素一般，最好食係個蝦，但係勝在餐廳環境一流，預早book枱仲可以坐係窗邊，一望出去就係好靚嘅夜景，都幾有情調。因為係生日嘅緣故，一班員工仲會同你唱歌慶祝，全場人都會知道你生日，個感覺其實有啲尷尬，但係個經驗都幾難忘同特別嘅，慶祝生日嘅話呢間餐廳都推薦！

因為聖誕假期關係，我不停要求老公去街拍拖🤣老公怕左我，所以突然話去山頂行下，好耐冇去喎😏我梗係求之不得啦然後上到山頂，遊走拍照跟住去到影3D嘅角落，之後再上到三樓發現有呢間餐廳嘅環境好正喎就同左老公入去可惜我地都坐唔到靠近落地玻璃個邊不過都Okay嘅跟住我地order 左個沙律，同軟榖蟹蝦拼薯條我覺得個沙律加左脆卜卜，囗感不錯但個炸筒，我略嫌炸得濟🙈而且個菜絲沙律冇乜沙律醬，有D失望另外我個杯士多啤梨沙冰，都不錯但我覺得個杯勁閃嘅杯底，都幾得意

想試山頂阿甘蝦餐廳好耐~發現原來Klook長期有做佢既套餐優惠打電話問過餐廳12月27可以照用優惠就買左一份，然後上餐廳網頁預約時間~當日book左下午6點半，6點去到餐廳已經好多人等，所以show左booking no俾前台都要等到6點半先入得~我點左優惠套餐再加一份主食一個小食，自由度大d~食到甜品既時候餐廳見我預約時有寫係生日飯，有4，5個服務員過黎叫我起身，然後搞氣氛叫全場同我唱生日歌，超驚喜!

Bubba Gump Shrimp co.📍山頂 The Peak//🍖Dixie Style Baby Back Ribs 美式秘製豬仔骨配薯條 $238: Ribs好大份 肉質唔乾 可以點另上嘅BBQ sauce😍 而且薯條外脆內軟 另外coleslaw伴碟//🥖Steamed Mussels 香草牛油白酒煮青口 $172: 牛油白酒沾法式麵包非常夾🥰 青口一大桶 好難得出街食冇一隻係壞或者唔食得 新鮮而且肉質質素很高👍🏼//🦐Cajun Shrimp 卡真牛油煎嫩蝦配蒜蓉包 $98: 蒜蓉包沾上cajun sauce非常惹味 辣味令人非常上癮🌶 蝦肉亦鮮嫩彈牙 以appetizer嚟講 份量算頗多//🥗Additional Side: Salad with Ribs +$48

服務態度unfriendly而且not user friendly, 野食等好耐, 味道好一般偏差, 只係serve人多既枱, 燈光好光好影響所謂既夜景, 呢一切如果平食都算, 但比高過average既價錢完全會後悔, 食完冇咩回憶, 已經係大時大節食, 想像唔到平日會點. 一路食場景都好尷尬, 最後係食緊野佢會掃地執垃圾, 旁若無人... 怪唔之得之前睇食評有d人話冇第二次

見到咁多好評所以嚟試下， 食完之後好懷疑點解佢咁多Iike。 因為真係好難食，一坐低嘅時候等咗五分鐘都冇人理，然後舉手想點菜再等十分鐘 。啲嘢又唔係平， 諗住試下嗰燒豬骨 同串燒蝦， 嚟到見到呢啲咁嘅嘢竟然就收我278蚊。 如果好食都唔緊要 ，但係佢啲豬骨好乾又凍， 全部食物都只係微暖，唯一比較好食嘅係 薯條 。但係大佬我畀300蚊唔係為咗食條薯條呀？去麥當勞好過啦！另外叫咗個青口178蚊 ，嚟到食第一啖我頂， 極熟、過熟， 有渣， 鮮味係可以嘅但係食一啖就要吐一次揸， 伏到冇人有！跟住諗住問佢拎杯水，點知一杯要收8蚊 。大佬天寒地凍又畀杯冰水我，係咪有病呀？如果你覺得我講得誇張，我建議你自己去試一次就知我冇講大話。 真係不可一不可再，500幾蚊食完真係背脊骨落。

✨美國特色裝修餐廳——阿甘正傳✨餐廳裝修好靚，懷舊美國特色。飽覽香港太平山山頂景色，落地大玻璃外風景一流。鮮蝦芒果沙律 🦐🥭🥗Yin Yang Shrimp Salad （$155）超好食！芒果汁好開胃好清新🤩，蝦亦都好新鮮，個面煎得好香脆可口。香草牛油白汁煮青口 🥘Steamed Mussels （$172）白酒香草煮海鮮，陣陣牛油嘅香味，但青口好快就凍左，個sauce唔夠creamy。香煎魚柳配薯蓉及龍蝦汁 🐟🦞Jenny's Catch With Lobsters Butter Sauce （$198）有兩塊魚柳，煎到啱啱好香脆嫩滑，個汁勁正，龍蝦味好濃郁 好creamy，配埋薯蓉 食哂所有汁😂😂😂。Strawberry Lemon Light Up （$79）士多啤梨味香濃，仲有士多啤梨果肉，order 呢杯飲品會送一隻閃光杯拎番屋企😁

Happy Friday, 同朋友中午上左山頂Bubba Gump食午飯,天氣天朗氣清,上到山頂更加怡人,但山頂人流唔到,我地walk in Bubba Gump, 都不用等位,我們坐於窗位,香港的景色好靚,坐在山頂睇香港景色,超级正,面對咁靚的美景,什麼野食,也特別好味我地叫左四樣野,有青口、軟殼蟹、燒骨和蝦意粉.各樣野食都好好味,但唔夠熱,而且比較鹹,而青口就比較淡,唔夠creamy. 軟殼蟹好好食,值得推介,但整體都好okay