阿甘蝦餐廳

营业中

休息中

炸野一上菜已經唔係好熱，只係微暖，魚柳超咸薯條唔脆， 呢碟野收$199 未連加一，cocktail 好似藥水咁，呢餐食左差唔多$500伏到喊，純綷食個view唔會有下次喇~

今日系細妹噶生日就帶距黎山頂呢度食飯兼慶祝，提前打電話book好位置，順便講系生日噶話仲有甜品送添！呢度噶view就真系一流啦，可以望到好靚噶夜景，呢度噶食物質素都唔錯噶，特別鐘意炭燒魚柳鮮蝦配檸檬蒜蓉牛油汁！魚肉口感好好而且個汁好香好清新，成個菜都好夾！

今日行山行到上山頂⛰️咁累當然係食返間好既餐廳獎勵下自己啦本身都好中意食美國菜黎到黎間野 裝修勁美國風 好岩影相打卡！雖然我係90後對阿甘唔係好認識除左對阿甘鞋 但係個裝修都好用心好靚個景就更加無敵啦一人食左$300 左右 （冇叫野飲）問佢攞左兩杯水 叫左啤酒🍻蝦桶 有分Garlic味/辣汁味一黎到聞到Garlic 牛油味咁香！ 叫左Garlic所以就中左伏了 千萬不要簡Garlic牛油味呀勁普通 好似自己屋企都整到咁店員好好 聽到我地講就比埋個辣汁我地 即刻叫廚房煮一個汁比我地 幾有心我地想當佢醬咁沾但原來辣汁入面都有勁多牛油 擺左一陣碗野都已經硬哂 冇得沾醬 記住要一黎就撈勻佢！同埋佢要自己損d殼 好麻煩！早知叫炸蝦呀！ 中伏 大家要叫炸蝦🍤另外叫左兩個主菜 兩個都係不過不失 有點似outback既質感不過都好 d蝦係拆左款唔洗損個煎鱸魚都幾好食！ 好夠飽

今日同朋友心血來潮，搭纜車上左黎山頂，嚟咗呢間超級fancy嘅bubba gump。一入到去入邊有好多Forrest Gump同埋其他美國電影嘅poster同埋相，都幾得意呀！我哋就坐咗喺窗邊嘅四人枱，一望出去就望到成個維景！嘩簡直係爽呀。😍😍😍講返正題先，我哋四個人就嗌咗一個青口加麵包，一個豬肋骨，一個onion ring，同埋一個煎魚薯蓉。其實嘢食來講就真係普普通通，啲青口感覺唔算太新鮮，豬肋骨都係過得去啦，個煎魚個人覺得仲有啲overcook。😅不過始終近排市道唔係咁好，啲食材冇咁新鮮都係可以理解嘅。講到尾最緊要都係同一班好朋友食飯，以望住個咁靚嘅維港景食，簡直係人生一大快事啊！😎😎

上次我做嘢去到山頂，肚餓搵嘢食。搵嚟搵去就搵到呢間切合我嘅水平，我記得當期係搵到錢所以食好啲。去到呢間野侍應服務好好，明顯真係有培訓過，但我好似係10點零鐘到，我坐低一陣佢已經Last Call記得20年前我喺附近做嘢，當其時1997年歌舞昇升，整個城市都係不夜城，但當日我只係食物鏈最低層，做就有我份，分享社會成果就無我份，日日係做到零晨兩點的....唔好再離題～哈哈我只係想講10點零鐘，好啦咁我馬上叫嘢食，叫咗漢堡包跟薯條，當然要食阿甘蝦啦，再叫多杯特飲！成$300貴唔貴見仁見智啦，我如果搵到錢，我OK嫁。漢堡包冇得傾非常好食，相反阿甘蝦有啲乾，一食就知冇咁高水平，杯飲品由於我揸車冇飲酒，叫係Mocktail 講認真甜咗啲！已由於甜所以我飲唔到味，我食到中間啲侍應都差唔多收工。去到買單嘅時候冇人理我咁濟，如果蠱惑啲走單都冇人知....當然我唔會咁啦周圍搵個侍應去俾錢講真幾好食，應該會再去！

今次係同同事黎呢間餐廳食嘢。餐廳最出名就係食蝦！所以我地點左佢嘅蝦拼盤！蝦拼盤真係好好味！佢有三個唔同食法，配三款唔同醬汁！d蝦好新鮮好鮮甜！另外我哋都叫咗佢嘅三文魚，三文魚烤得好好味，配上唔同嘅蔬菜，好好味好Fresh!另外我地點咗青口！青口配上白酒同蒜，好好味！加上佢成為望出窗口就係香港嘅景色！同埋果日係平日既中午，我哋去都唔使等位！個侍應態度好好，上菜好快，所以我哋都食得好開心！我哋一定會再來！

難得落完雨 有個藍天 即興去山頂雖然好多遊客 但都無阻欣賞美景因為太肚餓嘅關係，決定係山頂食嘢，雖然有啲貴🤭餐廳有好多位置都有大玻璃可以望到夜景，不過由於餐廳點都光過出面，會反光，難啲可以好清睇到出面，更加係影唔到出面😂如果想影相，日頭嚟會好啲好好彩，店員安排我哋坐係玻璃隔離，有景望其他位置都係睇佢好有外國懷舊風嘅裝飾蝦就有啲貴，退而求其次，揀咗炸魚薯條嚟食，啲炸魚出色就算凍咗，舊炸魚都係脆仲叫左個焗芝士煙肉通心粉，正常另外叫左兩杯嘢飲起初驚中伏上菜果時見到，覺得唔太吸引但飲落都ok一杯係藍莓士多啤梨，一杯係橙士多啤梨香蕉後者味道較佳

母親節上左黎呢度食叫左個啤酒蝦 海撒沙律 芝士通粉 芝士煙肉波 魚柳薯蓉全部都好好味 啲蝦都新鮮唔會莓🙈 連杯野飲都好正芒果檸檬 士多啤梨檸檬 同藍莓檸檬4個人埋單 唔洗1000❗係山頂呢個價錢 望住個景 食咁多野仲要飽 真係唔錯🙈服務員哥哥會好貼心咁問我地啲野食ok嗎同埋一見隻碟清空就好快有人會收走整體幾好 值得推薦😀

很久很久都無上過黎了,,山頂山頂....上次都唔知幾多年前既事..當時年齡小, 剛出黎社會做野時,,賺到個小小錢, 就上黎食生日飯....都真係好耐了....個時仲記得, 如果你同佢地講你生日...佢地會問你個名之後會偷偷送個蛋糕比你佢地好好, 仲會成班WAITER走過來, 之後好SUPRISE咁同你唱生日歌..最搞鬼係唔知會唱幾耐....但總之有驚有喜..唔知依家仲有冇呢...近幾年成了旅遊必到點...多左人來....所以今次特別地搵個平日....咁樣應該會好小小真的又真係好D 無咁多人....係正題時間先喇D同事當然唔同哂喇..哈哈...格局一樣...唔會舊..岩我餐牌又係大大個..好多頁..有排睇...有野飲有野食...清一色外國野. 美國菜!今餐叫左個雞胸 同拼盤....點解叫拼盤因為咩都有D..又唔可以個個都叫...一網打盡既FEEL真係好...不過阿甘蝦餐廳.  主要都係食阿甘蝦....都有牛有豬有雞有魚既....哈哈放心雞肉非常幼滑, 仲有其他醬料跟埋...薯容非常岩溫度..仲有D汁. 食落好好口感拼盤有海鮮, 如果唔食得SPICY既就要注意, ALTHOUGHT唔係個個

「君臨天下」的山頂餐廳🚠⛰️ 小編鍾意假日搵一間既好食、又relaxing既地方chill，如果有埋美景就一流喇！！。而尼間餐廳除左可以享受港島區「君臨天下」既感覺，食物方面都冇令人失望😋。。先上餐湯：羅宋湯酸辣度拿捏得恰到，雖然小編比較鍾意更有味覺刺激既羅宋湯，但整體而言都算足料，配合餐包一齊食，絕對可以喚醒胃口！。。Forrest‘s Seafood Feast 炸蝦拼盤：炸蝦炸得好透！鹽巴份量控制得唔錯，作為一個‘’SaltBabe‘’表示滿意~ 不過醬汁供應可以再多一點（需要問waiter提供醬汁）🍤🍤🍤🍤🍟 。。Shrimper‘s Net Catch：用啤酒煮法烹調既蝦，以銀色啤酒桶盛著，別具特色！作為小菜黎講相當唔錯！啤酒冇搶走蝦既鮮味🦐🦐🦐。。Dixie Style Baby Back Ribs: 必食！尼道菜式係美式煮法既豬仔骨，不過食肉獸可能會唔夠哦，因為骨頭比肉既份量多。不過味道可口，相信醃製既時間充足，同出面食到既豬仔骨or豬肋骨更有餐廳特色。讚！🍖🍖🍖🍖

I love the movie, and I also love this restaurant for its various homages to the film. Not only is it great to be able to flick around a sign that says "Run, Forrest Run", the waiters are also keen to keep the spirit of Forrest Gump alive by singing birthday songs related to the movie if you request one. (I personally didn't like the attention that much but oh well, my friend like it)The food is also very delicious, especially for a themed restaurant. Bubba Gump shows us that even theme restaura

I am very disappointed. When I made the reservation for two, I emphasised it was my friend’s birthday and I wanted to write a Happy Birthday message on the dessert plate. However, when the dessert arrived, there was no message or candles. 🤬🤬🤬

昨晚2月6日到餐廳(有24小時前訂位) 職員一句說不能用就不能用!即使我向他提供apps資料只註明在2月14日 12月24,25,31日不能用,他們仍然態度極差的說不能用! 😤😤😤😤有提供相片顯示了不能用日期

有朋友由外地過來香港旅行，上了太平山頂觀光，午餐我地去左一間美式快餐店阿甘蝦，餐廳起凌霄閣頂層位置，可以一覽全個九龍半島全部景色。Secret Mango Sparkler芒果味濃，帶有陣陣檸檬酸，解渴開胃Forrest Seafood Feast海鮮盛宴，有炸蝦、炸魚、薯波、薯條，有三種醬汁，落些檸檬汁，點埋醬汁幾好食，蝦和魚炸得皮薄香脆，肉質冇霉，味道都唔錯。Steamed Mussels & Clams白酒香草煮海鮮，味道鮮甜，仲有陣陣牛油香味，海鮮都算新鮮，法飽點埋海鮮汁食都幾好味。Scampi linguini蝦新鮮彈牙，配上香草去炒，香口惹味，加埋芝士碎就更香更濃。

前幾日係我生日，男朋友帶我上山頂行下我地下午黎到山頂廣場,一早已經諗好食呢間餐廳我未黎過但係男朋友話呢間好食，我又鍾意食蝦所以一定要黎試下。由於夜晚我地book左食燒肉放題所以只係叫左個蝦同薯條既小食拼盤+兩杯飲品呢間餐廳裝修得好靚😍牆上面放左啲外國餐具都好有特色，餐牌亦設計得有心思。點完野食影下出面風景野食好快就到呢個拼盤有4種蝦，包括有燒蝦同三款炸蝦燒蝦同吉列蝦最好食，另外兩款都ok不過外皮淋左啲啲，但都食得出蝦好新鮮👍🏻薯條都唔錯但唔夠脆，再脆啲就好左面個杯係芒果汁特飲 幾好味 唔太假右面係士多啤梨檸檬特飲 呢杯就好好飲 酸酸甜甜中和下飲完仲可以拎走個閃閃杯返屋企留念好鍾意呢間餐廳，搵日夜晚黎睇住夜晚食一定仲正