阿木台灣麵 (豉油街) (已搬遷) 新店位置

次次去開旺角諗唔到想食咩都會諗起阿木，所以今日都過咗去豉油街分店食晚餐🤤我哋6:20左右去到，門口都已經等緊位喇，果然係人龍店～不過唯一唔好嘅地方係啲位都幾窄吓，我仲要坐近門口，一直都覺得好熱🥵我叫咗最鍾意食嘅麻辣牛肉新竹米粉 ($68)🤩佢個麻辣湯唔算好辣，係一種好熟悉嘅台式麻辣，雖然個面好似有一層辣油，但食落口唔會話好油膩，好鍾意呢隻味🌶最驚人嘅係佢嘅牛肉！睇圖都見到舊牛肉好大塊，總共有五舊咁多！真係食牛肉都食飽🤣而且牛肉好有牛味，煮得非常之淋，超級好食🤤🤤男朋友嗰碗係紅燒牛肉麵 ($65)☺️佢呢個湯底都非常濃味，食完都唔會話好口渴，牛肉同我嘅係一樣，鍾意食辣嘅我就鍾意我嗰個麻辣湯底多啲喇🥰我哋仲加咗個芝士肉鬆蛋餅 ($42)😌呢個蛋餅非常足料，肉鬆多到跌出嚟🤣個餅皮都好軟，好好味😋😋叫咗牛肉麵可以半價加嘢飲，我哋叫咗一杯金鑽鳳梨汁 ($17)🍍雖然叫咗微甜，不過我覺得都係偏甜，佢有啲菠蘿果肉可以咬吓，都幾好飲～阿木真係食幾多次都唔會令我失望😆一定要試吓佢嘅牛肉啊！

上次來起碼都半年前，原因係每次都爆多人排隊。今次來到豉油街分店有飛㩒，變左條隊唔算水蛇春咁長😂紅燒牛肉牛筋麵$69🍜湯底好濃郁，牛肉牛筋好稔，而且食極都仲有😂係令人懷念嘅味道~鹽酥雞便當$54🍱鹽酥雞超正🤤酥脆得來鹹香，食到最後一啖都係好惹味。便當嘅配菜一樣令人食唔停口😝醃蘿蔔$22🥕22蚊嘅份量兩個人都食唔曬😂食幾啖麵又食幾條蘿蔔，開胃又爽脆

返學前當然要搵地方先醫肚! 路經阿木, 次次都好多人排隊, 今次未到晚飯時間, 唔駛等, 正’s💃! 門口貨架多咗好多新貨, 有🍍鳳梨酥又有🐷豬肉條, 仲有多款不同味道, 選擇困難症呢…🤔🍖炸排骨便當 HK$56 ~ 平時好少食飯, 一於來個便當! 🍖排骨好大好厚, 外皮炸得超香脆, 咬落流出滿滿肉汁, 滷肉碎好滑唔嚡口, 唔會好油膩, 讚! 👍🐖台式炸大腸 HK$39 ~ 超香脆! 乾淨又炸得乾身, 唔會食落一口油, 肉質煙煙靭靭, 送酒應該會再開心啲! 如果唔係要返學一定再買個外賣! 😂🤣🍋台式檸檬紅茶 HK$12 ~ 可以選少甜少冰, 部份更可選無甜! 🌶要推介一下個自家製麻辣醬, 超級香! 

終於有機會再食到喇🤤🤤! 平時經過都超多人排隊, 又成日唔記得先攞飛, 今次早早哋避開繁忙時間, 唔駛排! 💃🐄紅燒牛肉牛筋麵 HK$69 ~ 期待已久…牛肉勁厚, 入口即化! 牛筋好大件, 好軟滑, 滿滿的骨膠原, 好滋補! 湯底濃而無味精, 麵身爽口彈牙, 好滿足! 🧀芝士肉鬆蛋餅 HK$42 ~ 最愛沒有之一, 餅皮超滑身, 又薄, 包裹滿滿肉鬆, 咸咸甜甜, 再搭配淡淡的芝士, 幾飽都食得晒! 🥤芝士岩鹽奶蓋四季春青茶 HK$19 ~ 最後來一杯青茶, 中和牛肉麵濃湯的味道, 奶蓋唔會好厚, 感覺無咁邪惡! 🤩走到門口見到好多貨品, 買包豬肉條止止台灣夢, 久遺了的味道, 幾時可以去台灣呢?

每次經過阿木台灣牛肉麵，出面係一定排好多人，所以有時都無耐性去嘗試下呢間出名的台灣餐廳。咁今個星期六就去睇睇出面有無人排隊（大概下午4:30）到餐廳。下一張就到我地入座，終於可以試試佢係點。坐低位置係比較窄，我都習慣了沒有特別期望。我地點了牛筋牛腩麵、我想讚下牛筋同牛腩係好林身，一咬口係會好爽滑感覺。湯汁係濃郁而可口既，所以食哂成碗都未必夠飽，大家可以嘗試一下牛筋牛腩麵，的而且確好吸引，同埋要飲下湯汁，會係另一個層次。

聽人講得多，終於的起心肝黎排隊食。等左40分鐘，坐低叫左紅燒牛肉麵，肉鬆蛋餅，排骨肉燥飯同奶蓋烏龍。個牛肉麵個扁面完全唔得，湯汁入唔到個底裏面，而牛肉係腥既。排骨肉燥飯既排骨皮肉分離，肉燥飯屬普通之作。唯一可算接受既係蛋餅同杯野飲，但值唔值得排咁奈隊去呢，大家可以諗諗。黃店係加分之處，但感覺名聲過大，比我再食台灣野會揀尚青。

坦白講，要喺香港食到高質嘅台灣牛肉麵有啲難，曾經試過一間台灣過江龍覺得好難食又唔抵食.. 今次嚟到咁多人讚嘅阿木，忍唔住親自試吓佢嘅招牌牛肉麵，想知其他人係咪盲讚😏🌟紅燒牛肉牛筋麵 $69 見到個賣相有好多蔥同埋酸菜，湯嘅顏色又似模似樣，對它的期望很高🤫呷一呷頭啖湯，係似曾相識嘅台灣牛肉麵濃湯！試一試麵條，有咬口，然後再試一啖牛肉，肉質嫩滑、軟淋，真係高質！🙀牛筋都唔錯。而且佢超多舊牛，起碼有六七件。好喜歡💛不過一路食一路飲咗好多湯，返到去好口渴😹🌟炸甜不辣$29 每塊都沾滿椒鹽、炸粉非常薄，好香脆又煙韌，好有台灣夜市嘅味道😭很喜歡💕而且份量啱啱好🌟麻辣牛肉牛筋麵$69 友人說很麻但不太辣，真的很不錯不過食完返到去都係好口渴🌟凍白桃紅茶 $17驚喜位係有白桃果肉咬下，但少甜咗都係偏甜 總括牛肉麵真係高水準，可以encore👏🏼👏🏼👏🏼暫時係心目中嘅全港top 3 台灣牛肉麵🏆甜不辣都好出色好滿意，係🥇，因為比左夜市嘅回憶我，非常滿足🥰大家記得一定要用app攞定飛味道： 9/10性價比： 9/10 📍 阿木台灣麵 (豉油街)旺角豉油街60-102號鴻都大廈地下3-4號舖旺角有兩間分店

懷念台灣小吃，上網查到呢間咁多好評，就來朝聖… 📌d檯密到行都驚掃跌人嘅食物📌牛肉麵牛肉多到食唔曬🤣🤣所以menu有得揀「少肉」，人地第一次來唔知嘛，下次必須少肉囉🤣🤣📌黑糖珍珠奶茶，如果條飲筒粗返dd會和諧d，下下嘬唔到好掹憎🙈📌鹽酥雞、花枝丸… 只能講不過不失📌香腸，太乾📌冬瓜茶，淡到呢… 📌梅子綠茶（佢唔係叫呢個名，不過我冇相機先食嘅習慣，所以唔記得佢叫乜）太鹹，冇茶味📌肉鬆蛋餅，太太太多肉鬆，各人覺得唔好食整體來講，我覺得鐵x好食d…

今日去開旺角行街，知道有一間台灣野，平時想食都要排半個至一個鐘，次次去都好多人，今日第一次嚟食，期待咗好耐，冇得去台灣旅行，唯有食返啲台灣嘢食安慰下自己。麻辣牛肉牛筋麵 $69阿木台灣麵聽講最出名就係佢嘅牛肉麵，今次特登嚟食咗個麻辣牛肉牛筋面，佢嘅牛肉真係又大件又好食，炆得好林，有兩大塊牛肉，牛筋亦都好林，牛肉味好重，佢嘅面亦都好彈牙，整體來講好高質。炸甜不辣 $29甜不辣唔會炸得太油，作為小食幾唔錯，份量都足夠，價錢來講亦都唔算太貴。蜜桃烏龍 $28食咗咁多嘢，天氣又咁熱，梗係要叫番杯凍飲，我就揀咗一杯無糖嘅冷泡蜜桃烏龍，飲後有少少回甘。

前幾日好想食阿木台灣麵，於是趁星期日用gulu app拎定飛先，就唔洗排咁耐啦。番茄牛肉麵 $65呢到嘅牛肉麵有三款湯底揀，分別係紅燒、麻辣同埋番茄。感覺上番茄比較健康，所以我就揀左呢款啦。番茄酸酸甜甜好開胃，湯底極濃郁。麵嘅份量好多，點知原來牛肉嘅份量更多。牛肉有四至五大件，每件都好大好厚身，牛肉煮得好軟淋又入曬味，正。芝士玉米蛋餅 $40蛋餅入面捲到層層相間，有一層層蛋、餅皮、芝士同埋粟米。芝士份量好多好濃郁，餅皮撈左蔥之後好香。蜜桃烏龍冷泡茶 +$14唔想飲有糖嘅飲品，飲冷泡茶就最啱啦。跟餐只係要加$14就有，幾抵飲。蜜桃味都幾出，飲落清香。

阿木台灣麵，人氣旺盛，經常排長龍🙈但聽說份量很足，用料不差，而且店舖也有不台灣乾貨美食等售賣，如麻辣鴨血，阿木豬腳，伴麵等….嘆完美食可以shopping 台灣乾貨回家再品嚐🤣雖然要排隊，但流轉也很快，所以也不用等太久！台灣紅燒牛肉麵，加入了酸菜，所以湯底有少少酸，但醒胃（不喜歡的，可以走酸菜啊）而且很夠熱和飲完也不會覺得口渴👍🏻牛展份量不少，又夠厚身，煮得很軟念，入口即化！小食鹽酥雞，炸粉漿剛好，外脆肉嫩，不會太乾鞋口👍🏻仙草奶茶，仙草份量夠多，茶香味濃！喜歡仙草必點！

今日終於去食咗位於旺角近新寶戲院附近的「阿木台灣麵」，其實之前已經經過好幾次了。但因為人太多，排隊需時，所以沒有入去…直至今次經過見，剛好有位，於是乎就入去食完先回公司✌️麻辣牛肉牛筋麵，份量真係估唔到咁大🙈除了麵底足，主角牛肉大件又厚，牛筋粗到吖🙈口感又腍又惹味🤤麻辣湯底夠香帶少少辣！肉鬆蛋餅，餅皮唔太厚而且跟蛋黏在一起，夾起來一齊食也唔會散開👍🏻而且肉鬆毫不吝嗇🤣🤣塞爆的，咸香味濃！黑糖珍珠鮮奶，珍珠夠多夠煙韌👍🏻

今日約左個朋友去旺角，心思思想食台灣野，見到阿木台灣麵係豉油街開左分店就決定食佢。我地都好肚餓，所以叫左紅燒牛肉牛筋麵，麻辣肉燥拌麵，芝士肉鬆蛋餅同埋梅子地瓜條。紅燒牛肉牛筋麵好好食，個湯有啲牛骨藥材味，飲得出煲左好耐，個麵唔會好腍，而牛筋牛肉分量都好多，食完都飽左一半。麻辣肉燥拌麵好足料好多肉燥，每一啖都有好多肉燥好好食，個麻辣味好出又唔會太辣。睇圖都見到蛋餅啲肉鬆多到一夾就漏晒出黎，肉鬆，芝士同埋蛋好夾，一齊食真係好好食。地瓜條外脆內軟，地瓜好靚好甜，而梅子粉亦令到佢酸酸地無咁膩。

我好鍾意去台灣㗎，放咗工行過經過旺角豉油街見到有好多嘢賣喎😍尋晚全部都係台灣嘢，有鳳梨酥、豬肉條😍仲有好多隻味添😋買返屋企食都正呀😍原來佢係間餐廳嚟㗎😍😍可以食台灣嘢Yeah 好耐冇食台灣滷肉飯啦😛入去坐低食一碗先☺就叫個炸排骨便當啦58蚊加多個小食先😋就叫家傳鹽酥肉38蚊正呀😍 排骨便當配埋滷肉飯， 個肉燥飯好好味㗎不少少肉燥加埋啲飯啫跟住加啲菜脯粒好正㗎👍真係好好味🤩 個炸豬扒脆卜脆卜卜裏面好juicy好有台灣風味呀 🎊 加埋杯黑糖珍珠奶茶 perfect快啲去試下😍冇得去旅行都好似去咗旅行咁嘅感覺啦🥰😍🤩

蕃茄牛肉牛筋麵必食之選！order左一碗遠近馳名的蕃茄牛肉牛筋麵，心諗肚餓應該吾夠食，但麵一上枱大碗到嚇親，湯底超級濃郁，佢哋枱面上分別有一樽麻辣醬，香辣惹味，食得辣不防可以自己加辣👍🏻👍🏻 台灣的牛肉就是香港的牛𦟌，嘩嘩嘩！除左份量勁多之外，佢d牛𦟌就是厚到一個點！牛筋也至少有五六條👍🏻👍🏻牛筋牛𦟌炆到剛剛好，有咬口又夠淋👍🏻👍🏻 台灣小香腸阿木的台灣小香腸+至愛的生蒜片！一片蒜加一口腸，令腸仔口感外加一點天然微辣，簡直人間天堂！特別推介：店舖外邊也擺放左大大小小的台灣名物售買的，如台灣Q餅、麥香茶等等，小編等位期間，目測至多人光顧的，就是阿木鳳梨酥和阿木台灣豬肉條，尤其蜜汁和岩燒味，見佢哋係咁掃，我都忍唔住手入了兩包😋👍🏻👍🏻