阿木台灣麵 (豉油街)

营业中

休息中

呢間好多食評讚好，但之前lunch hour經過，見到太多人，所以食唔到。今日有家人嚟搵我食飯，幫手㩒定飛，終於有機會試吓（但之後發現原來有「咕嚕」拎飛apps.......）服務：等咗半個鐘，終於叫到我籌號，埋到去叫飛姐姐話執緊張枱，叫我俾個傷心出痕佢睇，之後又叫我等等，點知一等就又十分鐘，又唔敢行開，門口乾煎。十分鐘後又叫咗我之後張飛，同佢講完，先好似屈佢咁，好不情願要我再俾多次個傷心出痕佢睇，唉，明明心情大好都俾金魚記憶接待姐姐搞到火都嚟埋！環境：鋪入面都幾逼，要攝入枱罅先坐到埋邊個座位，而且冷氣好弱，我仲以為自己二十歲就更年期，室內都爆汗。食物：叫咗個紅燒牛肉麵餐（片切）牛肉好大塊，仲有四大件，其中2塊好鬆好入味，但另外2塊就好硬，唔入味，咬唔開。品質唔太穩定，跟餐飲檸檬四季春，不過不失，冇乜特別另一個餐係鹽酥排骨肉燥拌麵排骨（即係豬扒）炸得唔錯，唔油膩，但咬落冇乜肉味，應該係乸得過咗少少龍。肉燥拌麵唔錯，肉燥唔肥，冇見到一大陀油喺面，但又唔會好乾柴，夠味！跟餐熱冬瓜茶（少甜）不過不失。總括嚟講，呢間可以一試，食完餐飯都口乾。而呢個價錢同質素嚟講都可以一試。但如果再用半個鐘排隊

首先，記得用GULU攞飛，唔好去到門口先話：係喎，唔記得。好彩今次星期日3點幾不算多人排隊。其實食物種類不算多，但專注做幾樣就反而樣樣都好食。同時不用傷腦筋。紅燒牛肉麵必吃，牛肉4大塊，又厚又腍，腍得嚟又有口感，湯底濃郁，酸菜又多，解膩開胃。蛋卷必吃。尤其欣賞它的外皮，軟硬度做得好好，而且是薄皮，包住雞蛋好香好軟。今次單叫了肉鬆味，非常之多肉鬆，味道非常好。家傳鹽酥肉，有肉汁，不厚粉，不油膩，好大碟。還點了冇影相的仙草凍奶茶少甜，茶味奶味充足，仙草是一大舊不是一條條，啜唔到，要用匙羹吃，好滿足。

-我係阿木嘅fans, 大家都應該有聽過佢嘅牛肉麵，我都有食過，今日就主要講下佢嘅下午茶，每逢星期一至五都會mon住佢嘅下午茶時間，因為與其買杯奶茶，食佢嘅下午茶仲抵，所以都已經食哂佢4個餐嘅menu午市🍜紅燒牛肉麵（片切） $58 (9.5/10)牛肉比得好多，片切仲要超大塊又夠厚，呢個牛肉麵仲好食過我喺台灣食嘅😂，性價比超高，麵質好好咬，同拌麵一樣嘅麵質-下午茶🍚肉燥飯 $36 (9.5/10)肉燥比得好多，超好食，份量又夠飽肚🍜麻醬乾拌麵 $36 (8/10)佢個麻醬係熱，個麵幾有咬口、配青瓜嘅感覺幾新鮮，不過我食開辣，又好鍾意阿木嘅辣醬就會喺枱面拎啲辣醬係咁落☺️，因為佢個醬唔辣得嚟，好好食，我以前有買過佢啲辣醬返屋企打邊爐用🍜麻辣乾拌麵 $36 (7.5/10)佢係冇落麻醬，剩係落左枱面嘅辣醬版嘅乾拌麵，辣醬都比得好多，我鍾意麻醬嗰隻、再自行調節辣度，如果十小辣都食唔到嘅朋友、應該食唔到呢隻嘅辣度🍜新竹肉燥湯米粉 $36 (7/10)佢比左好多米粉，湯上面比左啲肉燥同埋蔥，個湯其實幾好食，肉燥味落得唔夠多，但我自己覺得配麵可能會好食啲跟餐包3款小食，除左小黃瓜同埋花生麵筋我都有

絕對係我既飯堂之一～每逢中午就大排長龍，幸好可以在The Gulu拎飛，可以節省等候時間☺️✨午市套餐❀ 麻醬拌麵便當依個set係必試！可選擇配台灣腸、鹽酥雞、炸排骨或鹽酥肉。每次都係揀左最愛既鹽酥雞，因為炸粉薄又香脆，無平時食開既咁油膩，而且雞肉好嫩滑又唔會太咸，味道好好！拌麵有好多麻醬，食落充滿麻醬香，上面更加入青瓜絲～而且套餐還有三款拌菜及飲品，好抵食呢！❀ 芝士肉鬆蛋餅另一個必叫item就係蛋餅，份量多又好食！蛋餅皮薄餡多，入面有蛋、肉鬆及芝士，特別以爆多肉鬆為重點！味就香口鬆軟，推介～

中午去到舖頭，已經見到有一堆人等緊入去，大約20分鐘後，成功入座。今次我哋叫咗麻辣牛肉牛筋麵 和 紅燒牛肉牛筋麵！($69/碗)食得牛肉麵都知湯底先係靈魂，所以嚟到嘅時候，第一時間試啖湯先！一試不得了，湯底香濃，有少許藥材香氣，唔似坊間果啲牛肉麵湯底咁用膏開出嚟！而愛辣嘅朋友推薦你哋試下叫麻辣味，種辣唔會辣到食唔到，帶少少麻嘅感覺，好有趣！牛肉真心推介，切得夠厚，而且牛𦟌中嘅筋腱好軟熟，好好食！

次次去開旺角諗唔到想食咩都會諗起阿木，所以今日都過咗去豉油街分店食晚餐🤤我哋6:20左右去到，門口都已經等緊位喇，果然係人龍店～不過唯一唔好嘅地方係啲位都幾窄吓，我仲要坐近門口，一直都覺得好熱🥵我叫咗最鍾意食嘅麻辣牛肉新竹米粉 ($68)🤩佢個麻辣湯唔算好辣，係一種好熟悉嘅台式麻辣，雖然個面好似有一層辣油，但食落口唔會話好油膩，好鍾意呢隻味🌶最驚人嘅係佢嘅牛肉！睇圖都見到舊牛肉好大塊，總共有五舊咁多！真係食牛肉都食飽🤣而且牛肉好有牛味，煮得非常之淋，超級好食🤤🤤男朋友嗰碗係紅燒牛肉麵 ($65)☺️佢呢個湯底都非常濃味，食完都唔會話好口渴，牛肉同我嘅係一樣，鍾意食辣嘅我就鍾意我嗰個麻辣湯底多啲喇🥰我哋仲加咗個芝士肉鬆蛋餅 ($42)😌呢個蛋餅非常足料，肉鬆多到跌出嚟🤣個餅皮都好軟，好好味😋😋叫咗牛肉麵可以半價加嘢飲，我哋叫咗一杯金鑽鳳梨汁 ($17)🍍雖然叫咗微甜，不過我覺得都係偏甜，佢有啲菠蘿果肉可以咬吓，都幾好飲～阿木真係食幾多次都唔會令我失望😆一定要試吓佢嘅牛肉啊！

上次來起碼都半年前，原因係每次都爆多人排隊。今次來到豉油街分店有飛㩒，變左條隊唔算水蛇春咁長😂紅燒牛肉牛筋麵$69🍜湯底好濃郁，牛肉牛筋好稔，而且食極都仲有😂係令人懷念嘅味道~鹽酥雞便當$54🍱鹽酥雞超正🤤酥脆得來鹹香，食到最後一啖都係好惹味。便當嘅配菜一樣令人食唔停口😝醃蘿蔔$22🥕22蚊嘅份量兩個人都食唔曬😂食幾啖麵又食幾條蘿蔔，開胃又爽脆

返學前當然要搵地方先醫肚! 路經阿木, 次次都好多人排隊, 今次未到晚飯時間, 唔駛等, 正’s💃! 門口貨架多咗好多新貨, 有🍍鳳梨酥又有🐷豬肉條, 仲有多款不同味道, 選擇困難症呢…🤔🍖炸排骨便當 HK$56 ~ 平時好少食飯, 一於來個便當! 🍖排骨好大好厚, 外皮炸得超香脆, 咬落流出滿滿肉汁, 滷肉碎好滑唔嚡口, 唔會好油膩, 讚! 👍🐖台式炸大腸 HK$39 ~ 超香脆! 乾淨又炸得乾身, 唔會食落一口油, 肉質煙煙靭靭, 送酒應該會再開心啲! 如果唔係要返學一定再買個外賣! 😂🤣🍋台式檸檬紅茶 HK$12 ~ 可以選少甜少冰, 部份更可選無甜! 🌶要推介一下個自家製麻辣醬, 超級香! 

終於有機會再食到喇🤤🤤! 平時經過都超多人排隊, 又成日唔記得先攞飛, 今次早早哋避開繁忙時間, 唔駛排! 💃🐄紅燒牛肉牛筋麵 HK$69 ~ 期待已久…牛肉勁厚, 入口即化! 牛筋好大件, 好軟滑, 滿滿的骨膠原, 好滋補! 湯底濃而無味精, 麵身爽口彈牙, 好滿足! 🧀芝士肉鬆蛋餅 HK$42 ~ 最愛沒有之一, 餅皮超滑身, 又薄, 包裹滿滿肉鬆, 咸咸甜甜, 再搭配淡淡的芝士, 幾飽都食得晒! 🥤芝士岩鹽奶蓋四季春青茶 HK$19 ~ 最後來一杯青茶, 中和牛肉麵濃湯的味道, 奶蓋唔會好厚, 感覺無咁邪惡! 🤩走到門口見到好多貨品, 買包豬肉條止止台灣夢, 久遺了的味道, 幾時可以去台灣呢?

每次經過阿木台灣牛肉麵，出面係一定排好多人，所以有時都無耐性去嘗試下呢間出名的台灣餐廳。咁今個星期六就去睇睇出面有無人排隊（大概下午4:30）到餐廳。下一張就到我地入座，終於可以試試佢係點。坐低位置係比較窄，我都習慣了沒有特別期望。我地點了牛筋牛腩麵、我想讚下牛筋同牛腩係好林身，一咬口係會好爽滑感覺。湯汁係濃郁而可口既，所以食哂成碗都未必夠飽，大家可以嘗試一下牛筋牛腩麵，的而且確好吸引，同埋要飲下湯汁，會係另一個層次。

聽人講得多，終於的起心肝黎排隊食。等左40分鐘，坐低叫左紅燒牛肉麵，肉鬆蛋餅，排骨肉燥飯同奶蓋烏龍。個牛肉麵個扁面完全唔得，湯汁入唔到個底裏面，而牛肉係腥既。排骨肉燥飯既排骨皮肉分離，肉燥飯屬普通之作。唯一可算接受既係蛋餅同杯野飲，但值唔值得排咁奈隊去呢，大家可以諗諗。黃店係加分之處，但感覺名聲過大，比我再食台灣野會揀尚青。

坦白講，要喺香港食到高質嘅台灣牛肉麵有啲難，曾經試過一間台灣過江龍覺得好難食又唔抵食.. 今次嚟到咁多人讚嘅阿木，忍唔住親自試吓佢嘅招牌牛肉麵，想知其他人係咪盲讚😏🌟紅燒牛肉牛筋麵 $69 見到個賣相有好多蔥同埋酸菜，湯嘅顏色又似模似樣，對它的期望很高🤫呷一呷頭啖湯，係似曾相識嘅台灣牛肉麵濃湯！試一試麵條，有咬口，然後再試一啖牛肉，肉質嫩滑、軟淋，真係高質！🙀牛筋都唔錯。而且佢超多舊牛，起碼有六七件。好喜歡💛不過一路食一路飲咗好多湯，返到去好口渴😹🌟炸甜不辣$29 每塊都沾滿椒鹽、炸粉非常薄，好香脆又煙韌，好有台灣夜市嘅味道😭很喜歡💕而且份量啱啱好🌟麻辣牛肉牛筋麵$69 友人說很麻但不太辣，真的很不錯不過食完返到去都係好口渴🌟凍白桃紅茶 $17驚喜位係有白桃果肉咬下，但少甜咗都係偏甜 總括牛肉麵真係高水準，可以encore👏🏼👏🏼👏🏼暫時係心目中嘅全港top 3 台灣牛肉麵🏆甜不辣都好出色好滿意，係🥇，因為比左夜市嘅回憶我，非常滿足🥰大家記得一定要用app攞定飛味道： 9/10性價比： 9/10 📍 阿木台灣麵 (豉油街)旺角豉油街60-102號鴻都大廈地下3-4號舖旺角有兩間分店

懷念台灣小吃，上網查到呢間咁多好評，就來朝聖… 📌d檯密到行都驚掃跌人嘅食物📌牛肉麵牛肉多到食唔曬🤣🤣所以menu有得揀「少肉」，人地第一次來唔知嘛，下次必須少肉囉🤣🤣📌黑糖珍珠奶茶，如果條飲筒粗返dd會和諧d，下下嘬唔到好掹憎🙈📌鹽酥雞、花枝丸… 只能講不過不失📌香腸，太乾📌冬瓜茶，淡到呢… 📌梅子綠茶（佢唔係叫呢個名，不過我冇相機先食嘅習慣，所以唔記得佢叫乜）太鹹，冇茶味📌肉鬆蛋餅，太太太多肉鬆，各人覺得唔好食整體來講，我覺得鐵x好食d…

今日去開旺角行街，知道有一間台灣野，平時想食都要排半個至一個鐘，次次去都好多人，今日第一次嚟食，期待咗好耐，冇得去台灣旅行，唯有食返啲台灣嘢食安慰下自己。麻辣牛肉牛筋麵 $69阿木台灣麵聽講最出名就係佢嘅牛肉麵，今次特登嚟食咗個麻辣牛肉牛筋面，佢嘅牛肉真係又大件又好食，炆得好林，有兩大塊牛肉，牛筋亦都好林，牛肉味好重，佢嘅面亦都好彈牙，整體來講好高質。炸甜不辣 $29甜不辣唔會炸得太油，作為小食幾唔錯，份量都足夠，價錢來講亦都唔算太貴。蜜桃烏龍 $28食咗咁多嘢，天氣又咁熱，梗係要叫番杯凍飲，我就揀咗一杯無糖嘅冷泡蜜桃烏龍，飲後有少少回甘。

前幾日好想食阿木台灣麵，於是趁星期日用gulu app拎定飛先，就唔洗排咁耐啦。番茄牛肉麵 $65呢到嘅牛肉麵有三款湯底揀，分別係紅燒、麻辣同埋番茄。感覺上番茄比較健康，所以我就揀左呢款啦。番茄酸酸甜甜好開胃，湯底極濃郁。麵嘅份量好多，點知原來牛肉嘅份量更多。牛肉有四至五大件，每件都好大好厚身，牛肉煮得好軟淋又入曬味，正。芝士玉米蛋餅 $40蛋餅入面捲到層層相間，有一層層蛋、餅皮、芝士同埋粟米。芝士份量好多好濃郁，餅皮撈左蔥之後好香。蜜桃烏龍冷泡茶 +$14唔想飲有糖嘅飲品，飲冷泡茶就最啱啦。跟餐只係要加$14就有，幾抵飲。蜜桃味都幾出，飲落清香。