阿木台灣麵 (豉油街)

营业中

休息中

太挂住台灣，約埋朋友要食台灣野首選梗係阿木~~建議大家食之前一個鐘就可以上GULU伶飛因爲真係好多人等位阿木有賣台灣特產，等位期間可以睇睇有無心水呢個鳳梨酥係用左金鑽鳳梨，睇到已經流曬口水端午節就快到，買左d粽返屋企孝敬媽媽仲有d水果乾，好多不同味道選擇買到好似去左一轉台灣咁紅燒牛肉牛筋麵 $69+$3 轉手工關廟麵分量超多的！兩個女仔share一碗都無問題！手工關廟麵比想象中沒那麽煙靭，屬於比較軟身的麵身寬大，挂湯能力高, 值得一試起碼有五大塊牛肉同牛筋食到最後都仲有肉牛肉極厚身，炆得入味，一咬就化牛筋都好軟，濃濃骨膠原！推介一定要加他們的麻辣醬！完全將味道升華！辣而不膩！但超級香濃同個牛肉湯很夾鹽酥鷄 $38即炸很香口!臺面有鹽酥鷄味粉，可以自由加，仲可以買回家雞肉不老，裏面還鎖住肉汁芝士玉米蛋餅 $40餡料豐富，蛋皮加埋d特調醬汁，入口很和諧味道很豐富飽腹感很強芝士岩鹽奶蓋四季青春茶 $38 如果用透明杯應該會見到好靚既漸層！味道都頗正宗奶蓋濃厚青春茶解膩一流！整體性價比高，終於明白點解咁多人捧場！正！

看了飲食雜誌介紹，今天專誠到旺角阿木一試，點了一碗台灣紅燒牛肉麵和炸大腸。紅燒牛肉麵賣相相當吸引，大大碗，有五至六片成cm厚的紅燒牛肉，絕對有誠意，可惜太淡口，而湯底亦無法掛汁。相比之下麵份量較少，食到後期牛肉無法感動味蕾。炸大腸口感不錯，熱辣辣新鮮炸出嚟，可惜沒有醬汁或椒鹽跟上，味道略嫌寡。店內環境比較逼夾，枱與枱之間走動有困難。

上星期日要去㕵角睇戲，所以去咗嗰邊覓食，就揀咗想食好耐嘅阿木台灣麵。我哋唔知道原來可以用The Gulu攞定飛，去到拎咗82號飛，當時叫飛叫到64號。本來都好擔心會食唔切，點知中間叫咗好多張飛都無人應🤪最後我哋等咗大概10分鐘就可以入座啦☺️主食同飲品方面，我揀咗紅燒牛肉牛筋麵同金鑽鳳梨汁，老公就揀咗鹽酥雞便當同珍珠奶茶。我哋仲揀咗台灣小香腸同台式炸大腸做小食。牛肉牛筋麵有兩大舊牛肉同兩舊牛筋，牛肉煮得好稔，口感唔錯！麵係幼身嘅麵，質感普通，幼麵唔係好吸到湯🙈我都係鍾意粗麵多啲，早知加3蚊轉粗手工關廟麵。湯底唔算好濃味，味道不過不失，值得一讚係食完唔會口渴！鹽酥雞啲雞肉就比較乾，質素一般。小香腸啲邊煎到有啲香脆，加埋啲蒜片好好味😋（好彩而家戴住口罩，食咗蒜都唔怕臭親人🤪）大腸外皮炸到脆卜卜，夠哂邪惡香口☺️仲記得嗰日天氣好熱（係有記錄以來最熱5月☀️🔥），好彩有杯金鑽鳳梨汁解吓渴🙈鳳梨汁入面有啲鳳梨肉，味道好清新☺️ 可能因為天氣實在太熱，舖頭嘅冷氣唔係好夠，就算店入面已經開哂風扇，都食到身水身汗💦怕熱嘅人士去食就可能辛苦啲啦🙈

旺角超人氣店阿木台灣麵，久仰大名，就算喺隔離街開咗分店，人潮依舊旺盛，等位閒閒哋要一粒鐘以上。早排趁臨收工人流好似少啲啲（其實邊有少吖😂😂😂），終於有機會一試。聽講鹽酥雞便當好好食，本來想叫，不過睇餐牌見到另一項推介鹽酥肉便當，好似比較少見，於是決定食呢個。便當可揀多飯及多肉燥，我當然揀多肉燥😁。當日三款配菜係滷蛋，辣菜脯同花生麵筋，我最鍾意麵筋，甜甜哋又夠 juicy，好入味😋。主角鹽酥肉炸得香口得嚟粉漿又唔會太厚，入面嘅肉質依然保持嫩滑，唔錯👍，不過調味比一般台灣食店輕手，感覺淡口咗少少，呢個時候，枱面嘅鹽酥雞調味粉就大派用場喇，灑少少上面，味道當堂得以提升，變得好滋味😍。

⭐️良心台灣菜⭐️⭐️旺角黃店⭐️阿木台灣麵 (豉油街)地址: 豉油街60-102號鴻都大廈地下3-4號舖🍖麻辣肉燥拌麵 $43 (8/10)唔好睇佢上碟嘅樣好似冇乜色水咁，其實撈埋就會好似圖2咁濃🤣首先好欣賞佢嘅麵，係我最鍾意食嘅台灣麵，又唔會煮到太過淋，有咬口得黎都幾掛汁🍖佢嘅肉燥係厚切粒狀，滷到極深色，十分入味👍🏻 🍖金桔檸檬四季春 $24 (9/10)🌟好好味🌟好有驚喜嘅一杯野飲！金桔檸檬同四季春好夾好清爽，你會忍唔住將佢幾啖就飲曬🤣🍖麻辣牛肉麵 $65 (7.5/10)湯頭都幾正，略帶藥材味，飲完個口麻麻地幾過癮，麵質就同拌麵嘅一樣，佢隨湯仲附送好多酸菜，唯一可惜嘅係牛展煮到太淋同冇咩味🍖炸甜不辣 $29 (9/10) 🌟好好味🌟佢炸到甜不辣嘅外層好酥脆，食落內裏軟糯有咬口同帶有一絲魚味，朋友形容好似食緊年糕咁😂我就覺得係一個好食嘅炸魚板🤣下次經過會想淨係外賣一份炸甜不辣黎食🍖鹽酥雞 $38 (7/10)每次叫份量都少到可憐，得8舊，除返開每舊接近$5🤣味道不過不失，應該唔會再嗌🍖芝士玉米蛋餅 $40 (7/10)朋友覺得好好食，煙韌控嘅我就唔鍾意佢嘅蛋餅毫無咬口，食落好似一pat野

今日係旺角行街行到有d肚鋨，就在附近找吓有乜啱食順便休息一吓記得朋友介紹過有間台灣麵好正，一於就找呢間店試吓先去到見到呢間店門囗企左幾多人應該唔差而且都係我幾喜歡嘅台灣美食，一於攞籌入去試吓先，不過要等左30分鐘先可以入座在門囗等候期間見佢哋都有好多自家製嘅物品和台灣直送產品售賣入座後我即刻選左個：蕃茄牛肉麵、滷水豬耳，還叫左杯金鑽鳳梨汁蕃茄牛肉麵：牛肉有分（角）切和（片）切，本來選左（角）切，但話賣晒，（角）切原來係用唔同部位嘅牛，餐牌上有講解，另外我轉左關廟麵，麵質煙煙靭韌，貪佢夠寛掛汁，有五塊厚厚嘅牛展食落軟腍冇根，另外蕃茄湯底好香濃好好味加埋個酸菜和蒽一齊食，超正！滷水豬耳：切得細細條，入口方便，豬耳入晒味，爽脆得來腍腍地金鑽鳳梨汁：入囗清甜滋潤，還有鳳梨粒增加口感，夏天熱辣辣，飲完暑氣全消

🇹🇼自從上一次去台灣旅行以後，我一直都好掛念台灣的地道牛肉麵。我一知道在旺角人氣高企的阿木台灣麵在👉🏻豉油街👈🏻開了分店，就已經很想衝著人潮而去。不過幸運的我在平日下午4、5點的時候才去，剛巧避開了中午的黃金peak hour，竟然不用等很久就能入座嘿嘿(^O^)。終於能夠試到招牌牛肉麵，其他的食物出品都很有水準，而且份量很龐大很足料，所以又要把這家列為 #dia_飽肚之選 yeahhhh！🥳...🤎麻辣牛肉牛筋麵🌶️🐂🍜 $69麻辣湯底很重口味，夠香辣，而且放了很多很多的酸菜（酸菜的味道把整個辣味都昇華了），超好吃耶！！！用上的麵條比拉麵粗身、但又比烏冬幼身，煮得剛剛好，口感爽彈煙韌。牛肉很腍身很入味，筷子一夾就斷🥢。牛筋同樣也是很腍，不用辛苦牙齒。捧上來的時候，湯碗還是冒煙，熱呼呼的。先吃一口麵條，再喝一湯匙濃濃的麻辣湯，感覺很搭配很棒！不過湯底可能會有點鹹，可以問店家拿杯冰水🧊中和一下味蕾喔～-🤎台式炸大腸🍢 $39炸大腸外皮沒有很酥脆，但勝在炸得很乾爽，不會「油淋淋」。大腸中間的脂肪部分很邪惡😈，超有嚼勁！！！而且重點是 份量很多 一個人根本吃不完 下次應該要約人和我一起去分享😂

☞ 終於食到呢間長期人龍店🤣不過好彩嘅就係佢可以喺GULU拎飛，可以行住等🤪晚市時間大約等咗一個鐘左右就可以入座，大家記得唔餓嘅時候拎定飛，再喺附近行陣就差唔多👍🏻.🍴麻辣牛肉麵（$65）/ 最招牌嘅當然係佢哋嘅牛肉麵同蛋餅，今次嗌咗呢個麻辣牛肉麵，一上枱有啲嚇親🤣超級大塊厚肉嘅牛肉🥩同平時出面食開嘅薄牛肉爭好遠！咬落去超級腍，但可惜嘅係完全無味🥲同個湯格格不入咁，如果可以煮得入味啲就100分！/ 湯底好濃好好飲🤣辣度適中。而今次嗌咗普通麵條都好好咬口，我見佢嘅刀削麵都好吸引咁😋/ 題外話，當時一坐低就聞到隔離枱個拌麵超級香！問返店員佢話係麻辣肉燥拌麵🤩下次一定要試呢個！

每一個月都要食阿木以前都係去開佢哋廣華街分店，今次一於試吓豉油街分店估唔到人流一樣係咁多，大概1:00嘅時間嚟到都排咗半個鐘果然人氣冇減過叫咗佢哋嘅招牌炸豬扒配滷肉飯份量真係好多，豬扒好大塊，其實一啲都唔會乾鞋，肥瘦適中炸皮唔會分離。飯嘅份量亦都好多建議女孩子可以同店員講少飯，魯肉份量唔多但係啱啱好送飯同豬扒另外點少得叫我最愛嘅小食，台式蛋餅，驚平時多數都係食肉鬆今次試吓叫芝士粟米，蛋嘅份量好似比起肉鬆餡多，超級滑，配埋芝士粟米鹹鹹地甜甜地都幾好食，雖然個人都係比較喜歡肉鬆最後點少得飲埋歌芝士奶蓋烏龍茶加仙草，佢哋嘅芝士奶蓋我覺得拍得住出邊嘅手沖飲品

今日去旺角, 朋友未放工, 去食個午餐先. 行過見到呢間以為係賣台灣食品舖, 點知原來裡面有嘢食. 食品全部都係台灣製造, 有好多都係自家製品牌添, 有鳳梨酥, 乾果, 肉乾, 仲有糉等等.店內裝修簡約, 以木製為主, 感覺舒適.紅燒牛肉麵點左台灣名物既紅燒牛肉麵, 麵質彈牙爽口, 唔會太軟太腍, 相當好, 牛肉帶少筋, 超級非常腍, 入口即溶, 唔使點咬, 湯底濃, 好多蔥, 如果唔太鍾意蔥既朋友記得走蔥, 呢度多數食物都可以選擇多飯, 多肉燥, 走蔥, 走酸菜等, 符合各人口味.炸花枝丸熱辣辣, 外面炸到脆卜卜, 裡面彈牙花枝. 好好味!台式檸檬紅茶本來想叫珍珠奶茶, 見到有台式檸檬紅茶, 試下同港式有咩唔同, 都有香檸檬味, 但茶味更濃. 係炎夏一個好選擇!

今日去咗食台灣嘢，我發現舖頭有好多台灣嘢食賣，而且樣樣都好吸引！好想試下個花生醬蛋捲，但因為嗰日拎住太多嘢所以冇買到，過幾日一定要去買翻盒嚟食！🍝麻辣肉燥拌面阿木啲嘢食全部都好大份，我同朋友食咗一個鐘都食唔曬，飽到癲！本身驚拌麵會好乾，但係因為有麻辣醬，所以個麵一啲都唔乾。麻辣醬好香，食到有少少蝦味，撈麵食或者撈飯食都一流！另外麻辣醬唔會好辣，但就比較麻！😋炸甜不辣除咗啲麵大份之外，小食都好大份！我一直都好想食甜不辣，今次終於比我食到！甜不辣食落有少少似炸嘅魚肉，好煙韌之餘仲甜甜地。就咁食都唔錯，但係我比較鍾意有調味粉嘅甜不辣～🍹白桃四季春呢杯嘢飲我嗌咗少甜。白桃同四季春好夾，嘢飲底下仲有啲白桃果肉，正！

之前未有新店時，成日見佢排長龍，都冇機會試，依家開左間新店，終於唔洗等咁耐。餐廳門口仲有好多野食買，有鳳梨酥、牛肉乾、蛋卷等等，臨近端午節，仲有自家製既糭。肉燥拌麵麵條口感軟硬適中，肉燥香口，跟拌麵很夾。最近因為個肚不適，所以冇選麻辣口味，點知每張檯都放有一樽自家製麻辣醬，最後忍唔住都試左少少，麻辣醬好香，用來拌麵一流。仲可以買一樽返屋企食，咁好食，我梗係又忍唔住買左。台灣小香腸小香腸煎到外皮香脆可口，加埋蒜片一齊食仲好食！白桃四季春四季春茶味香濃，與清甜的白桃超夾，超級清涼解渴。

💛嗰日晏就去食都幾多人等位入到去環境好迫，要側身先坐到埋位，肥少少都唔掂🤣同唔知係咪因為多人，現場冷氣唔係好大，大熱天時入去食到一半都仲未覺得涼不過食物整體黎講都係高質既，食物好大份 係個肉鬆蛋餅冇想像中咁好食，食落淨係得肉鬆味，個蛋皮係冇咩味🤣不過中意肉鬆既可以一試Sorry for食完先記得影😢😢

幾個月前去過廣華街分店，夜晚排長龍，但係食物水準頗高，值得再去。🥳最近，喺豉油街開左新鋪。第一次用app(TheGulu)預先拎飛，好快就可以入座。 🍜紅燒牛肉牛筋麵 $69牛肉牛𦟌幾厚切大塊，，煮得夠軟稔。牛筋特別多，骨質味重。麵底不過不失，配合唔少酸菜，幾開胃。🧀芝士肉鬆蛋餅 $42蛋餅係幾受歡迎嘅招牌菜。蛋餅外皮比較煙靭，偏向腍身。內裏超多肉鬆，多到容易滿瀉，而芝士相對肉鬆嚟講無咁突出。🍗鹽酥雞 $38炸得香脆，雞肉尚算嫰滑，自己落埋鹽酥粉後就更惹味。份量唔少，適合2 個朋友分享,每人分到4-5件。🌭台灣腸便當 $52 肉燥非常惹味，送飯一流。台灣腸好有咬口,鎖住啲肉汁，唔會太肥膩, 可以夾埋生蒜食。另有三個配菜 滷蛋 、大腸 同酸菜 。🍍金鑽鳳梨汁 （跟餐+$17）（原價：$34）叫咗三分甜少冰，幾清新，飲到底食到啲鳳梨果肉，甜甜酸酸。🧋芝士岩鹽奶蓋四季春青茶（跟餐+$19）（原價：$38）鍾意奶蓋嘅值得一試，因為奶蓋佔整杯嘢飲嘅大部分，味道有少少鹹，creamy得嚟唔會太膩。而四季春茶味香濃。除咗豐富嘅台灣熟食，仲可以買到自家品牌台灣食品，有出名嘅鴨血粉、花生蛋卷、自家製鳯梨

好耐冇食台灣菜啦！今日同朋友係旺角行街，商量後決定一起食阿木台灣麵。肉燥拌麵 $42之前試過飯同湯麵，今次試吓拌麵先！拌麵有醬汁、肉同青瓜。碗麵好大，$42真係好抵，最後食唔晒🤣。醬汁亦都足夠，成碗面都有味。拌麵麵質Q彈，肉燥又夠，非常出色。芝士玉米蛋餅 $40蛋餅好足料，啲粟米滿到瀉。入面嘅雞蛋好濃味，配上蔥粒，食落特別香。粟米好甜，分量十足，加埋芝士又有另一番風味。冬瓜茶(中)(少冰)(微甜) $22冬瓜茶好冰凍，好清甜！叫咗微甜之後啱啱好，好fresh，啱晒夏天飲！阿木台灣麵仲賣緊好多台式美食，好多都係自家出品㗎！例如有台灣蜜餞同阿木梅梅，呢兩款都有好多味道選擇。另外仲有其他牌子嘅牛肉乾同蛋捲，都有供應唔同味道。最近就到端午節，阿木台灣麵都有出自家製干貝鮮肉糭。咁多台灣美食，好想買晒返屋企試吓！